Двери СИЗО

Сурхондарёда "самосуд": мураббийни ҳимоялаб, тўққизтаси 3 кишини дўппослади

315
(Янгиланган 12:53 17.11.2020)
Тергов жараёнида аниқланишича, 3 ноябрь куни спорт мактаби директори 31 ёшли Бекзод ва 25 ёшли Жахонгирлар ўртасида келиб чиққан жанжал натижасида, мактаб директорига тан жароҳати етказилган.

ТОШКЕНТ, 17 ноя - Sputnik. Интернет тармоқларида "Сурхондарёда бир гуруҳ спорт мактаби тарбияланувчилари самосуд уюштириб, катта жанжал келтириб чиқарди" номи остида видео тарқалган эди.

Тергов жараёнида аниқланишича, 3 ноябрь куни спорт мактаби директори 31 ёшли Бекзод ва 25 ёшли Жахонгирлар ўртасида келиб чиққан жанжал натижасида, мактаб директорига тан жароҳати етказилган.

Эртаси куни Шўрчи туманида яшовчи 37 ёшли Шухрат Э., ўзининг мураббийи бўлган спорт мактаб директори Бекзодга етказилган тан жароҳати учун ўч олиш мақсадида, танишлари Абдувосит (28 ёш), Жасурбек (26), Баходир (28), Жахонгир (31), Ойбек (25), Азизбек, Азамат ва Сундарбек (29 ёш)лар билан биргаликда бир гуруҳга бирлашган.

Гуруҳ "Бобур" маҳалласидаги ошхонада чой ичиб ўтирган, Жахонгир ва унинг Хуршид (24 ёш) ҳамда Равшан (26 ёш)ларнинг ёнига бориб, ўзлари билан олиб келган бита ва қўлларига тушган стул ҳамда бошқа жисмлар билан Жаҳонгирни дўппослай бошлашган. Жаҳонгирни ёнидаги Равшан ва Хуршид можарога ажратиш учун аралашганларида, "самосудчилар" гуруҳи уларни ҳам уриб дўппослаб, тан жароҳати етказишган.

Суд-тиббий экспертиза хулосасида, фуқаро Жахонгир А., ва Хуршид А.,ларга "енгил" тан жароҳати етказилганлиги кўрсатилган.

Мазкур ҳолат юзасидан 5 ноябрь куни Шўрчи туман ИИБ ҳузуридаги Тергов бўлими томонидан фуқаро Шухрат Э., ва бошқаларга нисбатан Ўзбекистон Республикаси Жиноят кодексининг 277-моддаси 2-қисми "б,в" ва 277-моддаси 3-қисми "г" банди билан жиноят иши қўзғатилган.

Тергов ҳаракатлари давомида Абдувосит, Жасурбек,  Баходир, Жахонгир, Ойбек, Азизбек, Азамат, Сундарбек ва 37 ёшли Шухратларга нисбатан Ўзбекистон Жиноят кодексининг 277-моддаси 3-қисми “г” банди билан айблов эълон қилиниб, ҳар бирига нисбатан "қамоққа олиш" тарзидаги эҳтиёт чораси қўлланилган.

Ҳозирда тергов ҳаракатлари давом эттирилмоқда, тергов якунига кўра, юқоридаги ҳолатда иштирок этган ҳар бир шахснинг ҳаракатларига қонуний баҳо берилиши таъминланади, деб хабар қилади Ўзбекистон ИИВ ҳузуридаги Тергов департаменти.

315

Пандемия шароитида Янги йилни қандай нишонламоқчисиз?

0
0
Картофель

Картошкани қандай тўғри истеъмол қилиш керак шифокор тавсияси

178
Юқори малака тоифадаги эндокринолог Елена Губкина картошкани пишириш ва истеъмол қилиш усуллари юзасидан фикрларини билдирди.

ТОШКЕНТ, 2 дек — Sputnik. Юқори малака тоифадаги эндокринолог Елена Губкина картошкани пишириш ва истеъмол қилиш усуллари юзасидан фикрларини билдирди. РИА Новости хабарига асосан.

Унинг сўзларига кўра, картошкани пўчоғи билан истеъмол қилмаслик керак, чунки унда тупроқ ва ҳаводан зарарли моддалар тўпланади.

"Шунингдек, картошкани жуда юқори ҳароратда пиширмаслик керак", - дейди мутахассис.

Бунда қовурилганидан сўнг сабзавот ёғ ва токсинлар билан тўйинади, тозаланган картошкани қайнатиш ёки буғда пишириш яхшироқ, чунки бу ҳолда сабзавот максимал миқдорда озуқа моддалари - калий, натрий, Б6 витаминини беради.

Шифокор соғлиққа зарар бўлмаслиги учун 200-300 грамм картошкани ҳафтасига 2 марта истеъмол қилишни тавсия қилди.

178
Национальная валюта Узбекистана — сум

Пенсия таъминотига доир қонун лойиҳаси тайёрланди

146
Молия вазирлиги “Фуқароларнинг давлат пенсия таъминоти тўғрисида”ги Ўзбекистон Республикаси Қонунига ўзгартишлар киритишга доир ҳужжат тайёрлади.

ТОШКЕНТ, 2 дек — Sputnik. Молия вазирлиги “Фуқароларнинг давлат пенсия таъминоти тўғрисида”ги Ўзбекистон Республикаси Қонунига ўзгартишлар киритиш ҳақида Ўзбекистон Республикаси Қонуни лойиҳасини тайёрлаб, умумий муҳокамага қўйди.

Лойиҳанинг асосий мақсади - “Ногиронлиги бўлган шахсларнинг ҳуқуқлари тўғрисида” 2020 йил 15 октябрдаги қонунига асосан, “Фуқароларнинг давлат пенсия таъминоти тўғрисида”ги қонунида белгиланган “ногирон” деган атамани “ногиронлиги бўлган шахс” атамасига алмаштириш.

- меҳнат қобилиятини йўқотган ногиронлиги бўлган шахсга меҳнат қобилияти тикланганлиги ёки узрсиз сабабларга кўра қайта кўрикдан ўтишга келмаганлиги оқибатида пенсияси тўхтатиб қўйилиб, беш йилдан муддатдан сўнг шахсни такроран ногиронлиги бўлган шахс деб эътироф этилганида, амалда бўлган қонунчилик талабларидан келиб чиқиб ногиронлик пенсиясини тайинлаш.

- пенсионернинг вафоти муносабати билан унинг вафот этган ойдаги пенсия пулини оила аъзоларига тўлиқ миқдорда тўлаш.

Таъкидланишича, қонун лойиҳасининг қабул қилиниши Давлат бюджетидан ҳамда Молия вазирлиги ҳузуридаги бюджетдан ташқари Пенсия жамғармасидан йилига 4,4 млрд сўм қўшимча маблағ талаб этилади.

146