Россия ТИВ раҳбари Сергей Лавров (ўнгда) ва АҚШ давлат котиби Жон Керри. Архив сурат

Лавров ва Керри Женевада Сурия бўйича музокара ўтказмоқда

93
(Янгиланган 16:11 26.08.2016)
Россия Ташқи ишлар вазири Сергей Лавров ва АҚШ Давлат котиби Жон Керри Женеванинг "Президент Уилсон" отелида музокараларни бошладилар.

ТОШКЕНТ, 26 авг — Sputnik. Лавров ва Керри бу галги учрашувда террорчиларга қарши Сурияда олиб борилаётган урушда координацияни йўлга қўйиш ҳақида музокара ўтказадилар, деб хабар қилмоқда РИА Новости.

Россия Ташқи ишлар вазири ва АҚШ Давлат котиби ўртасидаги музокаралар Женевадаги "Президент Уилсон" отелида бўлиб ўтаётгани маълум. "Бино тонгдан буён полициячилар ва хавфсизлик хизмати томонидан ўраб олинган", — дейилади хабарда.

"Бу учрашув бирор бир ҳужжат ишлаб чиқилишига асос бўла оладими-йўқми, ҳозирча номаълум, аммо Лавров ва Керрининг бу галги учрашувига россиялик ва америкалик дипломатлар ва ҳарбийларнинг биргаликдаги фаол фаолияти туртки бўлган", — дейилади хабарда.

Маълумотларга кўра, Лавров ва Керри Сурияда тинчлик тартибини ушлаб туриш ва сиёсий жараённи ишга тушириш масалаларини кўриб чиқадилар. Томонлар Турки-Сурия чегарасида расмий Анқара томонидан амалга оширилган операция масаласини ҳам кўриб чиқишлари эҳтимолдан ҳоли эмас.

Бундан сал олдин Вашингтон Россия ва Эронни кимёвий қуролдан фойдаланганлиги учун "Сурияни жавобгарликка тортишга" чақирган эди.

Сергей Лавров эса Вашингтоннинг талабига жавобан Америкага Сурияда тинчлик жараёни битимига амал қилмаганлигини эслатиб қўйди: "Уларга ойнага яхшироқ қараб, январ ойидан буён бериб келаётган ваъдаларининг устидан чиқишни маслаҳат бераман. Америка оппозицияни террорчилардан ажратиб олсин олдин. Улар бундай қила олмайди — чунки ё қўлидан келмайди ёки исташмаяпти"

93

Букри кит тимсоҳларга тўла дарёга тасодифан сузиб келди

144
(Янгиланган 23:25 21.09.2020)
Австралияда букри кит тимсоҳларга тўла дарёга тасодифан сузиб келди. Икки ҳафтадан сўнг у очиқ денгизга қайтишга муваффақ бўлди.

ТОШКЕНТ, 21 сен — Sputnik. Австралиянинг Какаду миллий боғида букри кит тимсоҳлар тўла дарёга тасодифан сузиб келди. Икки ҳафтадан сўнг кит очиқ денгизга қайтишга муваффақ бўлди. ABC телеканали хабарига асосан.

Олдинроқ дарё бўйида балиқ овлашга кетган денгиз экологлари 2 сентябрь куни учта букри китни кўришганди. Кейинчалик улардан иккитаси денгизга қайтишга муваффақ бўлди. Таъкидланишича, тарихда илк бор Какаду миллий боғнинг дарёсида 20 километр нарида китни кўришганди.

Жума куни кит саёзликка сузиб келганда, олимлар ташвишга тушдилар.

"Кит лойга ботган эди, аммо кўриниши яхши эди", - дейди Кэрол Палмер, Австралия Шимолий Ҳудуди ҳукумати олими.

Олимлар китни қутқаришнинг кўплаб вариантларини, шу жумладан уни қўрқитиш ва орқага сузиш учун баланд товушлардан фойдаланиш усулларини кўришганди. Яхшиямки, кит якшанба куни денгизга қайтишга муваффақ бўлди.

144
Вакцина против новой коронавирусной инфекции впервые в мире зарегистрирована в России 11 августа

ЖССТ коронавирусга қарши вакцина учун Россияга миннатдорчилик билдирди

815
(Янгиланган 17:04 21.09.2020)
Жаҳон соғлиқни сақлаш ташкилоти Россияга коронавируснинг янги штаммига қарши ишлаб чиқилган вакцина учун миннатдорчилик билдирди.

ТОШКЕНТ, 21 сен — Sputnik. Жаҳон соғлиқни сақлаш ташкилоти коронавируснинг янги штаммига қарши ишлаб чиқилган вакцина учун Россияга миннатдорчилик билдирди. Бу ҳақда ЖССТнинг Европа минтақавий бюроси раҳбари Ханс Клуге маълум қилди.

ЖССТ вакили Россияда яратилган вакцина хавфсизлиги ва самарадорлигига эътиборни қаратди.

“Мен Россияга хавфсиз ва самарали вакцинани яратиш бўйича ажойиб ҳаракатлар учун миннатдорчилик билдирмоқчиман”, - деди Клюге.

Россия шу йилнинг январь ойида коронавирусга қарши вакцинани ихтиро қилишга киришди. Россия Соғлиқни сақлаш вазирлиги август ойида дунёдаги биринчи COVID-19  вакцинасини рўйхатдан ўтказди.

Мутахассислар тадқиқот натижаларига кўра, вакцинани хавфсиз деб тан олишди ва у коронавирусга қарши иммунитетни шакллантиришга имкон беришини таъкидлашди.

ЖССТ бошидан Россиянинг коронавирус вакцинасига қизиқиш билдирган. Сентябрь ойининг бошларида машҳур тиббиёт журнали The Lancet Россия “Спутник V” вакцинаси клиник синовларининг икки босқич натижаларини эълон қилди.

815
Мавзу:
COVID-19 умумжаҳон пандемияси