Арктика устидаги ҳарбий мудофаа қобиғи икки сабабга кўра муҳимдир - ҳарбий эксперт

957
Россия Акртика устидан ҳаво мудофааси гумбазини ўрнатади. Бу нима учун керак, ҳарбий эксперт Sputnik радио эфирида тушунтирди.

Арктиканинг Россия қисми устидан ҳаво гумбази яратилади - бунинг учун Шимолий флотнинг барча Арктика бўлинмалари яқин йилларда С-400 зенит-ракета тизимлари билан жиҳозланади, деб баёнот берди Шимолий флот қумондони, вице-адмирал Александр Моисеев, дея хабар берди РИА Новости.

“Зенит-ракета ва радиотехника қўшинларини янги техника билан жиҳозлаш ишлари амалга оширилмоқда. Бу йил “Новая Земля”да жойлашган зенит-ракета полки янги С-400 зенит-ракета тизимлари билан жиҳозланди ва уларни хизматни ўташи бошланди. Яқин йилларда Арктикадаги барча қўшинларимизни бундай комплекслар билан жиҳозланиши  режалаштирилмоқда. ”, - деди қўмондон.

Унинг сўзларига кўра, бунинг эвазига Арктикани душманнинг барча турдаги, шу жумладан авиация, қанотли ва баллистик ракеталари хужумидан ҳимоя қилади.

МГИМО ҳарбий-сиёсий тадқиқотлар маркази директори, тарих фанлари доктори Алексей Подберёзкин Sputnik радио эфирида бунинг муҳимлигини тушунтирди.

"Ҳаво мудофааси ва ракеталарга қарши мудофаа тизимларини яратиш режасига мувофиқ, ҳар хил синфдаги ракеталарни доимий равишда аниқлайдиган ва йўқ қиладиган яхлид зона яратилмоқда. Бу ҳаракатлар ҳозирда шимолий чегараларга йўналтирилганлиги аён. Биринчидан, зарба бериш учун энг хавфли ҳудуд, чунки у жуда қисқа. Иккинчидан, “Арктика учун кураш” аллақачон бошланган ва Арктика ҳудудига кирмайдиган давлатлар ўзининг таъсир доирасини белгилашга тобора  интилмоқда”- ҳисоблайди Алексей Подберёзкин. Россиянинг жавобгарлик ҳудуди ишончли ҳимоя қилиниши керак, деди у.

"Биз Россия қуролли кучларининг жавобгарлик ҳудуди деб ҳисобланадиган ҳудудлар Ҳаво мудофааси ва Ракеталардан қарши мудофаа тизимлари томонидан ишончли тарзда ҳимояланиши нуқтаи назаридан қамраб олинишига даъво қилмоқдамиз. Ягона радиолокацион майдони қурилиб бўлгач, Шимолий Қутб ва Арктика минтақалари орқали ҳужумдан мудофаа тизими яратилмоқда” - деди Алексей Подберёзкин.

Сентябрь ойида “Новая Земля” полкининг илк марта С-400 комплекслари билан жиҳозлангани маълум бўлди. Бу бўлинма 2015 йилда ҳарбий хизматга тушди, аммо илгари олдинги авлоддаги С-300 тизимлари хизматни ўтаган.

С-400 зенит-ракета тизимлари барча баландликда бир неча юз километр  оралиғи масофасида жойлашган барча замонавий ва истиқболли аэрокосмик ҳужум воситаларини йўқ қилишга мўлжалланган.

957
3d модель коронавируса

Коронавирус ҳеч қачон йўқ қилинмайди англиялик эксперт

492
(Янгиланган 18:27 03.12.2020)
"Коронавирус ҳеч қачон йўқ қилинмайди, вакцина қилинган тақдирда ҳам у мавсумий касаллик сифатида сақланиб қолади", - деди англиялик бош шикофор Жонатан Ван Там.

ТОШКЕНТ, 3 дек — Sputnik. Коронавирус ҳеч қачон йўқ қилинмайди, вакцина қилинган тақдирда ҳам у мавсумий касаллик сифатида сақланиб қолади, деб ҳисоблайди Англия бош врачининг ўринбосари Жонатан Ван Там. РИА Новости хабарига асосан.

Буюк Британия чоршанба куни коронавирусга қарши вакцинани сертификатлади.

Мамлакат Соғлиқни сақлаш вазирлиги Pfizer ва BioNTech компаниялари яратган вакцинадан фойдаланишга рухсат олганини маълум қилди. Кейинги ҳафтда вакцинани Буюк Британияда олса бўлади.

Оммавий эмлаш 2021 йилнинг баҳорида бошланади, май ойида аҳолининг энг заиф тоифалари, шифокорлар, ижтимоий ишчилар ва қариялар вакцинани олади.

"Коронавирус ҳеч қачон йўқ қилинмайди, деб ўйлайман, у мавсумий муаммо бўлиб қолиши мумкин деб ўйлайман ... биз ўрганган одатлар - ниқоб ва санитайзерлар  - сақланиб қолиниши мумкин", - деди Ван Там чоршанба куни брифингда.

Мутахассиснинг фикрига кўра, вентиляцияси ёмон бўлган хоналар, одамлар зич жойлашган хоналар энг хавфли бўлиб қолмоқда.

