АҚШ байроғи, архив сурат

Америка: "Россия бизга ҳужум қилди"

351
(Янгиланган 15:14 14.01.2017)
"Биз мамлакатимизга уюштирилган киберҳужумлар учун масъул жисмоний шахсларга қарши қўшимча санкцияларни киритмоқдамиз", - дея ўз қарорини изоҳлашди АҚШ сенаторлари

ТОШКЕНТ, 11 янв — Sputnik. Бир гуруҳ америкалик сенаторлар Россияга қарши янги санкцияларни киритиш тўғрисида қонунчилик лойиҳасини тақдим этдилар, дея хабар қилмоқда РИА Новости. Нашрда ёзилишича, бу ҳақда Вашингтонда бўлиб ўтган матбуот-анжуманда сенатор Бен Кардин хабар қилган.

"Бу Америка манфаатларига қарши иш кўрадиган Россияга қарши қўшимча санкцияларни киритувчи кенг кўламли қонунчилик лойиҳасидир. Биз ҳужум остида қолдик, бизга Россия Федерацияси ҳужум қилди. Эндиликда бу борада тортишишга ҳожат қолмади", — деб таъкидлаган Кардин.

Унинг сўзларига кўра, санкциялар — АҚШ сенати томонидан киберҳужумлар, Украина ва Қрим, шунингдек, инсон ҳуқуқлари бузилиши ва коррупциялар учун жавобгар деб топилган жисмоний шахсларга жорий қилинади.

"Биз мамлакатимизга уюштирилган киберҳужумлар учун жавобгар жисмоний шахсларга нисбатан қўшимча санкцияларни киритяпмиз. Санкциялар туфайли улар экспорт билан шуғулланиш, АҚШ банк тизимидан фойдаланиш ҳуқуқидан маҳрум бўладилар", — деб таъкидлаган Кардин. Сенатор, шунингдек, қонунчилик лойиҳасининг бир қисми "Украина ва Грузиядаги ҳаракатлар" ҳамда Қримнинг Россия таркибига қўшиб олинишига тегишли, дея аниқлик киритган.

Сенаторга кўра, санкциялар шунингдек, коррупция билан шуғулланувчи ҳамда сохта хабарларни ўз "қурол"ига айлантирганларга қарши йўналтирилади.

АҚШ ушбу моддалар бўйича айбдор деб топган жисмоний шахсларга нисбатан виза тартибини бекор қилиб, банк тизимини боклаши мумкинлиги таъкидланмоқда.

Янги қонунлойиҳасига кўра, Конгресс жисмоний шахсларни мустақил равишда санкциялар рўйхатига киритиш имкониятига эга бўлади.

"Янги сайланган АҚШ президенти Дональд Трамп қандай позицияни ёқлашидан қатъий назар Конгресс Россиянинг "Украина ва Суриядаги ҳаракатларининг олдини олиши шарт", — деб таъкидлаган сенатор Жон Маккейн.

Қонунчилик лойиҳаси иккала партия вакиллари — республикачи Маккейн ва демократ Кардин ҳамда Роберт Менендеслар томонидан тайёрланган. Ҳужжат қонуний кучга кириши учун Конгресснинг иккала палаталари томонидан қабул қилиниши ва президент унга имзо чекиши лозим.

Эслатиб ўтамиз, жорий йилнинг олтинчи январ куни Америка махсус хизматлари махсус баённома эълон қилиб, унда Россияни АҚШдаги презиентлик сайловларида аралашганликда айблаган эдилар. Аммо улар бу айбловларга далил келтирмадилар. Махсус хизмат буни "маълумот ўта махфийлиги" билан изоҳлади.

Расмий Кремль Вашингтон томонидан қўйилаётган айбловларни тўлиқ рад этиб келмоқда. Бир кун аввал Россия президенти матбуот-котиби Дмитрий Песков АҚШ махсус хизматлари баённомаси асоссиз айбловлардан иборат эканлигини ва Москва бу айбловлардан "чарчаганини" айтди.

351
Теглар:
санкция, киберҳужум, Россия, АҚШ
Пожилая женщина на лавочке

Биолог: бошдан кечирилган коронавирус эрта қаришни тезлаштириши мумкин

101
Маълум қилинишича, коронавирус беморларининг 70 фоизида айрим ички органларининг патологияси аниқланган.

ТОШКЕНТ, 2 дек — Sputnik. Коронавирусни бошдан кечиргандан кейинги асоратлардан бири эрта эрта қариш бўлиши мумкин. Бу ҳақда бу ҳақда Жорж Мэйсон университетининг тизимли биология мактаби профессори Анча Баранова РИА Новости билан суҳбатда маълум қилди.

