Александр Емельяненко Тайсон билан қандай жанг қилиши мумкинлигини айтди

548
(Янгиланган 14:45 06.05.2020)
Россиялик яккакурашчи сўзларига кўра 53 ёшли Майк Тайсон ҳозир ҳам тез ва кучли, лекин оғир вазнли боксчининг рингда ҳаракатланиши аввалгидек чаққон эмас.

ТОШКЕНТ, 6 май - Sputnik. Россиялик яккакурашчи Александр Емеляненко Майк Тайсон билан қандай жанг қилиши мумкинлигини айтиб берди.  

Унинг сўзларига кўра 53 ёшли Майк Тайсон ҳозир ҳам тез ва кучли, лекин оғир вазнли боксчи рингда ҳаракатланиши аввалгидек чаққон эмас. Шу сабаб Тайсон билан жангда рингда тез ҳаракатланиш – муҳим ютуқли стратегия бўлиши мумкин, деб ёзади Спорт-Эспресс.  

Эслатиб ўтамиз, апрел ойининг охирида Майк Тайсон бир неча кўргазмали жанглар ўтказишни режалаштираётганини эълон қилган эди. Ушбу жангларда тушган даромад хайрия йўлида ишлатилади.

Шундан сўнг Александр Емеляненко ўз инстаграмида америкалик боксчи билан бокс жанги ўтказишни орзу қилаётганини хабар қилган эди.   

“Интернет тармоқларида мен Тайсоннинг машқлари ва ҳозирги усталигини кўрдим. Майк тайсон каби афсонавий боксчи билан рингга тушиш мен учун шараф бўларди”,- деди Емеляненко.

Россиялик боксчи сўзларига кўра Тайсон ҳали ҳам тез ва кучли. “Асосийси – унинг олдида тўхтаб қолмаслик. Агар у менга етиб олса, ухлашга юборади. Мен буни яхши тушунаман”, - деди яккакурашчи.

Тайсон – инсоният тарихидаги энг афсонавий боксчилардан биридир. У чемпионлик камарини 6 маротаба кетма-кет ҳимоя қилган. У шунингдек энг тез нокаутлар бўйича ҳам чемпион. Тўққиз маротаба 1 дақиқадан кам вақт ичида нокаутга эришган. Ўзининг сўнгги жангини Тайсон 2005 йилда ўтказган эди.

Александр Емеляненко Тайсондан 15 ёш кичик (38 ёшда). ММа карьерасида 36 жангдан 28тасини ғалаба билан якунлаган, улардан 20 нокаут билан.

548

Йил давомида 3,6 млн қадам юрган кишиларга имтиёз берилади

228
(Янгиланган 19:50 23.09.2020)
Бир кунда камида 10 минг, бир ой давомида 300 минг, бир йил давомида 3,6 млн қадам юрган шахсга барча давлат хизматлари кўрсатиш соҳасида 50 фоиз имтиёз берилишини ҳамда спорт иншоотларидан фойдаланиш учун абонемент тақдим этилиши мумкин.

ТОШКЕНТ, 23 сен — Sputnik. “Оммавий спортни ривожлантириш ва соғлом турмуш тарзини ҳар бир фуқаронинг ҳаётига киритишга қаратилган чора-тадбирлар тўғрисида”ги президент қарори лойиҳаси умумий муҳокамага қўйилди.

Ҳужжатда  “Жисмоний тарбия ва спорт вазирлиги Адлия вазирлиги, Соғлиқни сақлаш вазирлиги, Молия вазирлиги билан биргаликда 2021 йил 1 февралга қадар:

а) аҳолини кунлик юриш ва югуришга тарғиб қилиш мақсадида “Янги нафас” платформасини яратсин ва унинг ишлаш тартибини тасдиқласин. Бунда, бир кунда камида ўн минг, бир ой давомида уч юз минг, бир йил давомида 3,6 млн қадам юрган шахсга барча давлат хизматлари кўрсатиш соҳасида 50 фоиз имтиёз берилишини ҳамда спорт иншоотларидан фойдаланиш учун абонемент тақдим этилишини назарда тутсин;

б) Адлия вазирлиги “Янги нафас” платформасини давлат хизматлари кўрсатиш тизими билан интеграция қилинишини таъминласин”, - дейилган.

Шунингдек, қарорга “Пандемияни спорт орқали енгамиз!” ғоясини ўзида мужассам этган Ўзбекистон Республикасида 2020-2021 йилларда спорт сиёсатини жадаллаштириш дастури илова қилинган.

228
Полузащитник Жасур Жалолиддинов

“Локомотив” Жасур Жалолиддиновни РПЛ рўйхатидан чиқарди

372
Клуб Жасур Жалолиддиновни 28 августда Премьер Лига учун рўйхатдан ўтказган эди. Бироқ жамоа 19 сентябрь куни Жасурни РПЛ рўйхатидан чиқарди.

