Узбекистанцы вышли в финал чемпионата Азии по боксу

Ёрқин ғалаба: Ўзбекистон боксчилари 8 та олтин ва 3 та кумуш медални қўлга киритди

1323
(Янгиланган 20:38 17.10.2019)
БААнинг Фужайра шаҳрида бокс бўйича ўсмирлар ўртасида Осиё чемпионати финал жанглари ташкил этилади. Ўзбекистон боксчилари 8 та олтин ва 3 та кумуш медал қўлга киритишди.

ТОШКЕНТ, 17 окт – Sputnik. Бугун 11 нафар ўзбекистонлик боксчилари Осиё чемпионлиги учун рингга кўтарилди. Бу ҳақда Ўзбекистон бокс федерацияси матбуот хизмати хабар қилди.

БААнинг Фужайра шаҳрида бокс бўйича ўсмирлар ўртасида Осиё чемпионати финал жанглари ташкил этилди.

Ўзбекистонлик боксчилари 8 та олтин ва 3 та кумуш медал қўлга киритишди.

Ўғил боллар: 57 кг вазнли Билолбек Ихволов финалда Ерасил Ермекка имкониятни бой бериб қўйди ва кумуш медаль билан кифояланди.

60 кг вазнли Бекзод Бекмуродов қозоғистонлик Абзал Серикка қарши жанг қилди ва 2:3 ҳисобида ютқазиб қўйди.

63 кг вазн тоифасидаги Азизбек Тожиев ҳиндистонлик Йогеш Каграни мағлубиятга учратди ва Осиё чемпионига айланди.

70 кг вазнли Логин Петров Осиё чемпионати финалида ҳиндистонлик Раҳулдан устун келди ва олтин медални қўлга киритди.

75 кг вазн тоифасидаги спортчи Нусратбек Тоҳиров хитойлик Пу Янгни мағлубиятга учратди ва олтин медаль соҳибига айланди.

+80 кг вазн тоифасидаги боксчи Жаҳонгир Зокиров қирғизистонлик рақиби Арген Бактибековни нокаутга учратди ва Осиё чемпионига айланди.

Қизлар ўртасида 50 кг вазн тоифасида Феруза Казакова хитойлик рақибаси Ланпинг Денгни мағлуб этди ва Осиё чемпионига айланди.

48 кг вазнли Сабина Бобоқулова ҳиндистонлик рақибаси Таманнадан устун келди ва Осиё чемпионатининг олтин медалига сазовор бўлди.

52 кг вазн тоифасида  Нигина Ўктамова ҳиндистонлик Таннуни мағлубиятга учратди ва олтин медаль соҳибасига айланди.

60 кг вазнли Моҳира Аҳмедова ҳиндистонлик рақибаси Прити Даҳияга имкониятни бой берди ва кумуш медаль билан кифояланди.

63 кг вазнли Азиза Зокирова ҳиндистонлик Ҳушини мағлубиятга учратди ва олтин медалга сазовор бўлди.

Бирлашган Араб Амирликларининг Фужайра шаҳрида бокс бўйича ўсмирлар ўртасида Осиё чемпионати якунига етди. Мусобақада иштирок этган ўзбекистонлик боксчилар мусобақа якунига кўра 20 та медаль қўлга киритишди. Уларнинг 8 таси олтин, 3 таси кумуш ва 9 таси бронза медалларидир. Ушбу натижа орқали Ўзбекистон боксчилари умумжамоа ҳисобида биринчи ўринни қўлга киритишди.

1323
Отабек Умаров

Отабек Умаров спорт ташкилотлардаги раислик лавозимини тарк этди

414
(Янгиланган 16:42 14.08.2020)
Ўзбекистон ММА ассоциацияси ва триатлон федерациясининг қўшма йиғилиши бўлиб ўтди. Унда ташкилий масалалар кўриб чиқилди.

ТОШКЕНТ, 14 авг — Sputnik. Бугун Ўзбекистон ММА ассоциацияси ва триатлон федерациясининг қўшма йиғилиши бўлиб ўтди. Унда ташкилий масалалар кўриб чиқилди. Бу ҳақда Ўзбекистон Миллий Олимпия қўмитаси матбуот хизмати хабар қилди.

“Сўнгги пайтларда ҳар икки ташкилотга муваффақиятли раҳбарлик қилган Отабек Умаровнинг асосий вазифасида иш ҳажмининг ортганлиги, қолаверса, мамлакатимиздаги эпидемиоголик вазиятдан келиб чиққан ҳолда Отабек Муҳаммадалиевичнинг раҳбар сифатидаги ўз ваколатларини муддатидан аввал тугатиш тўғрисидаги аризаси қаноатлантирилди”, - дейилган хабарда.

