Кубок Узбекистана по бодибилдингу и фитнесу

Бодибилдинг: Ўзбекистон кубоги ғолиблари фото

1743
(Янгиланган 23:44 07.12.2020)
Бодибилдинг ва фитнес бўйича Ўзбекистон кубоги натижалари маълум қилинди. Мусобақада республиканинг барча ҳудудларидан юзлаб спортчилар иштирок этишди.

ТОШКЕНТ, 7 дек — Sputnik. Ўзбекистон Жисмоний тарбия ва спорт вазирлиги 5 ва 6 декабрь кунлари Алишер Навоий номидаги кино саройида бўлиб ўтган бодибилдинг ва фитнес бўйича Ўзбекистон кубоги натижаларини маълум қилди.

Мусобақада республиканинг барча ҳудудларидан юзлаб спортчилар иштирок этишди.

Тадбир ташкилотчилар - Қишки ва мураккаб техник спорт турлари бўйича Республика олий спорт маҳорати мактаби, Ўзбекистон бодибилдинг, фитнес ва мас-рестлинг федерацияси, Ўзбекистон пауэрлифтинг федерацияси, Ўзбекистон мас-рестлинг федерацияси, Ўзбекистон армрестлинг федерацияси, ҳамда BUKA Boxing, BEFIT PRO, Genetics, iTicket, Sunlife ва Ziyo Forum. Тадбирнинг бош ҳомийси - OU7 бренди.

Кубок Узбекистана по бодибилдингу и фитнесу
PROFORM Classic Sports Festival
Кубок Узбекистана по бодибилдингу и фитнесу

Икки кунлик мусобақалар натижаларига кўра жойлар қуйидагича тақсимланди:

Спорт-физик (эркаклар) / 170 см гача (-2 кг)

1-ўрин - № 13 - Галактионов Тихон (Тошкент)

Спорт-физик (эркаклар) / 175 см гача (0 кг)

1-ўрин - №115 - Алибердиев Исломжон (Қўқон)

2-ўрин - №68 - Сулеймонов Артур (Гулистон)

Спорт-физик (эркаклар) / 180 см гача (+2 кг)

1-ўрин – №59 – Ғуломов Нуриллахўжа (Тошкент)

2-ўрин – №58 – Оқилов Азизхон (Тошкент)

3-ўрин – №54 – Ғуломов Абдулфаёд (Андижон)

Кубок Узбекистана по бодибилдингу и фитнесу
PROFORM Classic Sports Festival
Кубок Узбекистана по бодибилдингу и фитнесу

Спорт-физик (эркаклар) / 180 см дан ортиқ (+4 кг)

1-ўрин - № 99 - Николай Филиппов (Тошкент)

2-ўрин - №60 - Абдуллаев Ибодулло (Бухоро)

3-ўрин - №87 - Кодиров Акбар (Нукус)

4-ўрин - №43 - Олег Боровиков (Ғазалкент)

5-ўрин - №83 - Мирзалиев Аброрбек (Наманган)

Кубок Узбекистана по бодибилдингу и фитнесу
PROFORM Classic Sports Festival
Кубок Узбекистана по бодибилдингу и фитнесу

Модель физик (аёллар) / 165 см гача

1-ўрин - № 5 - Максумова Рушана (Тошкент)

2-ўрин - №76 - Ли Элина (Тошкент)

3-ўрин - №116 - Милена Прудтских (Тошкент)

4-ўрин - №39 - Юсупова Эвелина (Тошкент)

Кубок Узбекистана по бодибилдингу и фитнесу
PROFORM Classic Sports Festival
Кубок Узбекистана по бодибилдингу и фитнесу

Модель физик (аёллар) / 170 см гача

1-ўрин - № 110 – Калинина Ангелина (Тошкент)

Модель физик (аёллар) / 170 см ортиқ

1-ўрин – №8 – Турдиқулова Гулжахон (Қибрай, Тошкент вилояти)

2-ўрин - №4 - Деҳконова Дилнозахон (Андижон)

3-ўрин - №144 - Шохина Олеся (Тошкент)

4-ўрин - №98 - Ҳамидова Камилла (Тошкент)

Модель физик (аёллар) / Мутлақо тоифа

1-ўрин - № 5 - Максумова Рушана (Тошкент)

2-ўрин - №8 - Турдиқулова Гулжахон (Қибрай, Тошкент вилояти)

Кубок Узбекистана по бодибилдингу и фитнесу
PROFORM Classic Sports Festival
Кубок Узбекистана по бодибилдингу и фитнесу

