Незаконная торговля нефтепродуктами

АҚШ Суриянинг нефтли ҳудудида 2та янги ҳарбий база қурмоқда - ОАВ

300
(Янгиланган 18:02 05.11.2019)
Сурия нефт конларидан ноқонуний қазиб олинаётган нефтдан АҚШ ойига 30 миллион доллар даромад олмоқда - Россия Мудофаа вазирлиги.

ТОШКЕНТ, 5 ноя – Sputnik. АҚШ Сурия шимолидаги нефтга бой бўлган Дайр аз-Зор ҳудудида иккита янги ҳарбий база қурмоқда, деб хабар қилди Туркиянинг Anadolu агентлигига асосланиб РИА Новости.

Маҳаллий манбаанинг хабарига кўра, Америка ҳарбийлари Сур аҳоли пункти яқинида ҳарбий база қуришни бошлаган. У ерга 250-300 га яқин ҳарбийлар ва кўп миқдорда ҳарбий  ва қурилиш техникаси йўналтирилган.

Айни дамда  АҚШ Суриянинг айрим ҳудудларида ўз қўшинлари сонини камайтирган бўлса, бошқа ҳудудларда кўпайтирди. Хусусан, Дайр аз-Зорга яқинда 170 та ҳарбий техника олиб келинди.

Бироз олдин АҚШ президенти янги ҳарбий базалар нефт конларида хавфсизлини таъминлаш учун хизмат қилади, деган эди. Бугунги кунда АҚШ Суриянинг энг йирик нефт кони – Омардан ҳарбий база сифатида фойдаланмоқда. Ундан ташқари АҚШнинг Дайр аз-Зорнинг бошқа ҳудудларида ҳам яна 3та базаси бор.

Россия Ташқи ишлар вазирлигида ушбу хабарга салбий изоҳ билдиришди. Россия Ташқи ишлар вазири ўринбосари Сергей Вершинин айтишига кўра, Сурия ҳудудида Сурия ҳукумати билан келишилмаган ҳолда хорижий давлат томонидан амалга оширилаётган ҳар қандай ҳаракатлар – халқаро қонунларга зид ҳисобланади.

Бундан олдин Россия Мудофаа вазирлиги Сурия нефт конларидан ноқонуний қазиб олинаётган нефтдан АҚШ ойига 30 миллион доллар даромад олаётганини хабар қилган эди.

Россия президентининг Сурия бўйича махсус вакили Александр Лаврентьев айтишига қараганда, Сурия ҳудудидаги барча нефт конлари Башар Асад ҳукумати томонидан бошқарилиши керак.

300
Министерство иностранных дел России

АҚШ разведкаси наркотиклар савдоси иштирокчиси - Россия ТИВ

40
Олдинроқ New York Times америка разведкасидаги аноним манбаларига таяниб, РФ ҳарбий разведкаси толибларга алоқадор жангариларга Афғонистондаги америка солдатларига ҳужум учун мукофот пули таклиф этгани ҳақида мақола эълон қилган эди

ТОШКЕНТ, 4 июл – Sputnik. Россияни толиблар билан тил бириктирувда айблаётган АҚШ разведкаси наркотрафикка аралашган, бу Қобулдаги ҳар бир афғонга аён, деб баёнот қилди РФ Афғонистон бўйича махсус вакили, Россия ТИВнинг Осиё иккинчи департаменти директори Замир Кабулов "Россия-1" телеканалига берган интервьюсида.

"Ўша ердаги лойиҳалардан ажратиладиган сон-саноқсиз улушлар бизникиларни наркотрафикда айблаётган ажабтовур америкалик разведкачилар иштироки туфайлидир. Уларнинг самолётлари Қандаҳор ва Баграмдан ҳеч қандай текширувсиз исталган томонга - истаса Германияга, истаса Руминияга қараб учади. Албатта, шундай бизнес-ку. Қобулда исталган афғон сизга бу ҳақда гапириб бериши мумкин, ҳатто, энг дангасаси ҳам бу мавзуда гапиришга тайёр. Бу ҳаммага аён бўлган сир кўпчиликнинг жонига тегиб бўлган. Барча бу ҳолатга аллақачон қўл силтаган", - деди Кабулов.

