Фестиваль фигурного катания в честь Международного женского дня

Тошкентда замонавий муз саройи қурилади

404
(Янгиланган 15:17 03.03.2020)
Тошкентда қишки спорт турлари учун замонавий муз саройи қурилади. Саройда қишки спорт турлари (фигурали учиш, шорт-трек, кёрлинг ва бошқа спорт турлари) бўйича мусобақалар ўтказиш мўлжалланган.

ТОШКЕНТ, 3 мар – Sputnik. “Тошкент шаҳрида муз спорти ҳамда замонавий савдо ва хизмат кўрсатиш объектлари мажмуасини қуриш ишларини ташкил этиш чора-тадбирлари тўғрисида” ҳукумат қарори лойиҳаси умумий муҳокамага қўйилди.

“Тошкент шаҳар ҳокимлиги, Ўзбекистон Давлат активларини бошқариш агентлиги ҳамда Жисмоний тарбия ва спорт вазирлигининг:

а) Тошкент шаҳар, Шайхонтоҳур тумани, Беруний шоҳ кўчаси, 41-уй манзилида жойлашган “Ўзкўргазмасавдо” МЧЖ, “Алпомиш савдо қаторлари” МЧЖ ва “Ўзчармсаноати” уюшмасига оператив бошқарув ҳуқуқи асосида тегишли бўлган бино ва иншоотларни Ўзбекистон Республикаси Давлат активларини бошқариш агентлигига оператив бошқарув ҳуқуқи асосида бериш;

б) “Ўзкўргазмасавдо” МЧЖнинг тегишли мол-мулклари ва бошқа воситалари, шунингдек, дебиторлик ва кредиторлик қарзлари билан биргаликда (кўчмас мулк объектлари бундан мустасно), “Ўзагроэкспорт” АЖга қўшиш ҳамда “Ўзагроэкспорт” АЖ устав капиталидаги (устав фондидаги) давлат улушини Давлат активларини бошқариш агентлигига оператив бошқарув ҳуқуқи асосида ўтказилаётган кўчмас мулк объектларининг қолдиқ (баланс) қийматига камайтириш;

в) бино ва иншоотлар жойлашган ҳудудда қишки спорт турлари (фигурали учиш, шорт-трек, кёрлинг ва бошқа спорт турлари) бўйича мусобақалар ўтказиш, кўргазма ҳамда форумлар ташкил этишга мўлжалланган замонавий муз саройи ҳамда савдо, хизмат кўрсатиш ва таълим муассасалари объектлари мажмуасини барпо этиш лойиҳасини (инвестиция лойиҳаси) амалга ошириш учун “ноль” харид қийматида “New Universal Development” МЧЖга (инвестор) тўғридан-тўғри сотиш тўғрисидаги таклифига розилик берилсин”, - дейилган ҳужжатда.

Инвестор бино ва иншоотлар негизида ва унга туташ ҳудудларда қишки спорт турлари (фигурали учиш, шорт-трек, кёрлинг ва бошқа спорт турлари) бўйича мусобақалар ўтказиш, кўргазма ҳамда форумлар ташкил этишга мўлжалланган замонавий муз саройи ҳамда савдо, хизмат кўрсатиш ва таълим муассасалари объектлари мажмуасини барпо этиб, тўлиқ ишга тушириш учун камида 100,0 млрд. сўм миқдорида инвестиция киритиш; камида 120 та янги иш ўринларини яратиш мажбуриятларни бажаришни ўз зиммасига олиши қайд этилган.

Лойиҳада айтилишича, қишки спорт турлари (фигурали учиш, шорт-трек, кёрлинг ва бошқа) бўйича мусобақалар ўтказиш, кўргазмалар ҳамда форумлар ташкил этишга мўлжалланган замонавий муз саройини ташкил қилиш 2020 йил 1 сентябрга қадар якунланади.

Эслатиб ўтамиз, ўтган йили 15 мартда Тошкент шаҳрида "Humo Arena" кўп тармоқли спорт саройининг очилиш тантанали маросими бўлиб ўтганди. Мажмуанинг 12 минг 500 ўриндан иборат асосий майдони трансформация усулида қурилган бўлиб, қисқа вақтда уни қайта жиҳозлаш, ўриндиқлар сонини ошириш ёки камайтириш мумкин.

404

Жан-Клод Ван Дамм Ҳабиб Нурмагомедовга ҳамдардлик билдирди

198
Ван Дам ўз сўзида Абдулманап Нурмагомедов босиб ўтган йўлдан ҳайратланишини ҳамда Ҳабиб ва UFC дунёсига ҳамдардлик билдиришини айтиб ўтган.  

ТОШКЕНТ, 7 июл - Sputnik. Америкалик таниқли актёр, яккакураш устаси Жан-Клод Ван Дамм россиялик UFC чемпиони Ҳабиб Нурмагомедовга отасининг вафоти муносабати билан ҳамдардлик билдирди. Бу ҳақида актёр ўзининг Истаграмида хабар ёзган. 

