Справа налево: Кэролайн Вейре (Канада) и Ёдгорой Мирзаева (Узбекистан)

Ғалаба, мағлубият ва норозилик: Мирзаева ЖЧнинг ярим финалига чиқди

374
(Янгиланган 18:21 08.10.2019)
Ёдгора Мирзаева бокс бўйича жаҳон чемпионатининг кейинги босқичига ўтишга муваффақ бўлди. Турсуной Раҳимова мағлубиятга учради.

ТОШКЕНТ, 8 окт – Sputnik. Улан-Удеда ўтказилаётган бокс бўйича жаҳон чемпионатида ўзбекистонлик боксчи Ёдгора Мирзаёва канадалик боксчи Кэролайн Вейре устидан ғалаба қозонди, деб хабар қилди РИА Новости.

Вазни 57 килогача бўлган беллашувни ўзбекистонлик спортчи 4:1 ҳисобда ғалаба билан якунлади. Энди Мирзаева мусобақанинг кейинги босқичида иштирок этади.

Мағлубият ва норозилик

Турсуной Раҳимова эса хитойлик Зонжу Каига мағлуб бўлди. Бироқ Ўзбекистон миллий жамоасининг бош мураббийси Камолиддин Муталов Ўзбекистон терма жамоаси ҳакамлар қароридан норози эканлигини билдирди.

Слева направо: Турсуной РАХИМОВА (Узбекистан) и Зонджу Цай (Китай)
© Sputnik / Евгений Биятов
Слева направо: Турсуной РАХИМОВА (Узбекистан) и Зонджу Цай (Китай)

“Раҳимова ҳисоб бўйича юз фоиз ғалаба қозонди. Ҳакамлар ғалабани рақибига беришмоқда, бундай мумкин эмаску! Жанг тенгма-тенг ҳам бўлгани йўқ, ҳисоб эса 4:1. Спортчимиз ҳаммасини талаб даражасида бажарди, биз ундан мамнунмиз. Биз ҳакамлар қароридан норозимиз ва протест киритдик”, - деб таъкидлади Муталов.

374

Олимпиада томон: Ўзбекистонда ВМХ велотрассаси қурилади

152
(Янгиланган 16:42 29.05.2020)
Республика раҳбарияти олимпия спорт турларини ривожлантиришга алоҳида эътибор қаратиб, спортни оммалаштириш мақсадида кенг кўламли спорт лойиҳаларини қўллаб-қувватламоқда.

ТОШКЕНТ, 29 май - Sputnik. Жиззах вилоятида велосипед мотокросс билан шуғулланадиган спортчилар учун ВМХ трассаси қурилиши бошланди.

ВМХ Олимпиада дастурига киритилган спорт турларидан биридир.

В Узбекистане будет построена трасса BMX

"Ҳозирда Жиззах вилояти ҳокимлиги Ўзбекистон велосипед спорти федерацияси раҳбарияти билан бирга трасса қуриладиган ҳудудни синчковлик билан ўрганмоқда. Таъкидлаш керакки, ушбу лойиҳа вилоят ҳокимлиги ташаббуси билан амалга оширилмоқда", - деб хабар қилди Ўзбекистон Миллий олимпия қўмитаси.

В Узбекистане будет построена трасса BMX

Ушбу трасса Украина, Франция ва Бельгия мутахассислари томонидан лойиҳалаштирилади.

Халқаро авиарейслар очилгандан кейин, объект қурилишини мутахассислар назорат қилади. Трасса жорий йилнинг сентябр ойида очилиши кутилмоқда.

ВМХ ўзи нима?

ВМХ Racing (велосипедли мотокросс) - бу спорт янги турларидан бири бўлиб, унда иштирокчилар гуруҳларга бўлиниб, тўсиқли қисқа масофаларда беллашадилар. Мусобақанинг барча иштирокчилари пойгани спорт тури билан бир хил номдаги велосипед турида - ВМХда амалга оширадилар.

Ушбу спорт тури Олимпия ўйинлари дастурига 2008 йилда киритилган.

152
Диёр Имамходжаев назначен исполняющим обязанности генерального директора Профессиональной футбольной лиги (ПФЛ)

Диёр Имомхўжаев ЎзПФЛ бош директори этиб тайинланди

187
Диёр Имомхўжаев бунга қадар бош директорнинг спорт ишлари бўйича ўринбосари лавозимида ишлаб келаётган эди.

ТОШКЕНТ, 27 май — Sputnik. Диёр Имомхўжаев Ўзбекистон Профессионал футбол лигаси бош директори вазифасини бажарувчи этиб тайинланди. Бу ҳақда Спорт вазирлиги матбуот хизмати хабар қилди.

Диёр Имомхўжаев Ўзбекистон футбол ассоциацияси президенти Абдусалом Азизовнинг тақдимига биноан ЎзПФЛ Ижроия қўмитаси томонидан бош директор вазифасини бажарувчи этиб тасдиқланган.

У бунга қадар ПФЛ бош директори ўринбосари вазифасида ишлаб келаётган эди.

2019 йил июнь ойидан буён ПФЛга раҳбарлик қилиб келаётган Даврон Шоқурбонов эса 25 май куни ўз аризасига мувофиқ эгаллаб турган лавозимидан озод қилинган.

187

Россиядаги биринчи коронавирусга қарши дори маъқулланди

46
Таъкидланишича “Авифавир”нинг оралиқ клиник тадқиқотлари маълумотлари дори COVID-19 беморларини даволаш учун юқори самардорлигини тасдиқлаган.

ТОШКЕНТ, 31 май — Sputnik. Россиядаги биринчи COVID-19 коронавирус инфекциясига қарши дори “Авифавир” мамлакат Соғлиқни сақлаш вазирлиги томонидан маъқулланди.

Таъкидланишича “Авифавир”нинг оралиқ клиник тадқиқотлари маълумотлари дори COVID-19 беморларини даволаш учун юқори самардорлигини тасдиқлаган. Ҳозирда унинг якуний клиник тадқиқотлари 330 нафар бемор иштирокида давом эттирилмоқда.

“Авифавир” нафақат Россияда коронавирусга қарши биринчи рўйхатга олинган вирусга қарши дори, балки, эҳтимол, дунёда COVID-19га энг катта истиқболга эга дори ҳамдир. У Россияда рекорд муҳлатда клиник тадқиқотлар давомида ишлаб чиқарилган ва синовдан ўтказилган. Бу унга дунёда “Фавипиравира” негизида биринчи рўйхатдан ўтган дори бўлишига имкон берди”, - дейди РФПП раҳбари Кирилл Дмитриев.

Эслатиб ўтамиз, аввалроқ Россияда COVID-19га қарши самарали дори  “Авифавир” пайдо бўлгани хабар қилинган эди.

46
Мавзу:
COVID-19 умумжаҳон пандемияси