Мост через реку Амударью на границе Узбекистана и Афганистана

МДҲ ва Афғонистон чегара хизмати раҳбарлари Ўзбекистонда йиғилиш ўтказади

356
Тошкентда ШҲТ РАТС илмий-амалий конференция ўтмоқда. Унда МДҲ чегара қўшинлари кенгаши мувофиқлаштириш хизмати делегацияси иштирок этмоқда.

ТОШКЕНТ, 6 ноя – Sputnik. Ўзбекистонда Марказий Осиё, Россия ва Афғонистон чегара хизмати раҳбарлари бешинчи йиғилиши 2020 йил мартда ўтказилади. Бу ҳақда журналистларга МДҲ чегара қўшинлари кенгаши мувофиқлаштириш хизмати (ЧҚКМХ) раиси Александр Манилов маълум қилди.

Манилов Тошкентда чоршанба куни очилган ШҲТ минтақавий аксилтеррорчилик илмий-амалий конференция ЧҚКМХ делегацияга раҳбарлик қилди.   

“Марказий Осиё минтақаси МДҲ давлат чегара хизмати раҳбарлари иштирокида 2020 йил мартда Ўзбекистонда йиғилиш ўтказилади. Шунингдек у ерга Афғонистон чегара идораси вакилларни таклиф қилиш режалаштирилмоқда”, - деди Манилов.

Ўтган йиғилиш Душанбеда шу йилнинг феврал ойида ўтказилган.

Унинг таъкидлашича, ўтган йил давомида терроризм таҳдиди билан боғлиқ динамика катта ўзгаришларга дуч келмади.

“Аксинча, ташвиш уйғотадиган омиллар мавжуд, айниқса афғон йўналишида”, - деб таъкидлади Манилов.

Шунингдек, Афғонистон масаласи 2020 апрел Арманистонда МДҲ черага идора раҳбарлари йиғилишида ҳам кўриб чиқилади.

“Афғонистон шимолий вилоятларида жангариларнинг катта гуруҳи қўним топган. Бу хавф туғдирмоқда, айниқса, МДҲ давлатларга. Тожикистон, Турманистон, Ўзбекистон йўналишида”, - деб қўшимча қилди Манилов.

Эслатиб ўтамиз, Тошкентда еттинчи ШҲТ РАТС илмий-амалий конференция ўтмоқда.

356
Министерство иностранных дел России

АҚШ разведкаси наркотиклар савдоси иштирокчиси - Россия ТИВ

4
Олдинроқ New York Times америка разведкасидаги аноним манбаларига таяниб, РФ ҳарбий разведкаси толибларга алоқадор жангариларга Афғонистондаги америка солдатларига ҳужум учун мукофот пули таклиф этгани ҳақида мақола эълон қилган эди

ТОШКЕНТ, 4 июл – Sputnik. Россияни толиблар билан тил бириктирувда айблаётган АҚШ разведкаси наркотрафикка аралашган, бу Қобулдаги ҳар бир афғонга аён, деб баёнот қилди РФ Афғонистон бўйича махсус вакили, Россия ТИВнинг Осиё иккинчи департаменти директори Замир Кабулов "Россия-1" телеканалига берган интервьюсида.

"Ўша ердаги лойиҳалардан ажратиладиган сон-саноқсиз улушлар бизникиларни наркотрафикда айблаётган ажабтовур америкалик разведкачилар иштироки туфайлидир. Уларнинг самолётлари Қандаҳор ва Баграмдан ҳеч қандай текширувсиз исталган томонга - истаса Германияга, истаса Руминияга қараб учади. Албатта, шундай бизнес-ку. Қобулда исталган афғон сизга бу ҳақда гапириб бериши мумкин, ҳатто, энг дангасаси ҳам бу мавзуда гапиришга тайёр. Бу ҳаммага аён бўлган сир кўпчиликнинг жонига тегиб бўлган. Барча бу ҳолатга аллақачон қўл силтаган", - деди Кабулов.

Олдинроқ New York Times америка разведкасидаги аноним манбаларига таяниб РФ ҳарбий разведкаси толибларга алоқадор жангариларга Афғонистондаги америка солдатларига ҳужум учун мукофот пули таклиф этгани, АҚШ президенти Дональд Трамп бу ҳақда хабардор этилгани ҳақида мақола эълон қилган эди.

Ҳолат бўйича далиллар тақдим этилмаган.

АҚШдаги РФ элчихонаси сал олдин Россия ва Афғонистон ҳақидаги хабарлардан сўнг дипломатлар номига келиб тушаётган таҳдидлар туфайли мамлакат ҳукуматидан бу ҳолатга адекват реакция билдиришни талаб қилган. РФ ТИВ оммавий ахборот воситаларида чоп этилган хабарларни "фейк", дея атади. Трамп ушбу мақолани "буюртма", деб ҳисоблашини маълум қилди.

Демократлар Россия ва толиблар "тил бириктируви" ҳақида разведка ҳисоботини талаб қилмоқда >>>

Оқ уй, Пентагон ва АҚШ разведкаси ушбу хабарлар ҳозирча ўз тасдиғини топмагани ва Трамп бу ҳақда огоҳлантирилмагани ҳақида баёнот бермоқда.

Трампга кўра, Россиянинг толиблар билан тил бириктируви ўзи ва Республикачилар партиясига зиён етказиш учун ўйлаб топилган.

4
Тауэрский мост над рекой Темзой в Лондоне.

Британия "қул-маймунлар" меҳнати орқали олинган товарлардан воз кечди

25
Ушбу ҳолатлар аниқлангач, Буюк Британиядаги қатор супермаркетлар, шу жумладан, Waitrose, Ocado, Co-op ва Boots маймунлар қуллик меҳнати орқали етиштирилган маҳсулотларни сотишан бош тортишларини маълум қилишган.

ТОШКЕНТ, 4 июл - Sputnik. Буюк Британиянинг қатор йирик супермаркетлари маймунларнинг "қуллик" меҳнати маҳсули бўлган товарларни дўконлар расталаридан олиб ташлашга қарор қилди. Бу ҳақда Telegraph газетаси Ҳайвонлар ҳуқуқлар учун курашувчи халқаро ташкилот (PETA) осиё бўлимига таянган ҳолда хабар бермоқда.

PETA ҳайвонот дунёси ҳимоячилари ўтказган тадқиқотлар давомида, Таиландда чўчқадумли ёввойи макакалардан дарахтлардан кокосларни териб олишда фойдаланилгани аниқланди. Жониворлар қочиб кетмаслиги учун эски шиналарга занжирбанд қилинган ёки тор катакларда сақланган. Катаклар маймунлар танаси катталигида бўлиб, бундан ташқари, тишламаслиги учун жониворларнинг тишлари ҳам узиб ташланган.

Ушбу ҳолатлар аниқлангач, Буюк Британиядаги қатор супермаркетлар, шу жумладан, Waitrose, Ocado, Co-op ва Boots маймунлар қуллик меҳнати орқали етиштирилган маҳсулотларни сотишдан бош тортишларини маълум қилганлар.

"Waitrose & Partners" PETAнинг кокос саноатида маймунлар меҳнатидан фойдаланиш ҳолатига чек қўйиш бўйича мақсадини қўллаб-қувватлашини билдирган.

"Ҳайвонлар муҳофазаси бўйича олиб борадиган сиёсатимиз доирасида шу пайтдан эътиборан маймун меҳнати орқали олинадиган маҳсулотларни сотмаслик мажбуриятини оламиз", - деган компания менежери Жон Грегсон.

25