Президент Республики Таджикистан Эмомали Рахмон

Раҳмон Тожикистонда касаллик кўпайишининг асосий сабабини айтди

1691
(Янгиланган 14:22 23.05.2020)
Тожикистон президенти Эмомали Раҳмон мамлакатда касалликлар сони кўпайишининг асосий сабабини айтди.

ТОШКЕНТ, 22 май — Sputnik. Тожикистон етакчиси Эмомали Раҳмон куни кеча соғлиқни сақлаш тизими вакиллари билан учрашувда нутқ сўзлаб, мамлакатда коронавирус билан курашиш учун кўрилиши лозим бўлган чора-тадбирларга тўхталди. Sputnik Тожикистон хабарига асосан.

Раҳмон вазирлик ва идораларга коронавирусга қарши кураш чораларини кучайтириш юзасидан топшириқлар берди.

Унинг фикрига кўра, республика аҳолисининг соғлиғига ортиқча вазн салбий таъсир кўрсатаётганини таъкидлади.

"Ортиқча вазн кейинчалик диабет ва қон томир каби касалликларнинг ривожланишига олиб келиши мумкин", - деди Раҳмон.

Президент коронавирус билан касалланиш кам бўлган ҳудудларда одамлар ҳаракатчан, далада ишлаши, ортиқча вазндан азият чекмаслиги, яхши иммунитетга эга эканлигига эътибор қаратиш зарур, деб таъкидлади.

Раҳмон соғлом овқатланиш учун йил бўйи мева ва сабзавотлар борлигини эслатди.

Шунингдек, президент нафақат коронавирусга чалинган беморлар тиббий ёрдамга муҳтожлиги, хавф остида бўлганларга ҳам эътибор бериш зарурлигини алоҳида таъкидлади.

"Коронавирус билан оғриган беморлардан ташқари, тиббий ёрдамга муҳтож бўлган бошқа одамлар ҳам борлигини унутмаслигимиз керак: диабет, юрак хасталиклари билан оғриганлар", - деди давлат раҳбари.

Эслатиб ўтамиз, Тожикистонда 30 апрелда илк коронавирус ҳолати аниқланган. Сўнгги маълумотларга кўра, республикада касаллик аниқланган беморлар сони 2350 тага етди, 44 киши вафот этди.

1691

WhatsApp’да янги функция пайдо бўлди

58
Янгилик билан фойдаланувчиларга иккинчи томон очиб кўриши ва ёзишмалардан чиқиши билан ўчиб кетадиган фото, видео ва анимациялар юбориш имконини беради.

ТОШКЕНТ, 24 сен — Sputnik. WhatsApp᾽да вақтинчалик медиафайллар юбориш имконини берувчи янги Expiring Media функцияси пайдо бўлди. Бу ҳақда “WeBetaInfo” хабар қилди.

Янгилик билан фойдаланувчиларга иккинчи томон очиб кўриши ва ёзишмалардан чиқиши билан ўчиб кетадиган фото, видео ва анимациялар юбориш имконини беради. Бундай имконият фойдаланувчи ўта шахсий медиафайлларини юбормоқчи бўлганда асқотиши тахмин қилиняпти.

Фойдаланувчилар чалғиб кетмаслиги учун йўқолиб кетувчи хабарлар одатийларидан график жиҳатдан фарқ қилади.

Функция дастурнинг Android-смартфонлар учун мўлжалланган бета-версиясида мавжуд. Кейинроқ дастур янгилангандан кейин асосий дастурда ҳам пайдо бўлиши керак.

58
Азиатский тигровый комар

Қонхўр ҳашарот: Туркияда вирус ташувчи хавфли чивинлар пайдо бўлди

107
(Янгиланган 19:16 24.09.2020)
Туркия мутахассислари Истанбулнинг катта туманларида Осиё йўлбарс чивинининг тез тарқалиш ҳолатини қайд этишди.

ТОШКЕНТ, 24 сен — Sputnik. Туркия мутахассислари мамлакатда Осиё йўлбарс чивинининг тез тарқалиш ҳолатини қайд этишди. Бу ҳақда РИА Новости HabberTurk нашрига асосан хабар қилди.

Истанбулнинг катта туманларида хавфли ҳашаротларнинг тўпланиши аниқланди, таъкидланишича, улар илгари ҳудудда бўлмаган. Тадқиқотчиларнинг фикрига кўра, бу турдаги чивинлар ўта мосланувчан.

“Бу чивинлар кун бўйи ҳужум қилади, айниқса одамлар очиқ ҳавода бўлганда. У бошқа чивинларга қараганда анча тажовузкор, сариқ иситма ва Зика вируси каби касалликларни ташиши мумкин", - дейди Истанбул университети доценти Керем Этера.

