Ўзбекистонда Президент сайловларидан кейинги ҳолат, воқеа жойида олинган сурат

Ўзбеклар қатъиятли ва кучли феъл атворга эга халқ - Хитой

899
Хитой халқаро радиосининг веб-саҳифасида мамлакатимизда бўлиб ўтган Президент сайлови мавзусига багъишланган мақола эълон қилинди. Мақолада Ўзбекистонда Президент сайловининг муваффақиятли ўтгани Марказий Осиёда барқарорлик ва хавфсизликнинг муҳим кафолати ҳисобланиши қайд этилган

ТОШКЕНТ, 9 дек — Sputnik. Хитой халқаро радиосининг веб-саҳифасида эълон қилинган мақола Хитой Ижтимоий фанлар академиясининг Россия, Шарқий Европа ва Марказий Осиё институти катта илмий ходими Су Чан қаламига мансуб.

Мақолада Ўзбекистонда ушбу муҳим сиёсий тадбир муваффақиятли ўтгани Марказий Осиёда барқарорлик ва хавфсизликнинг муҳим кафолати ҳисобланиши қайд этилган, деб ёзган "Жаҳон" АА.

"Ўзбекистон сиёсий жараёнларнинг янги босқичга кирди. Президент сайловларидан кейин республиканинг барқарор тараққиётини қўллаб-қувватлаш, жаҳонда ҳануз давом этаётган инқироз оқибатлари шароитда иқтисодий ўсишни сақлаб қолиш билан боғлиқ масалалар мамлакат янги раҳбариятининг устувор вазифалари қаторидан жой олади", деб ёзади муаллиф.

Хитой халқаро радиоси алоҳида таъкидлаганидек, Ўзбекистон ўз тараққиёт йўлини танлаган, "сиёсий тизим миллий манфаатлар ҳисобга олинган ҳолда шаклланган, ислоҳотларнинг миллий модели эса бозор иқтисодиётига асосланган. Кўпгина йўналишларда юқори натижаларни намоён этаётган фаровон Ўзбекистон ривожланишнинг янги тарихий босқичига кирмоқда".

Шунингдек, мазкур мақолада ўзбек халқи мустаҳкам, қатъиятли ва кучли феъл-атворга эга эканлиги ҳам қайд этилган.

"Мамлакат ҳудудида яшаб ўтган буюк сиймолар жаҳон илм-фани ва маданиятининг тараққиётига кўмаклашган. Ўзбек тожирлари Шарқ ва Ғарб ўртасидаги ҳамкорликнинг ривожига алоҳида ҳисса қўшганлар", деб ёзади хитойлик эксперт.

Юқоридагилар билан бирга, муаллиф Хитой Халқ Республикаси ва Ўзбекистон Республикаси ўртасидаги ўзаро муносабатлар масаласига ҳам алоҳида эътибор қаратган. У икки мамлакат ўртасидаги алоқалар ўзаро ишонч ва ҳурмат асосида тобора ривожланиб бораётганини эътироф этар экан, Ўзбекистон Хитойнинг дўсти ва ишончли шериги бўлган ва шундай бўлиб қолаверишини, амалдаги келишувларга биноан, икки томонлама ҳамкорлик янада мустаҳкамланишига комил ишонч билдирган.

899
Теглар:
республика, сиёсат, мамлакат, қатъиятли, халқ, ўзбеклар, сайлов, Ўзбекистон, ХХР, Хитой
Мавзу:
Ўзбекистоннинг янги президенти Шавкат Мирзиёев: ислоҳотлар ва тайинловлар (72)
Министр обороны РФ Сергей Шойгу

Шойгу немис ҳамкасбини тантиқ мактаб ўқувчи қизига қиёслади

623
(Янгиланган 19:12 29.11.2020)
Аннегрет Крамп-Карренбауэр бир неча кун илгари Бундестагда чиқиш қилаётиб, Россия билан қуролсизланиш тўғрисида “куч йўли билан” музокаралар ўтказишга чақирган эди.

ТОШКЕНТ, 29 ноя — Sputnik. Россия Мудофаа вазирлиги раҳбари Сергей Шойгу германиялик ҳамкасби Аннегрет Крамп-Карренбауэрнинг Россия билан куч йўли билан гаплашиш керак ҳақидаги баёнотига муносабат билдирди.

Шойгу Улуғ Ватан урушида қозонилган Ғалабанинг 75 йиллиги ҳақида гапираётиб, жорий йил апрелида Қора денгизда уруш вақтида бортида одамлар билан чўктирилган “Армения” теплоходи топилганини эслатди. Россиялик вазирнинг сўзларига кўра, бу гапириш керак бўлган урушнинг кўп сонли эпизодларидан биридир.

