БССТ коронавирус янги чўққиси ҳақида огоҳлантирмоқда: дунёдаги вазиятга назар

283
COVID-19 билан курашишга умид қилинган безгак касаллигига қарши дори хавфли бўлиб чиқди, Буюк Британия бош вазири эса даволанишдан кейин пайдо бўлган COVID-19нинг салбий таъсири ҳақида маълум қилди. Sputnik шарҳида глобал пандемия тафсилотлари.

ТОШКЕНТ, 26 май - Sputnik. Кун давомида дунёда 100 мингдан ортиқ COVID-19га чалиниш ҳолатлари аниқланди. Юқтириб олганларнинг умумий сони 5 495 061 киши, 346 232 киши вафот этди. Булар Жонс Ҳопкинс университети (АҚШ) маълумотлари.

Америка “карвонбоши”

Кўп мамлакатларда қатъий карантин чоралари аллақачон ўз натижаларини бермоқда ва касалланиш даражаси сезиларли даражада пасайди, бошқаларида юқумли касалликка чалинганларнинг сони кўпайиб, энг чўққисига яқинлашмоқда - шунинг учун глобал статистика ҳозиргача унчалик ижобий эмас.

БССТ маълумотларига кўра, юқтирганлар сони бўйича биринчи ўринда Шимолий ва Жанубий Америка минтақалари жойлашган – 2 395 295. Бу ерда беморлар сони 57 171га, ўлим эса 3 356 га кўпайиб 141 472га етди.

Европада касалланганлар сони 2 025 176 нафар ва 174 429 киши вафот этган. Дунё бўйича касалланган сони бўйича учинчи ўринни Шарқий Ўрта ер денгизи минтақаси эгаллайди. У ерда 427 832 нафар касалланганлар аниқланди, 11 164 нафар қурбонлар қайд этилди.

Хитойда эпидемия деярли ниҳояланди

Апрель ойида пандемия тугаганини эълон қилган Хитойда четдан олиб кирилаётган COVID-19 касалликларига қарши курашни ва вируснинг аломатсиз ташувчиларини аниқлашда давом этишмоқда.

Сўнгги бир кун ичида Хитойда коронавирус билан 7 та инфекцияга чалиниш ва 29 аломатсиз ташувчи аниқланди, тўққиз бемор тузалиб кетди, ўлим ҳолатлари кузатилмади, деб хабар беради ХХР Соғлиқни сақлаш давлат қўмитаси.

Хитойда эпидемия пайтида 82 992 та коронавирусга чалиниш ҳолатлари аниқланган эди, 78 277 киши даво топди, 81 таси касалхонада, 4 634 киши вафот этди. Четдан олиб кирилган ҳолатлар - 1731.

Жонсон кўриш қобилияти сусайиши ҳақида гапирди

Буюк Британия бош вазири Борис Жонсоннинг таъкидлашича, COVID-19 дан даволанганидан сўнг унинг кўриш қобилияти ёмонлашган.

"Мен кўп йиллардан бери биринчи марта кўзойнак тақишимга тўғри келди. Менимча, бу касалликнинг таъсири билиши мумкин", - деди Жонсон брифинг давомида. Кўрсатув эфирга Sky News томонидан олиб борилди.

Бош вазир 27 март куни коронавирус билан касалланганлигини маълум қилди. Ўшандан бери у ўзини ўзи яккалашда бўлди, лекин ишлашни давом эттирди. 5 апрель куни Жонсон касалхонага ётқизилди, унинг аҳволи ёмонлашди, уни жонлантириш бўлимига ўтказишди ва кислородга улаб қўйишди.

Бош вазир 26 апрель куни Даунинг-стрит кўчасидаги Лондон қароргоҳига қайтиб келди ва эртасига ишга киришди.