Ўз сўзида Ван Дам Абдулманап Нурмагомедов босиб ўтган йўлдан ҳайратланишини ҳамда Ҳабиб ва унинг оиласига ҳамдардлик билдиришини айтиб ўтган.  

"Биродар, биз сен билан реал ҳаётда ҳеч қачон учрашмаган бўлсак ҳам, лекин мен ҳар доим сен босиб ўтган буюк йўлга қойил қолганман. Мен бугун сен учун ибодат қиламан. Жойингиз жаннатдан бўлсин. Омин. 

Ҳабиб Нурмагомедов ва UFC дунёсига самимий ҳамдардлигимни билдираман", - деб илиқ сўзларни ёзган Ван Дамм ўз Instagram саҳифасида.

Россияда хизмат кўрсатган тренер, жанговар самбо бўйича 18 та жаҳон чемпионини тарбиялаган Абдулманнап Нурмагомедов 3 июл куни коронавирус оқибатларидан вафот этган эди. У Доғистонда ўзи яшаб келган Кироваул қишлоғига дафн этилди.

198

Сентябрда илк бор МДҲ Ўйинлари ўтказилади

100
МДҲ ўйинлари спортнинг 22 тури бўйича ўтказилади, унда 14 ёшдан 23 ёшгача бўлган спортчилар иштирок этади.

ТОШКЕНТ, 7 июл - Sputnik. Тарихда илк бор спортнинг 22 тури бўйича Мустақил Давлатлар Ҳамдўстлиги Ўйинлари ўтказилиши мумкин. Бу ҳақида бугун, деб хабар қилмоқда Ўзбекистон Жисмоний тарбия ва спорт вазирлиги.

Бугун МДҲ спорт вазирликлари вакиллари иштирокида ушбу мавзуга бағишланган видеоконференция бўлиб ўтди. Унда спорт вазирининг биринчи ўринбосари Равшан Эрматов иштирок этди.

МДҲ ўйинлари 4-11 сентябр кунлари спортнинг 22 тури бўйича беллашувлар ўтказилади. Бокс, соҳил волейболи, стол тенниси, бадиий гимнастика, сув полоси шулар жумласидан. Спортчилар беллашувларда 284 та медаллар жамланмаси учун кураш олиб боришади.

Мусобақаларда 14 ёшдан 23 ёшгача бўлган спортчилар иштирок этади. Ҳозирча спорт ўйинларида МДҲга аъзо 7 мамлакатдан минг нафардан ортиқ делегатлар қатнашиши кутилмоқда. Барча делегация аъзоларини рўйхатдан ўтказиш жараёни онлайн тарзда аккредитация тизимида амалга оширилади.

Ўйинлар Қозон шаҳрининг 14та спорт иншоотида бўлиб ўтади. Мусобақалар давомида “Спортчилар қишлоғи”да иштирокчилар учун тиббий марказ ташкил этилиб, спорт иншоотларидаги допинг назорат пунктлари очилади. Шунингдек, бепул тиббий ёрдам хизматлари ҳам йўлга қўйилади. 

Ўзбекистонлик спортчиларнинг ушбу мусобақаларда иштирок этиши бўйича тегишли қарорни Республика махсус комиссияси қабул қилади, дейилган хабарда. 

100

Қашқадарёда тун давомида рекорд даражада коронавирус аниқланди

11
Ўзбекистонда аниқланган коронавирус ҳолати тун давомида 168 тага кўпайди. Аксарияти Қашқадарёда аниқланди.

ТОШКЕНТ, 8 июл — Sputnik. Ўзбекистонда аниқланган коронавирус ҳолати тун давомида 168 тага кўпайди. Шундан 161 таси Қашқадарёда аниқланди.

“2020 йил 8 июль соат 10:00 ҳолатига кўра, Ўзбекистонда коронавирус инфекцияси қайд этилганлар сони 10 838 (+168) нафарни ташкил этмоқда”, - дейилган Соғлиқни сақлаш вазирлиги хабарида.

Янги касалланганларнинг 161 нафари Қашқадарё вилоятида (шундан 127 нафари коронавирусга чалинганлар билан мулоқотда бўлиб, карантинга олинган фуқаролар орасида, 34 нафари аҳоли орасида), 7 нафари Наманган вилоятида (шундан 3 нафари коронавирусга чалинганлар билан мулоқотда бўлиб, карантинга олинган фуқаролар орасида, 4 нафари аҳоли орасида) аниқланган.

Шу пайтга қадар 6 811 нафар коронавирус инфекциясига чалинган фуқаролар соғайган.

Ҳозирда мамлакатда 3 986 нафар бемор даволамоқда. Улардан 24 нафари оғир, 13 нафари эса ўта оғир аҳволда. Жами 41 та ўлим ҳолати кузатилган.

11
Теглар:
Қашқадарё, коронавирус