Архивное фото приготовления баурсаков

Бўғирсоқлар қуёшда “қовурилди”: бу видео интернет фойдаланувчиларини кулдирди

977
(Янгиланган 14:10 28.06.2019)
Қуёш иссиқлигида қайнаган ёғда бўғирсоқ қовурилиши акс этган видео интернетда кенг тарқалди.

ТОШКЕНТ, 28 июн – Sputnik. Ижтимоий тармоқларда қуёш иссиқлигида ерга қўйилган қозонда миллий пишириқ - бўғирсоқ қовурилиши акс этган видео пайдо бўлди.

Бу видео Қозоғистонда тасвирга олингани айтилмоқда. У ерда иссиқлик 60 даражага етган экан.

Қозоғистонликлар бу “қуёшли бўғирсоқлар” видео интернет фойдаланувчиларни анча хурсанд қилди.

Қизирлорда вилоятида ҳаво ҳарорати шу ёзда 40 даражадан юқори кўтарилмади, бу видео фейк деб айтиш мумкин.

Aigul Kustabaeva “Нега одамлар бўлмайдиган нарсани тасвирга олишган?”, - деб ёзган.

“Тухум майли, лекин ёғ қайнаши – бу ошиб ўтди”, - деб ёзди exstrima.

Қуёшда қизиган ерда бўғирсоқ қувирса бўладими? Бу савол билан Sputnik Қозоғистон мухбири бўғирсоқларни пишириш бўйича ҳақиқий уста Қизилорда истиқомат қилувчи кўп фарзандли аёл Бекзада Альжановага мурожаат қилди.  

“Бутун умрим давомида мен етти ўғил ва неваларимга тонна бўғирсоқ қовурган бўлсам керак. Бу ерда ёқ шунчали иссиши эмас, балки тутун чиқадиган даражада кучли қайнаши керак. Бўғирсоқларни тўғри қовуришни биладиган уй бекалари яхши билади, қозон ва ёғ етарли даражада қизиганлигини аниқлаш учун қозонга гугурт чўпи ташланади. Агар у ёниб кетса, демак, ёғ етарли даражада қизиди ва бўғирсоқ қовурса бўлади. Фақат кучли олов бўғирсоқ қовуриш учун тўғри келади!”, - дейди Альжанова.

Бу видеодаги “қуёшли бўғирсоқлар” эса Бекзада аяни кулдирди.

“Кулгили хазил! Ўйлайманки, буни кўрган кўплаб аёллар оиласини хурсанд қилиш мақсадида бўғирсоқ тайёрлаш учун хамир қоришса керак. Бу яхши, ҳаммага маълумки, уй бекалари ўзлари нон тайёрлайдиган уйларда, бўғирсоқ эса дастурхонимиздаги нонимиз, ҳар доим оилавий хотиржамлик ҳукм суради”, - деб маслаҳат берди.

977
Председатель Госсовета Корейской Народно-Демократической Республики Ким Чен Ын

Ким Чен Ин эрта ёшдаги интим алоқаларни давлатга хиёнатга тенглаштирди

267
КХДР етакчисига кўра, мактаб ўқувчилари таъқиқланган материаллар ёки кераксиз сайтларга киришмаётганини назорат қилиш учун уларнинг телефонлари ёки бошқа қурилмаларини текшириб бориш зарур

ТОШКЕНТ, 30 май - Sputnik. Шимолий Корея етакчиси Ким Чен Ин ўсмирлар ўртасидаги интим алоқалар туфайли "маънавиятсизлик тобора ўсиб бораётгани" ҳақида гапирди. Бу ҳақда argumenti.ru хабар берган.

Бундан ташқари, у, эрта содир бўладиган жинсий алоқаларни давлатга хиёнатга тенглаштирди. Ёш йигит-қизларнинг бу сингари ўзини тутиши "душманларга жамиятимизни пораканда қилишда қўл келмоқда", дейди КХДР етакчиси.

New York Post нашрида ёзилишича, Ким Чен Ин буларнинг барчасида капитализм ва порнография айбдорлигини, айнан шу туфайли ўсмирлар бузилиб кетганини қайд этган.

"Сўнгги вақтларда катта синф ўқувчилари ахлоқсиз сексуал оғишларда тобора кўпроқ иштирок этмоқда ва Корея ишчи партияси Марказий қўмитаси уларга қарши қатъий чоралар кўриш бўйича директива нашр этди", - деб баёнот қилган Шимолий Корея етакчиси.

