Ҳабиб: отамнинг зали ўзбекистонлик ММА жангчилари учун ҳамиша очиқ

296
(Янгиланган 13:53 02.12.2020)
UFC бўйича мутлақ жаҳон чемпиони, таниқли россиялик жангчи Ҳабиб Нурмагомедов Тошкентда матбуот анжуманини ўтказди.

Ҳабиб Нурмагомедов Тошкентдаги матбуот анжуманида  ўзбекистонлик аралаш яккакураш жангчиларининг тайёрланиш даражасига юқори баҳо берди.

“Сизда эркин кураш, дзюдо, кураш мактаблари ҳамиша кучли бўлган, бугун сиз боксда жаҳон етакчиларисиз. Буларнинг барчаси ММА каби спорт турларининг мажмуасидир. Сўнгги уч-тўрт йил ичида бу спорт турида сизларда катта ривожланишни кузатаётганим тасодифий эмас. Бирданига бир неча жангчи профессионал лига, жумладан,  GFCда иштирок этмоқда. Ўйлайманки, жангчиларингизда барча имконият бор ва улар катта натижаларга эришишади”, - деди Нурмагомедов.

Спортчининг сўзларига кўра, ҳар бир жангчининг шаклланишида унинг мураббийи муҳим роль ўйнайди. Ҳабибнинг ўзи отаси Абдулманап Нурмагомедов раҳбарлиги остида жанг сирларини ўрганган ва тарбияланган. У бугунги кунда Ўзбекистонда унвон ва мукофот учун курашишга қодир ҳақиқий профессионалларни тайёрлашга имкон берадиган мустаҳкам мураббийлик гуруҳи шаклланганини таъкидлади.

“Халқаро йиғинлар амалиёти ҳақида тўхталсак, биз фақат мамнун бўламиз. Бошқа шаҳар ва залга келиш, у ерда икки-уч ҳафта машғулот ўтказиш, янги рақиблар билан учрашиш спортчи учун жуда фойдалидир. Бу маънода отамнинг зали ёш жангчилар, айниқса, ўзбекистонликлар учун ҳамиша очиқ. Республикадан бизга кўплаб кишилар келишади. Сизларни ҳамиша кутиб қоламиз”, - деди UFC чемпиони.

Ҳабиб Нурмагомедов матбуот анжуман давомида ММАни Олимпиадага киритиш унинг кейинги икки йиллик асосий вазифаларидан бири эканини маълум қилган эди. Унинг сўзларига кўра, бу йўналишда аллақачон ишлар олиб борилмоқда.

296
Теглар:
Ўзбекистон, спорт, ММА, Ҳабиб Нурмагомедов

Лавров ва Камилов Россияга меҳнат миграцияси қачон тикланиши ҳақида видео

367
(Янгиланган 18:09 02.03.2021)
Москвада Ўзбекистон ташқи ишлар вазири Абдулазиз Камилов ҳамкасби Сергей Лавров билан музокаралар ўтказди. Дипломатлар меҳнат миграцияси билан боғлиқ вазият, чет эллик талабалар учун кундузги ўқишни тиклаш масалаларини муҳокама қилдилар.

Айни пайтда икки мамлакат Соғлиқни сақлаш, Транспорт вазирликлари ва бошқа соҳавий тузилмалари мутахассислари тўлиқ алоқани тиклаш имконияти устида ишламоқда.

"Умид қиламизки, тез орада вазият аввалги барқарор форматига қайтади", - деб таъкидлади Сергей Лавров.

Абдулазиз Камилов, ўз навбатида, Москвага келган делегация, хусусан Соғлиқни сақлаш вазири ҳозир барча муаммолар устида иш олиб бораётганини таъкидлади.

"Энг асосийси, биз Россия Федерациясида ўзаро парвоз ва фуқароларимизнинг меҳнат фаолиятини тиклашдан ўзаро манфаатдормиз. Ҳозир бу муаммоларни биргаликда ҳал қилишга ҳаракат қилмоқдамиз", - деди Абдулазиз Камилов.

Бундан ташқари, Сергей Лавров республикада “Спутник V"  вакцинасини тезкорлик билан рўйхатдан ўтказилагани учун Ўзбекистон томонига миннатдорчилик билдирди. Шунингдек, препаратни республикада ишлаб чиқаришни бошлаш имконияти кўриб чиқилаётганлигини маълум қилди.

367

Сербияда 2 км келадиган колбаса тайёрланиб, ночорларга улашилди

87
Сербиянинг Турия қишлоғида узунлиги 2 километр ва оғирлиги 2 тоннадан зиёд келадиган рекорд колбаса пиширилди. У ҳар йили ўтказиладиган фестивалда намойиш этилди.

Коронавирус туфайли фестиваль катта тантанасиз, аммо эзгулик мақсади билан ўтказилди.

Рекорд даражадаги колбаса ҳам фестивалга келтирилди ва эҳсон учун тарқатилди. У билан ночорларни сийлашади.

Турия колбасаси 2013 йилда Гиннесснинг рекордлар китобига расман киритилган эди. Ўшандан буён унинг узунлиги ҳар йили бир метрга узайтирилади.

