Туристы фотографируются у мавзолея Гур-Эмир и усыпальницы Тамерлана в Самарканде

Ўзбекистон нуфузли мукофотни қўлга киритиши учун овоз бериш мумкин

301
(Янгиланган 17:27 30.08.2019)
Мазкур мукофотни қўлга киритиш халқаро туризм оламида жуда катта нуфузга эга.

ТОШКЕНТ, 30 авг – Sputnik. Арманистон, Тайван, Уммон, Руминия ҳамда Ўзбекистон “National Geographic Traveler Awards 2019” танловининг “Йил кашфиёти” номинациясида ғолиблик учун кураш олиб бормоқда.

“National Geographic” журналининг Россиядаги версиясига кўра, жорий йилда энг яхшилар 24 номинация бўйича сараланмоқда. Мазкур мукофотни қўлга киритиш халқаро туризм оламида жуда катта нуфузга эга.

Шавкат Мирзиёев “Туризм тўғрисида”ги қонунни имзолади

“Йил кашфиёти” номинациясида Ўзбекистон ҳозирча 22 фоиз овоз олиб, 43 фоиз овозга эга Арманистондан кейин иккинчи ўринда келмоқда.

Узбекистан учавстует в конкурсе National Geographic Traveler Awards 2019 в номинации Открытие года
Узбекистан учавстует в конкурсе National Geographic Traveler Awards 2019 в номинации "Открытие года"

Овоз бериш жараёни 12 октябрга қадар давом этади. Ўзбекистон туризмининг жаҳон саҳнида юксалишига ўз ҳиссангизни қўшишингиз ва унинг “Йил кашфиёти” номинациясида ғолиб бўлиши учун қуйидаги ҳавола орқали овоз беришингиз мумкин.

Ура ҳайқириқлари остида йўқолган Искандария бутун дунёга тақдим этилди

Эслатиб ўтамиз, “National Geographic Traveler Awards” нинг ўтган йилги танловида Ўзбекистон “Гастрономик туризм” йўналишида ғолиб сифатида эътироф этилган эди.

301
Открытие горнолыжного курорта Амирсой в Ташкентской области

"Amirsoy" тоғ-чанғи курорти янада кенгайтирилади - Ҳукумат қарори

185
(Янгиланган 10:35 19.09.2020)
Тоғ-чанғи курорти мажмуасини кенгайтиришни назарда тутувчи лойиҳанинг умумий қиймати 75 миллион еврони ташкил этиши кутилмоқда.

ТОШКЕНТ, 19 сен - Sputnik. "Amirsoy" тоғ-чанғи курортининг 2-босқичини амалга оширишга доир Ҳукумат қарори қабул қилинди, деб хабар қилмоқда Туризм давлат қўмитаси матбуот-хизмати.

"Amirsoy" тоғ-чанғи курорти мажмуасини кенгайтиришни назарда тутувчи лойиҳанинг умумий қиймати 75 миллион еврони ташкил этиши кутилмоқда.

Лойиҳа доирасида: 4 ресторан; тўрт ва беш юлдузли меҳмонхоналар, офислар ва савдо майдонаридан иборат 500 ўринга мўлжалланган кўп қаватли автотураргоҳ; осма йўллар, тоғ-чанғи кўтаргичлар, шунингдек, 16.8 км узунликдаги тоғ-чанғи трассалари; бассейнлар барпо этиш режалаштирилган.

Шунингдек, лойиҳа ташаббускорига қурилиш-монтаж ишлари ва келгусида лойиҳани эксплуатация қилиш жараёнида ноёб табиий объектлар ва мажмуаларни, ўсимликлар ва ҳайвонларнинг генетик фондини сақлаш, шунингдек, фаолиятнинг атроф муҳитга салбий таъсирининг олдини олиш ва табиатни муҳофаза қилишга оид қонун ҳужжатлари талабларига қатъий риоя қилиш бўйича масъулият юклатилди.

