Пограничники на кыргызско-таджикском участке государственной границы

Тожик-қирғиз чегараси: икки давлат вакиллари музокара ўтказди

274
Қирғизистон Чегара қўмитаси раиси биринчи ўринбосари Абдикарим Алимбаев ва Тожикистон Чегара қўшинлари қўмондонининг биринчи ўринбосари Хикматилло Пираков чегарадаги вазиятни муҳокама қилди.

ТОШКЕНТ, 19 дек – Sputnik. Тожик-қирғиз чегарасида ҳозирги вақтда вазият барқарор деб баҳоланмоқда, икки давлат вакиллари музокаралари ўтказилди. Бу ҳақда Sputnik Қирғизистон мамлакат чегара хизмати матбуот хизматига асосан хабар қилди.

Бугун чегарадаги келишилмаган ҳудудларда Қирғизистон ва Тожикистон фуқаролари томонидан ўрнатилган деворлар тўлиқ олиб ташланди.

Музокараларда Қирғизистон Чегара қўмитаси раиси биринчи ўринбосари Абдикарим Алимбаев ва Тожикистон Чегара қўшинлари қўмондонининг биринчи ўринбосари Хикматилло Пираков иштирок этди.

Улар чегарачиларнинг хулқ-атвор қоидаларига риоя қилиши, зиддиятли вазиятларнинг олдини олиш бўйича биргаликдаги ҳаракатларни муҳокама қилдилар.

Куни кеча эрталаб Кўк-Тош қишлоғида икки давлат фуқаролари ўртасида низо келиб чиқди: чегара ҳудуди яқинида истиқомат қилувчи тахминан 180 нафар Тожикистон ва Қирғизистон фуқаролари бир-бирига тош отишди. Шу муносабат билан икки давлат чегара хизмати, ҳуқуқ тартибот ва вилоят маъмурияти вакиллари музокара ўтказилди. Бироқ вазият тинчланмади.

Шундан сўнг, 4 нафар ҳарбий хизматчи ва икки нафар фуқаро Баткен вилояти шифохона олиб келинди. Бугун эрталаб чегарадаги вазият барқарорлашди.

274

Москвада ўзини ўзи яккалаш тартиби яна кучайтирилди

78
(Янгиланган 11:15 25.09.2020)
Москвада қарияларга уйда қолиш ва йирик корхоналарга имкон қадар ходимларни масофавий тартибда ишга ўтказиш таклиф этилди.

ТОШКЕНТ, 25 - Sputnik. Москвада 28 сентябрдан бошлаб коронавирусга қарши кураш чоралари кучайтирилади. Бу ҳақида Москва мэри Сергей Собянингнинг бугун 25 сентябр куни эълон қилинган фармонида айтиб ўтилган. 

Фармонда, хусусан 2020 йилнинг 28 сентябрдан бошлаб қуйидаги чеклов чоралари кучга кириши айтиб ўтилган:

  • 65 ёшдан катта ва Москва шаҳар Соғлиқни сақлаш департаменти томонидан белгиланган рўйхатдаги касалликлари бўлган шахслар уйдан чиқмасликлари кераклиги;
  • Москва шаҳрида фаоолият юритаётган барча йирик корхоналарига юқоридаги тоифага кирувчи ходимлардан ташқари, иш жойида туриб ишлашга эҳтиёж бўлмаган барча ходимларни масофавий тарбида ишга ўтказиш;
  • Ходимларни иш жойларида бўлиш вақтини имкон қадар қисқартириш;
  • Шахсий ҳимоя воситаларидан фойдаланишда давом этиш; 

Шунингдек, оммавий тадбирлар, қарияларнинг бир жойга тўпланиши, ресторан ва кафеларда чилим чекишга бўлган таъқиқлар ҳам сақланиб қолади. 

Эслатиб ўтамиз, шу кунларда Россияда яратилган коронавирусга қарши "Спутник V" вакцининг якуний босқич синовлари бўлиб ўтмоқда. Москва ва Москва вилоятида йил охирида оммавий эмлаш бошланиши мумкин. 

 

78

АҚШда 17 йиллик мораторийдан сўнг биринчи афроамерикалик қатл қилинди

132
Федерал ўлим жазосининг қайта тикланиши АҚШ учун рамзий маънога эга, чунки бу ерда аксарият қатллар федерал ҳукумат эмас, балки алоҳида штатлар юрисдикцияси остида ўтар эди

ТОШКЕНТ, 25 сен - Sputnik. АҚШ ҳукумати федерал даражада ўлим жазосига киритилган 17 йиллик мораторий бекор қилингач илк афроамерикаликни қатл этди, деб хабар қилади маҳаллий WTHI канали.

Кристофер Виалва 1999 йил Техасда насроний фаоллар бўлган ёш эр-хотин қотиллиги учун олий жазога ҳукм қилинган эди. Ҳалок қилувчи инъекция ёрдамидаги қатл Индиана штатидаги Терре-Хот қамоқхонасида амалга оширилган.

