Ташкент примет IV Юношеские Азиатские игры 2025 года

Тошкент расман 2025 йил ёшлар ўртасида IV Осиё ўйинларини қабул қилади

102
Ўзбекистон ва Осиё Олимпия Кенгаши ўртасида Тошкент шаҳрининг 2025 йил бўладиган IV ёшлар Осиё ўйинларини қабул қилиши тўғрисидаги шартнома имзоланди.

ТОШКЕНТ, 17 дек — Sputnik. Ўмонда Осиё Олимпия Кенгаши (ООК)нинг навбатдаги Бош Ассамблеясида Тошкент шаҳрининг 2025 йил бўладиган IV ёшлар Осиё ўйинларини қабул қилиши расман тасдиқланди.

“Ўзбекистон ҳамда ООК ўртасида мусобақанинг ўтказилиши борасида шартнома имзоланди”, - дейилган Миллий олимпия қўмитаси хабарида.

Тузилган шартномага ООК президенти Шайх Аҳмад Аҳ Фаҳад Ал Сабах, ООК вице-президенти Отабек Умаров, МОҚ раиси Рустам Шоабдураҳмонов, жисмоний тарбия ва спорт вазирининг биринчи ўринбосари Равшан Ирматов ҳамда Тошкент шаҳар ҳокимлиги вакили Иззатбек Жўраев имзо чекишди.

Хабарда таъкидланишича, ушбу ўйинлар Ўзбекистоннинг қай даражада ривож топаётганини жаҳон ҳамжамиятига кўрсатиш учун қулай имконият. Ушбу мусобақа давомида республикага 5000 нафардан зиёд меҳмон келиши кутилмоқда.

102
Боец смешанных единоборств из Узбекистана Махмуд Мурадов

“Учар ўзбек”: Маҳмуд Муродов америкалик жангчига қарши октагонга кўтарилади

223
(Янгиланган 16:14 15.01.2021)
Келгуси ҳафта, 24 январ куни Абу-Дабида ўтказиладиган UFC257 турнирида ўзбекистонлик Маҳмуд Муродов америкалик Эндрю Санчезга қарши октагонга кўтарилади.

ТОШКЕНТ, 15 янв — Sputnik. Келгуси ҳафта, 24 январ куни Абу-Дабида ўтказиладиган UFC257 турнирида ўзбекистонлик Маҳмуд Муродов америкалик Эндрю Санчезга қарши октагонга кўтарилади.

Посмотреть эту публикацию в Instagram

Публикация от UFC Russia (@ufcrussia)

29 ёшли Маҳмуд Муродов 2012 йилда ўз карьерасини бошлади, 2019 йилда UFC билан шартнома имзолади.

2019 йил декабрь ойида Тревор Смитга қарши жанг ўтказиб, нокаут билан ғалаба қозонди. Шу кеча Маҳмуд Мурадов энг яхши нокаут учун UFC президенти Дана Уайтдан 50 минг доллар миқдорида мукофотни олганди.

Эндрю Санчез 32 ёшли америкалик жангчи, ҳозирда UFC ўрта вазн жанг ўтказиб келади. 2012 йилдан бери профессионал жангчи. Санчез охирги жангини 2020 йил август ойида UFC Fight Night 174 мусобақасида Веллингтон Турманга қарши ўтказиб, биринчи раундда нокаут билан ғалаба қозонди. Бу ғалаба унга "энг яхши жанг" мукофотини олиб келди.

223
Теглар:
АҚШ, Ўзбекистон, БАА, Абу-Даби, спорт, UFC, Маҳмуд Муродов
Элдор Шомуродов во время игры

“Ювентус” Элдор Шомуродовга бўлган қизиқиш ҳақидаги хабарга изоҳ берди

659
(Янгиланган 13:56 14.01.2021)
Элдор Шомуродов "Ювентус" клубига ўтадими? Клубнинг спорт директори Фабио Паратичи ОАВларда тарқалган хабарлар юзасидан изоҳ берди.