“Айниқса, бугунги кун сиёсатчилари авлодлари, айтайлик, ўша Германиянинг, бизга ҳаётни ўргатишни ва куч йўли билан қандай биз билан гаплашиш кераклигини ҳикоя қилишни бошлаётган бир пайтда”, - деди Россия мудофаа вазири. Унинг сўзларидан РИА Новости иқтибос келтирган.

Аннегрет Крамп-Карренбауэр бир неча кун илгари Бундестагда чиқиш қилаётиб, Россия билан қуролсизланиш тўғрисида “куч йўли билан” музокаралар ўтказишга чақирган эди: “Бу Германия ташқи сиёсатининг ҳамиша яхши позицияси бўлган, келажакда ҳам шундай бўлиб қолиши лозим".

“Бу ерда кўпроқ, биласизми, умуман бошқа мактаб ўқувчиларига ёпишаётган қуйи синф ўқувчи қизининг чиқишига ўхшайди. Боз устига ойиси ёки дадаси мактаб директори бўлган ўқувчи қизнинг. У ўзига ҳамма нарсани эп кўриши мумкин. Болалар, биз бошқа мактабдамиз, директоримиз ҳам бошқа”, - деди Шойгу.

623
Теглар:
Аннегрет Крамп-Карренбауэр, Сергей Шойгу, Германия, Россия
Афганский военный с пулеметом

Афғонистондаги портлаш оқибатида ўттизга яқин киши қурбон бўлди

135
Миналаштирилган автомобиль худкуш террорчи билан Афғонистон хавфсизлик кучлари батальони олдида портлаб кетган.

ТОШКЕНТ, 29 ноя — Sputnik. Афғонистоннинг Ғазни шаҳрида портлаш содир бўлди, қурбонлар бор. Бу ҳақда “Ariana News” агентлиги хабар қилмоқда.

Сўнгги маълумотларга кўра, портлаш оқибатида 28 киши ҳалок бўлган, 19 киши эса жароҳат олган. Гувоҳлар ҳарбийлар ва жангарилар ўртасидаги тўқнашувлар ҳақида маълум қилишмоқда.

​Миналаштирилган автомобиль худкуш террорчи билан Афғонистон хавфсизлик кучлари батальони олдида портлаб кетган. Маҳаллий касалхона раҳбари барча барча жабрланганлар ҳарбий хизматчилар эканлигини тасдиқлаган.

Ҳозирча ҳеч қайси гуруҳ ҳужум учун жавобгарликни зиммасига олмаган.

Эслатиб ўтамиз, аввалроқ Афғонистон пойтахти Кобулдаги университет олдида отишма содир бўлгани хабар қилинган эди.

135
Теглар:
жангарилар, портлаш, Афғонистон
Директор шк №30 в Бухаре Ирина Котова (в центре) с педагогами

Педагог ходимлар маошига устама тўланади

18
(Янгиланган 10:05 30.11.2020)
Ўзбекистонда "Педагог мақоми" жорий этилади ва ушбу мақомга эга бўлган шахсларга муайян ҳуқуқ ва мажбуриятлар берилади.

ТОШКЕНТ, 30 ноя - Sputnik. Ўзбекистонда яқин вақт ичида ўқитувчи ва мураббийлар маошига қўшима тўловлар жорий этилади. Бу ҳақида Норматив-ҳуқуқий ҳужжатлар порталида жойлаштирилган янги қонун лойиҳасида айтиб ўтилган. 

Янги қонунда, Ўзбекистонда "Педагог мақомини" жорий этиш ва ушбу мақомга эга бўлган шахсларга муайян ҳуқуқ ва мажбуриятлар бериш, шунингдек уларни ижтимоий ҳимоя қилиш тартиби белгиланган.

Иккинчидан, педагог ходимнинг меҳнатига ҳақ тўлаш тартиби белгиланган. Хусусан, биринчи тоифали ўқитувчилар учун БҲМнинг 30%, олий тоифали ўқитувчилар учун - 50 % миқдорида қўшимча тўлов тўлаш назарда тутутилган. Ундан ташқари ўқитувчини иш стажига, илмий даражасига қараб ҳам унга устамалар тўлаш айтиб ўтилган. 

Учинчидан педагог ходимнгинг соғлигини ҳиммоя қилиш, малакасини ошириш, ўқ касбига боғлиқ бўлмаган ишларга  жалб қилмаслик масалалари ҳам айтиб ўтилган. 

Эслатиб ўтамиз, Ўзбекистон президенти Шавкат Мирзиёев сўнгги бир неча йил давомида ўқитувчилар маошини, уларнинг жамиятдаги мавқеини ошириш ҳақидар бир неча бор айтиб ўтган эди. 

18