Фрагменты сбитого в Иране украинского самолета

Эрон Украина самолёти қандай уриб туширилганига аниқлик киритди

282
(Янгиланган 12:33 14.01.2020)
Эрон ҳаво мудофаа кучларининг янги хизмат пункти билан мувофиқлаштирилмагани туфайли йўловчи самолёт уриб туширилгани маълум бўлди.

ТОШКЕНТ, 14 янв - Sputnik. Украина авиакомпаниясининг самолёти Теҳрон халқаро аэропорти яқинида ўрнатилган ҳаво мудофаа кучларининг янги хизмат пункти билан мувофиқлаштирилмаганлиги сабабли хато равишда уриб туширилди, дея хабар беради РИА Новостига Эроннинг шаҳарсозлик қўмитаси раисининг ўринбосари Абу ал-Фадил Мусавий Беюки.

"Самолёт парвозидан олдин ҳаво ҳужумига қарши хизмат томонидан бир ёки икки марта огоҳлантирилди ... Бироқ, ўша куни Имом Хомейни халқаро аэропорти яқинида ўрнатилган ҳаво мудофаа тизимининг янги хизмат пункти билан тўлиқ келишув ўрнатилмаган эди ва шу сабабли хато юз берди", - дея тушунтирди Беюки.

Эслатиб ўтамиз, “Украина халқаро ҳаво йўллари” компаниясининг Киевга учаётган Боинг 737-800 самолёти 8 январь куни эрталаб Теҳрон аэропортидан чиқиб кетгандан сўнг ҳалокатга учради. Расмий маълумотларга кўра, бортдаги 176 кишининг барчаси ҳалок бўлган: Эрон, Украина, Канада, Германия, Швеция ва Афғонистондан 167 йўловчи, шунингдек, тўққиз экипаж аъзоси.

Ўтган ҳафта Эрон қуролли кучлари вакиллари Украина Боинг самолёти тасодифан уриб туширилганини ва фожиага инсон омили сабаб бўлганини айтишди. Лайнер Эроннинг ҳарбий объекти яқинида учгани сабабли уни душман объекти деб хато қабул қилинган.

Ўз навбатида, Украина президенти Владимир Зеленский Киев Эрон расмийларидан айбни тўла тан олишини, расмий узр ва тўловларни кутишини айтди.

 

282

Лукашенко Россия ва Украина бош прокурорларини таклиф қилиш ҳақида топшириқ берди

212
(Янгиланган 14:52 06.08.2020)
Беларусь президенти Александр Лукашенко Россия ва Украина бош прокурорларини таклиф қилиш ҳақида топшириқ берди.

ТОШКЕНТ, 6 авг — Sputnik. Беларусь президенти Александр Лукашенко Минск яқинида россияликлар қўлга олиниши ҳолати юзасидан мамлакатга Россия ва Украина бош прокурорларини таклиф қилиш тўғрисида топшириқ берди.

Куни кеча Лукашенко Украина президенти Владимир Зеленский билан бу ҳолатни телефон орқали муҳокама қилди. Киев қўлга олинганларни Украина жануби-шарқидаги ҳарбий ҳаракатларда иштирок этганликда гумон қилмоқда.

Беларусда россияликларни қўлга олиниши

Беларусь ҳукумати 29 июлда 33 нафар россиялик қўлга олинганини маълум қилди. Минск уларни хусусий ҳарбий компаниянинг  “жангарилари” деб ҳисобламоқда. Россияликлар Беларусда сайлов олдидан оммавий тартибсизликларни ташкиллаштиришга тайёргарлик кўришда гумон қилинмоқда.

Россия Ташқи ишлар вазирлиги Беларусь томонининг россияликлар ҳибсга олиш ҳолатини нотўғри талқин қилиши ҳеч қандай танқидга бардош бермаслигини таъкидлаб, кераксиз салбий ҳис-туйғулар кескинлигини оширишни тўхтатишга чақирди.

