Янги йилда бадавлат ўзбекистонликлар қаерга саёҳат қилишди энг қиммат чипталар рўйхати

2525
Тошкентдан Сингапурга парвоз қилиш учун йўловчилар 24 миллион сўм тўлашган ва бу энг қиммат чипта бўлган.

ТОШКЕНТ, 9 янв - Sputnik. Aviasales.uz туристик қидирув таҳлилчилари ўзбекистонликларнинг янги йил байрамларидаги энг қиммат чипталари рейтингини тузишди.

Таҳлилчиларнинг таъкидлашича, мамлакатнинг аксарият аҳолиси самолётга сўнгги лаҳзада, парвозга максимум бир ҳафта қолган вақтда чипта харид қилишган.  

Бу йилги таътилда икки йўловчининг 24 миллион сўмга Тошкентдан Сингапурга харид қилган чиптаси энг қиммат чипта бўлган.

Қимматлиги бўйича иккинчи ўринда Тошкентдан Лос-Анжелесга парвоз қайд этилган. Бир томонга сотиб олинган чиптанинг нархи 23 миллион сўмни ташкил этган.

Пойтахтдан Бангкокка йўл олган сайёҳ саёҳат учун 22,5 миллион сўм сарфлаган.

Янги йил таътилини Дубай ўтказиш учун сайёҳлар 17,5 миллионнинг баҳридан кечишган. Тошкентдан Пхукетга сафар қилиш 500 минг сўм арзонроқ тушган.

Анқарага йўл олган йўловчилар эса 15,5 миллионни кўзларини чирт юмиб бериб юборишган.

Сайёҳлар 15 ва 14 миллион сўм тўлаб, Янги йилни нишонлаш учун Тбилисига йўл олишган. Энг қиммат чипталар рейтингига 12,6 миллион сўм сарфланган Тошкентдан Екатеринбургга қатнов якун ясаган

2525

Туристлар чегаралар очилгач қаерда дам олмоқчи - сўров натижаси

441
Ҳукуматдаги манбалардан олинган маълумотлар асосида ОАВда берилаётган хабарларга кўра, тез кунларда Венгрия, Мальдив ороллари, Жанубий Корея ва БААга парвозларни амалга ошириш имконияти пайдо бўлади

ТОШКЕНТ, 31 июл – Sputnik. Онлайн-сервис орқали сўроққа тутилган туристлар, яқин кунларда қатор давлатлар билан авиа-парвозлар қайта тикланадиган бўлса, ёз ойига доир режаларингизни ўзгартиришга тайёрмисиз, деган саволга жавоб бердилар, деб хабар қилган OneTwoTrip.

ОАВда "ҳукуматдаги манбаларга таянган ҳолда" берилаётган хабарларга кўра, тез кунларда Венгрия, Мальдив ороллари, Жанубий Корея ва БААга парвозларни амалга ошириш имконияти пайдо бўлади.

Компания мутахассислари 2200 нафар фойдаланувчилар орасида тадқиқот ўтказган ва иштирокчиларнинг 79 фоизи юқорида санаб ўтилган давлатларда бўлишни исташлари маълум бўлган.

Шу билан бирга туристларнинг деярли тенг ярми (45 фоизи), агар ушбу парвозларга август ойи давомида рухсат берилса, у ҳолда улар ҳордиқ чиқаришга доир режаларини ўзгартирмасликларини айтишган.

Сўровда қатнашганларнинг аксари (77 фоизи) пандемия вақтида чет элга саёҳат қилиш истаги уларда ўз жозибадорлигини йўқотмаганини айтишган. Шу билан бирга, саёҳатчиларнинг 63 фоизи чет давлатларга кузга қадар сафарга боришни хоҳламаган бўлишларини тан олганлар.

Туристлар фикрича, тез орада Таиландга сафарни амалга ошириш имконияти пайдо бўлади. Сўроққа тутилганларнинг чорак қисми шундай фикрда. Туристларнинг ҳар бешинчиси Греция биринчи бўлиб ўз чегарасини очишини билдирган.

Овоз беришда иштирок этганларнинг 12 фоизи Испанияга сафар қилиш истагини билдирган, Мальта, Хорватия ва Черногория учун туристларнинг саккиз фоизи овоз берган. Шу йили саёҳатчилар боришни истаган мамлакатлар орасида шунингдек, МДҲ давлатлари, Шри-Ланка, Кипр, Доминикана, Вьетнам, Мексика, Куба, Марокаш ва Япония санаб ўтилган.

441

Ўзбекистон, Тожикистон, Қирғизистон авиарейсларни тиклашга тайёрланмоқда

1378
(Янгиланган 17:33 28.07.2020)
Марказий Осиё мамлакатлари халқаро авиарейсларни тиклаш хусусида ўйлай бошлади. Шу кунларда Тожикистон Россияга ўзаро парвозларни қайта тиклаш илтимосномасини йўллади

ТОШКЕНТ, 28 июл - Sputnik. Марказий Осиё мамлакатлари бирин-кетин авиапарвозларни қайта тиклашга тайёрликларини эълон қилмоқда.

Қирғизистон: эпидемиологик вазият яхшиланишини кутамиз

Қирғизистон Бош вазири Кубатбек Боронов Қирғизистондан авиақатновлар қайта тикланиши мумкин бўлган давлатларни санаб ўтди. Унинг маълум қилишича, бу Россия, Туркия ва Бирлашган Араб Амирликларидир. Кейинчалик бошқа давлатлар билан ҳам парвозлар тикланиши мумкин.

Қирғизистон ҳукумати раҳбари авиарейсларни қайта тиклаш бўйича музокаралар штаб томонидан олиб борилаётгани ва бу масалада ҳар бир давлат билан музокаралар алоҳида ўтказилаётганини таъкидлаган.

