Раҳматжон Қурбонов қобилиятли санъаткор эди - Ҳамид Сапаев

197
(Янгиланган 12:58 19.01.2021)
Рахматжон Қурбонов қўшиқчилик санъатини эстрададан тортиб мақомгача, халқ қўшиқларигача ўрганган инсон эди эди.

ТОШКЕНТ, 19 янв - Sputnik. Раҳматжон Қурбонов нафақат мен учун, балким бутун Хоразм халқи,  ўзбек халқи учун буюк санъаткор инсон эди. У кишида Худо берган қобилият, талант бор эди, дейди Ўзбекконцертнинг Хоразм вилояти бўлими бошлиғи Ҳамид Сапаев Sputnik мухбирига.

Заслуженный артист Узбекистана и Каракалпакстана Рахматжон Курбонов
Пресс-служба Минкультуры Узбекистана

У киши қўшиқчилик санъатини эстрададан тортиб мақомгача, халқ қўшиқларигача ўрганган эди. Ундан ташқари адабиёт ва санъатнинг барча турларини жуда яхши биладиган инсон эди. Мен у кишидан кўп маротаба маслаҳатлар олганман, кўп нарсани ўрганганман.

Раҳматжон Қурбонов менга яқин дўст эди. Биз у киши билан тез тез мулоқот қилиб турар эдик. У киши жуда камтар, ўзини қўлда ушлаб тура оладиган, ақлли инсон эдилар. Айтадиган ҳар бир сўзини ўйлаб айтар эди. У кишидан бирор марта бекорчи, арзимас гапларни эшитмаганман,- дейди Сапаев.

Ўзбекистон ва Қорақалпоғистонда хизмат кўрсатган артист, “Лазги” ансамблининг собиқ раҳбари Аҳмаджон Қурбонов 18 январ куни вафот этган эди. 

 

197
В рамках гуманитарной операции «Мехр-4» из Афганистана в Узбекистан возвращены 24 соотечественника

“Меҳр-4”: Афғонистондан 24 нафар ўзбекистонлик қайтарилди

202
(Янгиланган 17:58 03.03.2021)
“Меҳр-4” операцияси доирасида 24 нафар фуқаро Афғонистондан Ўзбекистонга қайтарилди. Улар тиббий кўрикдан ўтказилиб, Термиз туманидаги даволаш ва соғломлаштириш маркази биносига жойлаштирилган

ТОШКЕНТ, 3 мар — Sputnik. “Меҳр-4” операцияси доирасида Афғонистондан 24 нафар ўзбекистонлик ватанга қайтарилди. Бу ҳақда Сурхондарё вилояти ИИБ ахборот хизмати хабар қилмоқда.

Таъкидланишича, улар Афғонистон ва Покистон ҳудудларида ташкил этилган халқаро террорчилик ташкилоти сафларига қўшилиб қолишган. Кейинчалик Афғонистон ҳудудига ўтишган ва ушбу ҳудудда яшашган.

Афғонистоннинг ҳамкор ташкилотлари кўмагида олиб келинган ушбу шахслар Сурхондарё вилоятининг Термиз тумани ҳудудида жойлашган “Айритом” чегара пости орқали кутиб олинган. Маҳаллий ОАВларнинг ёзишича, олиб келинганлардан 19 нафарини болалар ташкил этмоқда, 4 нафар бола етим. 

Улар тиббий кўрикдан ўтказилиб, вилоят ҳокимияти, Давлат хавфсизлик хизмати вилоят бошқармаси, вилоят Ички ишлар бошқармаси ҳамда соғлиқни сақлаш муассасалари раҳбарлари иштирокида Термиз туманидаги даволаш ва соғломлаштириш маркази биносига жойлаштирилган.

В рамках гуманитарной операции «Мехр-4» из Афганистана в Узбекистан возвращены 24 соотечественника
Пресс-служба УВД Сурхандарьинской области
В рамках гуманитарной операции «Мехр-4» из Афганистана в Узбекистан возвращены 24 соотечественника

Эслатиб ўтамиз, 2019 йилда май ойида  “Меҳр-1”  инсонпарварлик операцияси доирасида 156 нафар ўзбекистонлик, асосан, аёллар ва болалар Суриядан қайтарилган эди. Кейинчалик “Меҳр-2" операцияси амалга оширилиб, Ироқдан 64 нафар ўзбекистонлик бола мамлакатга олиб келинди. Ўтган йил декабрь ойида “Меҳр-3” доирасида яна 98 нафар ўзбекистонлик аёллар ва болалар Ватанга қайтарилди.