Германияда вирусга чалинганлар сони кўпайди

Мамлакатда COVID-19 касаллиги бўйича статистик маълумотларни олиб борувчи Роберт Кох Институти маълумотларига кўра, кун давомида Германияда янги турдаги коронавирус аниқланган ҳолатлар сони 432 тага ошди, 45 киши вафот этди. Бир кун олдин статистика яна ҳам умидлантирувчи эди - 289 янги ҳолат ва 10 ўлим.

Институт маълумотларига кўра, ГФРда умумий ҳисобда 179 002 касаллик ҳолатлари қайд этилган, коронавирус билан касалланган 8 302 бемор вафот этган.

Касаллика чалинишнинг энг йирик сони Баварияда қайд этилган - 46 мингдан ортиқ, Шимолий Рейн-Вестфалияда - 37 мингдан ортиқ ва Баден-Вюртембергда - 34,5 минг. Берлинда 6652 та юқтириш ҳолати қайд этилган.

БССТ иккинчи чўққи ҳақида огоҳлантирди

Дунё COVID-19 коронавирус пандемиясининг биринчи тўлқинининг ўртасига етди, деди душанба куни БССТнинг фавқулодда ҳолатлар дастури директори Майк Райан.

"Ҳозирда биз иккинчи тўлқинни эмас, балки биринчи тўлқиннинг ўртасини бошдан кечиряпмиз", - деди БССТ вакили душанба куни бўлиб ўтган брифингда.

Бундай хулосалар Марказий ва Жанубий Америка, Жанубий Осиё ва Африкадаги эпидемиологик вазият таҳлили асосида қилинди.

Райаннинг сўзларига кўра, янги ҳолатлар сонининг камайиши бу тенденция муттасил давом этади дегани эмас.

"Биз ушбу тўлқиннинг иккинчи чўққисини ҳам олишимиз мумкин: ҳудди шу ҳолат ўтмишдаги пандемияларда ҳам бўлган. Испания гриппи пандемиясида. Биз иккинчи чўққига етди, иккинчи тўлқинга эмас", - деди Райан.

БССТ вакили таъкидлашича, шу йил охирроғида, мавсумий грипп билан тенг келиши мумкин бўлган эпидемиянинг иккинчи тўлқини муаммосини ҳал қилиш зарур.

БССТ миссияси Хитойга боради

БССТ коронавируснинг келиб чиқишини ўрганиш учун Хитойга миссия юбормоқда, деди Майкл Райан душанба куни.

Райаннинг айтишича, миссиянинг вазифаси "вируснинг келиб чиқишини тушуниш" бўлади. Унинг таъкидлашича, Хитой ҳукумати бундай ёндашувга тайёр, аммо ташрифнинг аниқ санаси ҳозирча аниқланмаган.

"Барча томонлар вируснинг келиб чиқишини ўрганиш муҳимлигини тушунишмоқда. Унинг келиб чиқишини ўрганиш орқали, келажакда унинг қайта пайдо бўлишининг олдини олишимиз мумкин", - деб қўшимча қилди БССТ бош директори Тедрос Аданом Гебрейесус.

Аввалроқ, ташқи ишлар вазири, ХХР Давлат кенгаши аъзоси Ван И, Хитой ҳукумати БССТ ва илмий ёндашувга асосланиб, коронавируснинг келиб чиқиши ва пандемия сабаблари бўйича халқаро ва холис текширувни қўллаб-қувватлайди.

Гидроксихлорохин синовлари тўхтатилди

Безгакга қарши гидроксихлорохинни коронавирусга қарши дори сифатида синовдан ўтказиш вақтинча тўхтатилди, деб хабар берди душанба куни БССТ бош директори Тедрос Адханом Гебрейесус.

22-май куни The Lancet нашри гидроксихлорин ва хлорохинни COVID-19 га қарши синовлари ҳақида мақола чоп этди, унда ёзилишича ушбу дориларни қўллаш орқали беморлар ўлими ҳолатлари кўпроқ экан.

