Ғалабанинг муқаддас байроғи: Берлин операциясининг асосий ҳужуми видеоси

564
(Янгиланган 13:56 06.05.2020)
1945 йил 30 апрелда Қизил Армия аскарлари бир кун давом этган шиддатли жангдан кейин биринчи марта Рейхстаг узра Ғалаба байроғини кўтаришди.

2-даражали Кутузов ордени билан тақдирланган 150-чи Идрицкая ўқчи дивизияси ҳужум байроғи расман Ғалаба байроғи ва Совет Иттифоқининг Улуғ Ватан уруши ғалабасининг рамзи бўлиб қолди.

Шундан сўнг, Германия парламенти учун кураш яна икки кун давом этди ва 2-май куни Германия қўмондонлиги таслим бўлиши билан якунланди.

70 мингдан ортиқ немис аскарлари ва зобитлари асирга олинди. Шаҳардан чиқиб кетишга уринган фашистларнинг айрим гуруҳларини йўқ қилиш 5-май куни якунланди.

Бир миллиондан ортиқ аскар ва зобитлар "Берлин эгаллаб олингани учун" медали билан тақдирланди, операциянинг 600 дан ортиқ иштирокчилари Совет Иттифоқи Қаҳрамони унвонига сазовор бўлди, 13 киши иккинчи "Олтин юлдуз" ордени билан тақдирланди.

564
Мавзу:
Ғалабанинг 75 йиллиги (59)

Хитойлик балиқларга футбол ўйнашни ўргатди ғаройиб ўйин кадрлари

139
Цзеянь шаҳрида истиқомат қилувчи Ян Тяньсинь карантин шароитида вақт ўтказишнинг ажойиб усулини топди. У ўзининг олтин балиқчаларига футбол ўйнашни ўргатди.

У аквариумни футбол майдончаси кўринишида жиҳозлади ва “олтин жамоага” ўйин қоидаларини тушунтирди.

“Аввалига мен улар ўйнашларини кутмаган эдим. Улар билан ишлаб, уларга бу қизиқ эканини англадим. Улар “тўп суришни” исташади”, - дея фикрлари билан ўртоқлашади Ян Тяньсинь.

Яхши ўйин учун “олтин футболчилар” рағбатлантирилади: ҳар бир голдан сўнг улар озиқлантирилади ва бу уларни ғалаба қозониш ва кўпроқ гол уришга ундайди.

“Олтин” жамоа мураббийи ўзининг мувафаққиятлари билан TikTok᾽да ўртоқлашади. Балиқчалар аллақачон кўплаб мухлисларига эга.

Келажакда Тяньсинь “балиқлар жамоаси” ўртасида баҳс уюштиришни режалаштирмоқда.

139

Россия Ту-160 бомбардимончисини 5 та давлат қирувчилари кузатиб қўйди

1462
(Янгиланган 20:50 18.09.2020)
Россиянинг ракета ташувчиси самолётини павоз вақтида 5 та хорижий давлат қирувчилари кузатиб қўйди. Режали парвоз 8 соатдан кўпроқ давом этди.

Россия Ҳаво-космик кучларига қарашли 2 дона Ту-160 стратегик ракета ташувчиси Болтиқ денгизининг нейтрал сувлари устида режали парвозни амалга оширди.

Ракета ташувчилари парвози қилиш айрим босқичларида уларга Россиянинг Су-35 қирувчилари ҳамда Дания ҲҲКнинг F-16, Италия ва Германия ҲҲКнинг F-22, Польша ҲҲКнинг Миг-29 ва Швеция ҲҲКнинг Saab JAS 39 Gripen қирувчилари ҳамроҳлик қилди.

1462

Букри кит тимсоҳларга тўла дарёга тасодифан сузиб келди

137
(Янгиланган 23:25 21.09.2020)
Австралияда букри кит тимсоҳларга тўла дарёга тасодифан сузиб келди. Икки ҳафтадан сўнг у очиқ денгизга қайтишга муваффақ бўлди.

ТОШКЕНТ, 21 сен — Sputnik. Австралиянинг Какаду миллий боғида букри кит тимсоҳлар тўла дарёга тасодифан сузиб келди. Икки ҳафтадан сўнг кит очиқ денгизга қайтишга муваффақ бўлди. ABC телеканали хабарига асосан.

Олдинроқ дарё бўйида балиқ овлашга кетган денгиз экологлари 2 сентябрь куни учта букри китни кўришганди. Кейинчалик улардан иккитаси денгизга қайтишга муваффақ бўлди. Таъкидланишича, тарихда илк бор Какаду миллий боғнинг дарёсида 20 километр нарида китни кўришганди.

Жума куни кит саёзликка сузиб келганда, олимлар ташвишга тушдилар.

"Кит лойга ботган эди, аммо кўриниши яхши эди", - дейди Кэрол Палмер, Австралия Шимолий Ҳудуди ҳукумати олими.

Олимлар китни қутқаришнинг кўплаб вариантларини, шу жумладан уни қўрқитиш ва орқага сузиш учун баланд товушлардан фойдаланиш усулларини кўришганди. Яхшиямки, кит якшанба куни денгизга қайтишга муваффақ бўлди.

137