202
Туристы в Узбекистане

Ўзбекистонда моддий аҳволи оғир аёлларга бепул саёҳат уюштирилмоқда

134
Айни кунда республиканинг барча ҳудудларида ижтимоий, ҳуқуқий ва психологик қўллаб-қувватлашга муҳтож, билим ва касб ўрганишга эҳтиёжи ва иштиёқи бор бўлган ишсиз хотин-қизлар муаммоларини ҳал этиш бўйича тизимли чора-тадбирлар амалга оширилмоқда

ТОШКЕНТ, 3 мар - Sputnik. Касаба уюшмалари Федерацияси "Аёллар дафтари"га кирган хотин-қизлар учун бепул саёҳатлар ташкил этмоқда. Бу ҳақда Sputnik Ўзбекистон мухбирига Ўзбекистон касаба уюшмалари Федерацияси Матбуот хизмати раҳбари Муҳаббат Ўрмонбекова хабар қилди.

Хусусан, Касаба уюшмалари Федерацияси томонидан республиканинг турли ҳудудларида яшовчи, "Аёллар дафтари"га кирган аёллар учун Хоразм вилоятидаги тарихий обидалар бўйлаб бепул саёҳатлар ташкил этилмоқда.

Эслатиб ўтамиз, Касаба уюшмалари Федерацияси раиси мутасаддилигида Маҳалла ва оилани қўллаб-қувватлаш вазирлиги ҳамда тегишли масъул ташкилотлар раҳбарлари таркибида "Аёллар муаммоларини тизимли равишда ҳал этиш, уларни ижтимоий қўллаб-қувватлаш бўйича республика комиссияси" фаолияти йўлга қўйилиб, "Аёллар дафтари"ни шакллантириш ишлари амалга оширилмоқда.

Айни кунда республиканинг барча ҳудудларида мазкур дафтарга киритилган ижтимоий, ҳуқуқий ва психологик қўллаб-қувватлашга муҳтож, билим ва касб ўрганишга эҳтиёжи ва иштиёқи бор бўлган ишсиз хотин-қизлар муаммоларини ҳал этиш бўйича тизимли чора-тадбирлар амалга оширилмоқда.

Хусусан, "Аёллар дафтари"га 30 ёшдан ошган 9 тоифадаги, яъни ижтимоий ҳимояга муҳтож бўлган ишсиз, боқувчисини йўқотган эҳтиёжманд, ижтимоий ёрдамга муҳтож I ва II гуруҳ ногиронлиги бўлган, уй-жойини таъмирлашга муҳтож I гуруҳ ногиронлиги бўлган, нотурар жойларда истиқомат қилаётган, қарамоғида бир ва ундан ортиқ I ёки II гуруҳ ногиронлиги бўлган фарзандлари мавжуд ёлғиз аёллар, шунингдек, тиббий ҳимоя, ҳуқуқий ёрдам ва психологик маслаҳатга муҳтож эҳтиёжманд аёллар аниқланиб, уларга жойида амалий ёрдам кўрсатилмоқда.

Республика даражасида ҳал этиладиган муаммолар бўйича эса "Йўл хариталари" тузилиб, кўплаб масалаларга ечим топилмоқда.

134
Президент Узбекистана принял делегацию ОАЭ

Мирзиёев БАА энергетика вазирини қабул қилди кўриб чиқилган масалалар

200
(Янгиланган 20:31 03.03.2021)
Шавкат Мирзиёев Бирлашган Араб Амирликлари энергетика ва инфратузилма вазири Суҳайл ал-Мазруий бошчилигидаги делегацияни қабул қилди.

ТОШКЕНТ, 3 мар — Sputnik. Ўзбекистон президенти Шавкат Мирзиёев Бирлашган Араб Амирликлари энергетика ва инфратузилма вазири Суҳайл ал-Мазруий бошчилигидаги делегацияни қабул қилди.

Президент Узбекистана принял делегацию ОАЭ
Пресс-служба президента Узбекистана
Президент Узбекистана принял делегацию ОАЭ

Учрашувда кўп қиррали Ўзбекистон-БАА ҳамкорлигини янада кенгайтиришнинг долзарб масалалари кўриб чиқилди.

Суҳбатда хусусий инвестицияларни жалб қилган ҳолда, шу жумладан қишлоқ хўжалиги маҳсулотларини етиштириш ва қайта ишлаш, Амирликлар бозори ва учинчи мамлакатларга етказиш бўйича агросаноат тармоғида қўшма лойиҳаларни илгари суришга алоҳида эътибор қаратилди.

Муқобил энергиядан фойдаланиш соҳасида, энергетика ва бошқа муҳим инфратузилма объектларини модернизация қилиш, замонавий меҳмонхона мажмуаларини барпо этиш бўйича йирик лойиҳаларни фаол ишлаб чиқиш ва амалга оширишни давом эттиришга, шунингдек, янги ишбилармонлик ташаббуслари доирасида инвестициялар портфелини кенгайтириш ва молиявий-техник кўмак дастурларини рўёбга чиқаришга келишиб олинди.

Бундан ташқари, таълим соҳасида самарали ҳамкорликни кенгайтириш ҳамда Бирлашган Араб Амирликларининг етакчи ташкилотлари иштирокида бошқарув соҳасида миллий кадрларни тайёрлаш муҳим экани таъкидланди.

200
Теглар:
БАА, Тошкент, Шавкат Мирзиёев, Ўзбекистон