Рейслар эпидемиологик ҳолат яхшиланганидан кейин қайта тикланади, дея қайд этган Боронов.

Қирғизистонда эпидемиологик вазият ўта жиддийлигича қолмоқда. Коронавирусни юқтирганлик бўйича 33 844 ҳолат аниқланган, (касалхонадан ташқаридаги пневмония ҳолати билан қўшиб ҳисоблаганда), соғайганлар сони 22 296 та, қурбонлар 1 329 нафарга етган.

Қозоғистон: 10 августдан рейслар тикланиши кутилмоқда

Қозоғистон август ойида Таиланд ва Грузия ва Туркияга авиапарвозларни тикламоқчи. Бу ҳақда бугун Маданият ва спорт вазирлиги туризм индустрияси қўмитаси раиси Достон Риспеков хабар қилган.

Риспековнинг айтишича, "мамлакатда эпидемиологик ҳолат яхшиланганлигини ҳисобга олиб, қатор давлатлар билан авиа-парвозларни қайта тиклаш бўйича масалалар кўриб чиқилмоқда. Хусусан, август ойида Таиланд ва Грузия ва Туркияга рейсларни очиш режалаштирилмоқда".

"Ҳаммаси мамлакатимизда сингари шерик-давлатлардаги эпидемҳолатга боғлиқ бўлади. Аммо бугунги кунда 10 августдан бошлаб рейсларни қайта тиклаш масаласи кўриб чиқилмоқда. Ҳаммаси вазиятга боғлиқ бўлади", - деб қўшимча қилган Риспеков.

Қозоғистон 20 июндан бошлаб Туркия, Хитой, Жанубий Корея, Таиланд, Грузию ва Японияга парвозларни босқичма-босқич тиклади.

Аммо кейинчалик Туркия қозоғистонликлар учун ўз чегараларини ёпган эди.

Расмий маълумотларга кўра, шу кунгача Қозоғистонда коронавирусни юқтирган беморлар сони 84,6 мингдан ошган, 585 киши қурбон бўлган.

Тожикистон: Россия билан авиапарвозларни тиклашга тайёр

Россия ўз чегараларини очишни эълон қилиши билан Тожикистон ҳукумати Москвага РФ билан авиапарвозларни қайта тиклаш бўйича таклиф киритди.

Тожикистон томони "жараён санитар нормаларга ва эпидемиологик талабларга тўлиқ риоя этган ҳолда" амалга оширилишини таъкидлаган.

Шу тариқа, 27 июлдан бошлаб тожик авиакомпанияларига кунига иккита парвозни амалга оширишга рухсат берилган. Эндиликда Тожикистон томони РФга ҳафтасига 14та парвозни амалга ошириш ҳуқуқини қўлга киритган.

Тожикистонда коронавирус инфекцияси билан беморланганлар сони 7,2 мингдан ошган.

Ўзбекистон 1 сентябрдан Россия билан авиапарвозларни тикламоқчи

Ўзбекистон 1 сентябрдан бошлаб Тошкентдан Россия Федерациясининг турли шаҳарларига доимий авиарейслар тиклайди.

Бу ҳақда Россиянинг "АэроТур" авиакомпанияси маълум қилган эди.

Хусусан, Тошкент ва Москва, Санкт-Петербург, Новосибирск, Қозон, Владивосток шаҳарлари ўртасида авиапарвозлар тикланади.

Ҳозирги кунда авиакомпания сайтида 1 сентябрдан 30 сентябргача рейслар жадвали эълон қилинган.

Шу билан бирга, Ўзбекистон Транспорт вазирлиги Ўзбекистон фуқароларини расман тасдиқланмаган хабарларга ишониб  авиачипталарни сотиб олмасликка чақириб келади.

Эслатиб ўтамиз, илгарироқ, Россия МДҲ давлатларига авиа-парвозларни бошқа давлатларга кўра олдинроқ йўлга қўйиши мумкинлиги ҳақида хабар берган эдик.

Россия COVID-19 пандемияси туфайли бошқа мамлакатлар билан мунтазам ва чартер парвозларни 27 март санасидан вақтинчалик тўхтатган эди. РФ 1 августдан Россия Буюк Британия, Туркия ва Танзания билан авиарейсларни қайта тиклашини эълон қилди.

Ушбу давлатлар рўйхати кунлар, ҳафталар ўтиб кенгайтирилиши ҳам қўшимча қилинмоқда.

1378
Мавзу:
COVID-19 умумжаҳон пандемияси
Водопад. Иллюстративное фото

Хитойда кучли тўфон шаршарани тескари оқишга мажбур қилди - видео

32
(Янгиланган 14:10 06.08.2020)
"Хагупит" тўфони 190 метр баландликдаги Линфэн тоғ шаршарасини тескари йўналишда оқишга мажбур қилди.

ТОШКЕНТ, 6 авг — Sputnik. "Хагупит" тўфони 190 метр баландликдаги Линфэн тоғ шаршарасини тескари йўналишда оқишга сабаб бўлди. Бу ҳақда Daily Mail хабар қилди.

Видеода кучли шамол шаршара сувини учириб юбориши акс этган. Кучли “Хагупит” тўфони Хитойнинг Чжэцзян провинциясига ёпирилиб келди.

Шамол тезлиги соатига 136 километргача етди, айрим шарқий соҳилбўйи туманларида 4 метр баландликдаги тўлқинлар қайд этилди. 380 мингдан ортиқ киши хавфсиз жойларга эвакуация қилинди.

Поезд ҳаракати тўхтатилди, баъзи автомагистраль йўллари ёпилди, кўпгина уйлар электр энергиясиз қолди.

32