Плакат в честь пропавшего футболиста Эмилиано Сала

Сўнгги умид сўнди: жасад футболчи Эмилиано Саланики эканлиги тасдиқланди

456
Франция терма жамоаси ва “ПСЖ” клубининг ҳужумчиси Килиан Мбаппе ўзининг Instagram саҳифасида “Жойинг жаннатда бўлсин” деган пост эълон қилди.

ТОШКЕНТ, 8 фев – Sputnik. Британиянинг Дорсет графлиги полицияси “Кардифф” клубининг аргентиналик ҳужумчиси Эмилиано Сала ҳалокатга учраган самолёт бўлаклари ичидан топилган жасад футболчига тегишли эканлигини тасдиқлади. Бу ҳақда РИА Новости хабар қилди.

Самолёт душанба куни Ла-Манш бўғозида топилган эди.

Футболчининг қариндошларига экспертиза натижалари ҳақида хабар қилинди. Учувчи Дэвид Ибботсоннинг жасади ҳозирча топилгани йўқ.

Фожиа тафсилотларини текшириш давом этмоқда.

Жаҳон футболи юлдузлари Эмилиано Сала оиласига ҳамдардлик билдиришмоқда. Франция терма жамоаси ва “ПСЖ” клубининг ҳужумчиси Килиан Мбаппе ўзининг Instagram саҳифасида “Жойинг жаннатда бўлсин” деган пост эълон қилди.

Посмотреть эту публикацию в Instagram

Публикация от Kylian Mbappé (@k.mbappe)

456

Йил давомида 3,6 млн қадам юрган кишиларга имтиёз берилади

255
(Янгиланган 19:50 23.09.2020)
Бир кунда камида 10 минг, бир ой давомида 300 минг, бир йил давомида 3,6 млн қадам юрган шахсга барча давлат хизматлари кўрсатиш соҳасида 50 фоиз имтиёз берилишини ҳамда спорт иншоотларидан фойдаланиш учун абонемент тақдим этилиши мумкин.

ТОШКЕНТ, 23 сен — Sputnik. “Оммавий спортни ривожлантириш ва соғлом турмуш тарзини ҳар бир фуқаронинг ҳаётига киритишга қаратилган чора-тадбирлар тўғрисида”ги президент қарори лойиҳаси умумий муҳокамага қўйилди.

Ҳужжатда  “Жисмоний тарбия ва спорт вазирлиги Адлия вазирлиги, Соғлиқни сақлаш вазирлиги, Молия вазирлиги билан биргаликда 2021 йил 1 февралга қадар:

а) аҳолини кунлик юриш ва югуришга тарғиб қилиш мақсадида “Янги нафас” платформасини яратсин ва унинг ишлаш тартибини тасдиқласин. Бунда, бир кунда камида ўн минг, бир ой давомида уч юз минг, бир йил давомида 3,6 млн қадам юрган шахсга барча давлат хизматлари кўрсатиш соҳасида 50 фоиз имтиёз берилишини ҳамда спорт иншоотларидан фойдаланиш учун абонемент тақдим этилишини назарда тутсин;

б) Адлия вазирлиги “Янги нафас” платформасини давлат хизматлари кўрсатиш тизими билан интеграция қилинишини таъминласин”, - дейилган.

Шунингдек, қарорга “Пандемияни спорт орқали енгамиз!” ғоясини ўзида мужассам этган Ўзбекистон Республикасида 2020-2021 йилларда спорт сиёсатини жадаллаштириш дастури илова қилинган.

255
Полузащитник Жасур Жалолиддинов

“Локомотив” Жасур Жалолиддиновни РПЛ рўйхатидан чиқарди

373
Клуб Жасур Жалолиддиновни 28 августда Премьер Лига учун рўйхатдан ўтказган эди. Бироқ жамоа 19 сентябрь куни Жасурни РПЛ рўйхатидан чиқарди.

ТОШКЕНТ, 20 сен — Sputnik. Москванинг “Локомотив” ўзбекистонлик ярим ҳимоячи Жасур Жалолиддиновни РПЛ қайдномасидан чиқарди.

Клуб Жасур Жалолиддиновни 28 августда Премьер Лига учун рўйхатдан ўтказган эди. Бироқ жамоа 19 сентябрь куни Жасурни РПЛ рўйхатидан чиқарди ва унинг ўрнига черногориялик Лука Жорживични рўйхатдан ўтказди.

ОАВ хабарига кўра, “Локомотив” Жалолидиновни тез орада бошқа жамоага ижарага бериб юбориши мумкин. 

19 ёшли ярим ҳимоячи ёзда “Бунёдкор”дан “Локомотив” клубига трансфер қилинган эди. Жасур клуби сафида машғулотларда иштирок этган бўлса-да, ҳали дебютини ўтказмаган эди.

373

Тун давомида яна 220 кишида COVID-19 аниқланди: уларнинг деярли ярми Тошкентда

11
Ўзбекистонда коронавирус билан касалланганларнинг умумий сони 53 667 нафарга етди. Қурбонлар сони 445 кишини ташкил этмоқда.

ТОШКЕНТ, 24 сен — Sputnik. Ўтган тун давомида Ўзбекистонда яна 220 кишининг коронавирусга топширган тести мусбат чиқди. Жами беморлар сони 53 667 нафарга етди. Бу ҳақда Соғлиқни сақлаш вазирлиги хабар қилмоқда.

Янги касалланганларнинг 101 нафари Тошкент шаҳрида, 35 нафари Қашқадарё вилоятида, 19 нафари Сурхондарё вилоятида, 13 нафардан Бухоро ва Жиззах вилоятларида, 12 нафардан Самарқанд ва Сирдарё вилоятларида, 7 нафари Фарғона вилоятида, 5 нафари Навоий вилоятида, 3 нафари Қорақалпоғистон Республикасида фуқаролар орасида аниқланган.

Шу билан бирга, 1 нафар коронавирусга чалинган бемор вафот этди. Жами қурбонлар сони 445 нафарни ташкил этмоқда.

Ш пайтга қадар 49 832 нафар коронавирус инфекциясига чалинган фуқаролар (93 фоиз) соғайган.

Ҳозирда мамлакатда 3 390 нафар бемор даволанмоқда.

11