Атлет-физик (аёллар) / 165 см гача

1-ўрин - №90 – Бессонова Диана (Тошкент)

Паралимпик физик (аёллар) / очиқ тоифаси

1-ўрин - №91 - Воинова Даря (Тошкент)

Паралимпик физик (эркаклар) / очиқ тоифаси

1-ўрин - №149 - Турсунбоев Искандар (Нукус)

2-ўрин - №10 - Исмайилов Ислом (Тошкент)

3-ўрин - №26 - Хакимжонов Достонбек (Наманган)

4-ўрин - №18 - Атахўжаев Азиз (Тошкент)

Кубок Узбекистана по бодибилдингу и фитнесу
PROFORM Classic Sports Festival
Кубок Узбекистана по бодибилдингу и фитнесу

Бодибилдинг ўсмирлар (эркаклар) / 75 кг гача

1-ўрин - №75 - Анваржон Суярқулов (Жиззах)

2-ўрин - №9 - Соипов Иззатуллоҳ (Андижон)

3-ўрин - №42 - Жумаев Сухроб (Навоий)

4-ўрин - №40 - Козимжонов Адҳамжон (Тошкент)

5-ўрин - №93 - Усмонов Асилбек (Тошкент)

Кубок Узбекистана по бодибилдингу и фитнесу
PROFORM Classic Sports Festival
Кубок Узбекистана по бодибилдингу и фитнесу

Бодибилдинг усталари (эркаклар) / очиқ тоифаси

1-ўрин - №3 - Иля Уразметов (Тошкент)

Бодибилдинг (эркаклар) / 60 кг гача

1-ўрин - №40 - Козимжонов Адҳамжон (Тошкент)

2-ўрин - №45 - Хусанов Омадбек (Қўқон)

Бодибилдинг (эркаклар) / 65 кг гача

1-ўрин - №79 - Маткаримов Дилёрбек (Андижон)

2-ўрин - №94 - Комол Азизов (Тошкент)

3-ўрин - №75 - Суярқулов Анваржон (Жиззах)

4-ўрин - №92 - Соипов Иззатуллоҳ (Андижон)

5-ўрин - №142 - Исломов Алиакбар (Бухоро)

Бодибилдинг (эркаклар) / 70 кг гача

1-ўрин - №53 – Стоянов Валерий (Тошкент)

2-ўрин - №104 - Раҳмонов Фаррух (Андижон)

3-ўрин - №85 - Бахромов Бобурмирзо (Андижон)

4-ўрин - №37 - Эсанбоев Мухлис (Тошкент)

5-ўрин - №128 - Мусаев Жавохирбек (Фарғона)

Бодибилдинг (эркаклар) / 75 кг гача

1-ўрин - №7 – Шукуров Бекзод (Тошкент)

2-ўрин - №47 – Атоев Алибек (Бухоро)

Бодибилдинг (эркаклар) / 80 кг гача

1-ўрин - №74 – Расулов Фаррух (Тошкент)

2-ўрин – №71 – Уктамжонов Абдумалик (Қўқон)

3-ўрин – №20 – Султанов Бахтиёр (Наманган)

Бодибилдинг (эркаклар) / 85 кг гача

1-ўрин – №95 – Бахриев Фарҳод (Бухоро)

2-ўрин – №56 – Хакимов Рузибек (Андижон)

3-ўрин – №48 – Юсупов Элбек (Қашқадарё)

4-ўрин – №9 – Ахмедов Бунёд (Янгиер)

Бодибилдинг (эркаклар) / 90 кг гача

1-ўрин – №1 – Джураев Вячеслав (Тошкент)

2-ўрин - №97 - Евгений Ченкин (Тошкент)

3-ўрин - №80 - Валиев Зиёдулло (Чирчиқ)

4-ўрин - №3 - Иля Уразметов (Тошкент)

5-ўрин - №30 - Алексей Перегонтсев (Тошкент)

Бодибилдинг (эркаклар) / 100 кг гача

1-ўрин – №34 – Сайфуллаев Бахшулла (Зарафшон, Навоий вилояти)

2-ўрин - №22 - Виталий Скрипачев (Тошкент)

3-ўрин - №109 - Шамурадов Дилшод (Тошкент)

Бодибилдинг (эркаклар) / Мутлақо тоифаси

1-ўрин - №34 - Сайфуллаев Бахшулла (Зарафшон, Навоий вилояти)

2-ўрин - №7 - Шукуров Бекзод (Тошкент)

