Ўзбекистонлик ёш футболчига Россиянинг етакчи клублари қизиқиш билдирмоқда

448
(Янгиланган 14:43 16.07.2020)
“Уфа” жамоасининг ярим ҳимоячиси Остон Уруновга “Зенит”, “Локомотив” ва “Спартак” жамоалари қизиқиш билдирмоқда.

ТОШКЕНТ, 16 июл — Sputnik. Ўзбекистонлик истиқболли футболчи Остон Уруновга Россиянинг етакчи футбол клублари қизиқиш билдирмоқда, деб ёзади Sport24.

19 ёшли футболчи “Уфа” жамоасида ушбу йилнинг феврал ойидан бошлаб тўп сурмоқда. Ўтган давр мобайнида Урунов ўзининг жуда самарали футболчи сифатида намойиш этди.

Россиялик футбол экспертлари фикрига кўра, Урунов ҳам ҳимояда, ҳам ҳужумда, майдоннинг исталган қисмида жуда фаол ҳаракат қилишга қодир. Ундан ташқари Остоннинг барча ҳаракатлари жамоа фойдасига қаратилган. Устига устак, футболчи ҳам ёш, ҳам гавдали (190см, 85кг) ҳам жуда тез экани қайд этилган.

Айни дамда “Уфа” легионерига Россиянинг энг бой ва етакчи клублари қизиқиш билдирмоқда. Булар “Зенит”, “Локомотив” ва “Спартак” жамоаларидир. Ундан ташқари ушбу жамоалар қаторига “Краснодар” клуби ҳам қўшилиши мумкин, чунки Урунов айнан шу жамоада узоқ вақт шуғулланган.

Футбол экспертлари Уруновнинг “Зенит” жамоасида тўп суришига шубҳа билан қарашмоқда. Нега деганда жамоа таркибида аллақачон 8 нафар хорижий футболчи бор. Урунов келиши учун улардан биридан воз кечиш керак бўлади. Лекин “Зенит”нинг улкан молиявий имкониятларини ҳисобга олган ҳолда, улар Уруновни бошқа жамоага ижарага бериш учун сотиб олишлари мумкин.

Айни дамда Урунов учун энг истиқболли жамоа “Спартак” дейилмоқда. Чунки ушбу жамоага ҳозир турнир таблицасида юқорига кўтарилиш жуда ҳам зарур. Иккинчидан жамоага айни дамда “Уфа”нинг собиқ мураббийи раҳбарлик қилмоқда ва "Уфа"дан яхши ўйинчиларни бирин-кетин таклиф қилмоқда.

Эслатиб ўтамиз, “Уфа” футбол клуби 19-ёшли Ўзбекистонлик спортчи билан 5 йиллик шартнома имзолаган. Шартнома қиймати 150 минг доллар. 

Қуйида "Уфа" - "Локомотив" ўйини давомида россиялик шарҳловчилар бир овоздан Остон Уруновнинг ҳаракатларидан қандай ҳайратга тушганинини томоша қилиш мумкин. 

448
Чемпион UFC в легком весе Хабиб Нурмагомедов

Нурмагомедов: ММАни 2028-ОЎда кўриш учун катта имкониятлар мавжуд

185
(Янгиланган 17:14 01.12.2020)
Ушбу маласа юзасидан UFC чемпиони Ҳабиб Нурмагомедов яқинда Халқаро олимпия қўмитаси президенти Томас Бах билан учрашишни режалаштирган.

ТОШКЕНТ, 1 дек — Sputnik. Енгил вазнда UFC чемпиони Ҳабиб Нурмагомедов яқинда Халқаро олимпия қўмитаси президенти Томас Бах билан учрашиб, ММАни 2028 йилги ёзги Олимпия ўйинлари дастурига киритиш масаласини муҳокама қилишини маълум қилди, деб хабар қилди Sputnik Ўзбекистон мухбири.

Россиялик жангчи Миллий олимпия қўмитасида ташкил этилган матбуот анжуманида иштирок этди.

