Города мира. Нью-Йорк

АҚШ мигрантларга грин-карта бериш талабини кескинлаштирмоқчи

577
Бундан ташқари, қатор ҳолатларда мигрантлардан аризани кўриб чиқиш вақтида 10 минг доллар миқдорида гаров киритишни сўрашлари мумкин

ТОШКЕНТ, 23 сен – Sputnik. АҚШ маъмурияти шанба куни Америкада қонуний яшаб келаётган мигрантларга визалар ва грин-карталар беришда талабларни кескинлаштириши ҳақидаги ташаббусини эълон қилди.

Ички хавфсизлик вазирлиги томонидан эълон қилинган 447-саҳифали ҳужжат даъвогар шахсга, агар у қатор ижтимоий кўмаклардан фойдалангани аниқланадиган тақдирда, рад жавобини беришни кўзда тутади.

Хусусан, гап, Medicaid дастури орқали тиббий хизматлардан фойдаланиш, озиқ-овқатга талон олиш ва ижтимоий бошпана хусусида брмоқда.

Бу каби хизматлардан фойдаланганлик мамлакатда доимий яшаш ҳуқуқи учун берилган аризани кўриб чиқишда "муайян салбий омил" сифатида баҳоланиши мумкин.

Бундан ташқари, қатор ҳолатларда мигрантлардан аризани кўриб чиқиш вақтида 10 минг доллар миқдорида гаров киритишни сўрашлари мумкин.

"Ушбу қарор паст даромадга эга бўлган миллионлаб оилаларни ҳукуматдан ёрдам олиш ва Қўшма Штатларда доимий яшаш ўртасида танловга мажбур этиши мумкин. Ҳуқуқ ҳимоячилари бу ҳолат истиқболда болаларни озиқ-овқат ва соғлиқни сақлашдан чегаралаши мумкинлигидан хавфсирашмоқда", — деб ёзади Politico нашри.

Ҳукуматнинг баҳолашича, ушбу янгилик йилига 382 минг кишини қамраб олади. Бундай чоралар даъвогарлар ўзини молиявий жиҳатдан таъминлай олиши ҳамда АҚШ ижтимоий таъминоти учун ортиқча юк бўлмаслигини таъминлашга қаратилган.

АҚШ президентлигига номзод Дональд Трамп, архив сурат
© Sputnik / Алексей Филиппов

Қарор парламент тасдиғини талаб этмайди. Аммо у кучга киргунга қадар оммавий муҳокамага қўйилиши ва бу бир йилча вақтни талаб этиши мумкин.

Иммиграцион ислоҳотлар Трампнинг сайловолди ваъдаларидан бири бўлган эди. Мексикадан келаётган ноқонуний мигрантлар оқимини тўхтатиш учун у бу давлат билан чегарада девор қуришга ваъда беради, грин-карталар, яъни АҚШда қонуний яшаётган мигрантларнинг қариндошлари ҳам ушбу мамлакатга кириш ҳуқуқини берувчи занжирли иммиграцияни бекор қилиш ташаббусини илгари суради.

577
Аппарат для ИВЛ

Қозоғистоннинг Жамбил вилояти Ўзбекистондан ёрдам сўради

109
(Янгиланган 17:58 08.07.2020)
Қозоғистоннинг Жамбил вилоятида сунъий нафас олдириш аппарати етишмайди. Вилоят Россия ва Ўзбекистон билан ушбу тиббиёт ускуналарини етказиб беришга оид музокаралар ўтказмоқда.

ТОШКЕНТ, 8 июл — Sputnik. Қозоғистоннинг Жамбил вилоятида сунъий нафас олдириш аппарати етишмайди. Вилоят ҳокими Бердибек Сапарбаев Россия ва Ўзбекистон билан ушбу тиббиёт ускуналарини етказиб беришга оид музокаралар ўтказилаётганини маълум қилди.

“Вилоятда 148 дона сунъий нафас олдириш аппарати бор. Бу етарли эмас. Ҳозир биз Россия, Ўзбекистон билан ишламоқдамиз. Яқин кунларда яна 50 дона шунақа аппаратларни олишимиз режалаштирилмоқда”, - деди Сапарбаев. Унинг сўзларидан Sputnik Қозоғистон нашри иқтибос келтирган.

Қозоғистоннинг Жамбил вилоятида коронавирус пандемияси бошлангандан буён 1866 та касалланиш ҳолати аниқланган. Беморларнинг 598 нафари тузалиб кетган. Уч киши вирус қурбонига айланган.

Россия хорижга 600 та сунъий нафас олдириш аппаратини, жумладан, Ўзбекистонга етказиб берди

Эслатиб ўтамиз, аввалроқ Фарғона вилояти Қирғизистоннинг Боткен шаҳрига инсонпарварлик ёрдами жўнатгани хабар қилинган эди.

