Монумент Независимости Туркменистана в Ашхабаде.

Туркманистон ЖСТга кузатувчи давлат мақомида киришни режалаштирмоқда

239
(Янгиланган 16:37 06.05.2020)
ЖСТга Ашхабод томонидан ташкилотда кузатувчи мақомини олиш бўйича олиб борилган ишлар тўғрисида маълумот берилди.

ТОШКЕНТ, 6 май - Sputnik. Туркманистон ЖСТ Бош кенгашининг навбатдаги йиғилишида Жаҳон савдо ташкилотида кузатувчи мақомини олиш истагида, дея хабар қилди РИА Новости чоршанба куни "Нейтральный Туркменистан" газетасига таяниб.

Ушбу масалалар БМТнинг Женевадаги бўлинмаси қошидаги Туркманистоннинг доимий ваколатхонасининг Жаҳон савдо ташкилоти экспертлари билан онлайн музокараларида муҳокама қилинди.

ЖСТ вакилларига Ашхабод томонидан ташкилотда кузатувчи мақомини олиш бўйича олиб борилган ишлар тўғрисида маълумот берилди. Хусусан, туркманистонлик вакиллар Туркманистоннинг ЖСТга кириши бўйича Ҳукумат комиссиясининг жорий йил 14 апрел ва 4 май кунлари бўлиб ўтган йиғилишлари тўғрисида айтиб беришди.Учрашувлар натижаларига кўра, Туркманистоннинг ЖСТга кузатувчи мақомида кириши миллий иқтисодиётнинг жадал ривожланишига ёрдам беради деган хулосага келинди.

Музокараларда туркман томони иқтисодий сиёсат ва мамлакатнинг ташқи савдо режимига шарҳ тайёрлаганлиги қайд этилди.

"Учрашув давомида Жаҳон савдо ташкилотида Туркманистонга кузатувчи мақомини бериш масаласи ЖСТ Бош кенгашининг навбатдаги мажлиси кун тартибида кўриб чиқилиши мумкинлиги муҳокама қилинди", - деб ёзади "Нейтральный Туркменистан" нашри. Сессия ўтказилиши муддатлари ошкор қилинмаяпти.

Биринчи марта Туркманистоннинг ЖСТга кириши масаласи 2011 йил январ ойида Европа комиссиясининг ўша пайтдаги раҳбари Жозе-Мануэл Баррозу томонидан кўтарилган эди. Ашхабодга ташрифи давомида у президент Гурбангули Бердимуҳамедовга Туркманистонни ушбу ташкилотга кириш учун ариза беришни таклиф қилди.

239
Пассажиры в аэропорту Домодедово имени М. В. Ломоносова

Бир нечта мамлакат фуқаролари учун Россияга кириш тақиқи бекор қилинди

98
Беларусь, Қозоғистон, Қирғизистон ва Жанубий Корея фуқаролари Россияга ҳаво ўтказиш пунктлари орқали киришлари мумкин.

ТОШКЕНТ, 21 сен — Sputnik. Россия Беларусь, Қозоғистон, Қирғизистон ва Жанубий Корея билан мунтазам авиақатновларни тикламоқда. Тегишли қарорга Россия бош вазири Михаил Мишустин имзо чекди.

Юқорида кўрсатилган давлатлар фуқаролари Россияга ҳаво ўтказиш пунктлари орқали киришлари мумкин, россияликлар, ўз навбатида, ушбу мамлакатларга парвоз қилишлари мумкин.

Россия ҳукумати сайтида ёзилишича, рейслар ҳафтасига бир марта амалга оширилади. Самолётлар Нур-Султон (Қозоғистон), Бишкек (Қирғизистон), Минск (Беларусь) шаҳарларига парвоз қилади.

Жанубий Корея билан авиақатнов эса 27 сентябрдан қайта тикланади.

Шунингдек, Россия халқаро авиақатновлар тикланиши муносабати билан чет элдан фуқароларини чартер рейсларда олиб келиш дастурини тўхтатиб қўяди.

Эслатиб ўтамиз, аввалроқ Россия Беларусь, Қозоғистон, Қирғизистон ва Жанубий Корея билан мунтазам авиақатновларни тиклашга қарор қилгани ҳақида хабар қилинган эди.