Май ойи бошида АҚШ президенти Дональд Трамп коронавирусни юқтирмаслик учун гидроксихлорохинни қабул қилаётганини айтган эди.

Гидроксихлорохин – бир неча ўнлаб йиллар давомида мавжуд бўлган безгакка қарши дори воситасидир. Кўп мамлакатларда сўнгги ойларда COVID-19 коронавирусини даволашда ишлатилмоқда.

Европа дори воситалари агентлиги хлорохин ва гидроксихлорохинни COVID-19га қарши клиник тадқиқотлар ва бутун мамлакат бўйлаб фавқулодда вазиятлардан ташқари бошқа ҳолатларда ишлатмаслик кераклигини таъкидлаган.

Манба.

283
Мавзу:
COVID-19 умумжаҳон пандемияси (938)
Вид города Эр-Рияд - столицы Саудовской Аравии

ОАВ: америкалик дипломатлар Саудия Арабистонини тарк этади

422
Нашрнинг ёзишича, яқин кунларда яна бир қанча америкалик дипломатлар Саудия Арабистонини тарк этиши кутилмоқда.

ТОШКЕНТ, 5 июл — Sputnik. Ўнлаб америкалик дипломатлар Саудия Арабистонида коронавирус билан касалланиш тобора кўпаяётгани ортидан подшоҳликни ўз оилалари билан бирга тарк этишмоқда. Бу ҳақда The Wall Street Journal нашри ўз манбасига таянган ҳолда хабар қилмоқда.

Таъкидланишича, АҚШ Давлат департаменти ўтган ҳафта бир неча ходимга мамлакатни тарк этишга рухсат берган. Яқин кунларда яна бир қанча дипломатлар Саудия Арабистонини тарк этиши кутилмоқда.

АҚШ вакилларининг сўзларига кўра, АҚШ элчихонасининг камида 30 ходимида коронавирус аниқланган. Улардан кўпчилиги АҚШ фуқаролари эмас. Улар март ойидан буён уйдан ишлаб келаётганларига қарамасдан вирус юқтириб олишган.

Нашрнинг ёзишича, июнь ойида элчихона ҳайдовчиси коронавирусдан вафот этган. Кейинчалик дипломат оиласи аъзоларидан бири касалхонага қабул қилинмаган. Элчихона аралашишига тўғри келган.

Бир қатор америкалик дипломатлар ҳам Саудия Арабистонидаги коронавирус билан боғлиқ вазиятдан хавотир билдирган ва подшоҳлик ҳукумати янги касалланиш ҳолатлари сонини камайтириб кўрсатиши мумкин деб ҳисобламоқда.

Охирги маълумотларга кўра, Саудия Арабистони дунёда аниқланган коронавирус ҳолати бўйича 13-ўринда қайд этилган. Подшоҳликда 205 мингдан зиёд коронавирус ҳолати аниқланган. 143 мингдан зиёд киши касалликни енгган. 1858 киши вирус қурбонига айланган.

422
Теглар:
Саудия Арабистони, АҚШ, коронавирус
Мавзу:
COVID-19 умумжаҳон пандемияси (938)
Во всех рынках при входе установлены дезинфекционные туннели для посетителей

Коронавирус Марказий Осиёда: Қирғизистон қурбонлар сони бўйича Тожикистонни ортда қолдирди

834
(Янгиланган 18:54 05.07.2020)
Ўзбекистонда ҳафта давомида 12 та ўлим кузатилди, Қозоғистон 14 кунлик қатъий карантин чораларини жорий этди, Қирғизистон ҳолат ва қурбонлар сони бўйича Тожикистонни ортда қолдирди.

ТОШКЕНТ, 5 июл — Sputnik. Сўнгги тақдим этилган маълумотларга кўра, Марказий Осиё давлатларида жами 58 218 та коронавирус билан боғлиқ ҳолат қайд этилган.

