(2:06 / 16.20Mb / просмотров видео: 744)

Бир оқшомда бир миллион: одамлар ҳайвонларни оч ўлимдан асраб қолишди

220
(Янгиланган 10:52 05.12.2020)
Татаристонда очлик хавфи ёқасига келиб қолган ҳайвонлар бошпанасига одамлар бир оқшомда бир миллион рубл ўтказиб беришди.

Яқинда Татаристон Республикасининг Аксубаева номли қишлоқда жойлашган "Вега" номли ҳайвонлар бошпанасида бир  ажойиб воқеа содир бўлди. Бошпана кўнгилли фуқаролар томонидан ташкил қилинган бўлиб, фақат хусусий хайрия маблағлари асосида кун кўрарди. У ерда 100га яқин ҳар хил вазиятларда қутқариб қолинган ва асраб олинган ит ва мушуклар сақланади. 

Лекин охирги вақтларга ушбу бошпанага экскурсияга келадиган ва хайрия қиладиган кишилар сони кескин камайиб кетиши туфайли Вега молиявий оғир аҳволга тушиб қолган эди. Бошпана қарзлари кўпайиб, ҳайвонларга беришга овқат ҳам қолмаганидан сўнг, унинг бошлиғи инстаграмда ғамгин хабар ёзиб қолдирган.

"Хабарингиз бор бизнинг бошпана "Аксубаево" қишлоғида жойлашган. Бу ерда маҳаллий аҳоли ҳам жуда қийин аҳволда яшайди, бизга ёрдам берадиган ҳеч ким йўқ. Бошпанамиз қарзлари 1 миллиондан ошиб кетди. Ҳайвонларга берадиган овқат ҳам қолмаган. Наҳотки шу охирги нуқта бўлса? Наҳотки энди уларни яна кўчага чиқариб юборишга тўғри келса", - деб ёзиб қолдирган эди.   

Шундан сўнг ушбу хабар кенг тарқалиб, ҳайвонларга бефарқ бўлмаган кишилар томонидан бир оқшомда бир миллион рублдан ортиқ хайия маблағлари жамланган. Ушбу маблағлар барча қарзларни қоплаб ҳайвонлар учун яна бир ойлик овқат заҳиралари жамлашга етарли бўлган. 

Посмотреть эту публикацию в Instagram

Публикация от "Вега" частный мини-приют (@priut_vega)

220

Тошкентда яна оппоқ қор ёғди - видео

217
(Янгиланган 16:41 22.01.2021)
Тошкентга қиш қайтиб келди - кўчалар, уйлар, дарахтлар бутун атроф оқ ранг билан қопланди. Оқ рангли машиналар ҳам гўёки қиш манзарасини тўлдириб тургандек. 

Тошкентда бугун қор ёғмоқда. Кўчалар, уйлар, дарахтлар ва бутун атроф оқ ранг билан қопланди. Ҳаракат секинлашиб қолган йўллардаги кўп сонли оқ рангли машиналар ҳам гўёки қиш манзарасини тўлдириб тургандек. 

Коммунал хўжалик хизматлари автомобил йўллари  ва йўлакларни тозалаш билан шуғулланмоқда.

Тошкентдаги қиш эртаги ҳақида батафсил видеолавҳамизда томоша қилинг. 

217

Тошкентдаги маҳаллаларга пул ажратиш ва дарахт экиш масалалари ҳақида - видео

91
Шу ҳафта Тошкент шаҳар ҳокими Жаҳонгир Ортиқхўжаев пойтахтдаги мавжуд муаммоларни бартараф этиш учун ҳар бир маҳалла фуқаролари йиғинига 50 миллион сўмдан маблағ ажратиш ва пойтахтда 30 миллиард сўмлик дарахт экиш таклифларини билдирганди.

Куни кеча ушбу масалалар юзасидан матбуот анжуманида депутатлар ўз фикрларини билдиришди.

91
Народная приемная президента Узбекистана

Президент халқ қабулхоналарига 2020 йилда бир миллиондан ортиқ мурожаат келиб тушган

21
Президент Халқ қабулхоналари томонидан киритилган ахборот ва эшитилган ҳисоботлар натижасида мурожаатлар билан талаблар даражасида ишламаган 752 нафар масъул ходим жавобгарликка тортилган.

