Бывший президент Кыргызстана Алмазбек Атамбаев

Алмазбек Атамбаевнинг суд мажлисида мазаси қочди

1003
Қирғизистоннинг собиқ президенти Алмазбек Атамбаевни адвокатини айтишича, унинг саломатлиги кескин ёмонлашган

ТОШКЕНТ, 23 мар — Sputnik. Суд мажлиси давомида собиқ президент Алмазбек Атамбаевнинг соғлиги ёмонлашган ва натижада суд жараёни кейинга қолдирилган, деб хабар қилди Sputnik Қирғизистон адвокат Замир Жоошевга таянган ҳолда.

"Суд эрталаб бошланди. Мажлис тушлик учун танаффусга тўхтатилганида, Атамбаевни қўриқчилар олиб кетди. Улар Атамбаевнинг соғлиги ёмонлашганини айтишди. Атамбаев қон босимидан шикоят қилмоқда", - деди у.

Атамбаевнинг адвокати шунингдек, судга ГНКБ СИЗОси тиббий-санитар хизмати томонидан ҳимоясидаги шахснинг соғлиги ёмонлашгани ҳақидаги актни тақдим этган.

Кейинги суд мажлиси 30 мартга қолдирилган.

Таъкидлаш жоизки, бу Кой-Тошдаги воқеалар юзасидан ўтказилаётган биринчи суд мажлиси эди.

Эслатиб ўтамиз, ўтган йилнинг 7-8 август кунлари Қирғизистон махсус хизматлари собиқ президентнинг тарафдорларига нисбатан махсус воситаларни қўллаган эди.

Ўшанда Атамбаевнинг тарафдорлари спецназга жавобан ўт очган ва шу боис, биринчи куни собиқ президентни қўлга олишнинг имкони бўлмаган. Атамбаевнинг тарафдорлари олти нафар спецназ жангчиларини асир олган.

Эртаси куни тарафдорлар ва куч тузилмаси вакиллари ўртасида яна тўқнашув юз берган ва жанг эрталабгача давом этган. Натижада, Атамбаевнинг ўзи куч тузилмаларига таслим бўлган.

Қирғизистон парламенти Атамбаевни август ойидаги тартибсизликлар учун жавобгар, деб топган.

Тўқнашувлар вақтида 136 киши жароҳатланган ва бир нафар спецназ ходими ҳалок бўлган.

1003
Мавзу:
Қирғизистон собиқ президенти Алмазбек Атамбаев қўлга олиниши (45)

Қуддусдаги Ал-Ақсо масжиди ибодат учун очилди

103
Қуддусдаги Ал-Ақсо масжиди ислом дунёсидаги муқаддас жойлардан бири саналади. У коронавирус туфайли 70 кун олдин ёпилган эди.

ТОШКЕНТ, 31 май — Sputnik. Коронавирус туфайли ёпилган Қуддус шаҳридаги Ал-Ақсо масжиди 70 кундан сўнг ибодат учун ўз эшикларини очди. Бу ҳақда WAFA агентлиги хабар қилмоқда.

“Қуддусдаги Ал-Ақсо масжиди бугун тонгда коронавирус туфайли 70 кун ёпилгандан сўнг очилди”, - дейилган хабарда.

Масжид директори Умар ал-Кисвани масжид Соғлиқни сақлаш вазирлиги тавсияларига амал қилган ҳолда очилганини маълум қилган.

Ал-Ақсо масжиди мўмин-мусулмонлар учун Макка ва Мадина шаҳарларидаги Масжидул Ҳаромлардан кейинги учинчи улуғ қадамжо ҳисобланади.

103

Трамп G7 саммитини сентябрга кўчирди ва унга Россияни таклиф қилиш ниятида

228
(Янгиланган 15:28 31.05.2020)
АҚШ президенти “Катта еттилик”ни “мамлакатларнинг жуда эскирган гуруҳи” деб атаган ва учрашувга яна тўртта давлатни таклиф қилиб, унинг форматини кенгайтирмоқчи эканини маълум қилган.

ТОШКЕНТ, 31 май — Sputnik. АҚШ президенти Дональд Трамп G7 саммитини июндан сентябрга қолдиришга қарор қилгани ва унга Россияни таклиф қилмоқчи эканини маълум қилди. Бу ҳақда CNN телеканали хабар қилди.

“Мен уни  қолдиряпман, чунки G7 дунёда юз бераётган ҳодисаларни тегишли равишда тақдим этаётганини ҳис этмаяпман. Бу жуда эскирган мамлакатлар гуруҳи”, - деган Трамп.

У саммитга яна тўрт мамлакатни таклиф этмоқчи эканини қўшимча қилган: Россия, Австралия, Ҳиндистон ва Жанубий Кореяни.

Ўз навбатида, Оқ уйнинг стратегик коммуникациялар бўйича директори Алисса Фараҳнинг сўзларига кўра, саммитнинг кенгайтирилган таркиби Хитой билан боғлиқ масалаларни муҳокама қилишга имкон беради.

G7 саммитини 10-12 июнь кунлари ўтказиш режалаштирилган эди. Кейинчалик июнь охирида бўлиб ўтиши айтилган эди. 

228

Crew Dragon парвозининг ёрқин кадрлари 2,5 дақиқада видео

0
(Янгиланган 20:40 31.05.2020)
Илон Маскнинг SpaceX компанияси инсоният тарихида илк бор фазогирларни космосга учирди. Бортида иккита астронавт бўлган Crew Dragon кемаси 30 май куни Флоридадаги Кеннеди космик марказидаги майдончадан муваффақиятли парвоз қилди.

Шу тариқа, тарихда илк бор одамзод космосга хусусий компания томонидан учирилмоқда.

2011 йилдан буён NASA астронавтлари Халқаро космик станцияга фақат Россиянинг “Союз” кемаларида олиб чиқилган.

Ушбу парвоз дастлаб 27 май кунига мўлжалланган эди. Бироқ об-ҳаво ноқулай бўлгани туфайли парвоз бошқа кунга қолдирилган эди.

Crew Dragon орбитада тахминан 19 соат бўлиши кутилмоқда.

0