Қозоғистон

Қозоғистон ҳукумати республикада эпидемиологик вазият ёмонлашгани туфайли 5 июлдан 14 кунлик қўшимча карантин чеклов чораларини жорий этиш тўғрисида қарор қабул қилди. Мамлакат минтақада ҳолат ва ўлим бўйича ҳамон етакчилик қилмоқда. Қозоғистонда ўтган кун давомида 1452 та янги ҳолат тасдиқланган. Касалланганларнинг умумий сони 47 171 (жумладан, касаллик аломатларисиз ўтаётган беморлар) нафарга етган. Шулардан 15 556 нафари тузалиб кетган. Жами 188 та ўлим ҳолати кузатилган. 29 июндан қайд этилган ўлим ҳолатлари янгиланмаган.

Ўзбекистон

4 июль куни мамлакатда 312 та янги ҳолат аниқланган. Шундан 162 таси карантин муассасаларида, 142 таси аҳоли орасида (шундан 105 таси Тошкент шаҳрида, 36 таси Тошкент вилоятида, 1 таси Бухоро вилоятида), 8 таси халқаро юк ташувчи автомашина ҳайдовчиларида орасида аниқланган. Бир кунда 174 бемор тузалди ва уйларига кузатилди.

2020 йил 5 июль соат 10:00 ҳолатига кўра, Ўзбекистонда коронавирус инфекцияси қайд этилганлар сони 9829 (+121) нафарни ташкил этмоқда.

Республика бўйлаб 6425 нафар (66 фоиз) бемор бутунлай даволаниб чиққан. Мамлакатда эпидемия бошлангандан буён 32 та ўлим ҳолати кузатилган. Ҳафта давомида 12 янги ўлим қайд этилди.

Ўзбекистонда ҳам 1 июлдан карантин чоралари кучайтирилди. Барча ҳудудларида йирик буюм бозорлари ҳамда буюм савдоси билан шуғулланадиган йирик савдо мажмуалари ҳафтанинг шанба ва якшанба кунлари санитария-дезинфекция ишларини амалга ошириш учун ёпилади. “Қизил” ва “сариқ” ҳудудларда соат 07:00 дан 23:00 га қадар жамоат жойларида уч кишидан ортиқ тўпланиш ҳамда 23:00 дан 07:00 га қадар кўчаларда, кўп қаватли уйлар ва ҳовлилар олдида бўлиш тақиқланди. “Қизил” ва “сариқ” ҳудудларда ҳафтанинг шанба ва якшанба кунларида жамоат транспорти ҳаракати камайтирилди.

Қирғизистон

Қирғизистонда сўнгги кунларда коронавирус юқтириб олиш ҳолати кескин кўпайган. Энди мамлакат коронавирус қурбонлари сони бўйича Тожикистонни ортда қолдириб, минтақада иккинчи ўринга кўтарилган.

Касалланганларнинг умумий сони 7377 нафарни ташкил этмоқда. Шулардан 2802 нафари (37,9 фоизи) COVID-19ни енгган. Жами 88 та ўлим ҳолати кузатилган.

Касаллик кундан кунга авж олаётгани боис Бишкек мэрияси ҳозирда маълум сабабларга кўра ишламаётган тиббиёт ходимларидан кўмак беришни сўраган.  

Тожикистон

Тожикистонда минтақада энг охирида (30 апрель куни) коронавирус аниқланган эди. Сўнгги маълумотларга кўра, аниқланаётган кунлик ҳолатлар 50-55 тани ташкил этади. Қайд этиш жоизки, бу минтақадаги бошқа мамлакатларда касаллик авж олаётган вақтда бир неча бараварга камроқ.

Ўтган кун давомида 51 кишида коронавирус аниқланган бўлса, 47 киши дарддан фориғ бўлган.

Коронавирус билан касалланганларнинг умумий сони 6159 нафарга етган. Шулардан 4809 нафари (78,1 фоизи) тузалиб кетишга муваффақ бўлган. Қурбонлар сони эса 52 кишини ташкил этмоқда. Ҳафта давомида қурбонлар сони ўзгармаган.