Олдинроқ New York Times америка разведкасидаги аноним манбаларига таяниб РФ ҳарбий разведкаси толибларга алоқадор жангариларга Афғонистондаги америка солдатларига ҳужум учун мукофот пули таклиф этгани, АҚШ президенти Дональд Трамп бу ҳақда хабардор этилгани ҳақида мақола эълон қилган эди.

Ҳолат бўйича далиллар тақдим этилмаган.

АҚШдаги РФ элчихонаси сал олдин Россия ва Афғонистон ҳақидаги хабарлардан сўнг дипломатлар номига келиб тушаётган таҳдидлар туфайли мамлакат ҳукуматидан бу ҳолатга адекват реакция билдиришни талаб қилган. РФ ТИВ оммавий ахборот воситаларида чоп этилган хабарларни "фейк", дея атади. Трамп ушбу мақолани "буюртма", деб ҳисоблашини маълум қилди.

Демократлар Россия ва толиблар "тил бириктируви" ҳақида разведка ҳисоботини талаб қилмоқда >>>

Оқ уй, Пентагон ва АҚШ разведкаси ушбу хабарлар ҳозирча ўз тасдиғини топмагани ва Трамп бу ҳақда огоҳлантирилмагани ҳақида баёнот бермоқда.

Трампга кўра, Россиянинг толиблар билан тил бириктируви ўзи ва Республикачилар партиясига зиён етказиш учун ўйлаб топилган.

40
Тауэрский мост над рекой Темзой в Лондоне.

Британия "қул-маймунлар" меҳнати орқали олинган товарлардан воз кечди

42
Ушбу ҳолатлар аниқлангач, Буюк Британиядаги қатор супермаркетлар, шу жумладан, Waitrose, Ocado, Co-op ва Boots маймунлар қуллик меҳнати орқали етиштирилган маҳсулотларни сотишан бош тортишларини маълум қилишган.

ТОШКЕНТ, 4 июл - Sputnik. Буюк Британиянинг қатор йирик супермаркетлари маймунларнинг "қуллик" меҳнати маҳсули бўлган товарларни дўконлар расталаридан олиб ташлашга қарор қилди. Бу ҳақда Telegraph газетаси Ҳайвонлар ҳуқуқлар учун курашувчи халқаро ташкилот (PETA) осиё бўлимига таянган ҳолда хабар бермоқда.

PETA ҳайвонот дунёси ҳимоячилари ўтказган тадқиқотлар давомида, Таиландда чўчқадумли ёввойи макакалардан дарахтлардан кокосларни териб олишда фойдаланилгани аниқланди. Жониворлар қочиб кетмаслиги учун эски шиналарга занжирбанд қилинган ёки тор катакларда сақланган. Катаклар маймунлар танаси катталигида бўлиб, бундан ташқари, тишламаслиги учун жониворларнинг тишлари ҳам узиб ташланган.

Ушбу ҳолатлар аниқлангач, Буюк Британиядаги қатор супермаркетлар, шу жумладан, Waitrose, Ocado, Co-op ва Boots маймунлар қуллик меҳнати орқали етиштирилган маҳсулотларни сотишдан бош тортишларини маълум қилганлар.

"Waitrose & Partners" PETAнинг кокос саноатида маймунлар меҳнатидан фойдаланиш ҳолатига чек қўйиш бўйича мақсадини қўллаб-қувватлашини билдирган.

"Ҳайвонлар муҳофазаси бўйича олиб борадиган сиёсатимиз доирасида шу пайтдан эътиборан маймун меҳнати орқали олинадиган маҳсулотларни сотмаслик мажбуриятини оламиз", - деган компания менежери Жон Грегсон.

42