492
Теглар:
коронавирус пандемияси, коронавирус
Мавзу:
COVID-19 умумжаҳон пандемияси

Озарбайжон илк бор Қорабоғдаги урушда йўқотган қурбонлари сонини очиқлади

537
Тоғли Қорабоғда давом этган жанговар ҳаракатлар давомида Озарбайжон Қуролли кучларининг нечта ҳарбий хизматчилари ҳалок бўлгани маълум қилинди.

ТОШКЕНТ, 3 дек — Sputnik. 27 сентябрдан 10 ноябрга қадар Тоғли Қорабоғда давом этган жанговар ҳаракатлар давомида Озарбайжон Қуролли кучларининг 2 783 нафар ҳарбий хизматчилари ҳалок бўлди. Бу ҳақда мамлакат Мудофаа вазирлиги хабар қилмоқда.

“Ватан урушида Қуролли кучларимизнинг 2783 нафар ҳарбий хизматчилари ҳалок бўлди. 103 нафар ҳарбий хизматчининг шахси ДНК таҳлили усулида аниқланмоқда”, - дейилган хабарда.

Вазирлик маълумотларига кўра, 100 нафардан зиёд киши бедарак йўқолган. Уларни жойини аниқлаш ва оилаларига бериш чоралари кўрилмоқда.

“Ҳозирда тиббиёт муассасаларида 1245 нафар ҳарбий хизматчиларимиз даволанмоқда”, - дея қўшимча қилган Озарбайжон Мудофаа вазирлиги.

Эслатиб ўтамиз, сентябрь ойида охирида яна бошланган Тоғли Қорабоғ можароси Россия, Озарбайжон ва Арманистоннинг уч томонлама келишувига асосан 10 ноябрда тўхтатилган эди. Шундан сўнг ҳудудга Россия тинчликпарвар кучлари киритилган ва келишилган ҳолда Агдам, Келбажар ва Лочин ҳудудлари Озарбайжон ихтиёрига берилган эди.

537
Теглар:
қурбонлар, Тоғли Қорабоғ, Озарбайжон
Мавзу бўйича
Озарбайжон армияси Қорабоғда 20тадан ортиқ қишлоқни ўз назоратига олди - Алиев
Алиев Ереванга Қорабоғ масаласида “охиригача бориш” билан таҳдид қилди
РФ назорати остида: россиялик тинчликпарвар кучлар Қорабоғ пойтахтига киришди — видео
Тоғли Қорабоғ: Озарбайжон, Арманистон ва Россия нимага келишиб олди
Нима учун Ғарб Тоғли Қорабоғ бўйича эришилган келишувдан норози
Қорабоғ: Россия тинчликпарвар кучлари Лочин йўлагини миналардан тозалади
Россия Тоғли Қорабоғ аҳолисига қандай ёрдам бермоқда - видео
Тоғли Қорабоғдаги уруш Озарбайжоннинг ғалабаси билан якунланди – Алиев
Шавкат Мирзиёев принял российскую делегацию во главе с министром промышленности и торговли РФ Денисом Мантуровым.

Мирзиёев РФ саноат ва савдо вазири Денис Мантуровни қабул қилди

28
Денис Мантуров самимий қабул учун Ўзбекистон раҳбарига миннатдорлик билдирди ҳамда Россия президенти Владимир Путиннинг саломи ва энг эзгу тилакларини етказди.

ТОШКЕНТ, 4 дек - Sputnik. Ўзбекистон президенти Шавкат Мирзиёев 4 декабрь куни Тошкент металлургия заводининг очилишига бағишланган тантанали тадбирлар доирасида Россия Федерацияси саноат ва савдо вазири Денис Мантуров бошчилигидаги делегацияни қабул қилди.

Давлат раҳбари пойтахт ҳудудида амалга оширилган металлургия маҳсулотлари ишлаб чиқариш бўйича йирик ва замонавий корхонани ташкил этиш лойиҳаси Ўзбекистон ва Россия компания ва банклари ўртасидаги самарали ҳамкорликнинг намунаси эканини катта мамнуният билан қайд этди.

Ушбу заводнинг вужудга келиши кейинги йилларда икки томонлама савдо-иқтисодий ҳамкорликда жиддий сифат ўзгаришлари кузатилаётганидан ҳам далолат беради.

Денис Мантуров самимий қабул учун Ўзбекистон раҳбарига миннатдорлик билдирди ҳамда Россия Президенти Владимир Путиннинг саломи ва энг эзгу тилакларини етказди.

Учрашувда устувор қўшма дастур ва лойиҳаларнинг бориши кўриб чиқилди, амалий ҳамкорликни кенгайтириш борасидаги режалар муҳокама қилинди.

Машинасозлик, агросаноат, фармацевтика, енгил ва озиқ-овқат саноати, кўплаб бошқа тармоқларда юқори технологик ишлаб чиқариш қувватларини ташкил этишда икки мамлакатнинг етакчи корхоналари ўртасидаги кооперация лойиҳаларини ишлаб чиқиш ва илгари суриш масалаларига алоҳида эътибор қаратилди.

Саноат кооперацияси лойиҳаларини, шу жумладан ташкил этилган қўшма Лойиҳа офиси фаолияти доирасида ҳар томонлама қўллаб-қувватлаш ва уларга ҳамроҳлик қилиш, шунингдек, иқтисодиётнинг муҳим тармоқларига инвестицияларни кўпайтириш учун қулай шароитлар яратиш муҳимлиги қайд этилди.

 

28