Дональд Трамп, архив сурат

Трамп АҚШ Давлат котиблигига Рекс Тиллерсонни тайинлади

206
(Янгиланган 16:55 13.12.2016)
Илгарироқ АҚШнинг 45-президенти Дональд Трамп янги Бош котибнинг исмини 13 декабр куни ошкор қилиши ҳақида маълум қилинган эди

ТОШКЕНТ, 13 дек — Sputnik. Американинг янги сайланган президенти ўз танловини жаҳоннинг энг йирик нефт компанияларидан бирининг раҳбарида тўхтатди, деб хабар қилмоқда РИА Новости агентлиги.

"АҚШнинг янги президенти Дональд Трамп ExxonMobil нефт компанияси раҳбари Рекс Тиллерсонни АҚШ Давлат котиби этиб тайинлади", дейилган хабар матнида.

Эслатиб ўтамиз, Дональд Трампнинг инаугурацияси 2017 йилнинг 20 январида бўлиб ўтади. Шундан сўнг, у расман ўз ҳукумати таркибига номзодларни Конгресс ҳукмига ҳавола эта бошлайди.

Нашр хабарига кўра, Рекс Тиллерсон 64 ёшда. У Остиндаги Техас университетини тамомлаган. Рекс ExxonMobilдаги ўз фаолиятини оддий муҳандисликдан бошлаган ва 1990-йилларда компаниянинг Россиядаги лойиҳаларига раҳбарлик қилган.

206
Теглар:
Америка, Тиллерсон, АҚШ Давлат котиби, Трамп

Сурияда портлаш оқибатида 3 нафар Россия ҳарбийси жароҳатланди 

17
(Янгиланган 16:36 14.07.2020)
Сурияда патрул ҳаракатланиш йўналишида қўлбола бомба портлатилиши оқибатида Россия ва Туркия аскарлари жароҳатланди.

ТОШКЕНТ, 14 июл — Sputnik. Суриянинг Эриха аҳоли пункти яқинида, рус-турк патрулига ҳаракатланиш йўналишида қўлбола бомба портлатилди, деб хабар қилмоқда РИА Новости. 

"Портлаш оқибатида 3 нафар россиялик ҳарбийлар жароҳатланди, Туркия экипажи ҳам зарар кўрган", - дейилган хабарда.  

Айни дамда патрул назорати тўхтатилган, барча ярадорлар ва шикастланган техника эвакуация қилинди. Россиялик ҳарбийлар Хмеймим авиабазасига олиб келинган. Суриядага Россия кучлари қўмондонлиги Туркия ҳарбий раҳбарияти билан биргаликда ушбу портлашда Идлибда фаолият олиб бораётган жангариларнинг ушбу ҳодисага алоқадорлигини текширмоқда.

Бироз олдин Сурия ҳарбийлари Ракка вилоятида бир гуруҳ жангариларни қўлга олгани ҳақида хабар берилган эди. Маълум бўлишича жангарилар "Магавир ас-Саура" гуруҳига мансуб бўлиб уларнинг асосий вазифаси Россия ва Эрон қуролли кучлари ҳақида маълумот тўплаш бўлган, лекин йўлда улар миналаштирилган майдонга дуч келиб, гуруҳ бошлиғи ва йўл бошловчидан маҳрум бўлишган, кейин Сурия ҳарбийларига асирга тушишган. 

 

17
Врач в защитных очках.

“Қора ўлим”: Мўғулистонда 15 ёшли ўсмир ўлатдан вафот этди

66
(Янгиланган 16:15 14.07.2020)
Мўғулистоннинг Говь-Алтай провинциясида қора ўлатга чалинган 15 ёшли йигит вафот этди. Бир неча кун аввал қора ўлат ташувчиси бўлган – суғур гўштини истеъмол қилишган.

ТОШКЕНТ, 14 июл — Sputnik. Мўғулистоннинг Говь-Алтай провинциясида қора ўлатга чалинган 15 ёшли йигит вафот этди. Бу ҳақда Синьхуа агентлиги мамлакат соғлиқни сақлаш вазирлигига асосан хабар қилди. РИА Новости хабарига асосан.

“Душанба куни кечқурун ПЦРга ўтказилган тест 15 ёшли боланинг ўлимига қора ўлат сабаб бўлганлигини кўрсатди”, - деб аниқлик киритди идора вакили Доржийн Нарангэрэл.

Йигит шифохонага олиб кетилаётган вақтда вафот этган. Бир неча кун олдин у ва унинг дўстлари кўпинча қора ўлат ташувчиси бўлган – суғур гўштини истеъмол қилишган.

Марҳумнинг икки дўсти ва яна 15 кишини шифохоналарда карантинга олишди.

Шу ойнинг бошида Хитой шимолидаги Ички Мўғулистон мухтор вилоятида чорвадор қора ўлатга чалиниш ҳолати қайд этилганди. Бундан ташқари, Мўғулистоннинг ғарбий қисмида Олтой республикаси билан чегарадош ҳудудда икки киши инфекция юқтириб олгани аниқланганди.

Россия Федерациясининг Улан-Батордаги элчихонаси матбуот хизматининг маълум қилишича, Мўғулистон расмийлари зудлик билан зарур чораларни кўрганлиги ва хавотирга ўрин йўқлиги маълум қилганди.

Қора ўлат - бу ўлим даражаси юқори ва ўткир юқумли касаллик ҳисобланади. Табиий ўчоқларда инфекция манбаи - ўлат таёқчалари - асосан кемирувчилар: суғурлар, юмронқозиқлар, олмахонлар ва каламушлар, инфекция ташувчилари эса - бургалар.

66