Туркманистонда эса ҳозирга қадар коронавирус расман қайд этилмаган ва у минтақадаги инфекциядан холи мамлакат бўлиб турибди.

Бутун дунё бўйлаб 11 миллиондан зиёд киши коронавирус юқтириб олган. 6 миллиондан ортиқ киши шифо топган. Қурбонлар сони 530 мингдан ошган.

834
Теглар:
карантин, Туркманистон, Тожикистон, Қирғизистон, Қозоғистон, Ўзбекистон, Марказий Осиё, коронавирус
Текстильные фабрики Uztex Chirchik и Eurotex Global в Узбекистане

Ўзбекистонда карантин вақтида қанча саноат корхонаси ўз фаолиятини вақтинча тўхтатган

14
Ҳудудлар кесимида фаолияти тўхтаб қолган корхоналарнинг энг кўпи Тошкент (4455), Наманган вилояти (2847), Тошкент вилояти (2283) ва Андижон вилояти (2048) ҳисобига тўғри келмоқда.

ТОШКЕНТ, 6 июл — Sputnik. Ўзбекистонда 1 март ҳолатига кўра, 72 524 та саноат корхонаси фаолият юритган. Мамлакатда қаттиқ карантин чоралари жорий этилишни бошлагач, уларнинг 16 670 таси вақтинчалик ўз фаолиятини тўхтатган. Ўзбекистонда 1 март ҳолатига кўра, 72 524 та саноат корхонаси фаолият юритган.

Иқтисодий тараққиёт ва камбағалликни қисқартириш вазирлиги маълумотларига қараганда, фаолиятини тўхтатишга мажбур бўлган корхоналарнинг 20,3 фоизи текстиль соҳасига тегишли, қурилиш материлларини ишлаб чиқариш соҳасида ҳам худди шундай кўрсаткич қайд этилган, озиқ-овқат маҳсулотлари — 18,6 фоиз, чарм, ёғоч ва мебель — 10,5 фоиз, металлургия — 6 фоиз, машинасозлик — 2,6 фоиз, электротехника — 1,4 фоиз, ёқилғи-энергетика соҳаси — 0,5 фоиз ва бошқа соҳалар 19,8 фоизни ташкил этган.

Мазкур корхоналар фаолияти қуйидаги сабабларга кўра тўхтаб қолган: 4754 таси (28,5 фоизи) ходимларга нисбатан карантин талаблари сабаб, 3722 таси (22,3 фоизи) транспорт ҳаракатига ўрнатилган чекловлар натижасида, 2342 таси (14 фоизи) маҳсулотга бўлган талабнинг тушиб кетиши оқибатида, 1400 таси (8,4 фоиз) хом ашё етказиб беришдаги узилишлар, 84 таси (0,5 фоиз) Ўзбекистонга кела олмаган хорижлик мутахассислар ва 4368 таси (26,2 фоизи) бошқа сабабларга кўра ёпилган.

Ҳудудлар кесимида фаолияти тўхтаб қолган корхоналарнинг энг кўпи Тошкент (4455), Наманган вилояти (2847), Тошкент вилояти (2283) ва Андижон вилояти (2048) ҳисобига тўғри келмоқда. Энг паст кўрсаткич Қорақалпоғистонда кузатилган — 37.

1 июль ҳолатига кўра, 16 657 та корхона, яъни уларнинг қарийб 100 фоизи тўлиқ қайта очилишга муваффақ бўлган ва 137,5 минг ходим ўз ишига қайтган.

Апрель ойида ушбу 16 657 та корхона умумий қиймати 893 миллиард сўмга тенг маҳсулот ишлаб чиқарган бўлса, май ойида ушбу кўрсаткич 1,4 триллион сўмни, июнда эса 1,8 триллион сўмни ташкил этган.

14