Россия президенти Владимир Путин (ўнгда) ва Туркия президенти Ражаб Эрдўғон, архив сурат

Эрдўғон Путинга доллардан воз кечишни таклиф қилди

1996
(Янгиланган 20:21 04.12.2016)
"Мен Путинга савдода маҳаллий валюталарга ўтиш таклифини билдирдим", - деб таъкидлади Туркия президенти Тойиб Эрдўғон

ТОШКЕНТ, 4 дек — Sputnik. Расмий Анқара Москвага икки давлат ўртасидаги савдо-сотиқ муносабатларида миллий валютадан фойдаланиш таклифини билдирди, деб хабар қилмоқда РИА Новости.

"Мен Путинга (Россия президенти Владимир Путинга) қуйидаги таклифни билдирдим: келинг, ўзаро савдода маҳаллий валюталарга ўтамиз, дедим. Сизлардан харид қиладиган барча товарларга рублда тўлайман, мендан харид қиладиган нарсаларингиз учун эса турк лирасида тўловни амалга оширасиз, дедим", — деб таъкидлаган Эрдўғон Истанбул шаҳрида янги очилган савдо марказида иштироки давомида.

Эрдўғон, Туркия савдо-сотиқда миллий валютага ўтиш таклифини, шунингдек, Хитой ва Эрон томонга билдирганини ҳам қўшимча қилган. "Бу таклиф улар томонидан қабул қилинди", — деб таъкидлаган Туркия раҳбари.

"Ҳозирда Марказий банкларимизга тегишли топшириқларни берганмиз ва ташқи муносабатларни бу йўлга ўтказишга ҳаракат қиламиз", — деб баёнот қилган Эрдўғон.

Тойиб Эрдўғон ўз чиқиши давомида Туркия фуқароларига валюта — бу босим ўтказиш ыуроли эканлигини таъкидлаган ҳолда, барча йиғиб қўйган омонатларини олтин ёки турк лирасига алмаштиришга чақирган.

"Нима учун биз ўз омонатларимизни босим воситасига айлантиришимиз керак экан? Пулларини тўшаги тагида сақлаётганларга маслаҳатим — омонатларингизни лира ёки олтинга алмаштиринг. Келинг, миллий бойликларимизни қўллаб-қувватлаймиз. Бу Туркияга босим ўтказишни хоҳлаётганлар учун яхшигина зарба бўлади. Ғам чекманг, сизлар ютқазмайсизлар", — деб қўшимча қилган Эрдўғон.

1996
Теглар:
Истанбул, лира, рубл, Туркия, доллар, Эрдўғон, Путин, Туркия, Россия
Пограничный пункт, архивное фото

Тожикистон қўшнилар туфайли Россияга авто-транспорт қатновини амалга ошира олмаяпти

278
(Янгиланган 10:24 13.08.2020)
Россиянинг Тожикистондаги элчихонаси нима учун давлатлар ўртасида ер усти қатнови ҳануз ёпиқлигини айтди

ТОШКЕНТ, 13 авг - Sputnik. Россия ва Тожикистон ўртасида авто-транспорт қатновини тиклаш муаммоси жуда долзарб, деди кеча ўтказилган матбуот-анжуманида Россиянинг Тожикистондаги элчихонаси консуллик бўлими бошлиғи Валерий Катункин. Sputnik Тожикистон хабари асосида.

"Россия ва Тожикистон ўртасида ягона қуруқлик чегараси йўқ. Чегаралар икки суверен давлат - Ўзбекистон ва Қозоғистон орқали ўтади. Ва бу муаммо (ер усти қатнови - таҳр.) ҳалигача ҳал қилинмади", - деди Катункин.

Унинг таъкидлашича, консуллик бўлими ва элчихона автоколонналарни "яшил йўлак"дан Ўзбекистон ва Қозоғистон ҳудудлари орқали ўтиши учун барча имкониятларни ишга солмоқда.

Шу билан бирга, Катункин Қозоғистонда карантин режими 16 августгача амал қилаётганини эслатди.

