На месте крушения самолета Boeing 737 авиакомпании Cubana de Aviacion, Куба, Гавана 18 мая 2018 года

Кубадаги авиаҳалокат тафсилотлари: 3 аёл тирик қолди, 107 киши ҳалок бўлди

305
(Янгиланган 17:04 19.05.2018)
Cubana de Aviacion компаниясига қарашли Boeing 737 йўловчилар самолёти Гавана аэропортидан учгач бир неча сониядан кейин ҳалокатга учраган. Унинг бортида 110 киши бўлган

ТОШКЕНТ, 19 май — Sputnik. Boeing 737-200 самолети Гаванада ҳалокатга учради. Самолёт бортида 104 нафар йўловчи ва 6 нафар экипаж аъзолари — жами 110 киши бўлган. Уч нафар аёл тирик қолишга муваффақ бўлган. Улар ўта оғир аҳволда жонлантириш бўлимида ётишибди, деб хабар бермоқда РИА Новости.

Cubana de Aviacion компанияси Мексиканинг  Global Air компаниясидан ижарага олган Boeing 737-200 самолёти ҳавога кўтарилгач бир неча сониядан сўнг ҳалокатга учради. Самолёт Гаванадан Ольгинга рейсни амалга ошираётган бўлган. У Хосе Мартини халқаро аэропорти ва Гаванага яқин бўлган Сантьяго-де-лас-Вегас шаҳар олди ҳудудидаги қишлоқ хўжалиги экинлари устига қулаган.

Йўловчилар орасида беш нафар чет элликлар бўлган, қолган йўловчилар кубаликлар. Экипаж аъзолари Мексикадан бўлган.

Кейин олинган маълумотларга кўра, ҳалок бўлганларнинг икки нафари аргентиналиклиги аниқланган.

Гувоҳларнинг айтишича, самолёт ҳавога кўтарилганидан кейин аэропортга қайтишга ҳаркат қилган, аммо электрузатгич линияларига бориб урилган. Уларнинг сўзларига кўра, илк қутқарувчилар ҳодиса жойига ҳалокатдан кейин 12 дақиқа ўтгач етиб келишган.

Айни вақтда Гаванадаги Хосе Марти аэропортининг барча терминаллари ўз ишини давом эттирмоқда.

Ҳодисадан кейин тўрт киши тирик ҳолатда аниқланган — бир эркак ва уч аёл. Эркак касалхонага олиб кетилаётган маҳалда жон берган, аёллар оғир аҳволда Каликсто Гарсия номидаги касалхонанинг жонлантириш бўлимига келтирилган.

Жароҳатланганларда кўплаб синишлар, шишлар ва куйиш ҳолатлари аниқланган. Уларга реаниматологлар, жарроҳлар, неврологлар, ортопедлар ва бошқа мутахассислар ёрдам кўрсатмоқда.

Мексика Транспорт вазирлиги маълумотларига кўра, самолётнинг ёши 39да бўлган. У 1979 йилда ишлаб чиқарилган ва фаолият кўрсатиш учун барча зарур рухсатномаларга эга бўлган.

Куба Давлат кенгаши ва Вазирлар кенгаши раиси Мигель Диас-Канель авиаҳалокат ҳолати бўйича тергов ишлари олиб борилиши ҳақида баёнот берган ва ҳалок бўлганларнинг яқинларига таъзия изҳор қилган. Қора қутилар ҳозирча топилмаган.

Шу пайтгача олинган маълумотларга кўра, техник носозлик авиаҳалокат сабаби сифатида тахмин қилинмоқда.

Куба Давлат кенгаши мамлакатда расман мотам эълон қилди. 19 май куни эрталабки 6дан 20 май ярим тунга қадар барча ҳукумат органлари ва ҳарбий объектларда байроқлар туширилган ҳолатда бўлади.

Ҳодиса туфайли Куба давлати Ҳукуматига Ўзбекистон, Россия, Мексика, Франция, Беларус, Венесуэла, Испания ва бошқа кўплаб мамлакат раҳбарлари ўз ҳамдардлик телеграммаларини йўллаганлар.

