Пограничники на кыргызско-таджикском участке государственной границы

Қирғизистон ва Тожикистон чегарасидаги қуролли можаро оқибатида ўқитувчи ҳалок бўлди

330
(Янгиланган 12:27 23.07.2019)
Тожикистон ва Қирғизистон чегарасида содир бўлган навбатдаги можаро сабабли маҳаллий ўқитувчи ҳалок бўлди, 16 киши эса жабрланди.

ТОШКЕНТ, 23 июл — Sputnik. Қирғизистон ва Тожикистон чегарасидаги қуролли тўқнашув оқибатида бир киши ҳалок бўлди. Бу ҳақда РИА Новости Исфара  тумани ҳукумати маълумотига асосланиб хабар қилмоқда.

Шунингдек, 16 киши жабрлангани, полиция ходими эса оғир яралангани хабар қилинган.

“Жалолиддин Қораев – кўзига ўқ тегиб, ярадор бўлган мазкур қишлоқдаги маҳаллий ўқитувчи воқеа жойида ҳалок бўлган”, - дейилади хабарда.

Тожикистон ва Қирғизистон аҳолиси ўртасида навбатдаги низо 22 июль, душанба куни Москва вақти билан соат 14:00да юзага келган.

Дастлабки маълумотларга кўра, қуролли тўқнашувга Тожикистоннинг Ворух қишлоғи аҳолиси томонидан қишлоққа кираверишда флагшток ўрнатилгани сабаб бўлган. Қирғизистоннинг Оқсой қишлоғи аҳолиси бу ташаббусга қарши чиққан.

Яқин кунларда Тожикистон президенти Эмомали Раҳмон ва Қирғизистон президенти Соронбай Жээнбековларнинг учрашуви бўлиб ўтиши керак. Учрашувда тожик-қирғиз чегараларини демаркация қилиш масалалари муҳокама қилиниши режалаштирилган.

Эслатиб ўтамиз, бундан олдин ҳам қирғиз-тожик давлат чегарасидаги демаркация қилинмаган участкаларида тўқнашувлар содир бўлиб турган. Хусусан, 13 март куни Кожогарда Қирғизистоннинг Баткен тумани Оқсой қишлоғи аҳолиси ва Тожикистоннинг Меҳнатобод аҳолиси ўртасида жанжал юзага келди. Оқсой-Тамдик йўли қурилиши можарога сабаб бўлган. Тожикистонликлар Қирғизистон техникаси йўлини тўсиб қўяди. Ишчиларга Қирғизистон қишлоқлари аҳолиси ёрдам келади. Оқибатда Тожикистон ва Қирғизистон фуқароларининг 200 яқини нафари бир-бирларини тошбўрон қилишади. Бир Қирғизистон фуқароси жароҳат олиб, касалхонага ётқизилади.

22 май куни Қирғизистон Баткент вилояти Қора-Бак қишлоғидаги Эски Мозор ҳудудида келишмовчилик юз берганди. Қирғизистонликлар вафот этган фуқарони дафт этиш учун ушбу ҳудудда жойлашган қабристонга ўтишган. Қабристонда тожик чегарачилари пайдо бўлганда жанжал юз беради. Қирғизистонликлар тожик чегарачилари қабристон ҳудудидан кетишини талаб қилади. Шунда, чегарачилар осмонга қарата огоҳлантиш ўқини узади.

18 июнь куни қирғиз-тожик давлат чегарасидаги демаркация қилинмаган участкада Баткент туманининг Тош-Тушмук аҳоли пунктида навбатдаги низо содир бўлди. Тожикистон томони Исфара-Оксой-Ворух умумий фойдаланишдаги авто йўл қисмида Қирғизистон билан келишилмаган ҳолда асфальт қилиш ишларини бошлаган. Тожикистон фуқаролари соат 20:00да автойўлни бир ярим соатга тўсиб қўйишди. Тожикистонликлар қирғиз чегара нарядининг таъмирлаш ишларини бажаришни тўхтатиш ҳақидаги талабини эътиборсиз қолдирди. Бунинг оқибатида кичик келишмовчилик юз берди.  

330
Аппарат для ИВЛ

Қозоғистоннинг Жамбил вилояти Ўзбекистондан ёрдам сўради

109
(Янгиланган 17:58 08.07.2020)
Қозоғистоннинг Жамбил вилоятида сунъий нафас олдириш аппарати етишмайди. Вилоят Россия ва Ўзбекистон билан ушбу тиббиёт ускуналарини етказиб беришга оид музокаралар ўтказмоқда.

ТОШКЕНТ, 8 июл — Sputnik. Қозоғистоннинг Жамбил вилоятида сунъий нафас олдириш аппарати етишмайди. Вилоят ҳокими Бердибек Сапарбаев Россия ва Ўзбекистон билан ушбу тиббиёт ускуналарини етказиб беришга оид музокаралар ўтказилаётганини маълум қилди.

“Вилоятда 148 дона сунъий нафас олдириш аппарати бор. Бу етарли эмас. Ҳозир биз Россия, Ўзбекистон билан ишламоқдамиз. Яқин кунларда яна 50 дона шунақа аппаратларни олишимиз режалаштирилмоқда”, - деди Сапарбаев. Унинг сўзларидан Sputnik Қозоғистон нашри иқтибос келтирган.