3-ўрин - №95 - Бахриев Фарход (Бухоро)

4-ўрин - №1 - Джураев Вячеслав (Тошкент)

5-ўрин - №53 - Стоянов Валерий (Тошкент)

6-ўрин - №74 - Расулов Фаррух (Тошкент)

Атлет-физик (эркаклар) / 182 см гача (+8 кг)

1-ўрин - №77 - Қобилов Шамшод (Тошкент)

2-ўрин - № 66 - Эшонхонов Абдурашид (Чирчиқ)

3-ўрин - №64 - Эгамбердиев Иззатилло (Андижон)

4-ўрин - №57 - Ниёзов Аброр (Чирчиқ)

5-ўрин - №28 - Киямов Мансур (Самарқанд)

Атлет-физик (эркаклар) / 182 см гача (+10 кг)

1-ўрин – №36 – Болтабоев Абдуваҳоб (Тошкент)

2-ўрин - № 63 - Жамолов Мироншох (Бухоро)

3-ўрин - № 44 - Қодиров Шаҳзод (Қашқадарё)

4-ўрин - № 23 - Суфиев Санзҳар (Чуст, Наманган вилояти)

1743

Гол урсам узоғи билан бир кун эслаб юраман - Элдор Шомуродов

380
(Янгиланган 17:30 21.01.2021)
Элдор Шомуродовнинг россиялик 13 ёшли ҳаваскор шарҳловчи Максим Истоминга берган интервьюсини ўзбек тилида эътиборингизга ҳавола этамиз.

ТОШКЕНТ, 21 янв- Sputnik. "Женоа" жамоасининг расмий каналида Элдор Шомуродовнинг мухлиси, россиялик 13 ёшли ҳаваскор шарҳловчи Максим Истомин олган интервьюси эълон қилинди. Қуйида ушбу интервью.

- Салом Элдор, салом мухлислар. Биринчи саволим, сизнинг исмингизни Эльдор ёки Элдор?

- Элдор, юмшатир белгиси йўқ. 

- Футболга қандай келиб қолгансиз?

- Мен 6-7 ёшимда футбол ўйнашни бошлаганман. Биз футболчи оиламиз десак ҳам бўлади. Отам, икки тоғам, акам футболчи. Оиламизда ҳамма футболга қизиқади. Шуни учун ҳам мен футболга қизиқиб кетганман.

Кўпчиллик менга отам яхши ҳужумчи бўлган дейишади. Шуни учун мен ҳам ҳужумчи бўлишни орзу қилганман.

- Сиз дастлаб Ростовда ҳимоячи ўрнида майдонга тушган эдингиз, кейин ҳужумчи бўлиб чиқдингиз ва дарров муваффақият қозондингиз. Бу қандай содир бўлган эди?

- Ҳозир сизни ҳайрон қолдираман - мен ҳеч қачон ҳимоячи бўлмаганман. Ҳа, лекин қайсидир ўйинда мураббий мени ҳужумчи-ҳимоячи сифатида майдонга чиқарган эди. Терма жамоада 1-2 йил ярим ҳимояда ўйнаганман.

- Оилангиз билан муносабатларингиз қандай? Уларни соғинасизми?

- Оиламиз жуда катта байрамларни бирга ўтказишга ҳаракат қиламиз. Ҳаммамиз йиғилганимизда худди туғилган кун ёки бошқа байрамдек бўлади. 

Сўнгги вақтларда уйга келганимда биз бутун оила бўлиб футбол ҳам уйнаймиз. Ўзимизни 7 кишилик иккита жамоамиз бор, мини-футбол ўйнаймиз. Оиламизда футболчилар кўп бўлгани учун  яхши футболчилар кўп. Шуни учун ҳар доим ҳам мени иштирокимдаги жамоа ғалаба қозонавермайди. Мен ҳозир ана шундай учрашувларни жуда соғинганман.

- Женоада нима сабабдан 61 рақамни олишга қарор қилдингиз?

- Мен бу ерга келганимда 14 номер банд эди. Қайси рақамни олишни ўйлаб турганимда, менинг бир дўстим 61 рақамни олсанг Ростовдаги мухлисларинг хурсанд бўлишади, деб маслаҳат берди. (Россия вилоятлари рўйхатида Ростов - 61 ўринда) Шундан сўнг 61 рақамни олишга қаор қилдим.

- Сиз болаликдан учрашишни орзу қилган футболчи борми?