ТОШКЕНТ, 23 янв - Sputnik. 2020 йилда Президент виртуал қабулхонаси ва Халқ қабулхоналарига 1 миллион 196 минг 370дан зиёд мурожаат (ойига ўртача 99,7 мингта, 1 кунда – 3,2 мингта) келиб тушган, деб хабар бермоқда Sputnik Ўзбекистон мухбири.

Ушбу мурожаатларнинг 58 фоизи (693,9 минг) ижобий ҳал қилиш ва ҳуқуқий маслаҳат бериш орқали ечимини топган. 373,6 мингдан зиёд мурожаат эгасига тушунтириш берилган, қолган мурожаатлар кўриб чиқиш жараёнида.

Шунингдек, 2020 йилда аҳолидан қуйидаги йўналишларда энг кўп мурожаатлар келиб тушган:

- моддий ёрдам ва ижтимоий нафақалар (2 ёшли, 14 ёшли болалар нафақаси) масаласи – 129 минг 472 та

- иш билан таъминлаш - 55 минг 203 та

- уй-жой таъминоти - 47 минг 307 та

- алимент ундириш - 44 минг 780

- карантин даврида моддий ёрдам, озиқ-овқат ва ҳимоя воситалари билан таъминлаш - 44 минг 293

- электр энергияси таъминотидаги узилишлар - 37 минг 874

- иш ҳақи ва унга тенглаштирилган тўловларни тўлаш ва ундириш - 24 минг 80

- ер майдони ажратмаслик ёки олиб қўйиш - 20 минг 491

- маиший газ баллони билан таъминлаш - 18 минг 588

- аҳоли уй-жойларини таъмирлаш - 15 минг 722.

2020 йилда фуқаролик ишлари бўйича суд қарорларидан норозиликка оид мурожаатлар 20 фоизга, ичимлик суви таъминоти билан боғлиқ мурожаатлар 9 фоизга, уй-жой билан таъминлаш 3 фоизга, ер майдони ажратмаслик ёки олиб қўйишга доир масалалар билан мурожаат қилиш 2 фоизга камайган.

Битта оммавий қабулда ўртача 300 га яқин масала кўриб чиқилгани, ўртача 201 масала ҳал қилинган.

2020 йилда ҳудудларда қатъий карантин қоидалари асосида мунтазам оммавий қабуллар ташкил қилингани пандемия давридаги муаммоларни биринчи бўғинда аниқлаш ва уларга ечим топишда ниҳоятда муҳим платформа бўлди.

Президент Халқ қабулхоналари томонидан киритилган ахборот ва эшитилган ҳисоботлар натижасида мурожаатлар билан талаблар даражасида ишламаган 752 нафар масъул ходим жавобгарликка тортилди.

2020 йилда Президент виртуал қабулхонаси ва Халқ қабулхоналарига келиб тушган мурожаатлар ижроси бўйича Халқ депутатлари кенгашлари мажлисларига Халқ қабулхоналари томонидан 743 та ахборот киритилган. Унга кўра 1 минг 759 нафар сектор ёки давлат идоралари раҳбарларининг ҳисоботлари эшитилган.

Киритилган ахборотлар ва эшитилган ҳисоботлар натижаси бўйича 752 нафар масъул ходим аҳоли мурожаатлари билан талаблар даражасида ишламаганлиги учун жавобгарликка тортилган. Уларнинг 26 нафари эгаллаб турган лавозимидан озод этилган, 20 нафарига жарима қўлланилган, 89 нафарига ҳайфсан эълон қилинган, 617 нафар масъул ходимлар эса расман огоҳлантирилган.

Президент халқ қабулхоналари тақдимномаларга асосан 3 минг 108 нафар масъул ходим жавобгарликка тортилган.

2020 йилда Халқ қабулхоналари томонидан секторлар, давлат органлари ва бошқа ташкилотларнинг уйма-уй юриш, мурожаатлар билан ишлаш, ижтимоий ва бошқа объектларда аниқланган муаммоларни ҳал қилиш борасидаги фаолияти тизимли ўрганилиб, кўриб чиқилиши мажбурий бўлган 3 минг 353 та тақдимнома киритилган. Тақдимномаларга асосан 3 минг 108 нафар масъул ходим жавобгарликка тортилган, шундан 201 нафари эгаллаб турган лавозимидан озод этилган, 286 нафарига жарима қўлланилган, 1 минг 467 нафарига ҳайфсан эълон қилинган, 1 минг 154 нафар масъул ходим эса расман огоҳлантирилган.

21