Қозоғистоннинг Жамбил вилоятида коронавирус пандемияси бошлангандан буён 1866 та касалланиш ҳолати аниқланган. Беморларнинг 598 нафари тузалиб кетган. Уч киши вирус қурбонига айланган.

Россия хорижга 600 та сунъий нафас олдириш аппаратини, жумладан, Ўзбекистонга етказиб берди

Эслатиб ўтамиз, аввалроқ Фарғона вилояти Қирғизистоннинг Боткен шаҳрига инсонпарварлик ёрдами жўнатгани хабар қилинган эди.

109
Теглар:
коронавирус, Қозоғистон, Ўзбекистон

Қозоғистон чегара пунктида 3 мингга яқин Ўзбекистон ва Тожикистон фуқаролари тўпланди

162
(Янгиланган 17:18 08.07.2020)
Қозоғистоннинг Туркистон вилоятидаги “Жибек жоли” чегара пункти яқинида уч минг нафар Ўзбекистон ва Тожикистон фуқаролари тўпланди.

ТОШКЕНТ, 8 июл — Sputnik. Қозоғистоннинг Туркистон вилоятидаги “Жибек жоли” чегара пункти яқинида уч минг нафар Ўзбекистон ва Тожикистон фуқаролари тўпланди.

Туман ҳокимияти, ҳомийлар ва кўнгиллилар ватанига қайтмоқчи бўлган хорижликларни озиқ-овқат билан таъминлашга ёрдам бермоқда. Бу ҳақда Sputnik Қозоғистонга туман ҳокими ўринбосарини Сакен Калкаманов маълум қилди.

“Автотурагоҳда уч мингга яқин фуқаро тўпланди, улардан кўпчилиги – Ўзбекистон фуқаролари. Периметр бўйлаб чодирлар қўйилди. Сариагаш ҳокимияти, ҳомийлар ва кўнгиллиларнинг кучи билан бир кунда бир махал тушлик ташкил қилинмоқда, сув олиб келинмоқда” – деди Калкаманов.

Унинг сўзларига кўра, ўтган ҳафтада Ўзбекистон томон 200-300 кишидан чегарадан ўтказди.

“Қўлимиздан келган ишни қиляпмиз. Ҳар куни ҳудуд тозаланади. Тасаввур қилинг, бир жойда уч минг киши. Улар кетишмаяпти, чунки улар чегарадан ўтиши керак. Март ойи, карантин жорий қилингандан бери чегарадан 41 минг ўзбекистонлик ўтди. Ҳокимият ҳаммасини озиқ-овқат билан таъминлади. Қолган масъулият – Ўзбекистон томонида”, - деб қўшимча қилди Калкаманов.

Посмотреть эту публикацию в Instagram

Публикация от @kris_p_kz +21 | 🇰🇿Kz (@kris_p_kz)

Эслатиб ўтамиз, бундан аввал Ўзбекистон ТИВ Ўзбекистон Ташқи ишлар вазирлиги Россиядаги фуқароларга мурожаат қилганди.

Фуқароларга Россия, Ўзбекистон ва Қозоғистонда жорий қилинган карантин чоралари, шу жумладан мамлакатларга кириш бўйича чекловлар ўз кучида қолаётгани яна бир бор эслатилди.

Россия ҳудудидаги ватандошлардан турли ёлғон хабарлар ва миш-мишларга ишонмаслик, Россия-Қозоғистон давлатлараро чегара пунктларига боришга уринмаслик, ҳозирги яшаш жойларида қолиб, карантин чораларига қатъий риоя қилишларини сўралган.

162
Мавзу:
COVID-19 умумжаҳон пандемияси
Сборная Узбекистана по футболу

Ўзбекистон ва Эрон терма жамоалари Тошкентда ўртоқлик ўйинини ўтказади

0
Ўзбекистон ва Эрон футбол бўйича терма жамоалари 7 сентябрь куни “Бунёдкор” стадионида ўртоқлик ўйинини ўтказади.

ТОШКЕНТ, 8 июл — Sputnik. Вадим Абрамов мураббийлиги остидаги Ўзбекистон миллий терма жамоаси Тошкентда Эронга қарши ўртоқлик учрашувида майдонга тушади. Бу ҳақда Ўзбекистон футбол ассоциацияси хабар қилмоқда.

“Эрон Ислом Республикаси футбол федерацияси билан келишган ҳолда, ушбу учрашув 7 сентябрь куни “Бунёдкор” стадионида бўлиб ўтиши белгиланди”, - дейилган хабарда.

Ўзбекистон миллий терма жамоаси ЖЧ-2022 ва Осиё кубоги-2023 қўшма саралаш босқичидаги қолдирилган учрашувларни октябрь ва ноябрь ойларида ўтказади. Ушбу баҳслар олдидан МТЖ учун сентябрь ойида Тошкентда ўқув-машғулот йиғини ташкил этилади.

Эслатиб ўтамиз, аввалроқ Тошкентда 4 сентябрь куни Ўзбекистон ва Тожикистон миллий терма жамоаларининг ўртоқлик ўйини режалаштирилгани хабар қилинган эди.

0