Йиғилиш давомида триатлон федерацияси раислигига Ўзбекистон Хавфсизлик кенгаши Котиби Виктор Маҳмудов, ММА ассоциацияси раислигига эса Ўзбекистон Республикаси Мудофаа вазири Баҳодир Курбановлар бир овоздан сайланишди.

414
Сборная Узбекистана по футболу

Ўзбекистон МТЖнинг ЖЧ-2022 саралаш ўйинлари қолдирилди

99
Коронавирус пандемияси билан боғлиқ мураккаб вазият туфайли 2020 йил якунига қадар миллий жамоалар иштирокида расмий ўйинлар ўтказмасликка қарор қилинган.

ТОШКЕНТ, 13 авг — Sputnik. ОФК ва ФИФА ўзаро келишган ҳолда Жаҳон чемпионати-2022 ва Осиё кубоги-2023 қўшма саралаш баҳслари доирасидаги октябрь ва ноябрь ойидаги ўйинларни 2021 йилга қолдирилди. Бу ҳақда ОФК расмий сайтида хабар қилинди.

Кузда Ўзбекистон миллий жамоаси ЖЧ-2022 ва Осиё кубоги-2023 га қўшма саралашидан ўрин олган бир қатор учрашувларда майдонга тушиши режалаштирилган эди. Хусусан, ЖЧ-2022 саралашининг 2-босқичида 13 октябрь куни сафарда Яман билан, 12 ноябрь куни ўз майдонида Сингапур билан, 17 ноябрь куни сафарда Саудия Арабистонига қарши баҳс юритиши лозим эди.

Хабарда ёзилишича, коронавирус пандемияси билан боғлиқ мураккаб вазият туфайли 2020 йил якунига қадар миллий жамоалар иштирокида расмий ўйинлар ўтказмасликка қарор қилинган. Шу тариқа Жаҳон чемпионати саралаш ўйинларининг барчаси 2021 йилга қолдирилди.

Ҳозирча саралаш ўйинларининг янги санаси ҳақида маълумот берилмаган.

99

"Йиғлатаман": Чак Норрис Лукашенкога пўписали видеомурожаат ёзди

94
Америкалик артист қисқа видео ёзган ва унда "Саша ноль фоиз" ва "Жаноб Таракан" сифатида машҳур аллақандай Сашага мурожаат қилган.

ТОШКЕНТ, 15 авг - Sputnik. Дунёга машҳур актёр Чак Норрис Беларус президенти Александр Лукашенконикига ташриф уюштирмоқчи. Жангари фильмлар юлдузи урушга шай, у сиёсатчини йиғлашга мажбур этмоқчи, деб хабар қилади NEWS.ru.

Америкалик артист қисқа видео ёзган ва унда "Саша ноль фоиз" ва "Жаноб Таракан" сифатида машҳур аллақандай Сашага мурожаат қилган.

"Биласанми, пиёз тўғраганимда, мен йиғламайман. Пиёз йиғлайди. Шу учун, агар ҳозир қилаётган ишларингни тўхтатмасанг, у ҳолда қароргоҳларингнинг бирига бораманда, сени йиғлашга мажбур этаман", - деган Норрис.

Жангари фильмлар юлдузи бошқа ҳеч қандай аниқлик киритмаган. Айтган жумлаларини ҳам ойдинлаштирмаган. Норриснинг расмий аккаунтларида ушбу видеоролик йўқ. Ролик биринчи бўлиб Беларус мухолифати билан боғлиқ бўлган ижтимоий тармоқларда тарқатила бошланган.

Беларусьдаги норозилик акциялари, 9 август президент сайловларида амалдаги давлат раҳбари Александр Лукашенко ғолиб бўлганидан кейин бошланган эди. МСК маълумотларига кўра, у 80,1% овоз олган. Якшанба кунидан буён Минск ва республиканинг бошқа шаҳарларида санкцияланмаган оммавий норозилик намойишлари давом этмоқда, аммо куч тузилмалари намойишларни куч билан бостирмоқда. Норозилик акциялари иштирокчиларини тарқатиш учун ҳуқуқни муҳофаза қилиш идоралари кўз ёш келтирувчи газ, шовқин гранатаси, резина ўқлардан фойдаланмоқда. Расмий маълумотларга кўра, митинглар давомида 6,5 мингдан ортиқ одам ҳибсга олинган.

Беларусь ИИВ тартибсизликлар давомида юзлаб одамлар жабрлангани ҳақида маълум қилган. Бир нафар одам ҳалок бўлган, ИИВ маълумотларига кўра, у милиция ходимларига қўлбола портловчи қурилмани отишга уринаётиб, ҳалок бўлган.

94