Пограничник на смотровой вышке. Граница Кыргызстана

Бишкекда намойишчилар Тожикистон билан зиддиятларнинг олдини олишни талаб қилмоқда

411
Юзга яқин одам Бишкекнинг марказий Ала-Тоо майдонига йиғилди. Намойишчилар Тожикистон билан чегарада можароларнинг олдини олишни талаб қилмоқда.

ТОШКЕНТ, 15 янв – Sputnik. Бишкекдаги намойишчилар Тожикистон билан чегарада можароларнинг олдини олишни талаб қилмоқда, деб хабар қилди РИА Новости мухбири.

10 январ куни Қирғизистоннинг Кўктош қишлоғи атрофида номаълум шахслар чегара пунктига келган қирғизларнинг уйлари ва бир нечта машиналарга тош отишди, ҳодиса жойига етиб келган чегарачиларга нисбатан кичик калибрли қуролдан ўқ узишди. Вазирлик маълумотларига кўра, ўт Тожикистон томонидан отилди. Бироқ, Душанбенинг версиясига кўра, воқеани қирғиз томони қўзғатди. Тожикистон чегара қўшинларига кўра, кечаси қирғиз томони Исфара ички ишлар бошқармаси ходимининг машинасига қарата ўқ узган. Шанба куни ўша ҳудудда икки давлатнинг чегарадош қишлоқлари аҳолиси ўртасида отишма бўлиб, натижада томонлар бир-бирини тошбўрон қилишган. Шундан сўнг, безорилик ва тартибсизликларда иштирок этишда айбланиб, Қирғизистон ҳуқуқ-тартибот идоралари Баткен вилоятининг тўрт нафар фуқаросини ҳибсга олдилар. Қирғизистон президенти Сооронбай Жээнбеков чегарани делимитизация қилиш бўйича ишларни тезлаштиришни талаб қилди.

Чоршанба куни юзга яқин одам Қирғизистон пойтахтининг марказий Ала-Тоо майдонига йиғилди. Улар расмийлардан Тожикистон билан чегараолди муаммоларни ҳал этишни ва зиддиятларнинг олдини олишни талаб қилмоқдалар. Намойишчилар шунингдек, ҳарбий блокини бошқарувчи Бош вазир ўринбосари Жениш Разаковнинг истеъфосини ва қўлга олинганларни зудлик билан озод қилишни талаб қилмоқда.

"Чегарадаги муаммоларни тинч йўл билан ҳал қилиш бизнинг умумий манфаатларимиз. Ҳукумат бу йўналишдаги ишларни тезлаштириши керак", - деди фаоллардан бири РИА Новости’га.

Шунингдек, митинг иштирокчилари тожикистонлик фуқароларнинг давлат чегараларининг мунозарали участкаларида "судралувчи миграция" ни тўхтатишни талаб қилишди.

Давлат чегарасининг қирғиз-тожик қисми вақти-вақти билан маҳаллий аҳоли ёки икки мамлакат чегарачилари ўртасидаги зиддият зонасига айланади. Асосий сабаб - бу чегара айнан қаердан ўтганлигини аниқлаб бўлмайдиган чегара ҳудудлари.

411
Меган Маркл

"Бу ҳақда гаплашиш муҳим": Меган Маркл боласини йўқотгани ҳақида сўзлади

86
Меган Марклнинг сўзларига кўра, кулфат ва оғриқ билан боғлиқ муаммоларни муҳокама қилиш муҳим аҳамиятга эга, чунки бу ўша қайғу юкини енгиллаштиришга ва суянч топишга ёрдам беради

ТОШКЕНТ, 25 ноя - Sputnik. Британия шаҳзодасиГаррининг турмуш ўртоғи Меган Маркл яқинда боласидан жудо бўлди, у бу ҳақда The New York Timesдаги колонкада маълум қилган.

Маълум бўлишича, бу июль ойида юз берган, аммо герцогиня Сассекскаянинг ҳомиладорлиги ўша вақтда кенг жамоатчиликка маълум қилинмаган эди.

"Ўғлимни каравот остидан олиб чиқиш олдидан сочларимни "хвост" қилиб йиғдим. Унинг таглигини алмаштириб, кескин титроқни ҳис қилдим. Мен у билан полга ётиб, иккимизни ҳам тинчлантириш учун алла айта бошладим, аммо куйнинг оҳанги ич-ичимдан сезаётган ҳавотирли туйғуга сира мос эмасди. Биринчи фарзандимни бағримга маҳкам қучган вақтимда, иккинчисини йўқотаётганимни англадим. Орадан бир неча соат ўтгач, касалхона койкасида турмуш ўртоғимнинг қўлидан ушлаганча ётардим. Мен унинг ёпишқоқ кафтини сезардим, кўз ёшларимиз ёмғиридан нам бўлиб кетган бармоқлари бўғинларидан бўса олдим",  деб ёзади Меган.

