Лавров АҚШнинг “Шимолий оқим-2”га қарши санкцияларига жавоб қайтаришга ваъда берди

1014
(Янгиланган 19:38 22.12.2019)
Россия ташқи ишлар вазири ҳеч қачон америкалик сиёсатчилар шундай қарор қабул қилишгача боришларини ўйламаганини таъкидлаган.

ТОШКЕНТ, 22 дек – Sputnik. Россия Американинг янги санкцияларига жавоб қайтаради. Бу ҳақда Россия ташқи ишлар вазири Сергей Лавров маълум қилди.

“Санкцияларга биз жавоб қайтарамиз, лекин шундай қиламизки, ўзимизга зарар етмасин. Бироқ биз аниқ жавоб қайтарамиз. Ва албатта, барча муносабатларимизни йўлга қўйишда буни ҳисобга оламиз”,  - деди Лавров Первий каналнинг “Большая игра” кўрсатуви давомида.

Лавров ҳеч қачон америкалик сиёсатчилар шундай қарор қабул қилишгача боришларини ўйламаганини таъкидлаган.

“Мен учун бу тушуниш жуда мушкул бўлган вазият, чунки аксарият бу конгресс аъзолари, Вакиллар палатаси аъзолари, аввало Демократик партия сенаторларини мен сиртдан ёки бевосита танийман”, - дея қайд этган Россия ТИВ раҳбари.

Эслатиб ўтамиз, аввалроқ Мария Захарова ҳам АҚШнинг “Шимолий оқим-2”га қарши санкцияларини танқид қилгани хабар қилинган эди.

1014
Теглар:
санкциялар, АҚШ, Лавров, Шимолий оқим-2
Мавзу бўйича
Меркел “Шимолий оқим-2”га қарши санкциялар учун АҚШга уруш эълон қилди - Bild
“Шимолий оқим-2”га қарши санкциялар Европа манфаати йўлида қабул қилинди – АҚШ элчиси
Захарова АҚШнинг “Шимолий оқим-2”га қарши санкцияларини танқид қилди
Bloomberg: АҚШ “Шимолий оқим-2” бўйича чоралар бефойда эканини тан олди
Афганский военный с пулеметом

Афғонистондаги портлаш оқибатида ўттизга яқин киши қурбон бўлди

74
Миналаштирилган автомобиль худкуш террорчи билан Афғонистон хавфсизлик кучлари батальони олдида портлаб кетган.

ТОШКЕНТ, 29 ноя — Sputnik. Афғонистоннинг Ғазни шаҳрида портлаш содир бўлди, қурбонлар бор. Бу ҳақда “Ariana News” агентлиги хабар қилмоқда.

Сўнгги маълумотларга кўра, портлаш оқибатида 28 киши ҳалок бўлган, 19 киши эса жароҳат олган. Гувоҳлар ҳарбийлар ва жангарилар ўртасидаги тўқнашувлар ҳақида маълум қилишмоқда.

​Миналаштирилган автомобиль худкуш террорчи билан Афғонистон хавфсизлик кучлари батальони олдида портлаб кетган. Маҳаллий касалхона раҳбари барча барча жабрланганлар ҳарбий хизматчилар эканлигини тасдиқлаган.

Ҳозирча ҳеч қайси гуруҳ ҳужум учун жавобгарликни зиммасига олмаган.

Эслатиб ўтамиз, аввалроқ Афғонистон пойтахти Кобулдаги университет олдида отишма содир бўлгани хабар қилинган эди.

74
Теглар:
жангарилар, портлаш, Афғонистон
Россия первой в мире зарегистрировала вакцину от коронавируса

Британиялик олимлар “Спутник V”нинг самардорлиги ҳақидаги маълумотларга баҳо беришди

192
Буюк Британия мутахассислари Россиянинг коронавирусга қарши “Спутник V” вакцинасининг самарадорлиги тўғрисидаги маълумотларни етарлича ишончли деб аташди.

ТОШКЕНТ, 29 ноя — Sputnik. Вирусология ва эпидемиология соҳасидаги британиялик мутахассислар Россиянинг коронавирусга қарши “Спутник V” вакцинасининг самарадорлиги тўғрисидаги маълумотларни етарлича ишончли деб аташди.

