“Император” укаси Ҳабибнинг жангларини танқид қилди

584
Россиялик аралаш яккакураш жангчиси Александр Емельяненко UFC амалдаги чемпиони Ҳабиб Нурмагомедовнинг жангларини томоша қилишни ёқтирмаслик сабабини айтди.

ТОШКЕНТ, 30 cен – Sputnik. Россиялик аралаш яккакураш жангчиси Александр Емельяненко UFC амалдаги чемпиони Ҳабиб Нурмагомедовнинг жангларини кўришни ёқтирмаслик сабабини айтди. Cпорт-РИА Новости хабарига асосан.

7 сентябрь куни Абу-Дабида Ҳабиб Нурмагомедов америкалик жангчи Дастин Пуарье устидан ғалаба қозониб, UFC чемпионлик унвонини ҳимоя қилди.

“Жанг чиройи йўқ. Ҳа, у ҳаммасини тўғри бажаради – рақибини чарчатади ва ғалаба қозонади. Аммо томоша қилиш қизиқ эмас”, - дейди Емельяненко.

Шунингдек, Александр Емельяненко унинг акаси Фёдор билан Нурмагомедовни таққослашни ноўрин деб ҳисоблашини айтди.

“Россияда аралаш жанг санъати кимнинг шарофати билан оммалашди? Уларни бу эрга ким олиб келди? Ким уларни мамлакат бўйлаб тарғиб қила бошлади? Албатта, Фёдор. Барча издошлар, шу қаторда мен ҳам Фёдор изидан бориб, аввал у бошлаган ишни қилди. Биз ҳаммамиз - издошлар”, - деб таъкидлади жангчи.

584

Олимпиада томон: Ўзбекистонда ВМХ велотрассаси қурилади

152
(Янгиланган 16:42 29.05.2020)
Республика раҳбарияти олимпия спорт турларини ривожлантиришга алоҳида эътибор қаратиб, спортни оммалаштириш мақсадида кенг кўламли спорт лойиҳаларини қўллаб-қувватламоқда.

ТОШКЕНТ, 29 май - Sputnik. Жиззах вилоятида велосипед мотокросс билан шуғулланадиган спортчилар учун ВМХ трассаси қурилиши бошланди.

ВМХ Олимпиада дастурига киритилган спорт турларидан биридир.

В Узбекистане будет построена трасса BMX

"Ҳозирда Жиззах вилояти ҳокимлиги Ўзбекистон велосипед спорти федерацияси раҳбарияти билан бирга трасса қуриладиган ҳудудни синчковлик билан ўрганмоқда. Таъкидлаш керакки, ушбу лойиҳа вилоят ҳокимлиги ташаббуси билан амалга оширилмоқда", - деб хабар қилди Ўзбекистон Миллий олимпия қўмитаси.

В Узбекистане будет построена трасса BMX

Ушбу трасса Украина, Франция ва Бельгия мутахассислари томонидан лойиҳалаштирилади.

Халқаро авиарейслар очилгандан кейин, объект қурилишини мутахассислар назорат қилади. Трасса жорий йилнинг сентябр ойида очилиши кутилмоқда.

ВМХ ўзи нима?

ВМХ Racing (велосипедли мотокросс) - бу спорт янги турларидан бири бўлиб, унда иштирокчилар гуруҳларга бўлиниб, тўсиқли қисқа масофаларда беллашадилар. Мусобақанинг барча иштирокчилари пойгани спорт тури билан бир хил номдаги велосипед турида - ВМХда амалга оширадилар.

Ушбу спорт тури Олимпия ўйинлари дастурига 2008 йилда киритилган.

152
Диёр Имамходжаев назначен исполняющим обязанности генерального директора Профессиональной футбольной лиги (ПФЛ)

Диёр Имомхўжаев ЎзПФЛ бош директори этиб тайинланди

187
Диёр Имомхўжаев бунга қадар бош директорнинг спорт ишлари бўйича ўринбосари лавозимида ишлаб келаётган эди.

ТОШКЕНТ, 27 май — Sputnik. Диёр Имомхўжаев Ўзбекистон Профессионал футбол лигаси бош директори вазифасини бажарувчи этиб тайинланди. Бу ҳақда Спорт вазирлиги матбуот хизмати хабар қилди.

Диёр Имомхўжаев Ўзбекистон футбол ассоциацияси президенти Абдусалом Азизовнинг тақдимига биноан ЎзПФЛ Ижроия қўмитаси томонидан бош директор вазифасини бажарувчи этиб тасдиқланган.

У бунга қадар ПФЛ бош директори ўринбосари вазифасида ишлаб келаётган эди.

2019 йил июнь ойидан буён ПФЛга раҳбарлик қилиб келаётган Даврон Шоқурбонов эса 25 май куни ўз аризасига мувофиқ эгаллаб турган лавозимидан озод қилинган.

187
В Джизахе подросток сбил насмерть 6-летнего мальчика

Машинани ўзбошимчалик ҳайдаган ўсмир 6 ёшли боланинг умрига зомин бўлди

43
Қаровсиз қолдирилган “Газ-69” машинани 15 ёшли С.Э. ўзбошимчалик билан ҳайдамоқчи бўлган. Уни юргазиб ўйнаб юрган 6 ёшли болакайни уриб юборган.

ТОШКЕНТ, 31 май — Sputnik. Жиззах вилоятида 6 ёшли бола йўл-транспорт ҳодисаси қурбони бўлди. Бу ҳақда ИИВ ЙҲХББ ахборот хизмати хабар бермоқда.

Қайд этилишича, 30 май куни Шароф Рашидов тумани, “Раваллиқ” МФЙ Гулшан кўчасидаги хонадонларнинг бирига стол ва стул олиб келган “Газ-69” ҳайдовчиси машинасини қаровсиз қолдирган.

Бирга келган унинг 15 ёшли таниши С.Э. автомобилни ўзбошимчалик билан ҳайдамоқчи бўлган. Уни юргазиб, шу уйнинг олдида ўйнаб юрган 6 ёшли Б.Х.ни уриб юборган.

Натижада Б.Х. оғир тан жароҳатлари олиб воқеа жойида вафот этган.

Мазкур ҳолат юзасидан Ўзбекистон ЖКнинг 266-модда 2-қисми билан жиноят иши қўзғатилган.

43