Унинг сўзларига кўра, бу каби касалликларга чалиниш хавфидан ташқари, Осиё йўлбарс чивинининг чақиши аллергик реакцияни кучайтириб, узоқ вақт қичишиш ва қизаришни келтириб чиқаради.

107

РФда таҳсил олиш учун квота: ўринлар кўпроқ бўлади, тизимнинг ўзи эса ислоҳ этилди

24
(Янгиланган 20:31 24.09.2020)
Россия университетларида қўшни давлатлар ва Болтиқбўйи давлатлари абитуриентларига бепул жойларни тақдим этиш формати ислоҳ қилиниши зарур, деб ҳисоблайди Россотрудничество раҳбари Евгений Примаков.

РФ Давлат думаси депутати Евгений Примаков шу йилнинг июн ойи охирида Россотрудничество раҳбари этиб тайинланди. У дарҳол Россия агентлиги фаолиятида катта ўзгаришларни ваъда қилди. Россотрудничествонинг янги раҳбари оғриқли мавзулардан бири сифатида Россия университетларида чет эл фуқаролари учун таълим олиш учун квоталар ажратиш тизимини белгилади.

“Квоталар сони кўпаяди - президент (РФ етакчиси Владимир Путин - таҳр.) уларнинг сони ошишини айтганди. 2023 йилга келиб квоталар сони икки баравар кўпайиши керак. Аммо Дума ва Таълим ва фан вазирлигидаги ҳамкасблар билан муҳокама қилмоқдамиз, квоталар билан боғлиқ ҳолат жуда ҳам самарали эмас”, - деди Россотрудничество раҳбари Евгений Примаков Sputnik мухбирига.

У мисол тариқасида Беларусни келтирди, республика учун университетларда кўп миқдордаги бюджет ўринлари ажратилган, аммо Россия "Польша билан ҳам рақобатлашиши қийин".

“Польшаликлар нафақат ўқишга имконият беради, балки талабалар учун стипендиялар, грантлар ажратилади. Агар биз ўсмирларга фақат келиб, ўқишни таклиф қилсак, рақобатлашиш қийин. Биз тизимни такомиллаштиришимиз керак, шунда бу квоталарнинг ҳеч бўлмаганда бир қисмида гранд ва стипендиялар пайдо бўлса. Келинглар ва ўқинглар эмас, балки - мана учиш учун чипта, бу уй ёки ётоқхона учун тўлаш имконияти", - деди Примаков.

Россотрудничество Россияга келганда чет эллик талабалар, улар ўқиётган соҳада юқори малакали мутахассис бўлиб етишидан манфаатдор. Таҳсил олгандан сўнг, улар уйларига қайтиб, ўзлари учун муҳим бўлган лавозимларни эгаллайдилар, яхши иш топадилар, деб таъкидлади агентлик раҳбари. Бироқ, амалдаги тизимга биноан кўп ҳоларда бу режалар рўёбга чиқмай қолади.

"Россияга келган йигитлар, оғир аҳволга тушиб қолишади, улар дворник, такси ҳайдовчиси сифатида ишлаш учун чиқишади. Бу бюджет маблағларимиз бу йигитларнинг ўқитишга сарфланиши нуқтаи назаридан ҳам нотўғри", - деб тушунтирди Россотрудничество раҳбари.

Ҳозирча квоталарни ажратиш тизимини ислоҳ қилиш бўйича аниқ режалар йўқ, деб қўшимча қилди, “режалар - аниқ ёки равшанроқ тузилган”, муаммо фақат муҳокама қилинмоқда. Бироқ, ислоҳотсиз иложиси йўқ, деб ишонади Евгений Примаков.

2020 йил бошида Давлат Думасида хорижлик талабалар учун квоталарни 15 мингдан 30 минггача бюджет жойларини ошириш масаласи кенг муҳокама қилинганди. Ўшанда Думанинг МДҲ ишлари, Евроосиё интеграцияси ва ватандошлар билан алоқалар қўмитаси раиси Леонид Калашников 15 минг Россиянинг халқаро роли ва гуманитар кучига мос эмас, деб айтди. Шунингдек, у Польша ва Руминияни мисол сифатида кўрсатди, Польша Беларусь фуқаролари учун 10 минг бюджет жойини ажратади, Руминия эса ҳар йили Молдованинг 5 минг фуқаросини бепул ўқитади. Шу билан бирга, Россияда ўқиш учун чет элликларнинг мурожаатлари сони 100 мингга яқинлашди. Натижада, Таълим ва фан вазирлиги чет эллик талабалар учун квоталар сонини 30 минг кишига этказишни режалаштирмоқда. Шу вақтда Россияда ўқиш учун чет элликларнинг мурожаатларининг сони 100 мингга яқинлашди. Натижада Таълим ва фан вазирлиги квоталар сонини 30 минг кишига етказиш режалаштирмоқда.

24