Ҳужжатга кўра, ота-оналар ва мактаб раҳбарияти "тарбиясиз ёшлар учун" жавобгар бўладилар.

Ким Чен Ин "жинсий ахлоқсизлик" ўсишини тўхтатиш йўли ҳақида ҳам фикр билдирган. КХДР етакчисига кўра, мактаб ўқувчилари таъқиқланган материаллар ёки ножоиз сайтларга кирмаётганини назорат қилиш учун уларнинг телефонлари ёки бошқа қурилмаларини мунтазам текшириб бориш зарур.

267
Штаб-квартира ВОЗ в Женеве.

АҚШ БССТ билан муносабатларни узмоқда, Россия ва ЕИ бунга қарши чиқди

423
Америка ҳукуматининг ишонч билан айтишича, БССТ 2019 йилнинг охирида 2соғлиқни сақлаш соҳасида фавқулодда ҳолат юзага келганлигидан" хабардор бўлган, аммо Тайвандан олинган маълумотни ўз вақтида оммага эълон қилмаган.

ТОШКЕНТ, 30 май - Sputnik. АҚШ президенти Дональд Трамп ўз мамлакати Бутунжаҳон соғлиқни сақлаш ташкилоти билан муносабатларни узаётгани ҳақида эълон қилди, деб хабар бермоқда РИА Новости.

Трамп ўз қарорини БССТ Вашингтон томонидан талаб қилинган ислоҳотларни ўтказишдан воз кечгани билан изоҳлаган. Энди Қўшма Штатлар ташкилот учун мўлжалланган маблағларни бутун дунё бўйича соғлиқни сақлаш соҳасида зарур бўлган шошилинч эҳтиёжларга йўллайди.

Илгарироқ Трамп БССТ директори Тедрос Адханом Гебрейесусга мактуб йўллаган ва унда агар ташкилот бир ой давомида ислоҳотларни ўтказмаса, молиялаштиришни тўхтатиши ва аъзоликни қайта кўриб чиқишини айтиб, таҳдид қилган эди.

Унинг сўзларига кўра, Америка президенти маъмурияти БССТнинг коронавирус пандемиясига нисбатан номувофиқ муносабатини аниқлаган.

Хатда ёзилишича, ташкилот гўёки ўтган йилнинг декабрь ойи бошида Уханда инфекция тарқалишига оид хабарларни инкор этган ва мустақил ўрганишларни ўтказмаган. Америка ҳукуматининг ишонч билан айтишича, БССТ 2019 йилнинг охирида "соғлиқни сақлаш соҳасида фавқулодда ҳолат юзага келганидан" хабардор бўлган, аммо Тайвандан олинган маълумотни ўз вақтида оммага эълон қилмаган.

Трамп сўзларига кўра, ташкилот Хитойга халқаро экспертлар юборилишида қаттиқ турмаган ва Пекиннинг мамлакат ичида ҳаракатни таъқиқлаш қарорини маъқуллаган, аммо шу билан бир вақтнинг ўзида АҚШ чегарасини ёпиш ёки ХХРдан келаётганлар учун таъқиқ қўйиш сингари чораларга қарши бўлган.

БССТ бош директори Америка ҳукумати томонидан илгари сурилган ультиматумга изоҳ беришдан бош тортган.

Россияда АҚШ позицияси кескин танқидга олинди. РФ ТИВ раҳбари Сергей Лавров Москва халқаро ташкилот номи бу тарзда булғанаётганидан ташвишдалигини баён этди. Лавров "ҳар қандай ташкилот ўз фаолиятини яхшилаши керак, аммо бу иш конструктив мулоқот орқали амалга оширилиши лозим", деган фикрда. Идора вакили Мария Захарова ҳам Вашингтоннинг, айниқса, ҳозирги коронавирусга қарши курашиш шарт-шароитида БССТни сиёсий ҳисоб-китоблар майдонига айлантиришга қаратилган уринишларини ноўрин, дея баҳолади.

Қўшма Штатларнинг ушбу позициясини Европа иттифоқи ҳам қўллаб-қувватламади. ЕИга аъзо мамлакатлар барчани юзага келган мураккаб вазиятда БССТ атрофида жипслашишга чақирмоқда.

Хитой ТИВ Трамп мактубига изоҳ берар экан, Америка ҳукумати шу йўл билан COVID-19 профилактикасига қарши олиб борган самарасиз чоралари учун айбни ўз бўйнидан сокит қилишга уринаётганини таъкидлади.

423
Мавзу:
COVID-19 умумжаҳон пандемияси