98
Теглар:
авиапарвозлар, коронавирус, Жанубий Корея, Қирғизистон, Қозоғистон, Беларусь, Россия
Люди в защитных костюмах проводят церемонию погребения человека умершего от COVID-19

ЖССТ Европада COVID-19 билан боғлиқ вазият ёмонлашиши сабабини айтди

372
(Янгиланган 17:25 20.09.2020)
Европанинг қатор мамлакатларида чеклов чоралари юмшатилгани ва чегаралар қисман очилгандан сўнг COVID-19 билан касалланиш ва ундан ўлим ҳолати ўсиши кузатилмоқда.

ТОШКЕНТ, 20 сен — Sputnik. Европада эпидемиологик вазиятнинг ёмонлашиши коронавирусга қарши ҳимоя чораларига риоя қилмаслик билан боғлиқ. Бу ҳақда РИА Новостига Жаҳон соғлиқни сақлаш ташкилотининг (ЖССТ) Белграддаги офиси маълум қилди.

Албания, Босния ва Герцеговина, Словения, Шимолий Македония, Хорватия, Черногория ва ўзини ўзи мустақил деб эълон қилган Косово республикасида июль ва август ойида касаллик камайганидан, чеклов чоралари юмшатилгани ва чегаралар қисман очилгандан сўнг COVID-19 билан касалланиш ва ундан ўлим ҳолати ўсиши кузатилмоқда.

“Эпидемиологик вазиятнинг ёмонлашиши сабаблари фуқаролар томонидан чораларга, айниқса, дам олишда, стадионларда, тунги клубларда, диний ташкилотларда ва байрамларда ва бошқа оммавий йиғилишда риоя қилинмасликдадир. Инфекциянинг олдини олиш ва унинг устидан назорат айрим давлатлар учун жиддий чақириқ бўлди”,  - дейилган хабарда.

Шунингдек, ташкилот барча мамлакатлар бу вазиятга тегишли чоралар билан ҳамда мувофиқлашган ва қатъий равишда муносабат билдириши зарурлигини таъкидлаган.

Сўнгги маълумотларга кўра, дунё бўйлаб коронавирус юқтириб олганлар сони 31 миллиондан ошиб кетган. Қурбонлар сони 963 мингдан зиёд кишини ташкил этмоқда.

372
Теглар:
Европа, коронавирус, ЖССТ
Мавзу:
COVID-19 умумжаҳон пандемияси
Нож в руке. Иллюстративное фото

Тошкентда фуқаро тунги клуб олдида 4 кишини пичоқлади

7
Жанжал вақтида пичоқланган 2 нафар шахс вафот этган, қолган 2 нафарини ҳаёти сақлаб қолинган. Қотилликда гумон қилинган шахс қўлга олинган.

ТОШКЕНТ, 21 сен — Sputnik. Бош прокуратура ижтимоий тармоқларда тарқалган хабар юзасидан расмий баёнот берди. Унда Тошкент шаҳар, Юнусобод туманида қотиллик содир этилганлиги айтилган эди.

Аниқланишича, 2020 йил 20 сентябрь куни соат 06.00 ларда Юнусобод тумани, А.Темур кўчасида жойлашган тунги клубидан чиққан шахслар кўчада турган бошқа бир гуруҳ шахслар билан ўзаро жанжаллашган.

Жанжал вақтида фуқаро С.Х. ёнида бўлган пичоқ билан 4 нафар шахсга бир неча мартотаба тан-жароҳатлари етказиб, ҳодиса жойидан яширинган.

Оқибатда 2 нафар шахс вафот этган, қолган 2 нафарини ҳаёти сақлаб қолинган.

Мазкур ҳолат юзасидан Тошкент шаҳар прокуратураси С.Х.га нисбатан ЖКнинг 97-моддаси 2-қисми “а, л” бандлари, 25,97-моддаси 2-қисми “а, л” бандлари билан жиноят иши қўзғатган. С.Х. процессуал тартибда ушланган.

Тергов ҳаракатлари олиб борилмоқда.

7