АҚШ президенти Барак Обама

Барак Обамадан тавсия: "Мана шу фильмларни, албатта, томоша қилинг!"

538
(Янгиланган 15:54 14.10.2016)
Барак Обамага кўра, илмий фантастика жанрида суратга олинган ва, албатта, томоша қилиниши керак бўлган фильмлар рўйхатидан, биринчи галда, Стэнли Кубрикнинг "2001 йил фазовий одиссеяси" ўрин эгаллайди

ТОШКЕНТ, 13 окт — Sputnik. АҚШ президенти Барак Обама илмий-фантастика жанрида суратга олинган ва, албатта, томоша қилиниши шарт бўлган фильмлар ва телешоулар рўйхатини тақдим этди. Оқ Уй раҳбарининг таъкидича, улар "онгни кенгайтиришга" хизмат қилади. РИА Новости хабари асосида.

Америка етакчиси Стэнли Кубрикнинг 1968-йилда суратга олинган "2001 йил фазовий одиссеяси"ни томоша қилиниши шарт бўлган фильмлар рўйхатида биринчи ўринда кўрсатган. Барак Обамага кўра, "фильм ўзининг маҳобати ва ноаниқлик кўлами" билан ҳайратга солади. Иккинчи ўрин 1982 йилда режиссёр Ридли Скотт томонидан яратилган "Тиғ устида югурувчи" фильмига берилган. "Бу фильмда одам бўлиш қандай экани ҳақида масала кўтарилган", — деб ёзган фильм ҳақида АҚШ президенти.

Илмий-фантастика жанридаги фильмлар учлигини Стивен Спилбергнинг 1977 йилда суратга олган "Учинчи даражадаги яқин алоқалар" картинаси якунлаган. "Ўта оптимистик руҳдаги картина" дея изоҳ берган фильмга Обама.

Шунингдек, АҚШ етакчиси, илмий фантастика жанрида томоша қилиниши шарт бўлган фильм ва телешоулар рўйхатига Жорж Лукаснинг 1977 йилда суратга олинган "Юлдузлар жанги. IV эпизод: янги умид" картинаси, "Юлдузли йўллар" сериали (1966-1969 йиллар), 2015 йилда суратга олинган Ридли Скоттнинг "Марсианин" фильми, шунингдек ака-ука Вачовскиларнинг биринчи "Матрица"си  киритган.

Ушбу рўйхат ноябрь ойида Wired журналида чоп этилган. Обама журналнинг таклиф қилинган муҳаррири бўлган.

538
Водитель в автомобиле

Россияда авто-жарималар миқдорини ошириш таклиф қилинди

14
Россияда автомобил жарималари миқдорини ошириш таклиф қилинди. Энди РФда ҳайдовчи қизил чироққа юргани учун ва қасддан сохта рақамларни ўрнатганига қанча пул тўлаши керак.

ТОШКЕНТ, 10 июл - Sputnik. Умумроссия Халқ фронти (ОНФ) ҳайдовчилар учун белгиланган жарималар миқдорини беш бараварга оширишни таклиф қилди, деб маълум қилди РИА Новости'га “Автомобил ҳайдовчиларининг ҳуқуқларининг ҳимояси” ишчи гуруҳи раҳбари Петр Шкуматов.

“Ҳозирда Маъмурий ҳуқуқбузарликлар тўғрисидаги кодексга асосан қизил чироққа ҳаракатланиш учун жарима минг рублни ташкил этади. Такрорий қоидабузарликда беш минггача кўтарилади, ёки тўрт ойдан олти ойгача ҳайдаш ҳуқуқидан маҳрум қилиш унга альтернатива бўлиши мумкин”, - дейилган маълумотда.

Қасддан сохта рақамларни ўрнатиш учун ҳам экспертлар ҳудди шу миқдордаги маблағни ундиришни тавсия қиладилар. Ҳозирда бу учун жарима 2,5 минг рублдан ошмайди.

Шу билан бирга, ОНФ ифлосланган рақамлар учун жаримани камайтиришга ва кўчада об-ҳаво ёмон бўлса огоҳлантириш билан кифояланишга чақирмоқда.

Шунингдек, экспертлар маст велосипедчиларга беш минг рубл миқдорида жарима қўллашни тавсия қилишди.

Бундан ташқари, тезликни оширганлик учун жарималарни ўзгартириш таклиф этилмоқда: аҳоли яшаш пунктларида тезлик меъёрдан соатига 40-60 кмга ортиқ бўлса, 2,5 минг рубл, такрорий қоидабузарлик учун 5 минг жарима ундириш таклиф этилмоқда.