Жорий йил июл ойида АҚШ Олий суди сал олдин қуйи инстанция судлари томонидан жорий этилган мораторийни бекор қилиб, 17 йил деганда биринчи марта АҚШ федерал судларида қатллар амалга оширилиши мумкинлиги ҳақида қарор эълон қилганди.

Биринчи ўлим жазосига ҳукм қилинган америкалик - 47 яшар Дэниел Льюис Ли бўлди. У ҳам Индиана штатидаги Терре-Хот федерал қамоқхонасида сақланиб келган.

Федерал ўлим жазосининг қайта тикланиши АҚШ учун рамзий маънога эга, чунки бу ерда аксарият қатллар федерал ҳукумат эмас, балки алоҳида штатлар юрисдикцияси остида ўтар эди.

132
В Москве стартовали профкурсы для мигрантов из Узбекистана

Москвада мигрантлар учун касб-ҳунар курслари бошланди

7
Бу ташаббус президент фармонида кўзда тутилган ва Ўзбекистон Бандлик ва меҳнат муносабатлари вазирлиги, Worldskills Russia ва Россия Халқлар дўстлиги университети ўртасидаги қўшма битими билан мустаҳкамланган.

ТОШКЕНТ, 25 сен — Sputnik. Энди Россияга ишлаш учун келган ўзбекистонлик мигрантлар Москва ва Россиянинг бошқа 4та шаҳарида бепул ташкил этилган курсларда ўзларининг касб-ҳунар маҳоратлари ва рус тилидаги билимларини оширишлари мумкин.

Яқинда бундай курслар Санкт-Петербург, Қозон, Екатеринбург ва Новосибирскда бошланади.

Машғулотлар ҳар куни, мигрантлар учун қулай вақтда, яъни эрталаб, кечқурун, иш кунлари ёки дам олиш кунлари ўтказилади. Ўқув дастурлар ҳар бир гуруҳ учун алоҳида тузилади – кимдир электротехника бўйича курсдан ўтиши мумкин, кимдир қурилиш соҳасини ўрганади, кимдир аввал рус тилини ўрганиши керак.

Таъкидлаш жоизки, Ташқи меҳнат миграцияси агентлиги зарур бўлса ўқув курси тингловчиларига турар жой, овқатланиш ва курслар ўтказиладиган жойга етиб келишни билан таъминлайди. Бу ҳақда курснинг очиқ эшиклар кунларида маълум қилинди.

Ўзбекистон Бандлик ва меҳнат муносабатлари вазирининг биринчи ўринбосари Эркин Мухитдиновнинг сўзларига кўра, Россия Федерациясида ишлаётган ўзбекистонликлар учун касблар ва рус тилини ўқитиш уларнинг меҳнат бозорида мутахассис сифатида ўз ўрнини сезиларли даражада мустаҳкамлайди, бу уларнинг даромадлари ва ҳаёт сифатини оширади. WorldSkills Russia ва Россия Халқлар Дўстлиги университетидан ҳамкорлар билан биргаликдаги фаолият, вазирнинг ўринбосари, Россияда ишлаётган минглаб ўзбекистонлик мигрантларнинг касбий малакаси ва рус тилини билиш даражасини ошириш бўйича режалаштирилган мақсадларга эришишга имкон беради, деб ҳисоблайди.

Тадбирда иштирок этиш учун биринчи босқичда Ўзбекистондан 100 нафардан зиёд мигрант таклиф қилинди. Ўқув-гуруҳларга қабул қилиш давом этмоқда. Ташкилотчиларнинг фикрига кўра, ўқитишга талаб жуда катта - мигрантлар Россия бозори талабларига жавоб бериш учун касбий маҳоратга эга бўлиш зарурлигини тушунмоқдалар.

Ўқув курслар нафақат назарий, балки амалий тарзда ўтказилади. Потенциал иш берувчилар мигрантларнинг малакасини ошириш учун қурилиш майдонларини тақдим этишга тайёр.

Масалан, Москвада 40 дан ортиқ қурилиш лойиҳаларига эга бўлган "Моспромстрой" компаниялар гуруҳи ўз ходимлари учун тренинглар ташкил қилди ва курс битирувчиларини иш билан таъминлаш масаласини кўриб чиқишга тайёр.

"Курс тингловчилари профессионал терминологияни ўзлаштириши ва кейинчалик меҳнат бозорида самарали мулоқот қилиши мумкин бўлади", - деди Алина Досканова, WorldSkills Russia халқаро директори бош директорининг ўринбосари, Россиядан WorldSkills International, WorldSkills Europe ва WorldSkills Asiaдаги техник делегати. Биз республикада WorldSkills ҳаракатини ривожланишнинг биринчи босқичини якунладик ва WorldSkills стандартлари бўйича мустақил баҳолашни ишлаб чиқишга, шунингдек WorldSkills усулларидан фойдаланган ҳолда интенсив дастурларда ўқитишни ташкил этишга қаратилган иккинчи босқичга ўтмоқдамиз".

Ўқув-курсни тугатгандан сўнг, иштирокчилар Worldskills Russia томонидан Skills-паспортини олишади ва улар ўзига мос бўлган ва юқори маошли иш топишлари мумкин.

Лойиҳанинг ахборот шериги - Migrant.mobi портали.

7