Кунашир

Япония ТИВ Жанубий Курил тегишлилиги ҳақидаги тушунчани қайтарди

238
(Янгиланган 14:54 19.05.2020)
Япония Кунашир, Итуруп, Шикотан ва Хабомаи оролларининг кимга тегишлилигига оид иборани “Мовий китобга” қайтарди, уларни ўзиники деб атади.

ТОШКЕНТ, 19 май - Sputnik. Япония Кунашир, Итуруп, Шикотан ва Хабомаи оролларининг кимга тегишлилигига оид иборани қайтарди ва уларни “мамлакатимиз суверенитети жорий этиладиган ороллар” деб белгилади. Бу ҳақда "Киодо" агентлиги хабар қилмоқда. Токиода бу ерларни “шимолий ҳудудлар” деб аташади.

Мамлакат ташқи ишлар вазири Тосимицу Мотэги ҳукумат йиғилишида “Дипломатиянинг мовий китобини” тақдим этди. Бу ҳисобот бошқа мамлакатлар билан ўзаро муносабатларни қамраб олган.

Ўтган йили ушбу ҳужжатдан “шимолий тўртта орол Японияга тегишли” деган ёзув олиб ташланган.

Агентликнинг фикрига кўра, ушбу иборани юмшоқроқ сўз билан алмаштириш Токионинг ҳудудий муаммони ҳал қилиш ва Россия билан тинчлик шартномаси тузиш истаги борлиги, бош вазир Синдзо Абэнинг Россия билан тинчлик битими бўйича доиравий битимларга келиш ниятидан келиб чиққан.

Бироқ, бу депутатлар ва сиёсатчиларнинг консерватив ва мухолиф қисми томонидан танқидга сабаб бўлди.

Нашр фикрига кўра, иборанинг қайтарилиши икки мамлакат ўртасидаги музокаралар жараёнидаги тўхтаб қолиш билан боғлиқ.

“Мовий китоб”, шунингдек, Япониянинг бошқа қўшнилар билан муносабатларини ёритади. Жанубий Кореяга бағишланган бўлимда ўтган йили жиддий мулоқот бўлиб ўтганлиги қайд этилди, аммо бу "муҳим қўшни мамлакат" эканлиги ибораси қайтарилди.

КХДР томонидан ракеталар учирилиши "дунё ҳамжамияти учун жиддий чақирув" деб аталди, аммо Токио ушбу давлат билан олдиндан шартларсиз музокараларга тайёр эканлиги айтилади.

Хитой борасида эса Япония коронавирус туфайли қолдирилган Хитой раиси Си Цзиньпиннинг ташрифи бўйича маслаҳатлашувларни давом эттириш ва "янги босқичдаги етук япон-хитой муносабатларини" қуриш истагида эканлиги ёзилган.

Япония ҳукумати бош котиби Ёсихидэ Суга матбуот анжуманида иборалар "турли вазиятларни ҳисобга олган ҳолда кенг қамровли ечим" асосида қабул қилинганлигини таъкидлаган.

Курил масаласи

Япония 1855 йилдаги савдо ва чегаралар ҳақидаги икки томонлама келишувга асосланиб Кунашир, Шикотан, Итуруп ва Хабомаи жанубий Курил оролларига даъво қилмоқда. 1956 йилда СССР ва Япония қўшма декларацияни имзоладилар. Унда Москва тинчлик шартномаси тузилган тақдирдагина Японияга Хабомаи ва Шикотан оролларини топшириш имкониятини кўриб чиқишга рози бўлган, Кунашир ва Итурупнинг тақдири ҳақида эса бирон гап бўлмаган.

Совет Иттифоқи бу низони тугатишига умид қилган, Япония эса ушбу ҳужжатни барча оролларга даъво қилишдан бош тортмасдан муаммони ҳал қилишнинг бир қисми деб ҳисоблаган. Кейинги музокаралар ҳеч қандай натижага олиб келмади, Иккинчи Жаҳон урушининг натижаси бўйича тинчлик шартномаси имзоланмай қолиб кетди.

Москванинг позицияси шундан иборатки, Жанубий Курил ороллари Иккинчи жаҳон урушидан кейин СССР таркибига киритилган ва улар устидан Россиянинг тегишли тарзда халқаро-ҳуқуқий расмийлаштирилган суверенитети шубҳасиздир.

