Пациент на больничной койке

Беҳзод Мусаев: Ўзбекистонда коронавирус билан касалланганлар деярли қолмади

492
(Янгиланган 18:19 20.12.2020)
Бош вазир ўринбосари Беҳзод Мусаевнинг маълум қилишича, касаллик аниқланган биринчи кундан бошлаб давлат раҳбари ҳукумат олдига аниқ вазифалар қўйган. Бугунга келиб бу ўз натижасини бермоқда.

ТОШКЕНТ, 20 дек — Sputnik. Ўзбекистонда бугун коронавирус билан касалланганлар деярли қолмади. Бу ҳақда Ўзбекистон бош вазири ўринбосари Беҳзод Мусаев “Тошкент ёшлар форуми –2020” маросимидаги чиқишида маълум қилди.

COVID иккинчи тўлқини, вакцина ва ислоҳотлар: ССВ янги раҳбари билан интервью

Унинг сўзларига кўра, касаллик аниқланган биринчи кундан бошлаб давлат раҳбари ҳукумат олдига аниқ вазифалар қўйган.

“Биронтамизга тинчлик бермадилар, бир кун ҳам дам бермадилар. Асосий мақсад – халқимиз соғайиб кетсин. Пандемия даврида соғлиқни сақлаш тизимига шунчалик кўп пул берилдики, қиёсий маънода буни 30 йил давомида тизимга ажратилган маблағдан ҳам кўпроқ бўлди, деб айтиш мумкин. Дунёнинг исталган нуқтасидан шу касалликни даволаш учун керак бўлган дорилар етказиб келинди. Хориждан мутахассислар олиб келинди. Натижада бугун Ўзбекистонда коронавирус билан касалланганлар деярли қолмади”, - деди Мусаев ўз нутқида давомида.

Ўзбекистонда тўққиз кундан буён COVID-19 дан ўлим кузатилмаяпти

Сўнгги маълумотларга кўра, Ўзбекистонда коронавирус билан касалланганларнинг умумий сони 75 933 нафарга етган. Шулардан 73 242 нафари тузалиб кетган. Пандемия бошлагандан буён жами 612 киши қурбон бўлган.

492
Теглар:
Ўзбекистон янгиликлари, Беҳзод Мусаев, коронавирус пандемияси, Ўзбекистон
узбекский региональный аэропорт

Эрон авиакомпанияси Самарқанд ва Бухорога парвозларни йўлга қўймоқчи

47
Транспорт вазирлигида Эроннинг “Zagros Airlines” авиакомпанияси вакиллари билан учрашув бўлиб ўтди.

ТОШКЕНТ, 22 янв — Sputnik. Zagros Airlines Самарқанд ва Бухорога авиақатновларни йўлга қўймоқчи.

Бугун Транспорт вазирлигида Эроннинг “Zagros Airlines” авиакомпанияси вакиллари билан учрашув бўлиб ўтди.

Транспорт вазири ўринбосари Жасурбек Чориев ва “Zagros Airlines” авиакомпаниясининг Ўзбекистондаги бош вакили Мортеза Шейхассани билан бўлиб ўтган мулоқотда икки давлат ўртасида мунтазам ҳаво қатновларини қайта тиклаш масаласи муҳокама қилинди.

Шунингдек, авиакомпания вакиллари йўналишлар географиясини кенгайтириш, транзит салоҳиятини ривожлантириш ва парвозлар сонини ошириш бўйича қатор таклифларни билдирди. Хусусан, “Zagros Airlines” авиакомпанияси Эроннинг турли шаҳарларидан Самарқанд ва Бухорога авиарейслар қўйиш истагида эканлигини маълум қилди. 

47
Разметка выделенной полосы для движения общественного транспорта

Тошкент кўчаларида “А” махсус ажратилган йўлаклар ташкил этилади - рўйхат

60
Автобус, йўналишли такси, тез тиббий ёрдам, ўт ўчирувчи машиналар ҳаракати учун Тошкент шаҳридаги 10 та кўчаларда алоҳида ажратилган йўлаклар ташкил этиш режалаштирилмоқда.

ТОШКЕНТ, 22 янв — Sputnik. Автобус, йўналишли такси, тез тиббий ёрдам, ўт ўчирувчи машиналар ҳаракати учун Тошкент шаҳридаги 10 та кўчаларда алоҳида ажратилган йўлаклар ташкил этиш режалаштирилмоқда.

Тошкент шаҳридаги 10та кўча:

1. Бобур кўчаси (Халқаро аэропорт бекатидан Сеул кўчаси кесишмаси);

2. Фурқат кўчаси (Сеул кўчасидан Ислом Каримов кўчаси кесишмаси);

3. Кичик ҳалқа айланма йўли (Шота Руставели кўчасидан Фарход кўчаси кесишмаси);

4. Фарход кўчаси (Кичик ҳалқа айланма йўлидан Лутфий кўчаси кесишмаси);

5. Лутфий кўчаси (Фарход кўчасидан Муқимий кўчаси кесишмаси);

6. Муқимий кўчаси (Лутфий кўчасидан Шота Руставели кўчаси кесишмаси);

7. Фарғона йўли кўчаси (Қўшкўприк кўчасидан Қўйлиқ ота кўчаси кесишмаси);

8. Истиқбол кўчаси (Нукус кўчасидан Шаҳрисабз кўчаси кесишмаси);

9. Ахмад Дониш кўчаси (Тошкент ҳалқа айланма йўлидан Нурафшон кўчаси кесишмаси);

10. Себзор кўчаси (Нурафшон кўчасидан Абдулла Қодирий кўчаси кесишмаси)га қадар алоҳида йўлаклар ажратиш кўзда тутилмоқда.

60
Теглар:
ИИВ, Тошкент, Ўзбекистон