Мессенджер Telegram может быть заблокирован Роскомнадзором

АҚШ ҳукумати Telegram криптовалютасини таъқиқлади

151
(Янгиланган 18:38 13.10.2019)
АҚШ суд орқали Telegram Group ва TON Issuer компанияларига криптовалюта чиқаришни таъқиқлаб, уларга жарима ва санкциялар билан пўписа қилмоқда.

ТОШКЕНТ, 13 окт – Sputnik. АҚШнинг Қимматли қоғозлар ва биржалар комиссияси (SEC) суд қарори орқали Telegram компанияси томонидан муомалага чиқарилаётган криптовалюта – Gramни вақтинча таъқиқлади.

Хабарда айтилишига кўра, ушбу валютанинг 1,7 млрд доллар қийматга эга бўлган биринчи партияси – ноқонуний савдога чиқарилган. Манхэттен суди TON Issuer Inc. Компаниясига қарашли бўлган иккита офшор тузилма фаолиятини чеклаб қўйган.

Телеграм асосчиси Павел Дуров АҚШ ҳукуматининг ушбу қарори уни ҳайрон қолдирганини ва нима учун қарор суд орқали ҳал қилинганини тушунмаганини хабар қилган.

Эслатиб ўтамиз, 2018 йилнинг январ ойидан бошлаб Павел Дуров бошчилигидаги Telegram компанияси Gram криптовалютасини муомалага чиқариш учун 171 нафар сармоядорлардан 2,9 миллиард доллар маблағ йиққан эди. Ушбу маблағнинг 1 миллиарди АҚШ ҳудудида яшаётган 39 нафар сармоядорлардан олинган.

Павел Дуров 2019 йилнинг 31 октябрига қадар Gram криптовалютасини муомалага чиқаришни ваъда берган ва агар ушбу иш амалга ошмаса инвесторлар пулларини қайтариб беришни ваъда берган эди.

Интернет-омбудсмен Дмитрий Мариничев РБКга хабар қилишича, SECнинг ушбу ҳатти ҳаракати Дуров учун “ажойиб совға” бўлади. Мариничевнинг фикрига кўра, Қимматли қоғозлар комиссияси ва судлар ҳатти-ҳаракати туфайли матбуотда пайдо бўлган шов-шув охир оқибатда Gram криптовалютаси муомалага чиқарилаётганини янада кенгроқ реклама қилади, уни “ҳар бир америкалик уй бекалари”гача танитади. 

151
“Талибан” снова наступает: в Афганистане произошла серия терактов

Толиблар Тожикистон чегараси яқинида ҳужум уюштирди

298
Толибларнинг Тожикистон чегараси яқинида Афғонистон армияси кучларига қуролли ҳужуми муваффақиятсизлик билан якун топди.

ТОШКЕНТ, 15 авг — Sputnik. Тожикистон билан чегарада афғон ҳарбийлари толиблар ҳужумини қайтарди, деб хабар қилди Sputnik Тожикистонга афғон миллий армиясининг 217-"Помир" корпуси матбуот-котиби.

Террорчилар 14 август куни 6.30да Бадахшон провинциясининг Куф-Аб уезди ҳудудида армия ва полиция кучларига ҳужум уюштирган.

Афғонистон ҳарбийлари ҳаракатлари натижасида 10 нафар жангари ўлдирилган, 6 нафари жароҳатланган, 4 нафари асир олинган.

Жангарилардан 1 та гранатомет, 1та Калашников автомати ва бошқа қуроллар олиб қўйилган.

Муваффақиятсиз ишғолдан сўнг, толиблар чекинган. Афғонистон армияси томонидан бўлган йўқотишлар ва/жароҳатланганлар ҳақида маълумотларга аниқлик киритилмаган.

298

Трамп Россиянинг коронавирусга қарши вакцинаси ҳақида фикр билдирди

340
(Янгиланган 07:03 15.08.2020)
Сал олдин CNN тарқатган хабарга кўра, Москва дори воситасининг ишлаб чиқишини тезлаштиришга қаратилган "Сверхзвуковая скорость" операцияси доирасида АҚШга ўз ёрдамини таклиф қилган

ТОШКЕНТ, 15 авг — Sputnik. АҚШ президенти Дональд Трамп Россияда рўйхатдан ўтказилган коронавирусга қарши вакцина "иш беришига" умид қилмоқда.