Бундан аввал Россия президенти матбуот котиби Дмитрий Песков Минскда қўлга олинганлар “катта эҳтимол билан” хусусий хавфсизлик компаниясининг ходимлари эканлиги, Минскда транзит тартибида бўлиб, рейсга кеч қолганликларини айтганди.

Песковнинг сўзларига кўра, Кремлда улар қонунга зид иш қилишгани ҳақида ҳеч қандай маълум йўқ. Унинг таъкидлашича, Россия Беларуснинг ички ишларига ҳеч қачон аралашмаган ва аралашмаяпти.

212
Водопад. Иллюстративное фото

Хитойда кучли тўфон шаршарани тескари оқишга мажбур қилди - видео

382
(Янгиланган 14:10 06.08.2020)
"Хагупит" тўфони 190 метр баландликдаги Линфэн тоғ шаршарасини тескари йўналишда оқишга мажбур қилди.

ТОШКЕНТ, 6 авг — Sputnik. "Хагупит" тўфони 190 метр баландликдаги Линфэн тоғ шаршарасини тескари йўналишда оқишга сабаб бўлди. Бу ҳақда Daily Mail хабар қилди.

Видеода кучли шамол шаршара сувини учириб юбориши акс этган. Кучли “Хагупит” тўфони Хитойнинг Чжэцзян провинциясига ёпирилиб келди.

Шамол тезлиги соатига 136 километргача етди, айрим шарқий соҳилбўйи туманларида 4 метр баландликдаги тўлқинлар қайд этилди. 380 мингдан ортиқ киши хавфсиз жойларга эвакуация қилинди.

Поезд ҳаракати тўхтатилди, баъзи автомагистраль йўллари ёпилди, кўпгина уйлар электр энергиясиз қолди.

382
Стадион Бунедкор

ОТМларга тест синовлари стадионларда ўтказиладиган бўлди

213
(Янгиланган 21:17 06.08.2020)
Таъкидланишича, имтиҳонлар кунига ҳаво салқин пайтда 2 марта ўтказилса, барчасини тахминан 12-14 кунда якунлаш мумкин.

ТОШКЕНТ, 6 авг - Sputnik. Ёпиқ бинолар эпидемиологик талабга жавоб бермаслиги, ижтимоий масофага риоя қилинган тақдирда имтиҳонлар вақти анчага чўзилиб кетишини инобатга олиб, тест синовларини Тошкент ва Нукус шаҳарлари, вилоятлар марказларидаги стадионларда ташкил этишга топшириқ берилди.

Бу ҳақда президент Шавкат Мирзиёев раислигида 6 август куни жорий йилда олий таълим муассасаларига қабулни ташкил қилиш ва 2020/2021 ўқув йилига тайёргарлик кўриш масалалари юзасидан ўтказилган йиғилишда маълум қилинди.

Таъкидланишича, бунда имтиҳонлар кунига 2 марта (ҳаво салқин пайтда) ўтказилса, барчасини тахминан 12-14 кунда якунлаш мумкин.

Жорий йилда мамлакатдаги олий таълим муассасаларига бакалавриат босқичига 162 364, магистратурага 10 425 ўрин ажратилган.

Бу йил 91 та ОТМга бакалавриат йўналиши бўйича 1 миллион 484 минг нафар абитуриент ҳужжат топширган бўлиб, бу ўтган йилгига нисбатан 39 фоиз кўп. Битта ўринга 10,6 та талабгор тўғри келмоқда.

Магистратура йўналишида 72 та таълим даргоҳига 78 минг 720 нафар ёки ўтган йилгига нисбатан 3 баробар кўп ҳужжат топширилган. Умуман, қабул квоталари 2016 йилгига нисбатан 3 маротаба ортган.

Мутасадди вазирлик ва идораларга стадионларни тест синовларига пухта тайёрлаш, уларнинг дислокацияси бўйича абитуриентларни тўлиқ хабардор қилиш юзасидан кўрсатмалар берилди, дейилади президент матбуот-хизмати хабарида.

213