- Мен ҳар доим айтганман, менинг кумирим Фернандо Торез ва Дидье Дрогба. Мен улар билан учрашиб уларнинг автографини олсам хурсанд бўлардим.

- "Женоа" клубида кимнинг ўйини сизга ёқади?

- "Женоа"да ҳамма топ ўйинчилар йиғилган. Улар жамоа бўлиб ўйнаганда янада яхшироқ натижа кўрсатади.

Ёш футболчиларга қандай маслаҳат берган бўлардингиз? Энг муҳими нима?

- Энг муҳими - ҳар доим футбол ҳақида ўйлаш. Агар сен футболни танлаган бўлсанг, футбол хақида ўйлаш керак, кўпроқ иш бажаришга ҳаракат қилиш керак. Ўзига ишониш ва кўйилган мақсад сари интилиш керак.

- Демак асосийси кўпроқ ишлаш керак?

- Ҳа, диққат билан қунт билан ишлаш керак. Фуболда арзимас нарса йўқ. Ҳар бир нарсага эътибор бериш керак.

- Сизда хобби борми, футболдан бўш вақтингизда нима билан шуғулланасиз?

- Хозир бўш вактим жуда кам. Ота-онам билан гаплашаман, италянча гаплашишни ўрганаяпман.

- "Женоа"да ўзбек ресторанини топдингизми?

- Йўқ, бу ерда ўзбек ошхонаси йўқ.Лекин менга Италия овқатлари ҳам ёқди. Айниқса, ризотто.

- Ростовдан сўнг Генуя ҳақида таасуротларингиз қандай?

- Яхши, бу ер жуда чиройли тарихий шаҳар экан, денгиз ёнида. Мен Монте Пеш деган жойда бўлдим. У ердан бутун Генуя кўринади. Бу ерда ҳам одамлар футболни яхши кўради, "Женоа"га жамоасига мухлислик қиладиганлар кўп.

- Сизда "Женоа"даги биринчи муваффақиятли узатмангиз, биринчи голингиз ҳақида қандай таассурот қолди?

- Мен кечаги кун билан яшамасликка ҳаракат қиламан, бўлиб ўтган ўйинни тезроқ унутишга ҳаракат қиламан. Гол урсам узоғи билан бир кун эслаб юраман кейин унутаман. Янги ўйинга тайёргарлик кўраман.

- Келажакда қандай режаларингиз бор?

- Мен футболчи сифатида усишга ҳаракат қиламан, қўлимдан келган барча ишни қилишга, ғалаба қозонишга ҳаракат қиламан.

Мен жамоа билан бирор трофей (кубок)  ютиб олишга ҳаракат қиламан, Женоа билан, лекин асосийси - Ўзбекистон терма жамоаси билан Жаҳон чемпионатига чиқиш.  Бу менинг асосий мақсадим.

Яқинда ота бўлингиз. Нималарни ҳис қилаяпсиз?

- Бунга ҳалиям ишонгим келмайди. Жуда хурсандман. Унга қараб туриб ўзимни кўргандек бўламан. Фарзандимга туғилганига бугун 25 кун бўлди. Улар ҳозир Тошкентда.  Яқинда келиши керак. Уни жуда соғиндим.

Футбол шарҳловчиси бўлишни истайсизми?

- Мен кўп гапиришни унча ёқтирмайман, шуни учун мендан коментатор чиқмаса керак, лекин сиз буни жуда яхши уддалаяпсиз. Мен сизнинг изоҳларингизни эшитганман. 

Раҳмат, Сизга катта муваффақиятлар тилаймиз.

 

 

 

 

 

380
Остон Урунов

Ўруновнинг ёши тўғрисида гапирган россиялик мураббий жаримага тортилди

353
(Янгиланган 19:06 20.01.2021)
Россиялик мураббий Сергей Юран “Матч Премьер” телеканалига берган интервьюсида Остон Ўрунов ўз ёшини кичрайтирганини асоссиз иддао қилган эди. Энди у айтган гаплари учун 3,4 минг доллар жаримага тўлайди.

ТОШКЕНТ, 20 янв — Sputnik. Россия футбол иттифоқи ахлоқ қўмитаси “СКА-Хабаровск” бош мураббийи Сергей Юранни “Спартак” ярим ҳимоячиси, ўзбекистонлик футболчи Остон Ўруновнинг ёши тўғрисида гапирган гапи учун жаримага тортди. Бу ҳақда РИА Новости хабар қилмоқда.