2018 йилда Абэ Сингапурда бўлиб ўтган саммитдан сўнг томонлар 1956 йилги Совет-Япония декларациясига асосланиб, тинчлик тўғрисидаги ҳужжат бўйича музокаралар жараёнини тезлаштиришга келишиб олди деб баёнот берди. Бу Токио томонидан жиддий ён бериш бўлди, аммо ҳозирга қадар томонлар якуний келишувга эриша олишмаган.

238
Председатель КНР Си Цзиньпин

Лукашенкони биринчи бўлиб Хитой етакчиси табриклади

95
(Янгиланган 13:20 10.08.2020)
Хитой етакчиси Си Цзиньпин биринчи бўлиб Александр Лукашенкони республика президенти сайловидаги ғалаба билан табриклади.

ТОШКЕНТ, 10 авг — Sputnik. ХХР раиси Си Цзиньпин Беларусь президенти Александр Лукашенкони республика президенти сайловида эришган ғалабаси билан қутлади. РИА Новости хабарига асосан.

“Хитой ҳукумати ва халқи номидан, шунингдек ўз номимдан самимий табрик ва энг эзгу тилакларимни изҳор этаман. Ишончим комилки, сизнинг раҳбарлигингиз билан Беларусь давлат қурилиши йўлида янги улкан ютуқларга эришади”, - дейилган табрикда.

Беларусь президенти сайловлари 9 август куни бўлиб ўтди. Дастлабки маълумотларга кўра, сайловда Лукашенко 80,23 фоиз овоз тўплади.

95
Голосование на избирательном участке в Минске на выборах президента Беларуси

Беларусда президент сайловлари дастлабки натижалари эълон қилинди

113
(Янгиланган 11:43 10.08.2020)
Беларусь Марказий сайлов комиссияси президент сайловларининг дастлабки натижаларини эълон қилди. Амалдаги президент Александр Лукашенко 80,23 фоиз овоз олган.

ТОШКЕНТ, 10 авг — Sputnik. Беларусь Марказий сайлов комиссияси президент сайловларининг дастлабки натижаларини эълон қилди. Бу ҳақда Sputnik Беларусь нашри хабар қилмоқда.

Маҳаллий вақт билан соат 9:00 ҳолатига кўра дастлабки натижалар қуйидагича:

  • Александр Лукашенко 80,23%
  • Светлана Тихановская 9,90%
  • Анна Канопацкая 1,68%
  • Сергей Черечень 1,13%
  • Андрей Дмитриев 1,04%

МСК маълумотларига кўра, сайловчиларнинг 6,02 фоизи ҳаммага қарши овоз берган. Сайловда сайловчиларнинг 84,23 фоизи иштирок этган.

Эслатиб ўтамиз, мустақилликка эришган Беларусь тарихидаги олтинчи президент сайловлари 9 август куни бўлиб ўтди.

113
Министр иностранных дел Узбекистана Абдулазиз Камилов

Абдулазиз Камилов “Марказий Осиё + Япония” видеоконференциясида иштирок этади

18
Марказий Осиё мамлакатлари ва Япония ТИВ раҳбарлари мажлисда чоғида коронавирус қарши биргаликда курашишда ҳамкорликни янада ривожлантириш истиқболларини муҳокама қилишади.

ТОШКЕНТ, 10 авг — Sputnik. Ўзбекистон ташқи ишлар вазири Абдулазиз Камилов видеоконференция шаклида “Марказий Осиё + Япония” мулоқоти ташқи сиёсат идоралари раҳбарларининг навбатдан ташқари мажлисида иштирок этади.

ТИВ матбуот хизмати хабарига кўра, мажлис 2020 йил 11 август куни бўлиб ўтади.

Тадбирда, шунингдек, Япония ташқи ишлар вазири Тосимицу Мотэги, Қирғизистон Қозоғистон, Тожикистон ва Туркманистон ТИВ раҳбарлари қатнашади.

Мажлисда чоғида жорий эпидемиологик ҳолат, коронавирус инфекцияси ва унинг оқибатларига қарши биргаликда курашиш масалалари ҳамда пандемия шароитида ҳамкорликни янада ривожлантириш истиқболларини муҳокама қилиш режалаштирилган.

18