Америка миллиардери ва телебошловчи Доналд Трамп. Архив сурат

Доналд Трамп АҚШга мусулмонларни киритмасликни таклиф қилди

172
(Янгиланган 14:59 08.12.2015)
Доналд Трамп матбуот-хизмати маълумотига кўра, миллиардер ўтган ҳафтада Калифорнияда 14 кишининг мусулмонлар томонидан отиб ташланишидан сўнг шундай тўхтамга келган.

ТОШКЕНТ, 8 дек — Sputnik.  Доналд Трамп ўтган ҳафтада Калифорнияда 14 кишининг мусулмонлар томонидан отиб ташланишидан сўнг, Қўшма Штатларга мусулмонларни киритмасликни таклиф қилди. Оқ уй унинг бу қарорига ўз эътирозини билдирди, деб хабар қилади РИА Новости CNN маълумотига кўра.

Сиёсатчи ўз твиттерида мусулмонларда душманлик кайфияти тобора кучайиб, мамлакат хавф остида қолаётгани тўғрисидаги “муҳим баёнот”ини эълон қилди. Миллардернинг фикрига кўра, аксарият мусулмонлар америкаликларга нисбатан душманлик кайфиятида.

Душманлик сабаби аниқлаштирилмагунча, фуқаролар мусулмонларнинг қурбонига айланмаслиги керак, деб ҳисобламоқда Трамп.

Трампнинг баёнотига Америка-ислом муносабатлари кенгаши изоҳ бериб, уни “фашизм соҳасидаги чиқиш” деб атади. Аввалроқ эса CNN шарҳловчиси Дональд Трампни Гитлер билан тенглаштирган эди.

АҚШ президенти миллий хавфсизлик бўйича маслаҳатчи ўринбосари Бен Родс ҳам Трампнинг таклифини кескин қораламоқда. Родснинг сўзларига қараганда, бу сингари таклифлар "террорчилар тегирмонига сув қуймоқ” билан тенг. “Бу таклифга рози бўлиш оқибатида, АҚШни мусулмонлар билан уруш олиб бораётгандек кўрсатиб қўйиш мумкин”, деди у.

Доналд Трамп Республикачилар партиясидан АҚШ президентлигига номзод қўйганлар орасида етакчи. АҚШ давлати президентлигига сайлов 2016 йилнинг ноябрида ўтказилиши режалаштирилган.

172
Аппарат для ИВЛ

Қозоғистоннинг Жамбил вилояти Ўзбекистондан ёрдам сўради

44
(Янгиланган 17:58 08.07.2020)
Қозоғистоннинг Жамбил вилоятида сунъий нафас олдириш аппарати етишмайди. Вилоят Россия ва Ўзбекистон билан ушбу тиббиёт ускуналарини етказиб беришга оид музокаралар ўтказмоқда.

ТОШКЕНТ, 8 июл — Sputnik. Қозоғистоннинг Жамбил вилоятида сунъий нафас олдириш аппарати етишмайди. Вилоят ҳокими Бердибек Сапарбаев Россия ва Ўзбекистон билан ушбу тиббиёт ускуналарини етказиб беришга оид музокаралар ўтказилаётганини маълум қилди.

“Вилоятда 148 дона сунъий нафас олдириш аппарати бор. Бу етарли эмас. Ҳозир биз Россия, Ўзбекистон билан ишламоқдамиз. Яқин кунларда яна 50 дона шунақа аппаратларни олишимиз режалаштирилмоқда”, - деди Сапарбаев. Унинг сўзларидан Sputnik Қозоғистон нашри иқтибос келтирган.

Қозоғистоннинг Жамбил вилоятида коронавирус пандемияси бошлангандан буён 1866 та касалланиш ҳолати аниқланган. Беморларнинг 598 нафари тузалиб кетган. Уч киши вирус қурбонига айланган.

Россия хорижга 600 та сунъий нафас олдириш аппаратини, жумладан, Ўзбекистонга етказиб берди

Эслатиб ўтамиз, аввалроқ Фарғона вилояти Қирғизистоннинг Боткен шаҳрига инсонпарварлик ёрдами жўнатгани хабар қилинган эди.

44
Теглар:
коронавирус, Қозоғистон, Ўзбекистон

Қозоғистон чегара пунктида 3 мингга яқин Ўзбекистон ва Тожикистон фуқаролари тўпланди

127
(Янгиланган 17:18 08.07.2020)
Қозоғистоннинг Туркистон вилоятидаги “Жибек жоли” чегара пункти яқинида уч минг нафар Ўзбекистон ва Тожикистон фуқаролари тўпланди.

ТОШКЕНТ, 8 июл — Sputnik. Қозоғистоннинг Туркистон вилоятидаги “Жибек жоли” чегара пункти яқинида уч минг нафар Ўзбекистон ва Тожикистон фуқаролари тўпланди.

Туман ҳокимияти, ҳомийлар ва кўнгиллилар ватанига қайтмоқчи бўлган хорижликларни озиқ-овқат билан таъминлашга ёрдам бермоқда. Бу ҳақда Sputnik Қозоғистонга туман ҳокими ўринбосарини Сакен Калкаманов маълум қилди.

“Автотурагоҳда уч мингга яқин фуқаро тўпланди, улардан кўпчилиги – Ўзбекистон фуқаролари. Периметр бўйлаб чодирлар қўйилди. Сариагаш ҳокимияти, ҳомийлар ва кўнгиллиларнинг кучи билан бир кунда бир махал тушлик ташкил қилинмоқда, сув олиб келинмоқда” – деди Калкаманов.

Унинг сўзларига кўра, ўтган ҳафтада Ўзбекистон томон 200-300 кишидан чегарадан ўтказди.

“Қўлимиздан келган ишни қиляпмиз. Ҳар куни ҳудуд тозаланади. Тасаввур қилинг, бир жойда уч минг киши. Улар кетишмаяпти, чунки улар чегарадан ўтиши керак. Март ойи, карантин жорий қилингандан бери чегарадан 41 минг ўзбекистонлик ўтди. Ҳокимият ҳаммасини озиқ-овқат билан таъминлади. Қолган масъулият – Ўзбекистон томонида”, - деб қўшимча қилди Калкаманов.

Посмотреть эту публикацию в Instagram

Публикация от @kris_p_kz +21 | 🇰🇿Kz (@kris_p_kz)

Эслатиб ўтамиз, бундан аввал Ўзбекистон ТИВ Ўзбекистон Ташқи ишлар вазирлиги Россиядаги фуқароларга мурожаат қилганди.

Фуқароларга Россия, Ўзбекистон ва Қозоғистонда жорий қилинган карантин чоралари, шу жумладан мамлакатларга кириш бўйича чекловлар ўз кучида қолаётгани яна бир бор эслатилди.

Россия ҳудудидаги ватандошлардан турли ёлғон хабарлар ва миш-мишларга ишонмаслик, Россия-Қозоғистон давлатлараро чегара пунктларига боришга уринмаслик, ҳозирги яшаш жойларида қолиб, карантин чораларига қатъий риоя қилишларини сўралган.

127
Мавзу:
COVID-19 умумжаҳон пандемияси