“Сергей Николаевич Юранни 250 минг рубль билан жазолаш тўғрисида қарор қабул қилдик. Видеоалоқада ҳар икки томон иштирок этди – ҳуқуқшунослар ва Юраннинг ўзи. Агар унинг эътирози бўлса, апелляция қўмитасига шикоят келтириши мумкин”, - деди қўмита раҳбари Семён Андреев.

“СКА-Хабаровск” футбол клуби бош мураббийи, собиқ футболчи Сергей Юран “Матч Премьер” телеканалига берган интервьюсида Остон Ўрунов ўз ёшини кичрайтирганини иддао қилган эди.

Ўзбекистон футбол ассоциацияси унинг баёнотини асоссиз ва масъулиятсизлик деб ҳисоблаши ҳамда Остон Ўруновнинг ёшига оид айтган айбловлари учун аниқ далил-исбот келтиришини талаб қилган эди. Юрандан футболчи, ЎФА ҳамда бутун ўзбек футболи жамоатчилигидан расмий равишда узр сўрашини талаб қилган эди.

Шунингдек, ассоциация Россия футбол иттифоқи (РФС) ахлоқ қўмитасини ушбу ҳолатни синчковлик билан ўрганишга ҳамда Остон Ўруновга, ўз навбатида, Ўзбекистон футбол ассоциацияси обрўсига путур етказадиган айблов билан чиқиш қилган Сергей Юранга чора кўришга чақирган эди.

353
Теглар:
футбол, Остон Ўрунов
Министр иностранных дел Узбекистана Абдулазиз Камилов

Камилов Осиё давлатларини туризмни рағбатлантиришга чақирди

54
Тадбирда Осиёда минтақавий интеграцияни чуқурлаштириш борасида амалга оширилаётган масалаларга алоҳида эътибор қаратилди.

ТОШКЕНТ, 21 янв - Sputnik. Ўзбекистон Ташқи ишлар вазири Aбдулазиз Камилов "Янги хавфсиз ва соғлом туризм" мавзусида видеоконференция шаклида бўлиб ўтган Осиё ҳамкорлик мулоқоти (ОҲМ)га аъзо давлатлар Ташқи ишлар вазирлари кенгашининг XVII йиғилишида иштирок этди.

Тадбирда тузилма бош котиби Порнчаи Данвиватан(Pornchai Danvivatanning ) ҳисоботи тингланди, ОҲМнинг бошқа ташкилотлар ва халқаро муносабатларнинг субйектлар билан алоқалари бўйича меъёрий қоидалар тасдиқланди ҳамда ташкилий масалалар кўриб чиқилди.

Делегациялар раҳбарлари туризм соҳасидаги ҳамкорликнинг бугунги ҳолати ва келгусидаги ривожланиш истиқболларини муҳокама қилдилар. Хусусан, коронавирус пандемияси шароитида хорижий сайёҳларнинг хавфсизлиги ва соғлиғини таъминлашга қаратилган янгича ёндашувларни ишлаб чиқишнинг муҳим жиҳатлари, уларни ҳаётга татбиқ этиш механизмлари ҳақида сўз юритилди.

Ташқи ишлар вазири Камилов ўз нутқида COVID-19га қарши курашишдан жаҳон иқтисодиётини қайта тиклаш, жумладан туризм соҳасини рағбатлантиришга фаол тайёргарлик кўриш босқичига ўтиш учун қатъий чоралар қабул қилиш ва саъй-ҳаракатларни бирлаштириш зарурлигини таъкидлади.

Ўзбекистон ТИВ раҳбари тадбир қатнашчиларига Ўзбекистонда туризм соҳасини ҳар томонлама қўллаб-қувватлаш борасида амалга оширилаётган комплекс чора-тадбирлар ҳақида маълумот берди. Хусусан, сайёҳлик қайта йўлга қўйилганидан кейин республикага келган хорижий сайёҳлар "туризмни янги шаклда" – янада хавфсиз, янада ранг-баранг ва янада индивидуал ҳолда кўришлари мумкин бўлади.

Тадбирда Осиёда минтақавий интеграцияни чуқурлаштириш борасида амалга оширилаётган масалаларга алоҳида эътибор қаратилди. Шу нуқтайи назардан, Марказий ва Жанубий Осиё ўртасида ўзаро боғлиқликни мустаҳкамлашнинг муҳимлиги қайд етилди.

Тадбир якунида Осиёда ҳамкорлик мулоқоти бўйича ташқи ишлар вазирлар кенгаши XVII йиғилишининг Aнқара декларацияси қабул қилинди.

54