“Маълумотлар вакцинанинг етарлича самарали эканлигини кўрсатмоқда. Ушбу натижалар биз бошқа вакциналар устида олиб борган кузатувларимизга мос келади”, - деди Лондон гигиена ва тропик тиббиёт мактабининг фармакоэпидемиология профессори Стивен Эванс Канаданинг CBC телеканалига берган интервьюсида.

У Россия вакцинасининг 95 фоиз самарадорлигини кўрсатган клиник синовлари ҳақидаги хабарга шундай ўз фикрини билдирган.

У “Спутник V” ва бошқа вакциналарнинг кўрсатгичлари бутун дунёда соғлиқни сақлаш соҳасида COVID-19ни эмлаш йўли ёрдамида енгиш мумкинлигига умид бағишламоқдалигини таъкидлади.

Телеканалнинг хабар қилишича, олимларнинг ижобий баҳолари вакцинадаги ишланмалар ўзининг самарадорлигини бир неча бор исботлаганига асосланади.

Россия ва дунёдаги коронавирусга қарши биринчи “Спутник V” вакцинаси ўзининг 95 фоиз самарадорлигини кўрсатди. У 11 август куни рўйхатга олинди. Ҳозир вакцинанинг клиник синовларининг учинчи босқичи Беларусь, БАА, Венесуэла ва қатор давлатларда ўтказилмоқда. 50 дан зиёд давлатдан “Спутника V”нинг 1,2 миллиардан ортиқ дозасини харид қилишга буюртма келиб тушган.

192
Теглар:
Буюк Британия, Россия, коронавирус, Спутник V, вакцина

Ўзбекистонда 1 декабрдан нималар ўзгаради?

50
(Янгиланган 17:48 29.11.2020)
Биринчи декабрдан умумтаълим фанлари бўйича сертификатлаш жорий этилади, Ўзбекистоннинг Афғонистонда савдо ва иқтисодий масалалар бўйича маслаҳатчи лавозими жорий этилади. Батафсил – мақолада.

ТОШКЕНТ, 29 ноя — Sputnik. Адлия вазирлиги 1 декабрдан мамлакат қонунчилигида рўй берадиган ўзгаришлар ва бошқа жорий этилаётган тартиблар тўғрисида маълумот тайёрлади.

1. Маъмурий ҳуқуқбузарлик тўғрисидаги ишларни кўриб чиқиш жиноят ишлари бўйича судларга ўтказилади

2020 йил 1 декабрдан:

  • маъмурий ҳуқуқбузарликлар тўғрисидаги ишларни кўриб чиқиш ваколати жиноят ишлари бўйича судлар ваколатига ўтказилади;
  • ҳуқуқбузарликларни содир этган шахс томонидан маъмурий жаримани суд ва ваколатли идораларда иш кўрилгунга қадар ихтиёрий тўлаш рағбатлантирилади.

2. Умумтаълим фанлари бўйича сертификатлаш жорий этилади

Босқичма-босқич бакалавриат таълим йўналишларига мос фанлар мажмуасидаги умумтаълим фанларидан билиш даражасини баҳолашнинг миллий тест тизими жорий этилади.

Умумтаълим фанлари бўйича сертификатлаш 2020 йил 1 декабрда она тили ва адабиёт (ўзбек тили ва адабиёти, рус тили ва адабиёти, қорақалпоқ тили ва адабиёти) ҳамда математика фанлари бўйича жорий этилади.

3. Ўзбекистон давлат жисмоний тарбия ва спорт университети республикадаги барча жисмоний тарбия ва спорт соҳасидаги давлат ташкилотлари ҳамда спорт федерациялари (уюшмалари) фаолияти устидан ўқув ва илмий-услубий раҳбарликни амалга оширади.

4. Ўзбекистоннинг Афғонистонда савдо ва иқтисодий масалалар бўйича маслаҳатчиси лавозими жорий этилади.