Россия дунёда биринчи бўлиб COVID 19 га вакцинани рўйхатга олди
Ruptly / РФПИ / WHO / Дмитрий Куракин/Пресс-служба Минздрава России

"Бизнинг бу ҳақда озгина хабаримиз бор. <...> Улар айрим тадқиқотларни олиб ташлашган. Биз бу жараёндан ўтиш жуда муҳим деб ҳисоблаймиз", - деб айтган давлат раҳбари матбуот-анжманида.

Ўз навбатида, АҚШ вакцина ишлаб чиқишда "жуда олдинлаганини" қўшимча қилган.

Сал олдин CNN тарқатган хабарга кўра, Москва дори воситасининг ишлаб чиқишини тезлаштиришга қаратилган "Сверхзвуковая скорость" операцияси доирасида АҚШга ўз ёрдамини таклиф қилган, ҳамкорлик "Спутник V" вакцинасини АҚШда ишлаб чиқаришга имкон беришини кўзда тутган эди.

Бироқ, АҚШ Россиянинг тиббий ишланмаларига "очиқ" эмаслигини маълум қилиб, рад этган.

Россия сешанба куни "Спутник V" деб номланган, барча зарур текширувлардан ўтган ва барқарор иммунитетни шакллантирадиган дунёда биринчи COVID-19га қарши вакцинани рўйхатга олганини эълон қилган эди.

Дунёнинг 20дан ортиқ давлати ушбу вакцинани харид қилиш учун навбатда турибди.

Шу билан бирга, Россия бешта давлатида вакцина ишлаб чиқариш тўғрисида келишувга эришган, мавжуд қувватлар йилига 500 миллион дозани ишлаб чиқариш имконини беради.

340
Школьный базар

ХТВ давлат мактаблари қачон иш бошлаши ҳақидаги саволга жавоб берди

0
(Янгиланган 07:51 15.08.2020)
Ҳозир ҳамма баравар бозорга борса ижтимоий масофа сақлаш қийин бўлади, шунинг учун жуда шошилиш, барча харидларни мактабгача амалга ошириш шарт эмас, дея таъкидлайди вазирлик

ТОШКЕНТ, 15 авг - Sputnik. Халқ таълими вазирлиги ота-оналардан келиб тушаётган давлат мактабларида янги ўқув йили қачондан бошланиши, ўқувчилар учун ўқув қуроллари ҳамда мактаб формасини харид қилиш масалалари юзасидан саволларга жавоб берди.

Хабарда қайд этишича, Республика махсус комиссиясининг қарори билан 2020 йилнинг 20 августидан бошлаб буюм бозорлари ҳамда буюмлар савдоси билан шуғулланувчи йирик дўконлар фаолиятига рухсат берилди. 

"Албатта ўқув йили қачон бошланишидан қатъий назар ўқувчилар учун ўқув қуроллари керак бўлади. Ота-оналаримиздан, бозор ва дўконлар очилгани билан, санитария қоидалари ва ижтимоий масофа сақлашлари, айниқса, фарзандлари соғлигига алоҳида эътибор қаратишларини сўраймиз. Ҳозир ҳамма баравар бозорга борса ижтимоий масофа сақлаш қийин бўлади, шунинг учун жуда шошилиш, барча харидларни мактабгача амалга ошириш шарт эмас. Ўқув қуроллари ва кийим-кечакларни мактаб бошланганидан кейин ҳам олиб бериш мумкин, энг асосийси ўзингиз ва фарзандларингизнинг саломатлигини асраш!", - дейилади хабарда.

Айни дамда ўқув йилини бошлаш юзасидан мутасадди вазирлик ва идораларга таклиф киритиш бўйича топшириқ берилган. Давлат умумтаълим мактаблари бўйича Республика Махсус комиссиясининг қарори яқин кунларда эълон қилинади.

Аввалроқ Халқ таълими вазирлиги мактаблар фаолиятини давом эттириш бўйича 3 та сценарий таклиф қилгани ҳақида хабар берган эдик.

0