“ММАни Олимпиадага киритиш менинг кейинги икки йиллик асосий вазифаларимдан бири, биз аллақачон шу йўналишда иш олиб бормоқдамиз. Яқин келажакда мен кўплаб учрашувлар ўтказаман, шу қаторда Олимпия қўмитаси президенти билан ҳам. Ўйлайманки, агар Парижда бўлмаса, унда Лос Анжелесда ММАни оммалаштириш учун катта имкониятлар мавжуд", - деди Нурмагомедов.

Унинг сўзларига кўра, ММАни Олимпия ўйинлари дастурига киритиш борасида баъзи тўсиқлар мавжуд.

“Фақат битта савол - бу спортнинг шафқатсизлиги. Олимпиадада бу рағбатлантирилмайди, улар кўп қон бўлишини хоҳламайдилар. Аммо  машҳурлик, ҳомийлик, телевидениеда ММАга қизиқиш нуқтаи назаридан, агар у Олимпия ўйинлари дастурига киритилса, қизиқиш жиҳатидан футбол ва енгил атлетика билан бир қаторда бўлади, деб ўйлайман”, - деб қўшимча қилди чемпион.

Эслатиб ўтамиз, Ҳабиб Нурмагомедов ўтган йил 23 ноябрь куни Ўзбекистонга ташриф буюрган ва Humo Arena спорт мажмуасида илк бор бўлиб ўтган аралаш жанг санъати бўйича халқаро мусобақада фахрий меҳмон сифатида қатнашган эди.

2020 йилнинг 25 октябрь куни UFC 254 мусобақасида Ҳабиб Нурмагомедов америкалик жангчи Жастин Гэтжи устидан ғалаба қозониб, чемпионлик унвонини муваффақиятли ҳимоя қилди. Жангдан сўнг россиялик чемпион ММАдаги фаолиятини якунлашини эълон қилди.

Спортчи 29 та жангда ўтказиб, барчасида ғалаба қозонган.

Нурмагомедовнинг Гэтжи устидан ғалабасидан сўнг, UFC раҳбарияти вазн тоифасидан қатъий назар жангчиларнинг янгиланган рейтингини тақдим этди, унда Ҳабиб биринчи ўринни эгаллади.

185
Теглар:
Ўзбекистон, Ҳабиб Нурмагомедов
Хабиб Нурмагомедов

Ҳабиб Нурмагомедов Тошкентда: у ўзбек спортчиларига ёрдам беришини айтди

233
(Янгиланган 23:36 01.12.2020)
Россиялик аралаш яккакураш устаси, UFC чемпиони Ҳабиб Нурмагомедов Тошкентга келди. Бугун чемпион иштирокида Миллий олимпия қўмитасида матбуот анжумани ташкил этилди.

ТОШКЕНТ, 1 дек — Sputnik. Россиялик аралаш яккакураш устаси, UFC бўйича жаҳон чемпиони Ҳабиб Нурмагомедов 30 ноябрдан 1 декабрь ўтар кечаси Тошкентга келди.

Бугун, чемпион иштирокида Миллий олимпия қўмитасида матбуот анжумани ташкил этилди, деб хабар қилди Sputnik Ўзбекистон мухбири.

“Биринчи навбатда, барча ўзбекистонлик мухлисларга миннатдорлик билдирмоқчиман. Қаерда бўлишим қатъий назар, Америка, Араб давлатлари ёки Россия бўладими, ҳамма жойда мухлисларни учратаман. Доим уларнинг қўллаб-қувватловини ҳис этаман", - деди чемпион.

Нурмагомедов ўз нутқида, республикада спортга катта эътибор берилаётгани, спортчилар ҳар томонлама қўллаб-қувватланаётгани учун Ўзбекистон президенти Шавкат Мирзиёевга миннатдорлик билдирди.