305
Теглар:
авиакатастрофа, самолет Boeing 737, Куба

Уханлик вирусолог коронавируснинг янги турлари ҳақида гапирди

105
Коронавирус тарқалган ҳудуднинг "юрагидан" бўлган хитойлик эксперт-вирусолог ўз ўрганишлари давомида кашф қилган ҳолатлар ҳақида гапирди

ТОШКЕНТ, 5 дек — Sputnik. Хитой ҳудудида коронавирусга эга кўпшапалакларнинг бир қанча тури мавжуд, деб хабар қилди Ухань вирусология институти мутахассиси Ши Чженли. Унинг сўзларидан Guardian иқтибос келтирмоқда.

Вирусолог коронавируснинг янги турлари мамлакатнинг жанубий ва жануби-ғарбий қисмларида рўйхатдан ўтказилганини қўшимча қилди.

Эксперт шунингдек, коронавирусли кўршапалаклар Хитой чегарасидан ташқарида, хусусан, Жанубий Осиёда ҳам мавжуд, дея ҳисоблайди.

Чжэнли COVID-19 вируси кўршапалакдан одамга тўғридан-тўғри юқмаганини, ўртадаги ташувчини аниқлаштириш кераклигига эътибор қаратди.

Шунингдек, ўтган йилнинг охирида топилгунига қадар, вируснинг ҳайвонлар ёки одамлар орасида қанча вақт циркуляция қилганлиги ҳақидаги савол ҳам номаълумлигича қолмоқда.

105
Мавзу:
COVID-19 умумжаҳон пандемияси
МДҲда COVID-19’га қарши Россия вакцинаси пайдо бўлиши мумкин

Қозоғистон "Спутник V" вакцинасини ишлаб чиқаришга ҳозирлик кўрмоқда

51
Қозоғистонда коронавирусга қарши препарат сифатида рўйхатдан ўтган биринчи вакцинани ишлаб чиқариш Россия президенти Владимир Путин билан бўлган келишувга мувофиқ йўлга қўйилади.

ТОШКЕНТ, 5 дек — Sputnik. Қозоғистонда 2020 йилнинг 22 декабридан Россиянинг "Спутник V" вакцинасини ишлаб чиқариш йўлга қўйилади, аҳолини ихтиёрий равишда оммавий вакцина билан эмлаш ишларини 2021 йилдан бошлаш кўзда тутилган. Бу ҳақда Қозоғистон президенти Касим Жомарт-Токаевнинг бош вазир Аскар Мамин билан бўлган учрашувидан сўнг маълум бўлган, деб хабар қилмоқда Sputnik Қозоғистон нашри.

"Давлат раҳбарига алоҳида блокда унинг Россия президенти Владимир Путин билан келишувига биноан шу йилнинг 22 декабрида Қозоғистонда Россиянинг "Спутник V" вактсинасини ишлаб чиқариш бошланиши ҳақида хабар берилди. Мамлакат аҳолисини оммавий равишда ихтиёрий эмлашни бошлаш ишлари 2021 йил бошидан режалаштирилган", - деб ёзади Акорда.

“Спутник V”: 50тадан ортиқ давлат вакцинани сотиб олиш учун буюртма берди >>>

Таъкидланишича, биринчи босқичда аҳолининг вирусни юқтириб олиш хатарига кўпроқ мойил бўлган қисми, хусусан, шифокорлар, педагоглар ва куч тузилмалари ходимлари қамраб олинади.

Сал олдинроқ Қозоғистон декабр ойида қозоқ вакцинасини ишлаб чиқаришни йўлга қўйиши маълум қилинган эди.

51
Мавзу:
COVID-19 умумжаҳон пандемияси

Шойгунинг қизи Россия триатлон федерацияси президенти этиб сайланди

23
Спор ҳамжамияти орасида Ксения Шойгу оммавий спорт тадбирларини ўтказадиган ташкилот раҳбари сифатида танилган

ТОШКЕНТ, 5 дек — Sputnik. РФ Мудофаа вазири Сергей Шойгунинг қизи — Ксения Шойгу — Россия Триатлон федерациясининг янги президенти лавозимини эгаллади, бу ҳақда терма жамоа мутахассиси Мария Шорей РИА Новостига маълум қилган.

Федерация раҳбарлигига сайловлар шанба куни ҳисобот-сайлов анжуманида бўлиб ўтган.

Ташкилотнинг аввалги раҳбари Петр Иванов Бутунроссия енгил атлетика федерацияси раҳбари этиб сайланган.

Спор ҳамжамияти орасида Ксения Шойгу оммавий спорт тадбирларини ўтказадиган ташкилот раҳбари сифатида танилган.

23