Пожар в городе Парадайз, штат Калифорния, США

Иқлим ўзгариши оқибатида 2050 йилга келиб инсоният нобуд бўлиши мумкин

1865
(Янгиланган 13:53 07.06.2019)
Олимлар ернинг айрим жойларда ўлим жазирама иссиқлиги йилига 100 кун бўлишини тахмин қилишмоқда.

ТОШКЕНТ, 7 июн – Sputnik. Иқлим ўзгариши 2050 йилга келиб инсоният цивилизациясини йўқотиши мумкин. Бу иқлимни тиклаш Миллий маракази баёнотида айтилган.

Агар кейинги 30 йил давомида иқлим фалокатини секинлаштириш бўйича чоралар кўрилмаса, Цельсий бўйича ер 3 градусга қизиб кетади. Бу ҳолат цивилизацияни бутунлай йўқ қилиши мумкин.

Олимларнинг фикрига кўра, одамлар ўзига хос “Ер иссиқхонаси” шароитида яшайди. Унда 35 фоиз қуруқлик майдон, дунё аҳолисининг 55 фоизи йилига 20 кун давомида "ўлимга олиб келадиган жарима" шароитида ҳаёт кечиради.

Бутун экотизим, Амазонканинг тропик ўрмонлари ва Арктика музликлари бузилишидан бошланади.

Шимолий Америка вайроқ қилувчи ёнғинлар, жазирама ва қурғоқчиликлардан азоб чекади.

Осиё дарёлари сезиларли даражада камаяди. Бутун дунёда сув танқислиги юз беради, бу 2 миллиардга яқин одамга таъсир кўрсатади. Ҳатто Мексика ва Марказий Америкада ёғингарчиликлар икки баравар кам бўлади. Субтропикларда қишлоқ хўжалиги бутунлай йўқолади.

Ернинг айрим жойларда ўлим жазирама иссиқлиги йилига 100 кун бўлади. Бунинг оқибатида миллиардга яқин аҳоли куйган ерларни тарк этишга мажбур бўлади.

Ушбу хавфни камайтириш ва цивилизацияни ҳимоя қилиш учун келгуси ўн йиллар мобайнида атроф муҳитни ифлослантирмайдиган ишлаб чиқариш тизимини яратиш учун оммавий глобал ресурсларни сафарбар қилиш ва хавфсиз муҳитни тиклашга тайёргарлик кўриш зарур, дейилган баёнотда.

Эслатиб ўтамиз, бундан аввал Дунёнинг йирик мегаполислари - Лондон, Нью-Йорк, Шанхай иқлим ўзгариши оқибатида 2100 йилда сув остида қолиши мумкинлиги ҳақида АҚШ ва Британия олимларининг тадқиқот натижалари ҳақида хабар бергандик.

 

1865
Прохожие на одной из улиц в Москве

Олимлар нега одамлар "ўликларни эшитишлари"ни тушунтириб беришди

337
Буюк Британияда спиритизмга қизиқиш тобора ортиб бормоқда. Бу диний-фалсафий доктрина бўлиб, унга асосан, одамларнинг жони ўзга оламда яшашда давом этади ва вақти-вақти билан медиумлар ёки экстрасенслар ёрдамида тирик одамлар билан боғланади

ТОШКЕНТ, 19 янв — Sputnik. Британиялик олимлар тадқиқот ўтказиб, у асосда нега айрим одамлар "ўликларни эшитиш қобилиятига эга бўлишлари"ни тушунтириб бердилар. Тадқиқот натижалари Wellcome Trust журналида эълон қилинган.

Маълумки, руҳлар мавжудлиги илм-фан томонидан исботланмаган. Аммо, жуда кўпчилик, улар билан ўлган одамлар гаплашишлари ҳақида айтиб келадилар.

Буюк Британияда спиритизмга қизиқиш тобора ортиб бормоқда. Бу диний-фалсафий доктрина бўлиб, унга асосан, одамларнинг жони ўзга оламда яшашда давом этади ва вақти-вақти билан медиумлар ёки экстрасенслар ёрдамида тирик одамлар билан боғланади.

Бундай амалиётга ўргатадиган спиритуалистлар миллий уюшмасига 11 мингга яқин одам аъзо. Уларга спиритизмдан дарс берилади ва амалиётчи медиумлар хизматларини таклиф қиладилар.

Тадқиқотлар давомида олимлар Спиритуалистлар миллий уюшмасининг руҳларни эшитувчи 65 вакили ва ўлганлар билан суҳбат қилмайдиган 143 киши билан савол-жавоб қилганлар.

Маълум бўлишича, иштирокчиларнинг 44,6%и ҳар куни ўлганлар овозини эшитаркан, 33,8%и - фақатгина охирги кунларда эшитган. Медиумларнинг аксарияти (79%и) руҳлар билан мулоқот улар кундалик ҳаётининг бир қисми эканлигини маълум қилганлар. 65% дан ортиғи овозлар уларнинг мияларида янграшини, 31,7%и эса - овозлар ҳам мияда ҳам ташқи оламда янграшини айтганлар.

Шу тариқа, олимлар, медиумлар овоз галлюцинацияларига ва ўз ички оламига ғарқ бўлишга қодирлигини аниқлаганлар

337

Жириновский ўзининг Украина президенти этиб сайланиш имкониятига баҳо берди

352
(Янгиланган 18:43 19.01.2021)
Россия Либерал-демократик партияси етакчиси Украина сайловларида иштирок этганда, мамлакат президенти бўлган бўлиши мумкинлигини айтди.

