Павел Дуров

Telegram асосчиси Павел Дуров ФБР босими ҳақида сўзлаб берди

838
(Янгиланган 22:45 06.09.2017)
ФБР агентлари россиялик ишбилармон Павел Дуровдан "ВКонтакте" ва Telegram дастурлари ҳақида маълумот олишга ҳаракат қилганлар

ТОШКЕНТ, 6 сен — Sputnik. АҚШ Федерал хавфсизлик бюроси (ФБР) томонидан "ВКонтакте" ва Telegram дастурлари ҳақидаги маълумотларни олиш мақсадида россиялик ишбилармон Павел Дуровга босим ўтказилган. Бу ҳақда Дуров The Baffler нашрига маълум қилди. РИА Новости хабарига асосан.

Павел Дуровнинг сўзларига кўра, биринчи галда Дуров "ВКонтакте"даги ўз улушини сотганда ва Россиядан чиқиб кетганда ФБР агентларининг эътиборига тушган. Бюро агентлари Дуровни улар билан ҳамкор қилиш учун оғдиришга ҳаракат қилишган. Дуров АҚШ чегарасини кесиб ўтаётганда аэропортда "суҳбат" қилиш учун тўхтатилган.

Бошида ФБР агентлари кўпроқ "ВКонтакте" ижтимоий тармоғи ҳақида ва Дуровнинг россиялик ҳуқуқ тартибот органлари билан муносабатлари ҳақидаги маълумотларни билиб олмоқчи бўлганлар. Бу саволлар Дуровга ёқмаган.

"Мен американинг кўрсичқонни бўлишни истамадим. Шунинг учун мен уларга жуда кам маълумот, жумладан оммавий ахборот воситаларда чоп этилган маълумотларни бердим", — деди Дуров.

Бюро ходимларини бундай жавоб қониқтирмади ва улар Дуровнинг янги лойиҳаси — Telegram мессенжери ҳақида маълумотларни олишга ҳаракат қилишди. 2016 йил май ойида Дуров Сан-Францискода ҳар йили бўлиб ўтадиган Google конференциясида иштирок этиш учун борган. У ерда ФБР агентлари Дуровнинг ижарага олган уйига суд қарори билан келишган.

"Улар дарров Telegram ҳақида сўроқ қилишни бошлашди. Бу мени безовта қилди. <…> Улар менга суд қарорини кўрсатишди ва "Биз сени криптография ва маҳфийлик бўйича қарашларингни жуда ҳурмат қиламиз, бизга сени ишинг жуда ёқади. Лекин жиддий муаммо бор бу — терроризм, биз ундан жамиятни ҳимоя қилишимиз керак. Биз террорчилик хавфларини аниқлаш мақсадида алоқа алмашинувини йўлга қўйишимиз керак", — деб таъкидлади Дуров.

Ишбилармон Дуров ушбу суд қарори "қалбаки бўлганлиги ва ФБР ходимлари ҳамкорлик қилиш учун оғдириш мақсадида фойдаланган" деб ҳисоблади. The Baffler маълумотига кўра, Telegram билан боғлиқ бўлган компаниялар АҚШда рўйхатга олинмаган ва ўз ваколатхоналарига эга эмас, шунинг учун уларга АҚШ судининг ҳуқуқий ваколатлари таъсир қила олмайди.

ФБР ходимлари Лос-Анжелес шаҳрида Telegram бир нафар мутахассисини пул эвазига оғдирмоқчи бўлишган. Дуровнинг сўзларига кўра, улар Telegram ички тузилиши ва шифр алгоритмлари тўғрисидаги маълумотлар учун "ўн минглаб доллар" пул маблағини таклиф қилганлар. Улар бунга рад жавобини олган.

838