5. Давлат божхона қўмитаси ҳамда Ички ишлар вазирлиги Вазирлар Маҳкамаси ҳузуридаги Ўсимликлар карантини давлат инспекцияси эҳтиёжларидан келиб чиқиб, йилига 5 тадан ўсимликлар карантини соҳасидаги ўзига хос “детектор”лар – хизмат итлари ҳамда 5 нафардан кинологлар тайёрлаб берилишини таъминлайди.

6. Давлат тиббий суғуртаси жамғармаси ташкил этилади

Жамғарманинг асосий вазифалари, жумладан, қуйидагилар ҳисобланади:

- давлат тиббий суғуртаси тизимини жорий этиш, бошқариш ҳамда ушбу соҳада ягона давлат сиёсатини амалга оширишда идоралараро ҳамкорликни таъминлаш;

- аҳолининг барча қатламларини кафолатланган пакет доирасида сифатли ва зарур тиббий ёрдам билан таъминлаш мақсадида тиббий хизматлар стратегик хариди тизимини жорий этиш.

7. Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари билан биргаликда атроф-муҳитга салбий таъсир кўрсатадиган I ва II тоифаларга мансуб бўлган мўлжалланаётган ва режалаштирилаётган фаолият турлари бўйича жамоатчилик эшитувлари ўтказилади.

8. Тадбиркорлик фаолиятини қўллаб-қувватлаш давлат жамғармаси маблағлари ҳисобидан биотехнологиялар соҳасида инвестиция лойиҳаларини амалга ошириш учун жалб қилинадиган кредитлар бўйича кредит суммасининг 50 фоизигача(50 фоизи ҳам киради), бироқ 8 миллиард сўмдан ортиқ бўлмаган миқдорда кафиллик берилади.

Кредит суммаси 10 миллиард сўмдан ортиқ бўлмаган биотехнологиялар соҳасида инвестиция лойиҳаларини амалга ошириш учун жалб қилинадиган кредитлар бўйича фоиз харажатларини қоплаш учун қуйидаги миқдорларда компенсация берилади:

- миллий валютадаги кредитлар бўйича – Марказий банк асосий ставкасининг 1,5 бараваридан ортиқ, бироқ 5 фоизли пунктдан ошмаган миқдорда;

- хорижий валютадаги кредитлар бўйича – тижорат банклари томонидан белгиланган ставканинг 30 фоизи, бироқ 4 фоизли пунктдан ошмаган миқдорда.

Биотехнологиялар соҳасида илмий тадқиқотлар ва инновацион фаолиятни амалга ошириш мақсадида Ўзбекистонга 3 миллион АҚШ долларидан кам бўлмаган тўғридан-тўғри инвестиция киритган хорижий илмий ташкилотларга илмий тадқиқотларни амалга ошириш учун 10 миллиард сўмгача мақсадли грантлар тақдим этилади.

9. 2020 йил 1 декабрдан:

- жиноят натижасида давлатга етказилган зарар, давлат божлари, жиноий ва маъмурий жарималар, давлат фойдасига бошқа турдаги ундирувлар ҳамда давлат даромадига ўтказиладиган олиб қўйилган мол-мулкни сотишга оид ижро ҳужжатлари бўйича келиб тушган маблағлар алоҳида ғазначилик ҳисобрақамида жамланади ва белгиланган миқдорда “Темир дафтар”, “Аёллар дафтари” ва “Ёшлар дафтари”га киритилган фуқароларни қўллаб-қувватлаш учун очилган ҳисоб рақамларига пропорционал тартибда йўналтирилади;

- ижро ҳужжатини мажбурий ижро этиш давомида қарздорнинг хатланган мол-мулки бошланғич нархдан 30 фоизлик чегирма билан, Давлат бюджетига ундиришни назарда тутувчи ижро ҳужжатлари бўйича сотилаётган мол-мулк эса – ҳудудий кенгашлар қарорига мувофиқ 50 фоизгача чегирма билан нархни ошириб бориш услубида ўтказиладиган дастлабки электрон онлайн-аукционга қўйилади (бундан гаровга қўйилган мол-мулк билан таъминланган қарздорликни ундириш тўғрисидаги ижро ҳужжатлари мустасно).

50