ТОШКЕНТ, 19 янв — Sputnik. Россия Либерал-демократик партияси (ЛДПР) етакчиси Владимир Жириновский Украина сайловларида иштирок этганда, мамлакат президенти этиб сайлана олган бўларди деб ҳисоблайди.

“Албатта. Менга ҳам руслар, ҳам украинлар овоз берган бўларди”, - деди сиёсатчи “Россия 1” телеканали эфирида тегишли саволга жавоб бераётиб.

Жириновский Украина ва унинг иқтисодиёти қандай барбод бўлаётганини кўриш барчанинг жонига текканини таъкидлади.

“Бутун дунё бизнинг ва бошқаларнинг вакциналари учун навбатда турди. Фақатгина Украинада вакцина йўқ. Кулгили, ёнида Россия, уларга таклиф қилишмоқда – олинг, ҳатто бепул, лекин жавоб йўқ”, - деди у.

Шунингдек, ЛДПР етакчиси Украинада рус тили билан боғлиқ вазиятга баҳо берди. Украина ҳукумати “русларни зўрлаб украинча гапиртиришга уриниб”, ундан фойдаланишни тақиқламоқда.

352
Теглар:
Украина, Жириновский
Президент Узбекистана Шавкат Мирзиёев озвучил послание Олий Мажлису

Мирзиёев: янги Ўзбекистонни барпо этиш устунларидан бири - кучли маънавиятдир

100
Президент раҳбарлигидаги йиғилишда Республика Маънавият ва маърифат маркази ишини танқидий ўрганиб чиқиб, фаолиятини тубдан такомиллаштириш зарурлиги айтилди.

ТОШКЕНТ, 19 янв - Sputnik. Ўзбекистон президенти Шавкат Мирзиёев раислигида 19 январь куни маънавий-маърифий ишлар тизимини тубдан такомиллаштириш, бу борада давлат ва жамоат ташкилотларининг ҳамкорлигини кучайтириш масалалари бўйича видеоселектор йиғилиши ўтказилди.

"Агар жамият ҳаётининг танаси иқтисодиёт бўлса, унинг жони ва руҳи маънавиятдир, – деди Шавкат Мирзиёев йиғилишда. – Биз янги Ўзбекистонни барпо этишга қарор қилган эканмиз, иккита мустаҳкам устунга таянамиз. Биринчиси – бозор тамойилларига асосланган кучли иқтисодиёт. Иккинчиси – аждодларимизнинг бой мероси ва миллий қадриятларга асосланган кучли маънавият. Биз яратаётган янги Ўзбекистоннинг мафкураси эзгулик, одамийлик, гуманизм ғояси бўлади. Биз мафкура деганда, аввало, фикр тарбиясини, миллий ва умуминсоний қадриятлар тарбиясини тушунамиз. Улар халқимизнинг неча минг йиллик ҳаётий тушунча ва қадриятларига асосланган", – деди Мирзиёев.

Маълумки, бугун дунёда кескин кураш ва рақобат ҳукм сурмоқда, манфаатлар тўқнашуви кучаймоқда. Глобаллашув жараёнлари инсоният учун беқиёс янги имкониятлар билан бирга кутилмаган муаммоларни ҳам келтириб чиқармоқда. Миллий ўзлик ва маънавий қадриятларга қарши таҳдид ва хатарлар тобора ортмоқда. Фақат ўзини ўйлаш, меҳнатга, оилага енгил қараш, истеъмолчилик кайфияти турли йўллар билан одамлар, айниқса, ёшлар онгига устамонлик билан сингдириляпти.

Терроризм, экстремизм, трансмиллий ва кибер-жиноятчилик, одам савдоси, наркотрафик каби таҳдидлар хавфи ошиб бормоқда. Баъзи ҳудудларда атайин беқарорлик юзага келтирилиб, норозилик кайфияти авж олдирилмоқда.

Бундай таҳликали вазиятда ҳушёр ва огоҳ бўлиб, халқ тинчлиги, мамлакат манфаатларини ўйлаб яшаш зарур.

Давлат раҳбари лоқайдлик ва бепарволик энг катта хавф эканини, бугун учраётган ижтимоий муаммоларни камайтириш учун нуронийлар тарбияси, жамоатчилик назорати етишмаётганини таъкидлади.

Йиғилишда қайд этилганидек, ижтимоий-маънавий муҳитни илмий асосда таҳлил қилишни даврнинг ўзи талаб этмоқда. Жамиятда маънавий-маърифий ишлар шундай асосда йўлга қўйилмагани учун ҳам кутилган натижани бермаяпти.

Шунинг учун Республика Маънавият ва маърифат маркази ишини танқидий ўрганиб чиқиб, фаолиятини тубдан такомиллаштириш зарурлиги айтилди.

Президент ушбу марказнинг "Маънавият тарғиботчиси" ўқув муассасаси негизида Ижтимоий-маънавий тадқиқотлар институтини ташкил этиш таклифини билдирди.

Йиғилишда маънавий-маърифий ишларни сифат ва мазмун жиҳатидан янги босқичга кўтариш чора-тадбирлари белгиланди.

 

100