Презентация спортивных экипировок на Токио-2020

Ўзбекистонда Олимпиада иштирокчилари учун янги либос тақдимоти ўтказилди

187
Токио Олимпиадаси учун экипировкалари бўйича халқаро танловда 100 дан ортиқ иштирокчи ўз лойиҳалари билан қатнашган. Таъкидланишича, спорт экипировкаларига шахсан Шавкат Мирзиёев алоҳида эътибор қаратган.

ТОШКЕНТ, 27 фев – Sputnik. Тошкентда Токио-2020 Олимпия ва Паралимпия ўйинларида Ўзбекистон делегацияси учун махсус ишлаб чиқарилган спорт экипировкалари ҳамда расмий либосларининг тақдимоти ўтказилди.

Презентация спортивных экипировок на Токио-2020
Презентация спортивных экипировок на Токио-2020

МОҚ хабарига кўра, Токио Олимпиадаси учун экипировкалари бўйича халқаро танловда 100 дан ортиқ иштирокчи ўз лойиҳалари билан қатнашган. Якунда эса энг саралари танлаб олиниб, президент ва ҳукумат раҳбариятига тақдимот қилиб берилган.

Презентация спортивных экипировок на Токио-2020
Презентация спортивных экипировок на Токио-2020

“Токио-2020 спорт экипировкаларига шахсан юртбошимиз алоҳида эътибор қаратмоқдалар. Шу ўринда биз ҳам бу борада янгича ёндашдик. Мисол учун, оғир атлетика, таэквондо, эшкак эшиш каби спорт тури билан шуғулланадиган атлетларимизнинг танаси ҳар хил шаклланган. Шу боис ҳам кийимлар ҳар бир спорт тури бўйича махсус тайёрланади. Айниқса, пара-атлетларимиз учун ҳам уларнинг классификацияга қараб кийим тайёрланади”, – деди Тошкент тўқимачилик ва енгил саноат институти проректори Холида Холида Камилова.

Презентация спортивных экипировок на Токио-2020
Презентация спортивных экипировок на Токио-2020

“Дизайн мамлакатимиз байроғида акс этган ранглар асосида танланди. Оқ рангдан дунёда кўп давлатларда фойдаланишади. Шу боис ҳам бизнинг кийимимиз ажралиб туриши учун оқ ва яшил рангларнинг уйғунлигидан фойдаланишга ҳаракат қилдик. Бу Олимпиада пайти Токионинг иссиқ ва нам иқлимида анча қулай”, - деди либослар дизайнери Эльнора Ризаева.

Презентация спортивных экипировок на Токио-2020
Презентация спортивных экипировок на Токио-2020

Унинг сўзларига қараганда, кийимлардаги нақшларда Ўзбекистоннинг бой маданияти акс эттиририлган.

Ризаева бу ранг ва нақшлар ислом динида хам ижобий маъно ифодалашини таъкидлади.

Презентация спортивных экипировок на Токио-2020
Презентация спортивных экипировок на Токио-2020
187

Жан-Клод Ван Дамм Ҳабиб Нурмагомедовга ҳамдардлик билдирди

193
Ван Дам ўз сўзида Абдулманап Нурмагомедов босиб ўтган йўлдан ҳайратланишини ҳамда Ҳабиб ва UFC дунёсига ҳамдардлик билдиришини айтиб ўтган.  

ТОШКЕНТ, 7 июл - Sputnik. Америкалик таниқли актёр, яккакураш устаси Жан-Клод Ван Дамм россиялик UFC чемпиони Ҳабиб Нурмагомедовга отасининг вафоти муносабати билан ҳамдардлик билдирди. Бу ҳақида актёр ўзининг Истаграмида хабар ёзган. 

Ўз сўзида Ван Дам Абдулманап Нурмагомедов босиб ўтган йўлдан ҳайратланишини ҳамда Ҳабиб ва унинг оиласига ҳамдардлик билдиришини айтиб ўтган.  

"Биродар, биз сен билан реал ҳаётда ҳеч қачон учрашмаган бўлсак ҳам, лекин мен ҳар доим сен босиб ўтган буюк йўлга қойил қолганман. Мен бугун сен учун ибодат қиламан. Жойингиз жаннатдан бўлсин. Омин. 