185
Гостиница Афросиаб Палас

Меҳмонхонага жойлашган ҳар бир киши "Е-мehmon" тизимида рўйхатга олинади - янги тартиб

59
(Янгиланган 14:29 16.09.2020)
Бундан буён меҳмонхона ва санаторийлар мижозлар келиб жойлашган вақтидан бошлаб уларни онлайн рўйхатга киритиши қатъий талаб қилинади.

ТОШКЕНТ, 16 сен - Sputnik. Бундан буён Ўзбекистон ҳудудида меҳмонхона ёки санатория хизматларидан фойдаланган барча мижозлар "Е-мehmon" тизимида рўйхатга олиниши шарт. Бу ҳақида Туризмни ривожлантириш қўмитаси хабар қилмоқда. 

Меҳмонхона, санатория, дам олиш уйлари ва шунга каби бошқа жойлаштириш воситалари хизматларидан фойдаланган барча шахслар, жумладан Ўзбекистон Республикаси фуқаролари, чет эл фуқаролари ва фуқаролиги бўлмаган шахслар ушбу муассасалар маъмурияти томонидан шахсни тасдиқловчи ҳужжатлар асосида "E-Mehmon" автоматлаштирилган ахборот тизимига киритиш орқали ҳисобга олиниши керак, - дейилган расмий хабарда.

Ҳисобга олиш аввалгидек 12 соат мобайнида эмас, балки улар келиб жойлашган вақтда, уларнинг бу ерда бўлиш муддати ва келишининг даврийлигидан қатъи назар амалга оширилади.

Жойлаштириш хизматини кўрсатувчи меҳмонхоналар, даволаш муассасалари, санаторийлар, дам олиш уйлари ва шу каби бошқа ташкилотлар раҳбарларидан мазкур тартибга қатъий риоя қилишлари сўралади.

Мазкур тартибларнинг жорий қилиниши маҳаллий ва хорижий сайёҳларнинг соғлиғи ва мулки хавфсизлигини таъминлаш,  қонуний манфаатларини ҳимоя қилиш, кафолатган хизматлар кўрсатилишини таъминлашга қаратилган. 

 

59
“Пахтакор” вышел в четвертьфинал Лиги чемпионов Азии

“Пахтакор” Осиё Чемпионлар Лигаси чорак финалига йўл олди

9
Эроннинг энг номдор клубини таслим этган “Пахтакор” футболчилари 11 йиллик танаффусдан кейин Чемпионлар Лигаси чорак финалида ўйнайдиган бўлишди.

ТОШКЕНТ, 27 сен — Sputnik. Тошкентнинг “Пахтакор” клуби Осиё Чемпионлар лигасида ўз юришини давом эттирмоқда. Қатарда бўлиб ўтаётган турнирнинг нимчорак финалида “шерлар” Эроннинг энг номдор клуби “Истиқлол”ни 2:1 ҳисобда таслим этди.

Тошкентликлар учрашувни жуда фаоллик билан бошлаган бўлсаларда, баҳсда ҳисобни очиш эронликларга насиб этди. Биринчи бўлимнинг 32-дақиқасида тажрибали Али Карими ўз ҳисобига гол ёздириб қўйиб, “Истиқлол”ни олдинга олиб чиқди.

Ушбу голдан сўнг “Пахтакор” футболчилари олдинга ташланишди ва бўлим якуни арафасида мувозанатни тиклашди. 43-дақиқада қанот ҳимоячиси Ҳожиакбар Алижонов томонидан жарима майдончасига ҳаводан узатилган тўпни Драган Черан боши рақиб дарвозасига аниқ йўллади.

Иккинчи бўлим бошида Эрен Дердийок Тошкент клубининг тезкор ҳужумини гол билан якунлади. Қолган вақтда “Пахтакор” теҳронликларга имконият қолдирмади ва ҳисоб ўйин якунига қадар сақланиб қолди.

Шу тариқа “Пахтакор” футболчилари 11 йиллик танаффусдан кейин Чемпионлар Лигаси чорак финалида ўйнайдиган бўлишди. Бунгача жамоа 2003, 2004 ва 2009 йилларда мусобақанинг чорак финалида ўйнаганди. 

“Шерлар” 28 сентябрь куни қуръа натижасига кўра ўз рақибини билиб олади.

9