АҚШ президенти Барак Обама, архив сурат

Обама ким АҚШ президенти бўлиши мумкинлигини айтди

490
Обаманинг сўзларига кўра, эндиликда аёллар, лотин-америкаликлар, иудейлар, ҳиндулар ва бошқалар АҚШ президенти бўла олишлари мумкин

ТОШКЕНТ, 18 янв — Sputnik. АҚШ президенти этиб аёллар ва турли ирқ вакиллари сайланишлари мумкин, дея баёнот қилган Американинг кетаётган президенти Барак Обама.

"Агар биз барча учун имкониятларни қўллаб-қувватласак, у ҳолда аёл-президент, лотин-америкалик-президент, иудей-президент, ҳинду-президент ва яна бошқа президентларга эга бўламиз", — деб айтган Обама ўзининг Оқ уйда бўлиб ўтган сўнгги матбуот-анжуманида.

Обама аёлларнинг Америка тарихига қўшган улкан ҳиссаси ҳақида гапирар экан, 2016-йилдаги Олимпия ўйинларини мисол келтирган. "Медалларнинг ярмидан кўпини аёллар олиб келишди. Ўнлаб йиллар олдин аёлларга спорт билан шуғулланиш ҳуқуқини берувчи қонунни қабул қилганимиз учун биз шундай натижага эишдик", деб таъкидлаган у.

Обама сарқитдан қолган "ирқчилик ва ирқий стереотиплар" ҳамон мавжудлигини ҳам тан олган. Унинг сўзларига кўра "баъзан бир-бирини тинглаш ва халқ ҳақида худди халқ сингари ўйлаш жуда оғир кечади".

АҚШ президенти буларнинг барчасига қарамай, айни дамда ирқий муносабатлар анча яхшиланганини айтган. Обама "келгуси авлодда биз ёки аждодларимизга нисбатан бу борада ишончлари анча юқори бўлади" дея таъкидлаган.

490
Теглар:
янги президентлар, АҚШ, ирқчилик, Обама
Пограничный пункт, архивное фото

Тожикистон қўшнилар туфайли Россияга авто-транспорт қатновини амалга ошира олмаяпти

263
(Янгиланган 10:24 13.08.2020)
Россиянинг Тожикистондаги элчихонаси нима учун давлатлар ўртасида ер усти қатнови ҳануз ёпиқлигини айтди

ТОШКЕНТ, 13 авг - Sputnik. Россия ва Тожикистон ўртасида авто-транспорт қатновини тиклаш муаммоси жуда долзарб, деди кеча ўтказилган матбуот-анжуманида Россиянинг Тожикистондаги элчихонаси консуллик бўлими бошлиғи Валерий Катункин. Sputnik Тожикистон хабари асосида.

"Россия ва Тожикистон ўртасида ягона қуруқлик чегараси йўқ. Чегаралар икки суверен давлат - Ўзбекистон ва Қозоғистон орқали ўтади. Ва бу муаммо (ер усти қатнови - таҳр.) ҳалигача ҳал қилинмади", - деди Катункин.

Унинг таъкидлашича, консуллик бўлими ва элчихона автоколонналарни "яшил йўлак"дан Ўзбекистон ва Қозоғистон ҳудудлари орқали ўтиши учун барча имкониятларни ишга солмоқда.

Шу билан бирга, Катункин Қозоғистонда карантин режими 16 августгача амал қилаётганини эслатди.

"Қозоғистонлик ҳамкорларнинг маълум қилишича, улар ушбу колоннани ўтказиб юборишга деярли тайёр. Аммо тиббий кўрсаткичлар нуқтаи назаридан ва жиноий вазият билан боғлиқ тўғридан-тўғри хавфсизликни таъминлай олмайдилар. Чунки (йўллар-таҳр.) узунлиги 1700 километрни ташкил этади ва у аҳоли кам яшайдиган ва чўл ҳудудлари орқали ўтади", - деди у.

Эслатиб ўтамиз, ижтимоий тармоқларда Россия ва Тожикистон ўртасидаги ер усти қатновининг тикланиши ҳақидаги миш-мишлар тез-тез пайдо бўлмоқда. Шу билан бирга, элчихона ҳозирча бундай ҳаракатнинг иложи йўқлигини таъкидламоқда.