109
Теглар:
коронавирус, Қозоғистон, Ўзбекистон

Қозоғистон чегара пунктида 3 мингга яқин Ўзбекистон ва Тожикистон фуқаролари тўпланди

160
(Янгиланган 17:18 08.07.2020)
Қозоғистоннинг Туркистон вилоятидаги “Жибек жоли” чегара пункти яқинида уч минг нафар Ўзбекистон ва Тожикистон фуқаролари тўпланди.

ТОШКЕНТ, 8 июл — Sputnik. Қозоғистоннинг Туркистон вилоятидаги “Жибек жоли” чегара пункти яқинида уч минг нафар Ўзбекистон ва Тожикистон фуқаролари тўпланди.

Туман ҳокимияти, ҳомийлар ва кўнгиллилар ватанига қайтмоқчи бўлган хорижликларни озиқ-овқат билан таъминлашга ёрдам бермоқда. Бу ҳақда Sputnik Қозоғистонга туман ҳокими ўринбосарини Сакен Калкаманов маълум қилди.

“Автотурагоҳда уч мингга яқин фуқаро тўпланди, улардан кўпчилиги – Ўзбекистон фуқаролари. Периметр бўйлаб чодирлар қўйилди. Сариагаш ҳокимияти, ҳомийлар ва кўнгиллиларнинг кучи билан бир кунда бир махал тушлик ташкил қилинмоқда, сув олиб келинмоқда” – деди Калкаманов.

Унинг сўзларига кўра, ўтган ҳафтада Ўзбекистон томон 200-300 кишидан чегарадан ўтказди.

“Қўлимиздан келган ишни қиляпмиз. Ҳар куни ҳудуд тозаланади. Тасаввур қилинг, бир жойда уч минг киши. Улар кетишмаяпти, чунки улар чегарадан ўтиши керак. Март ойи, карантин жорий қилингандан бери чегарадан 41 минг ўзбекистонлик ўтди. Ҳокимият ҳаммасини озиқ-овқат билан таъминлади. Қолган масъулият – Ўзбекистон томонида”, - деб қўшимча қилди Калкаманов.

Посмотреть эту публикацию в Instagram

Публикация от @kris_p_kz +21 | 🇰🇿Kz (@kris_p_kz)

Эслатиб ўтамиз, бундан аввал Ўзбекистон ТИВ Ўзбекистон Ташқи ишлар вазирлиги Россиядаги фуқароларга мурожаат қилганди.

Фуқароларга Россия, Ўзбекистон ва Қозоғистонда жорий қилинган карантин чоралари, шу жумладан мамлакатларга кириш бўйича чекловлар ўз кучида қолаётгани яна бир бор эслатилди.

Россия ҳудудидаги ватандошлардан турли ёлғон хабарлар ва миш-мишларга ишонмаслик, Россия-Қозоғистон давлатлараро чегара пунктларига боришга уринмаслик, ҳозирги яшаш жойларида қолиб, карантин чораларига қатъий риоя қилишларини сўралган.

160
Мавзу:
COVID-19 умумжаҳон пандемияси
Сборная Узбекистана по футболу

Ўзбекистон ва Эрон терма жамоалари Тошкентда ўртоқлик ўйинини ўтказади

0
Ўзбекистон ва Эрон футбол бўйича терма жамоалари 7 сентябрь куни “Бунёдкор” стадионида ўртоқлик ўйинини ўтказади.

ТОШКЕНТ, 8 июл — Sputnik. Вадим Абрамов мураббийлиги остидаги Ўзбекистон миллий терма жамоаси Тошкентда Эронга қарши ўртоқлик учрашувида майдонга тушади. Бу ҳақда Ўзбекистон футбол ассоциацияси хабар қилмоқда.

“Эрон Ислом Республикаси футбол федерацияси билан келишган ҳолда, ушбу учрашув 7 сентябрь куни “Бунёдкор” стадионида бўлиб ўтиши белгиланди”, - дейилган хабарда.

Ўзбекистон миллий терма жамоаси ЖЧ-2022 ва Осиё кубоги-2023 қўшма саралаш босқичидаги қолдирилган учрашувларни октябрь ва ноябрь ойларида ўтказади. Ушбу баҳслар олдидан МТЖ учун сентябрь ойида Тошкентда ўқув-машғулот йиғини ташкил этилади.

Эслатиб ўтамиз, аввалроқ Тошкентда 4 сентябрь куни Ўзбекистон ва Тожикистон миллий терма жамоаларининг ўртоқлик ўйини режалаштирилгани хабар қилинган эди.

0