Сотрудники правоохранительных органов в селе Кой-Таш во время спецопрации по задержанию бывшего президента КР Алмазбека Атамбаева

Собиқ президент уйини штурм қилиш операцияси: Атамбаевга айблов хулосаси тайёрланди

328
(Янгиланган 15:32 25.02.2020)
2019 йил 7 август кечқурун Қирғизистон МХХҚ кучишлатар бўлинмаси Қўй-Тош қишлоғида Алмазбек Атамбаевни қўлга олиш операциясини амалга оширишга ҳаракат қилди. Бироқ штурм унинг тарафдорлари томонидан қайтарилди.

ТОШКЕНТ, 25 фев – Sputnik. 25 февраль, сешанба куни прокуратура Қўй-Тош қишлоғида юз берган воқеалар юзасидан қўзғатилган жиноий иш фигуратларига айблов ҳужжатлари тақдим этди. Бу ҳақда Sputnik Қирғизистон хабар қилди.

Собиқ президентнинг маслаҳатчиси Кундуз Жолдубаева Facebook’даги саҳифасида 14 кишилик айбланувчилар рўйхатини эълон қилди: улар орасида Алмазбек Атамбаев; Фарид Ниязов; Равшан Жээнбеков; Ирина Карамушкина ва бошқаларнинг исмлари келтирилган. 491 варақда айблов хулоса тақдим этилган.

Таъкидланишича, тергов билан ҳамкорлик қилишга истак билдирган кишилар алоҳида иш юритувга ажратилган.

Қўй-Тош воқеалари

2019 йил 7 август кечқурун Қирғизистон МХХҚ кучишлатар бўлинмаси Қўй-Тош қишлоғида Алмазбек Атамбаевни қўлга олиш операциясини амалга оширишга ҳаракат қилди. Бироқ штурм унинг тарафдорлари томонидан қайтарилди. Бир нафар спецназ ходими ҳалок бўлди.

Келаси кун ИИВ операция ўтказди ва оқибатда сиёсатчи таслим бўлди.

Алмазбек Атамбаев МХХҚ СИЗОга жойлаштирилди, шунингдек, унинг тарафдорлари ҳибсга олинди. Воқеа жойда собиқ президентнинг маслаҳатчиси Жолдубаева ҳам бўлган.

328
Мавзу:
Қирғизистон собиқ президенти Алмазбек Атамбаев қўлга олиниши (47)
Похороны человека, скончавшегося от COVID-19

Дунёда COVID-19га чалинганлар сони 12 миллиондан ошиб кетди

90
Университет маълумотларига кўра, бутун дунёда коронавирусга чалинганлик ҳолатлари 12 007 327тага етган, COVID-19 қайд этилган 548 799 бемор вафот этган.

ТОШКЕНТ, 9 июл — Sputnik. Жаҳонда COVID-19га чалинганлар сони 12 миллиондан ошиб кетди. Бу ҳақда американинг Жонс Хопкинс университети хабар қилмоқда.

Университет маълумотларига кўра, бутун дунёда коронавирусга чалинганлик ҳолатлари 12 007 327тага етган, COVID-19 қайд этилган 548 799 бемор вафот этган.

Шу билан бирга 6 533 436 киши соғайишга муваффақ бўлган.

Ўзбекистонда куни кеча, 8 июль куни, коронавирус инфекцияси қайд этилганлар сони 11 092 нафарга етди.

Республика Махсус комиссияси қарорига мувофиқ, Ўзбекистонда коронавирус билан боғлиқ эпидемиологик вазиятнинг ёмонлашуви туфайли карантин чоралари кескин кучайтирилади.

Республика ҳудудида 10 июлдан 1 августга қадар карантин чоралари кескин кучайтирилади: автотранспорт ҳаракати ва йирик жамоат объектлари фаолияти чекланади. 

 

90
Аппарат для ИВЛ

Қозоғистоннинг Жамбил вилояти Ўзбекистондан ёрдам сўради

697
(Янгиланган 17:58 08.07.2020)
Қозоғистоннинг Жамбил вилоятида сунъий нафас олдириш аппарати етишмайди. Вилоят Россия ва Ўзбекистон билан ушбу тиббиёт ускуналарини етказиб беришга оид музокаралар ўтказмоқда.

ТОШКЕНТ, 8 июл — Sputnik. Қозоғистоннинг Жамбил вилоятида сунъий нафас олдириш аппарати етишмайди. Вилоят ҳокими Бердибек Сапарбаев Россия ва Ўзбекистон билан ушбу тиббиёт ускуналарини етказиб беришга оид музокаралар ўтказилаётганини маълум қилди.

“Вилоятда 148 дона сунъий нафас олдириш аппарати бор. Бу етарли эмас. Ҳозир биз Россия, Ўзбекистон билан ишламоқдамиз. Яқин кунларда яна 50 дона шунақа аппаратларни олишимиз режалаштирилмоқда”, - деди Сапарбаев. Унинг сўзларидан Sputnik Қозоғистон нашри иқтибос келтирган.

Қозоғистоннинг Жамбил вилоятида коронавирус пандемияси бошлангандан буён 1866 та касалланиш ҳолати аниқланган. Беморларнинг 598 нафари тузалиб кетган. Уч киши вирус қурбонига айланган.

Россия хорижга 600 та сунъий нафас олдириш аппаратини, жумладан, Ўзбекистонга етказиб берди

Эслатиб ўтамиз, аввалроқ Фарғона вилояти Қирғизистоннинг Боткен шаҳрига инсонпарварлик ёрдами жўнатгани хабар қилинган эди.

697
Теглар:
коронавирус, Қозоғистон, Ўзбекистон
Шикарный вид на минареты с сада

Ўзбекистонда барча масжидлар фаолияти яна тўхтатилмоқда

0
Республика махсус комиссияси қарори билан Ўзбекистонда 1 августга қадар барча масжидлар фаолияти яна тўхтатилади.

ТОШКЕНТ, 9 июл — Sputnik. Республика махсус комиссияси қарори билан 2020 йил 10 июлдан эътиборан 1 августга қадар диний ташкилотлар, жумладан, масжидлар фаолияти тўхтатилмоқда.

“Вазирлар Маҳкамаси ҳузуридаги Дин ишлари қўмитаси Ўзбекистон мусулмонлари идораси ва бошқа диний конфессияларнинг таклифларини инобатга олган ҳолда республикадаги эпидемиологик вазиятдан келиб чиқиб 2020 йил 10 июлдан 2020 йил 1 августга қадар диний ташкилотлар фаолияти тўхтатилмоқда”, - дейилган хабарда.

Эслатиб ўтамиз, аввалроқ Ўзбекистондаги “яшил” ҳудудларда 8 июндан бошлаб масжидларда қатор қоидаларга риоя қилган ҳолда намоз ўқишга рухсат берилган эди. Бироқ оммавий диний тадбирлар (жума намози, якшанба ибодатлари ва бошқалар) ташкил этиш тақиқланган эди. Кеча ИИВ ахборот хизмати раҳбари Шоҳрух Ғиёсов республикадаги барча ҳудудлар “қизил”га айлантирилишинини маълум қилган эди.

0