Мутахассис коронавируснинг енгил ва ўрта даражасини бошдан кечирган одамлар соғлиғини кузатган бир гуруҳ шифокорларнинг тадқиқот натижаларига таяниб шундай фикрни билдирган.

Аниқланишича, беморларнинг 70 фоизида айрим ички органларининг патологияси аниқланган. Энг кўп учраган ҳолат ёғли гепатоз (жигар яллиғланиши) ва ошқозоности бези тўқималарининг ёғли дегенерацияси бўлган.

“Одатда бундай ташхислар 60 ёшда қўйилади, коронавирусдан тузалгандан гуруҳида бу 40 ёшдаёқ кузатилган”, - деди Баранова.

У коронавирус инфекцияси “ресурсларни олиб, қариликни яқинлаштириши” ҳақидаги фикри билан ўртоқлашди. Шу билан бирга у касаллик асоратлари янада батафсил ўрганишни талаб этишини таъкидлади

101
Теглар:
эрта қариш, коронавирус пандемияси, коронавирус
Мавзу:
COVID-19 умумжаҳон пандемияси
Мавзу бўйича
Коронавирусга чалинган беморларда эшитиш қобилияти ёмонлашади - олимлар
Олимлар COVID-19 "қариндошлари"ни топишди – бу Хитойда эмас
Олимлар коронавируснинг заиф жойини аниқлади
Олимлар коронавируснинг энг аниқ 3D-моделини яратишди – видео
Британиялик олимлар узоқ умр кўриш сирини очиб беришди
Коронавируснинг янги аломати айтилди
Макдональдс

“Макдоналдс” 50 йилда илк бор Бигмак рецептини ўзгартирди

71
(Янгиланган 18:04 02.12.2020)
Макдоналдс ўз мухлислари талабларига мувофиқ Бигмак рецептини ўзгартиришга қарор қилди: энди котлеталар орасидаги нон бўлмайди...

ТОШКЕНТ, 2 дек - Sputnik. "Макдоналдс" охирги 50 йилда илк бор ўзининг энг машҳур гамбургери "Бигмак" рецептини ўзгартиришга қарор қилди, Bloomberg хабарига асосан.

Бундан буён фастфуд тармоғи хўрандаларга Бигмакнинг икки хилини таклиф қилади. Уларнинг бирида қийма гўштли котлеталар орасига қўйиладиган нон бўлаги бўлмайди. Иккинчи хил гамбургер эса янада каттароқ бўлади ва унинг калорияси 860 ккалгача ошади.

Хабарда айтилишига кўра, дунёга машҳур фастфуд тармоғи ўз мухлислари талабларига тўлиқ жавоб бериш учун ана шундай қарор қабул қилган. 

71
Национальная валюта Узбекистана — сум

Пенсия таъминотига доир қонун лойиҳаси тайёрланди

491
Молия вазирлиги “Фуқароларнинг давлат пенсия таъминоти тўғрисида”ги Ўзбекистон Республикаси Қонунига ўзгартишлар киритишга доир ҳужжат тайёрлади.

ТОШКЕНТ, 2 дек — Sputnik. Молия вазирлиги “Фуқароларнинг давлат пенсия таъминоти тўғрисида”ги Ўзбекистон Республикаси Қонунига ўзгартишлар киритиш ҳақида Ўзбекистон Республикаси Қонуни лойиҳасини тайёрлаб, умумий муҳокамага қўйди.

Лойиҳанинг асосий мақсади - “Ногиронлиги бўлган шахсларнинг ҳуқуқлари тўғрисида” 2020 йил 15 октябрдаги қонунига асосан, “Фуқароларнинг давлат пенсия таъминоти тўғрисида”ги қонунида белгиланган “ногирон” деган атамани “ногиронлиги бўлган шахс” атамасига алмаштириш.

- меҳнат қобилиятини йўқотган ногиронлиги бўлган шахсга меҳнат қобилияти тикланганлиги ёки узрсиз сабабларга кўра қайта кўрикдан ўтишга келмаганлиги оқибатида пенсияси тўхтатиб қўйилиб, беш йилдан муддатдан сўнг шахсни такроран ногиронлиги бўлган шахс деб эътироф этилганида, амалда бўлган қонунчилик талабларидан келиб чиқиб ногиронлик пенсиясини тайинлаш.

- пенсионернинг вафоти муносабати билан унинг вафот этган ойдаги пенсия пулини оила аъзоларига тўлиқ миқдорда тўлаш.

Таъкидланишича, қонун лойиҳасининг қабул қилиниши Давлат бюджетидан ҳамда Молия вазирлиги ҳузуридаги бюджетдан ташқари Пенсия жамғармасидан йилига 4,4 млрд сўм қўшимча маблағ талаб этилади.

491