Иккала ҳолатда ҳам ҳайдовчилик гувохномасидан маҳрум қилиш кўзда тутилмаган.

Аҳоли яшаш пунктларидан тезликни меъёрдан соатига 60 км дан ортиқ тезликда ҳаракатланиш учун экспертлар 5 минг рубл миқдорида жарима солишни ёки 4 ойдан 6 ойгача ҳайдаш ҳуқуқидан маҳрум қилишни, такрорий қоидабузарликлар учун - 15 минг ёки бир йилга ҳайдаш ҳуқуқларидан маҳрум қилишни таклиф қилдилар.

Аҳоли яшаш пунктларидан ташқарида тезлик меъёрдан 40-60 км/соатга оширилса, ОНФ 2,5 минг рубл, 60 км/соатдан кўпроғига - 5 минг рубл миқдорида жарима кўллашни таклиф қилмоқда.

14

БССТ коронавирус заифлашгани ҳақидаги маълумотларни рад этди

69
(Янгиланган 13:05 10.07.2020)
БССТ вакилининг сўзларига кўра, вируснинг генетик хилма-хиллиги мавжуд, аммо бу ҳеч қандай маъно касб этмайди, чунки вирус ҳаракатини ўзгартирадиган генлар ўзгаришсиз қолган.

ТОШКЕНТ, 10 июл - Sputnik. Коронавирус ўзгаргани йўқ, касаллик худди аввалгидек жиддий, деб айтган РИА Новостига берган интервьюсида Бутунжаҳон соғлиқни сақлаш ташкилотининг Россиядаги вакили Мелита Вуйнович.

"Кўпчилик бугун вирус ўз кучини йўқотгани ҳақида гапирмоқда, лекин бу ундай эмас. Вирус ўзгаргани йўқ. Унинг таъсирчанлиги аввалгидек, касаллик жиддийлиги ҳам аввалгидек", - деган Вуйнович.

Аёлнинг сўзларига кўра, вируснинг генетик хилма-хиллиги мавжуд, аммо бу ҳеч қандай маъно касб этмайди, чунки вирусни ҳаракатини ўзгартирадиган генлар ўзгаришсиз қолган.

"Вируснинг ўзини тутиши – бу эпидемиянинг бир элементидир, иккинчи элементи – бу одамларнинг ўзини тутиши, чунки вирус одамдан одамга ўтади. Агар у оқар сувларда ёки бошқа жойда қолиб кетса - бу муҳим эмас, сабаби, асосий тарқалиш одамдан одамга ўтиш орқали юз беради. Агар биз ҳозирда биз ушбу жараёнларни секинлаштирсак, уни эрта босқичда тўхтата олсак, албатта, у ҳолда касаллик ўчоқлари катталашиб кетмайди, шунчаки кичик кластерлар мавжуд бўлади, иккинчи тўлқингача етиб бормаймиз", - деб ҳисоблайди БССТ вакили.

Бутунжаҳон соғлиқни сақлаш ташкилоти 11 март куни янги турдаги COVID-19 коронавирус инфекцияси тарқалишини пандемия, деб эълон қилди. БССТ тақдим этган сўнгги маълумотларга кўра, дунёда 11,8 миллиондан ортиқ беморланиш ҳолатлари қайд этилган, 545 мингдан зиёд киши вафот этган.

69

Лавров ядровий зиддият хатарлари ошгани ҳақида гапирди

34
Россия ТИВ раҳбари АҚШ қурол-аслаҳалар назорати архитектурасини тубдан вайрон қилаётганига урғу берди.

ТОШКЕНТ, 10 июл - Sputnik. Сўнгги вақтларда ядровий қарама-қаршилик хавфлари жиддий ортди, АҚШ стратегик барқарорлик атамасидан воз кечмоқда, дея баёнот берди Россия ташқи ишлар вазири Сергей Лавров.

"Сўнгги вақтларда ядровий хавфлар сезиларли даражада ошгани, хавфсизлик ва халқаро стратегик барқарорлик соҳасидаги вазият очиқчасига ёмонлашаётганига қўшиламан. Бунинг сабаблари барчага аён: АҚШ глобал доминантликни қайтаришга ҳаракат қилмоқда ва улар катта кучлар рақобати дея атайдиган нарсада ғалабага эришишни истамоқда, у стратегик барқарорлик атамасидан воз кечиб, эндиликда уни стратегик рақобат дея атамоқда. АҚШ ғалаба қозонишни истаяпти", - деди Лавров "Примаков сабоқлари" онлайн-сессияси давомида.

Россия ТИВ раҳбари АҚШ қурол-аслаҳалар назорати архитектурасини тубдан вайрон қилаётганига урғу берди.

34