ТОШКЕНТ, 20 сен — Sputnik. Москванинг “Локомотив” ўзбекистонлик ярим ҳимоячи Жасур Жалолиддиновни РПЛ қайдномасидан чиқарди.

Клуб Жасур Жалолиддиновни 28 августда Премьер Лига учун рўйхатдан ўтказган эди. Бироқ жамоа 19 сентябрь куни Жасурни РПЛ рўйхатидан чиқарди ва унинг ўрнига черногориялик Лука Жорживични рўйхатдан ўтказди.

ОАВ хабарига кўра, “Локомотив” Жалолидиновни тез орада бошқа жамоага ижарага бериб юбориши мумкин. 

19 ёшли ярим ҳимоячи ёзда “Бунёдкор”дан “Локомотив” клубига трансфер қилинган эди. Жасур клуби сафида машғулотларда иштирок этган бўлса-да, ҳали дебютини ўтказмаган эди.

372

Ўзбекистонлик мигрантларни Россиядан қайтариш мақсадида 15та автобус йўлга чиқди

376
(Янгиланган 21:19 23.09.2020)
Ўзбекистон фуқароларини Россиянинг турли ҳудудларидан қайтариш жараённи янада тезлаштириш мақсадида бугун 15 та автобусдан иборат илк карвон Россиянинг Самара вилоятига йўлга чиқди.

ТОШКЕНТ, 23 сен - Sputnik. Ўзбекистон фуқароларини Россиянинг турли ҳудудларидан қайтариш жараённи янада тезлаштириш, биринчи навбатда оғир аҳволда қолган фуқароларни имкон қадар тезроқ Ўзбекистонга олиб келиш мақсадида Россия Федерациясининг тегишли вазирлик ва идоралари билан репатриацион чартер рейслари сонини бир неча маротабага кўпайтиришга эришилди. Бу ҳақда Транспорт вазирлиги хабар бермоқда.

"Республика махсус комиссияси, Транспорт вазирлиги, Ташқи ишлар вазирлиги, ДХХ Чегара қўшинлари, Ички ишлар вазирлиги, Ўзбекистоннинг Қозоғистон ва Россиядаги дипломатик ваколатхоналарининг саъйи-ҳаракатлари билан айни дамда Ўзбекистонга қайтиш истагида бўлган Россия Федерациясининг Қозоғистон билан чегара олди ҳудуди Самара вилоятида тўпланиб қолган фуқароларни ватанга олиб келиш мақсадида махсус автобус қатнови ташкил этилмоқда", - дейилади хабарда.

Мазкур автобус қатновлари Транспорт вазирлиги ҳузуридаги "Uzautotrans service" корхонаси томонидан амалга оширилади. Бугун 15 та автобусдан иборат илк карвон Россиянинг Самара вилоятига йўлга чиқди. Ушбу қатнов барча санитария қоидалари ва Қозоғистон ҳамда Россия Федерацияси томонидан қўйилган талабларга қатъий амал қилган ҳолда бажарилмоқда.

Қатновни бажаришга жалб этилган 40 нафар ҳайдовчиларнинг барчаси йўлга чиқишдан аввал коронавирусга тест топширишди. Лаборатория таҳлили натижаларидан сўнг уларга тегишли маълумотнома берилди. Шундан сўнг, ташувлар хавфсизлигини таъминлаш ва қатнов давомида нималарга эътибор бериш лозимлиги юзасидан йўриқнома ўтказилди.

Шу билан бирга мамлакатнинг турли ҳудудларига мунтазам равишда махсус темир йўл қатновлари ҳам ташкил этилмоқда.   

Қатнов олдидан ҳайдовчиларга махсус йўриқнома ўтказилди.

Режага мувофиқ автобуслар 25 сентябрь куни белгиланган манзилга етиб боришади. Шу куннинг ўзида автобуслар 700 дан ортиқ йўловчиларни олиб Ўзбекистон томон йўлга чиқади.   

Шу ўринда ҳозирда вазирлик Россиянинг турли ҳудудларидан Ўзбекистонга қайтиш истагида бўлиб турган фуқаролардан оммавий равишда Россиянинг Қозоғистон билан чегара олди ҳудудларига тўпланмасликларини сўраб қолган. Бу каби ҳолатлар ҳозирги қалтис эпидемиологик вазиятнинг янада мураккаблашувига, касаллик юқтириб олиш хавфининг ортиб кетишига ва энг ёмони юртдошларимизни ватанга олиб келиш мақсадида катта қийинчиликлар билан амалга оширилаётган саъйи-ҳаракатларнинг чекланишига сабаб бўлиши мумкин, дея огоҳлантиради вазирлик.

376