Пограничники на кыргызско-таджикском участке государственной границы

Тожикистон элчиси чегарадаги можаро туфайли Қирғизистон ТИВга чақиртирилди

289
Жума куни Қирғизистон ташқи ишлар вазири Чингиз Айдарбеков тожик ҳамкасби Сирожиддин Мухриддин билан телефон мулоқотини ўтказган

ТОШКЕНТ, 10 янв - Sputnik. Чегарада юз берган можародан сўнг Тожикистон элчиси Қирғизистон Ташқи ишлар вазирлигига чақиртирилди, деб хабар қилди жума куни РИА Новостига Қирғизистон ташқи сиёсий маҳкама матбуот-хизмати.

Сал олдин Қирғизистон чегара хизмати номаълум шахслар тунда қирғизистонликларнинг автомашиналари ва уйларини тошбўрон қилишгани, ҳодиса жойига етиб келган чегарачилар эса кичик калибрли қуролдан ўққа тутилгани ҳақида хабар берган эди.

Идора хабарига кўра, ўт Тожикистон томондан очилган.

"Шу муносабат билан, Қирғизистон республикаси ташқи ишлар вазирлигига Қирғизистон республикасидаги Тожикистон республикаси фавқулодда ва мухтор элчиси чақиртирилди", - деб маълум қилди матбуот хизмати.

ТИВ, шунингдек, жума куни Қирғизистон Ташқи ишлар вазири Чингиз Айдарбеков ўзининг тожик ҳамкасби Сирожиддин Мухриддин билан телефон мулоқотини ўтказганини қўшимча қилган.

Давлат чегарасининг қирғиз-тожик қисми бот-бот маҳаллий аҳоли ва икки давлат чегара хизматчилари ўртасида можаролар зонасига айланиб туради. Бунинг асосий сабаби, давлат чегараси қаердан ўтгани номаълумлигича қолаётган белгиланмаган ҳудудлардир.

289

Беларусда президент сайловлари бўлиб ўтмоқда

190
Мустақилликка эришган Беларусь тарихидаги олтинчи президент сайловлари 9 август куни бўлиб ўтмоқда. Президент лавозими учун 5 номзод кураш олиб бормоқда.

ТОШКЕНТ, 9 авг — Sputnik. Бугун, 9 август куни Беларусда президент сайловлари бўлиб ўтмоқда, деб хабар бермоқда Sputnik Беларусь нашри.

Бу мустақилликка эришган Беларусь тарихидаги олтинчи президент сайловлари саналади.

Сайлов участкалари соат 08:00 да очилади ва соат 20:00 гача ишлайди. Сўнгра овозларни ҳисоблаш бошланади. Мамлакат Марказий сайлов комиссияси сайловнинг дастлабки натижаларини душанба куни эрталаб эълон қилишни ваъда бермоқда.

Рўйхатдан ўтган беш номзод президентлик курсиси учун кураш олиб боришмоқда: Александр Лукашенко (амалдаги президент), Сергей Черечень (Беларусь социал-демократлар партияси раиси), Анна Канопацкая (собиқ депутат, тадбиркор, ҳуқуқшунос), Андрей Дмитриев  (жамоат арбоби, “Говори правду” бирлашмаси ҳамраиси), Светлана Тихановская (рўйхатдан ўтиш рад этилган гомеллик блогернинг рафиқаси).

Sputnik
Досрочное голосование на выборах президента Белоруссии

4 август куни бошланган муддатидан олдин овоз беришда 40 фоиздан зиёд сайловчилар ўз овозларини бериб бўлишган.

190
Клещ

Хитой ўлдирадиган янги вирус ҳақида огоҳлантирди

2381
(Янгиланган 19:46 08.08.2020)
Инфекцияни юқтирган беморлардан бирининг айтишича, касаллик йўтал, иссиқ кўтарилиши, шунингдек, қонда лейкоцитлар ва тромбоцитлар даражаси каби белгилар билан кузатилади.

ТОШКЕНТ, 8 авг - Sputnik. Хитойда янги SFTS вируси авж олаётгани кузатилмоқда. У каналар орқали юқади, деб хабар берган Global Times.

Сўнгги маълумотларга кўра, вирусни 60 киши юқтириб олган, етти нафари қурбон бўлган.

Дастлаб инфекция Цзянсу провинциясида аниқланган, кейинчалик вирус Аньхой провинцияси аҳолиси орасида ҳам тарқалгани қайд этилган.

Инфекцияни юқтирган беморлардан бирининг айтишича, касаллик йўтал, иссиқ кўтарилиши, шунингдек, қонда лейкоцитлар ва тромбоцитлар даражаси каби белгилар билан кузатилади.

SFTS илк маротаба 2011 йилда қайд этилган. Вирус канадан одамга, инфекцияланган одамдан бошқа одамга - қон ва шиллиқ парда орқали юқади.

2381
Девушка в защитной маске со смартфоном в руках - архивное фото

Коронавирусдан тузалганлардан ҳам ниқоб тақиб юриш талаб этилади штаб аъзоси

24
Ўзбекистонда коронавирусни бошдан кечирганларга ҳам карантин қоидаларига риоя қилган ҳолда ниқоб тақиб юришлари керак.

ТОШКЕНТ, 9 авг — Sputnik. Ўзбекистонда карантин қоидаларига риоя қилиш учун коронавирусдан тузалганлардан ҳам ниқоб тақиб юриши керак. Бу ҳақда АОКАдаги брифингда Коронавирусга қарши кураш штаби аъзоси Севара Убайдуллаева маълум қилди.

Штаб аъзосига касалликни енгил даражада ўтказган фуқаро энди кўчага тиббий ниқобсиз ҳам чиқсам бўлади деган савол билан юзланди. У шифокорлар даволангандан сўнг касалликка иммунитет ҳосил бўлишини айтишганини маълум қилган.

“Касалланиб тузалгандан сўнг иммунитет ҳосил бўлади, лекин бугунги кунда бизда карантин қоидалари бўйича ниқобсиз юриш мумкин эмас. Шунингдек, касалликдан тузалган бўлсангиз ҳам, ҳали организмингиз тикланмаган, тиббий ниқобсиз юриб бошқа юқумли касалликларга чалиниш имкониятингиз кучаяди ва сиз бошқа касаллик билан касалланишингиз мумкин”, - деди Убайдуллаева.

Шу боис тиббий ниқобни карантин қоидаларига риоя қилган ҳолда тақиб юриш талаб этилади.

Эслатиб ўтамиз, мамлакатда 25 мартдан жамоат жойларида ниқобсиз юриш тақиқланган. Ушбу ҳаракатни содир этган шахс 1 млн 115 минг сўм миқдорда жаримага тортилиши мумкин.

24