263
Самолет Airbus-320. Архивное фото

Хитой 50та давлат билан авиа-парвозларни тиклади

176
(Янгиланган 10:05 13.08.2020)
Қайд этилишича, Хитойда эпидемия бошлангандан буён илк маротаба бир сутка давомида COVID-19 ни юқтирганлик ҳолати аниқланмаган.

ТОШКЕНТ, 13 авг - Sputnik. Хитой дунёнинг 50та давлати билан коронавирус пандемияси туфайли вақтинча тўхтатилган авиа-парвозларни қайта тиклади, деб хабар берди РИА Новости ХХР ҳукумати тарқатган маълумот асосида.

Қайд этилишича, Хитойда эпидемия бошлангандан буён илк маротаба бир сутка давомида COVID-19 ни юқтирганлик ҳолати аниқланмаган.

Эслатиб ўтамиз, куни кеча Республика махсус комиссиясининг қарори билан Ўзбекистонга хорижий давлатлардан фуқароларни кириши бўйича тоифага (яшил, сариқ, қизил) ажратилган давлатлар рўйхати тасдиқланди.

Санитария-эпидемиологик вазият барқарор бўлган давлатлардан амалга ошириладиган "яшил рейс"ларга – Хитой Халқ Республикаси, Тайланд, Малайзия, Жанубий Корея, Грузия, Венгрия, Латвия, Япония киритилган. Охирги 10 кун ушбу мамлакатларда бўлиб турган ва Ўзбекистонга кириб келган шахслар карантин назоратига олинмаслиги белгиланган.

 

 

176
Мавзу:
COVID-19 умумжаҳон пандемияси
Девушка в постели ест попкорн и держит пульт. Архивное фото

Дангасалик хавфли касалликнинг аломати бўлиши мумкин - психиатр

12
(Янгиланган 14:00 13.08.2020)
Дангасалик хавфли касалликнинг аломати бўлиши мумкин - Сербия психиатрия марказининг доценти Павел Катчалов.

ТОШКЕНТ, 13 авг — Sputnik. Дангасалик хавфли касалликнинг аломати бўлиши мумкин. Бу ҳақда психиатр, Париж психоаналитик жамиятининг аъзоси, Сербия психиатрия марказининг доценти Павел Катчалов Sputnik радио эфирида маълум қилди.

Унинг сўзларига кўра, дангасалик кўпинча организмнинг ҳимоя реакциясининг бир тури бўлиб, кераксиз ишлардан халос бўлишга ёрдам беради.

“Бошқалар томонидан таклиф қилинадиган ёки ўзлари одат қилиб елкаларига юклаб оладиган маъносиз ишлардан ҳимояланиш мақсадида қўлланадиган - нормал дангасалик мавжуд. Шунда дангасалик кутишга, фикрни ўзгартиришга имкон беради ва ишнинг бир қисми ўз аҳамиятини йўқотади. Яъни, дангасалик - бу жуда серғайрат одамлар баъзан ўзларига ёки бошқаларга юклашга ҳаракат қиладиган ортиқча ишдан ҳимоя бўлиши мумкин”, - деб таъкидлади Качалов.

Бошқача вазият бўлиши мумкин, фақат ташқи жиҳатдан дангасаликка ўхшайди, бунда одам ўзини керакли ҳаракатларни бажаришга мажбур қила олмайди. Бу касаллик ҳолат бўлиб, унда мутахассиснинг ёрдами талаб қилиниши мумкин.

"Эҳтимол, гап депрессия ҳақида кетмоқда. Бундай ҳолатда психиатрга мурожаат қилиш зарур. Ҳозир жуда кўп самарали антидепрессантлар бор. Бирдан ўзгарган, аввалги ўзига ўхшашликни йўқотган, оддий ҳаракатларни амалга ошира олмаган ҳар қандай одамга психиатрдан ёрдам олишни маслаҳат бериш ёки антидепрессантларни синаб кўриш керак”, - дейди психиатр.

Агар муаммо вақти-вақти билан такрорланиб турса, даволаниш ёрдам бериши керак, деб қўшимча қилди эксперт.

12