Ҳабиб Нурмагомедов ва UFC дунёсига самимий ҳамдардлигимни билдираман", - деб илиқ сўзларни ёзган Ван Дамм ўз Instagram саҳифасида.

Россияда хизмат кўрсатган тренер, жанговар самбо бўйича 18 та жаҳон чемпионини тарбиялаган Абдулманнап Нурмагомедов 3 июл куни коронавирус оқибатларидан вафот этган эди. У Доғистонда ўзи яшаб келган Кироваул қишлоғига дафн этилди.

193

Сентябрда илк бор МДҲ Ўйинлари ўтказилади

99
МДҲ ўйинлари спортнинг 22 тури бўйича ўтказилади, унда 14 ёшдан 23 ёшгача бўлган спортчилар иштирок этади.

ТОШКЕНТ, 7 июл - Sputnik. Тарихда илк бор спортнинг 22 тури бўйича Мустақил Давлатлар Ҳамдўстлиги Ўйинлари ўтказилиши мумкин. Бу ҳақида бугун, деб хабар қилмоқда Ўзбекистон Жисмоний тарбия ва спорт вазирлиги.

Бугун МДҲ спорт вазирликлари вакиллари иштирокида ушбу мавзуга бағишланган видеоконференция бўлиб ўтди. Унда спорт вазирининг биринчи ўринбосари Равшан Эрматов иштирок этди.

МДҲ ўйинлари 4-11 сентябр кунлари спортнинг 22 тури бўйича беллашувлар ўтказилади. Бокс, соҳил волейболи, стол тенниси, бадиий гимнастика, сув полоси шулар жумласидан. Спортчилар беллашувларда 284 та медаллар жамланмаси учун кураш олиб боришади.

Мусобақаларда 14 ёшдан 23 ёшгача бўлган спортчилар иштирок этади. Ҳозирча спорт ўйинларида МДҲга аъзо 7 мамлакатдан минг нафардан ортиқ делегатлар қатнашиши кутилмоқда. Барча делегация аъзоларини рўйхатдан ўтказиш жараёни онлайн тарзда аккредитация тизимида амалга оширилади.

Ўйинлар Қозон шаҳрининг 14та спорт иншоотида бўлиб ўтади. Мусобақалар давомида “Спортчилар қишлоғи”да иштирокчилар учун тиббий марказ ташкил этилиб, спорт иншоотларидаги допинг назорат пунктлари очилади. Шунингдек, бепул тиббий ёрдам хизматлари ҳам йўлга қўйилади. 

Ўзбекистонлик спортчиларнинг ушбу мусобақаларда иштирок этиши бўйича тегишли қарорни Республика махсус комиссияси қабул қилади, дейилган хабарда. 

99
Президент Узбекистана Шавкат Мирзиёев

Шавкат Мирзиёев Япония бош вазирига ҳамдардлик билдирди

0
Ўзбекистон президенти Япониянинг Кумамото ва Кагосима префектураларида сув босиши оқибатида ҳалок бўлганларнинг оилаларига ҳамдардлик билдирди.

ТОШКЕНТ, 8 июл - Sputnik. Ўзбекистон президенти Шавкат Мирзиёев Япония бош вазирига ҳамдардлик билдирди, деб хабар қилмоқда президент матбуот хизмати. 

"Шавкат Мирзиёев Япониянинг Кумамото ва Кагосима префектураларида рўй берган табиий офат туфайли кўплаб инсонлар қурбон бўлгани муносабати билан мамлакат Бош вазири Синдзо Абэга ҳамдардлик билдирди. Давлатимиз раҳбари ҳалок бўлганларнинг оила аъзоларига самимий таъзия изҳор қилиб, жароҳат олганларнинг тез фурсатда шифо топишини тилади", - дейилган расмий хабарда.

Эслатиб ўтамиз, Япония жанубидаги Кюсю оролида содир бўлган кучли ёғингарчилик оқибатида кучли сел келиб кўплаб уйлар сув остида қолган эди. Сўнгги маълумотларга кўра, ушбу табиий офат оқибатида 57 киши қурбон бўлган, яна бир неча киши бедарак йўқолган. Энг катта зарар Кумамото префектурасига етказилган. Шунингдек Кагосима, Оита ва Фукуока префектуралари ҳам зарар кўрган. 

0