ТОШКЕНТ, 14 янв — Sputnik. "Ювентус"нинг спорт директори Фабио Паратичи клубнинг Элдор Шомуродовга бўлган қизиқиш ҳақидаги хабарлар юзасидан изоҳ берди.

Football Italia хабарига кўра, Италия грандининг ҳозирча ўзбек форварди ёрдамида кучайтиришга эҳтиёжи йўқ.

"Агар Шомуродов ҳақида гапирадиган бўлсак, мен аллақачон жамоамиз рақобатбардош эканлигини айтган эдим. Агар бозорда истиқболли имкониятлар пайдо бўлса - биз улардан фойдаланамиз. Ҳозир шошилмаслик керак", - деди Паратичи.

Ўтган ҳафтада ОАВларда Туриннинг "Ювентус" клуби илгари "Ростов"да тўп сурган "Женоа" ҳужумчиси Элдор Шамуродовни ижарага олмоқчи эканлиги ҳақида хабарлар тарқалганди.

Шомуродов октябр ойида Россиянинг "Ростов" клубидан "Женоа" клубига ўтганди. У янги жамоада 11та ўйин ўтказиб, 2та гол урди ва 2та голли узатма амалга оширди.

659
Теглар:
Криштиану Роналду, Италия, спорт, футбол, Элдор Шомуродов
Бронетранспортер с узбекскими военнослужащими на конкурсе Чистое небо в Китае

Ўзбекистон дунёдаги энг қудратли армиялар рўйхатида юқорилади

237
(Янгиланган 20:51 15.01.2021)
Ўзбекистон Қуролли Кучлари ҳарбий кучларнинг глобал рейтингида ўз позицияларини яхшилади. Бу собиқ СССР давлатлари орасида тўртинчи кўрсаткич.

ТОШКЕНТ, 15 янв — Sputnik. Ўзбекистон Қуролли Кучлари ҳарбий кучларнинг Global firepower рейтингида ўз позицияларини яхшилаб, 51-ўринга кўтарилди (2020 йилда республика 52-ўринда бўлган). 

Бу собиқ СССР давлатлари орасида тўртинчи кўрсаткич. Россия (2-ўрин), Украина (25), Беларусь (51). Марказий Осиёдаги қўшнилар орасида Қозоғистон 62-ўринда.

Global Firepower ҳарбий рейтингида қайд этилган маълумотларга кўра, Ўзбекистон Қуролли кучлари 420 дона танк, 1215 дона зирҳли машина, 140 дона ўзиюрар артиллерия ва 98 дона кўп зарбали реактив тизимларига эга. Шунингдек, 80та қирувчи, 122та вертолёт ва бошқа авиация (жами 227) - ҳаво кучларининг асосини ташкил этади.

Ўзбекистон президенти Шавкат Мирзиёев аскар ва сержантлар, офицер ва генераллар, Қуролли Кучлар фахрийлари, ватандошларни Ўзбекистон Республикаси Қуролли Кучлари ташкил этилганининг 29 йиллиги ва Ватан ҳимоячилари куни муносабати билан табриклади.

Ўзбекистон етакчиси бундан 4 йил олдин мамлакатда ҳарбий қурилиш соҳасини тубдан ислоҳ қилиш бўйича энг муҳим ва устувор йўналишларни белгилаб олинганини, шу асосда мамлакат мудофаа қобилиятини мустаҳкамлаш ва Қуролли Кучларни ривожлантириш учун кенг кўламли ишлар амалга оширилаётганини айтган.

Ўтган қисқа даврда янги Мудофаа доктринаси қабул қилинди, ҳарбий тузилмаларнинг таркиби ва вазифалари чуқур қайта кўриб чиқилди, қўшинларни бошқариш тизими такомиллаштирилди, миллий армиямизни замонавий қурол-яроғ ва техника воситалари билан таъминлаш бўйича ўта муҳим лойиҳалар амалга оширилди, дея эслатган президент.

237
Теглар:
Беларусь, Қозоғистон, Украина, Россия, Ўзбекистон, ҳарбий техника, ҳарбий, Мудофаа вазирлиги, ҳарбийлар