“ММА айни вақтда дунёда жуда оммалашмоқда, ўзбек жангчилари пайдо бўлмоқда, улар жуда яхши ҳаракат қилишмоқда. Менимча, бу фақат бошланиши, келажакда мамлакатингиздан кўплаб вакиллар етишиб чиқади. Сизларда кураш, дзюдо, бокс – дунёда энг яхши боксчилар, бу спорт тури жуда ривожланган, буларнинг барчаси - ММАни ташкил қилади.

Йигитларнинг потенциалини, уларга кўрсатилаётган ёрдамни кўрмоқдаман, ўйлайманки, уларнинг келажаги катта бўлади. Агар мендан бирон бир нарса талаб қилинса, мен доимо яқинда бўламан, маслаҳат, ёрдам бераман. Оллоҳнинг ўзи Сизларни қўлласин”, - деди спортчи.

Эслатиб ўтамиз, Ҳабиб Нурмагомедов ўтган йил 23 ноябрь куни Ўзбекистонга ташриф буюрган ва Humo Arena спорт мажмуасида илк бор бўлиб ўтган аралаш жанг санъати бўйича халқаро мусобақада фахрий меҳмон сифатида қатнашган эди.

2020 йилнинг 25 октябрь куни UFC 254 мусобақасида Ҳабиб Нурмагомедов америкалик жангчи Жастин Гэтжи устидан ғалаба қозониб, чемпионлик унвонини муваффақиятли ҳимоя қилди. Жангдан сўнг россиялик чемпион ММАдаги фаолиятини якунлашини эълон қилди.

Спортчи 29 та жангда ўтказиб, барчасида ғалаба қозонган.

Нурмагомедовнинг Гэтжи устидан ғалабасидан сўнг UFC раҳбарияти вазн тоифасидан қатъий назар жангчиларнинг янгиланган рейтингини тақдим этди, унда Ҳабиб биринчи ўринни эгаллади.

233
Теглар:
Ҳабиб Нурмагомедов, Ўзбекистон
Национальная валюта Узбекистана — сум

Пенсия таъминотига доир қонун лойиҳаси тайёрланди

327
Молия вазирлиги “Фуқароларнинг давлат пенсия таъминоти тўғрисида”ги Ўзбекистон Республикаси Қонунига ўзгартишлар киритишга доир ҳужжат тайёрлади.

ТОШКЕНТ, 2 дек — Sputnik. Молия вазирлиги “Фуқароларнинг давлат пенсия таъминоти тўғрисида”ги Ўзбекистон Республикаси Қонунига ўзгартишлар киритиш ҳақида Ўзбекистон Республикаси Қонуни лойиҳасини тайёрлаб, умумий муҳокамага қўйди.

Лойиҳанинг асосий мақсади - “Ногиронлиги бўлган шахсларнинг ҳуқуқлари тўғрисида” 2020 йил 15 октябрдаги қонунига асосан, “Фуқароларнинг давлат пенсия таъминоти тўғрисида”ги қонунида белгиланган “ногирон” деган атамани “ногиронлиги бўлган шахс” атамасига алмаштириш.

- меҳнат қобилиятини йўқотган ногиронлиги бўлган шахсга меҳнат қобилияти тикланганлиги ёки узрсиз сабабларга кўра қайта кўрикдан ўтишга келмаганлиги оқибатида пенсияси тўхтатиб қўйилиб, беш йилдан муддатдан сўнг шахсни такроран ногиронлиги бўлган шахс деб эътироф этилганида, амалда бўлган қонунчилик талабларидан келиб чиқиб ногиронлик пенсиясини тайинлаш.

- пенсионернинг вафоти муносабати билан унинг вафот этган ойдаги пенсия пулини оила аъзоларига тўлиқ миқдорда тўлаш.

Таъкидланишича, қонун лойиҳасининг қабул қилиниши Давлат бюджетидан ҳамда Молия вазирлиги ҳузуридаги бюджетдан ташқари Пенсия жамғармасидан йилига 4,4 млрд сўм қўшимча маблағ талаб этилади.

327