87
Мужчина держит папку в руке

Ҳарбий хизмат, ички ишлар ва божхона: пенсия таъминотига доир янги қонун

459
(Янгиланган 20:20 02.03.2021)
“Ҳарбий хизмат ўтаган, ички ишлар ва божхона идораларида хизмат ўтаган шахслар ҳамда уларнинг оила аъзоларини давлат пенсия билан таъминлаш тўғрисида”ги Ўзбекистон Республикаси Қонуни лойиҳаси тайёрланди.

ТОШКЕНТ, 2 мар — Sputnik. “Ҳарбий хизмат ўтаган, ички ишлар ва божхона идораларида хизмат ўтаган шахслар ҳамда уларнинг оила аъзоларини давлат пенсия билан таъминлаш тўғрисида”ги Ўзбекистон Республикаси Қонуни лойиҳаси тайёрланди.

Шавкат Мирзиёев 12 февраля принял участие в расширенном заседании коллегии Министерства внутренних дел Республики Узбекистан
Пресс-служба президента Узбекистана

Қонун лойиҳасини ишлаб чиқишдан кўзланган мақсадлар:

Ўзбекистон Республикаси ҳудудида истиқомат қилаётган Ўзбекистон Республикаси Қуролли Кучлари ҳарбий хизматчилари ва уларнинг оила аъзолари, шунингдек, Ўзбекистон Республикаси ва собиқ Совет Социалистик Республикалар Иттифоқининг қонун ҳужжатларига мувофиқ яратилган бошқа ҳарбий тузилмаларда ҳарбий хизмат ўтаган бўлиб, собиқ Иттифоқ таркибига кирган, бироқ Мустақил Давлатлар Ҳамдўстлигига аъзо бўлмаган давлатлар ҳудудида истиқомат қилаётган шахслар ҳамда ушбу шахслар оила аъзоларининг ҳуқуқлари ва қонуний манфаатларини муҳофаза қилиш (агар зикр этилган шахсларнинг пенсия таъминоти, мулоҳаза юритилаётган давлатларнинг ҳарбий хизмат (хизмат) ўтаган шахслар ва уларнинг оила аъзоларини пенсия билан таъминлашга оид қонун ҳужжатларида кўзда тутилмаган бўлса);

ҳарбий хизматчиларни ижтимоий жиҳатдан муҳофаза қилиш масалаларини нафақат уларнинг ҳуқуқ ва имтиёзларига тааллуқли кўплаб меъёрларни бир бутун қилиб, ўз ичига мужассам этадиган кодекс хусусиятига эга ҳужжат асосида, балки соҳага оид устувор масалаларни белгилаш бўйича давлат ҳокимияти идораларининг мажбуриятларини аниқ ифодалайдиган, мулоҳаза юритилаётган масалаларни рўёбга чиқариш йўлларини белгилаб берадиган ҳужжат асосида йўлга қўйиш киради.

"Қонун лойиҳаси пенсияларнинг қуйидаги миқдорларини кўзда тутади:

а) ҳақиқий ҳарбий хизмат ўталган муддат 20 йилни ташкил этса, пул таъминотига оид тегишли сумманинг 40 фоизи, хизмат ўташнинг чекланган ёшига етгани ёки соғлиги ёмонлашгани муносабати билан ҳақиқий ҳарбий хизматдан (хизматдан) истеъфога бўшатилган шахсга эса 45 фоизи тайинланади. 20 йилдан ортиқ ўталган ҳар бир тўлиқ хизмат йили учун пул таъминотига оид тегишли сумманинг 3 фоизи қўшилади. Бироқ пенсия миқдори, ушбу сумманинг жами 75 фоизидан ошмайди;

б) умумий меҳнат стажи 25 йилни ташкил этса, пул таъминотига оид тегишли сумманинг 40 фоизи, 25 йилдан ортиқ ҳар бир тўлиқ стаж йили учун зикр этилган сумманинг 1 фоизи қўшилади;

в) меҳнат стажи ҳисобга олинган тарзда хизмат ўтаган йиллари учун пенсия тайинланаётганида: умумий меҳнат стажи 20 йилни ташкил этса,  пул таъминотига оид тегишли сумманинг 40 фоизи, 20 йилдан ортиқ ҳар бир тўлиқ стаж йили учун зикр этилган сумманинг 3 фоизи қўшилади. Бироқ пенсия миқдори, пул таъминотига оид тегишли сумманинг жами  75 фоизидан ошмайди.

Хизмат ўтаган йиллари учун тайинланадиган пенсия миқдори Ўзбекистон Республикасида жорий этилган ёшга доир пенсиянинг энг кам миқдоридан кам бўлиши мумкин эмас.

Ҳарбий хизматчилар тоифасига мансуб, ногиронлик ҳолати ҳарбий хизмат мажбуриятларини бажариш билан боғлиқ бўлган (ҳарбий жароҳат олган) ногиронларга қуйидаги миқдорларда пенсия тайинланиши кўзда тутилган:

I гуруҳ ногиронларига – пул таъминотига оид тегишли сумманинг  90 фоизи;

II гуруҳ ногиронларига – пул таъминотига оид тегишли сумманинг  80 фоизи;

III гуруҳ ногиронларига – пул таъминотига оид тегишли сумманинг  55 фоизи", - деб ёзилган ҳужжатда.

459
Теглар:
Давлат божхона қўмитаси, божхона, Ички ишлар органи, Тошкент, Ўзбекистон