"Қозоғистонлик ҳамкорларнинг маълум қилишича, улар ушбу колоннани ўтказиб юборишга деярли тайёр. Аммо тиббий кўрсаткичлар нуқтаи назаридан ва жиноий вазият билан боғлиқ тўғридан-тўғри хавфсизликни таъминлай олмайдилар. Чунки (йўллар-таҳр.) узунлиги 1700 километрни ташкил этади ва у аҳоли кам яшайдиган ва чўл ҳудудлари орқали ўтади", - деди у.

Эслатиб ўтамиз, ижтимоий тармоқларда Россия ва Тожикистон ўртасидаги ер усти қатновининг тикланиши ҳақидаги миш-мишлар тез-тез пайдо бўлмоқда. Шу билан бирга, элчихона ҳозирча бундай ҳаракатнинг иложи йўқлигини таъкидламоқда.

278
Самолет Airbus-320. Архивное фото

Хитой 50та давлат билан авиа-парвозларни тиклади

181
(Янгиланган 10:05 13.08.2020)
Қайд этилишича, Хитойда эпидемия бошлангандан буён илк маротаба бир сутка давомида COVID-19 ни юқтирганлик ҳолати аниқланмаган.

ТОШКЕНТ, 13 авг - Sputnik. Хитой дунёнинг 50та давлати билан коронавирус пандемияси туфайли вақтинча тўхтатилган авиа-парвозларни қайта тиклади, деб хабар берди РИА Новости ХХР ҳукумати тарқатган маълумот асосида.

Қайд этилишича, Хитойда эпидемия бошлангандан буён илк маротаба бир сутка давомида COVID-19 ни юқтирганлик ҳолати аниқланмаган.

Эслатиб ўтамиз, куни кеча Республика махсус комиссиясининг қарори билан Ўзбекистонга хорижий давлатлардан фуқароларни кириши бўйича тоифага (яшил, сариқ, қизил) ажратилган давлатлар рўйхати тасдиқланди.

Санитария-эпидемиологик вазият барқарор бўлган давлатлардан амалга ошириладиган "яшил рейс"ларга – Хитой Халқ Республикаси, Тайланд, Малайзия, Жанубий Корея, Грузия, Венгрия, Латвия, Япония киритилган. Охирги 10 кун ушбу мамлакатларда бўлиб турган ва Ўзбекистонга кириб келган шахслар карантин назоратига олинмаслиги белгиланган.

 

 

181
Мавзу:
COVID-19 умумжаҳон пандемияси
Иностранные граждане проходят электронное тестирование на знание русского языка

Россияда ўзбекистонлик мигрантларни тил ва касбга ўргатиш қандай ташкил этилади

11
Россияда ўзбекистонлик мигрантлар кечки пайт (иш вақтидан кейин) касб-ҳунар ва рус тилини ўрганиши мумкин бўлади.

ТОШКЕНТ, 13 авг — Sputnik. Россияда меҳнат қилаётган Ўзбекистон фуқароларини Россия таълим муассасаларида касб-ҳунарга ва рус тилига ўқитишни ташкил этиш режалаштирилмоқда. Бу Шавкат Мирзиёев 11 август куни имзолаган қарорда белгилаб қўйилган.

Масъуллар ва тегишли вазирликларга уч ой муддатда Ўзбекистон фуқаролари кўпчиликни ташкил этган Россия ҳудудларида давлат ҳамда нодавлат таълим муассасалари ва марказлари билан музокаралар олиб бориш ва уларни касб-ҳунарга ва рус тилига, айниқса, кечки пайт (иш вақтидан кейин) ўқитишни ташкил этиш вазифаси топширилган.

Гап Москва, Санкт-Петербург, Қозон, Екатеринбург, Новосибирск ва бошқа шаҳарлар ҳақида бормоқда.

Бундан ташқари, Россия халқлар дўстлиги университети (РУДН) ва “Молодые профессионалы (WorldSkills Russia)” иттифоқи билан бу борада ҳамкорлик ўрнатиш чораларини кўриш белгиланган.

Харажатлар Бандлик ва меҳнат муносабатлари вазирлиги ҳузуридаги Хорижда меҳнат фаолиятини амалга оширувчи фуқароларни қўллаб-қувватлаш жамғармаси маблағлари ҳисобидан қопланади.

11