Унинг сўзларига кўра, кулфат ва оғриқ билан боғлиқ муаммоларни муҳокама қилиш муҳим аҳамиятга эга, чунки бу ўша қайғу юкини енгиллаштиришга ва суянч топишга ёрдам беради

"Хонадаги юз аёлдан 10-20 нафари боласидан ҳали у туғилмай жудо бўлган. Аммо, ушбу оғриқнинг лол қолдирувчи умумийлигига қарамасдан, у ҳақда гапириш (мутлақо асоссиз) уятга қоришиб кетган табулигича қолмоқда, фарзандини йўқотган аёл бу мушкулотни танҳо енгишга ҳукм қилинмоқда", - дея хотима қилган у.

Эслатиб ўтамиз, 2019 йилнинг май ойида британия шаҳзодаси Гарри ва унинг рафиқаси Меган Маркл ва ниҳоят янги туғилган фарзандларини кўрсатишган эди.

Меган Марклнинг ўғли - Арчи Маунтбеттен-Виндзор тахт ворислари линиясида еттинчи ўринни эгаллади, у қиролича Елизавета иккинчининг саккизинчи эварасидир.

86
Американский эсминец Джон Маккейн

Британия газетаси АҚШ кемаси туфайли “жаҳон уруши хавфи” ҳақида хабар қилди

260
(Янгиланган 18:48 25.11.2020)
Россия қирғоқлари яқинида Америка ҳарбий кемаларининг ҳаракатлари жаҳон урушигача бўлган хавфли оқибатларга олиб келиши мумкин - Daily Express.

ТОШКЕНТ, 25 ноя — Sputnik. Россия қирғоқлари яқинида Америка ҳарбий кемаларининг ҳаракатлари жаҳон урушигача бўлган хавфли оқибатларга олиб келиши мумкин, деб ҳисоблайди Daily Express журналисти Пол Уитерс. РИА Новости хабарига асосан.

Мақола муаллифининг сўзларига кўра, сўнгги кунларда АҚШ денгиз кучлари билан боғлиқ иккита муҳим воқеа юз берди: хусусан, 23 ноябрь куни “Donald Cook” ҳарбий кемаси НАТОнинг ҳарбий операцияси доирасида – “денгизда хавфсизликни таъминлаш" мақсадида Қора денгизга келди. Куни кеча эса "John McCain" кемаси Буюк Пётр кўрфазидаги Россия чегарасини ноқонуний кесиб ўтди.

"Учинчи жаҳон уруши хавфи Россия ҳарбий кемаси Америка ҳарбий кемасини ҳайдаб юборгандан сўнг яна авж олди, бу эса Москванинг ишонтиришича, кема Буюк Пётр кўрфазидаги Россия чегарасини ноқонуний кесиб ўтди", - дейилади мақолада.

Эслатиб ўтамиз, куни кеча Тинч океан флотининг "Адмирал Виноградов" катта кемаси Буюк Пётр кўрфазида АҚШ ҳарбий-денгиз кучларининг "John McCain" эсминеци томонидан Россия Федерацияси давлат чегарасини бузганлик ҳолатини қайд этди.

Россия ҳарбийлари АҚШ кемасини ҳайдаш учун таран маневридан фойдаланишлари мумкинлиги айтилди. Шундан сўнг "John McCain" кемаси нейтрал сувга қайтиб кетди.

260
Работа автосалонов в Омске

Тошкентда “автошина олиб келишни” ваъда қилган фирибгарга жиноят иши очилди

36
Автомобиль шиналарини олиб келишни ваъда қилиб, ваъдасида турмаган шахсга нисбатан жиноий иш қўзғатилди.

ТОШКЕНТ, 25 ноя — Sputnik. Тошкентда автомобил шиналарини олиб келишни ваъда қилган фирибгарга жиноят иши очилди, деб хабар қилди пойтахт ИИББ матбуот хизмати.

Хабарда айтилишича, Шайхонтоҳур тумани ИИО ФМБга 27 ёшли Асрол К. мурожаат қилиб, 2019 йилнинг ноябрь ойида унга Польшадан автомобиль шиналарини олиб келишини ваъда қилган ва “хизмати” учун 40.000 АҚШ доллари олган 46 ёшли Алишер Ш.га нисбатан чора кўришни сўради.

Алишер Ш. ваъдасига хилоф тарзда пулларни ўз эҳтиёжига сарфлаб юборган.

Мазкур факт асосида Ўзбекистон Жиноят кодексининг 168 моддаси 4 қисми (“Фирибгарлик”) бўйича жиноий иш қўзғатилди.

36