Тело Владимира Ильича Ленина в Мавзолее В.И. Ленина

Музлатгич ичидаги саёҳат: нима учун Ленин мўмиёсининг қўллари қорайиб кетди

1082
(Янгиланган 00:53 27.06.2020)
Иккинчи Жаҳон урушининг биринчи кунларидаёқ Политбюро Ленин жасадини Тюменга юборишга қарор қилади.

Тобут чинордан ясалди. Тана балзам билан намланган чойшабга ўралди. Устига қалқон қўйишди. Қопқоқ билан ёпишди. Устини михлаб ўтирмадилар. Бир неча кундан кейин тобут очилиши керак эди. 1941 йил 26 июнда Лениннинг жасадини Москвадан эвакуация қилишга қарор қилинди. Sputnik радиоси муаллифи Ольга Бугрова мақоласига асосан.

Урушнинг бешинчи кунида компартия Марказий Комитети Сиёсий бюросининг махфий йиғилиши бўлиб ўтди. “1-рақамли объект”ни Тюменга олиб боришга қарор қилинди. Танадан ташқари юрак ва мияни (алоҳида сақланарди), шунингдек ёдгорликни: 1918 йилдаги суиқасддан кейин Лениннинг елкасидан чиқариб олинган ўқни олишди. 3 июл куни махсус поезд Москвадан жўнаб кетди. Унда нима олиб кетилаётганини ҳатто уни кутиб олишга ҳозирлик кўришаётган жойдагилар ҳам билишмас эди.

Қотил жазирама

Состав уч вагондан иборат бўлган. Вагонларда бирорта ҳам бегона одам бўлмаган. 20 нафар соқчи ва иккала поезд ҳайдовчиси ҳам давлат хавфсизлик хизмати ходими. Ҳарбий бўлмаганлар - биокимёчи Борис Збарский бошчилигидаги шифокорлар гуруҳи эди.

У 1924 йилда Лениннинг танасини бальзамлаган ва салкам 30 йил давомида унинг ҳолатини кузатган. Иккинчи энг қиммат юк - бу иккита музлатгич (ҳарорат -12-15 даража). Збарский музлатиш мосламалари йўлда ишдан чиқиб қолишидан қўрққан, поезддаги иссиқ ҳаво эса унинг "юклари" хавфли эди. Аммо ҳаммаси яхши кечди ва “1-чи рақамли юк”га шикаст етмади. Поезд уч кунда Тюменга етиб борди. Нега айнан шу шаҳарни танлашганини “Горки Ленинские” музей-қўриқхонасининг бош илмий ходими Светлана Генералова таҳмин қилиб кўрди: “Эҳтимол, Политбюро йиғилишида Сталинга ўзининг Сибирга сургун қилиниши бўйича бирор нарса эсига тушиб кетгандир?” Джугашвили ҳақиқатан ҳам Тюменда бўлган - ҳатто раҳбарлик пайтида, сиёсий сургун сифатида бу шаҳар орқали юрган. Аммо бу шаҳар нотўғри танлов бўлди. Июл ойи бошида у ерда, ёпиқ махсус поездга қараганда анча иссиқ эди. Ва Збарскийга маъкул келадиган бино ҳам топилмаган - бўш, алоҳида жойлашган, узлуксиз электр энергияси билан таъминланган: музлатгичлар бир неча ой ёки ҳатто йиллар давомида кун бўйи ишлаши керак эди. Жами 1360 кун ўтди. Лениннинг жасади Тюменда шунча пайт қолиб кетди.

Дам олган ва янгиланган

Сельхозтехникум биносини танладилар. У таъмирланди, электр энергияси узатилди. Ичига Москвадаги Мавзолей сингари “Биринчи рақамли пост” жойлаштирилди - фақат ўта махфийланган. Тўсатдан мўмиёнинг қўллари қора доғларга тўла бошлади. Светлана Генералова айтиб беради:

“Бу замбуруғ бўлиб чиқди. Аниқланишича, Омскдан юборилган тиббий бинт ва халатлар ёмон стерилизация қилинганлиги сабабли пайдо бўлган. Доғларга формалин билан ишлов берилганидан кейин ғойиб бўлди. Тиббий кийим ва асбобларни эса мустақил равишда ўзлари стерилизация қила бошладилар. Бундан ташқари, Збарский Ленин жасадини сингдириш моддаси таркибини яхшилаш устида кўп ишлади. У ўз ишини баҳолаш учун икки марта Москвадан комиссия чақиртирди”.

Айтишларича, Москвадаги июн йиғилишида Сталин: “Ленинни Тюменга олиб боринглар, у ерда унга яхши бўлади”, деган. Москвадан келган биринчи комиссия ҳисоботига қараганда, Лениннинг жасади жуда яхши ҳолатда эди. Светлана Генералова эслатди: ҳужжатда “объект”нинг аъло сақланганлиги қайд этилган. Лениннинг танаси гўёки янгилангандек эди. Москвадагидан ҳам яхшироқ кўринарди.

1082
Президент РФ В.Путин провел российско-белорусские переговоры

Путин сайловдан бир кун олдин Лукашенкога қўнғироқ қилди

167
Давлат раҳбарлари икки мамлакат ўртасида долзарб масалалар, хусусан коронавирусга қарши кураш, Беларусь ҳудудида РФнинг 33 нафар фуқароси қўлга олиниши масалаларини муҳокама қилдилар.

ТОШКЕНТ, 7 авг - Sputnik. Россия президенти Владимир Путин ва Беларусь президенти Александр Лукашенко жума куни телефон орқали мулоқот қилди. Бу ҳақда икки давлат раҳбарининг матбуот хизматлари хабар қилди.

Суҳбат Россия томонининг ташаббуси билан 9 август куни Беларусда яқинлашаётган президент сайловлари, шунингдек республикада 33 нафар Россия фуқароси – гўёки Беларусь Тергов қўмитаси томонидан оммавий тартибсизликларни тайёрлашда гумон қилинаётган хусусий ҳарбий компаниясининг "жангарилари" ҳибсга олингани фонида бўлиб ўтди.

Кремлнинг матбуот хизмати маълумотига кўра, Путин ва Лукашенко россияликларнинг ҳибсга олиниши билан боғлиқ вазият "икки мамлакат ўртасидаги ҳамкорликка хос бўлган ўзаро тушуниш руҳида" ҳал қилинишига ишонч билдирдилар.

"Россия томони Беларусда барқарор ички сиёсий вазият сақланишидан ва бўлажак президент сайловлари тинч муҳитда ўтказилишидан манфаатдор эканлиги таъкидланди", - дейилади баёнотда.

Беларусь Республикаси президентининг матбуот хизмати, Путин, хусусан, "қардош Беларусь-Россия муносабатларини янада ривожлантириш муҳимлигини ва уларнинг ёмонлашишига олиб келиши мумкин бўлган учинчи кучларнинг салбий тенденциялари ва ҳаракатларига қарши туриш зарурлигини" таъкидлаганини маълум қилди.

Давлат раҳбарлари Россия фуқароларининг ҳибсга олиниши билан боғлиқ вазият "жиддий тарзда" ўрганиш зарурлигини таъкидладилар.

"Президентлар мавжуд вазиятнинг асл сабабларини аниқлаш, айбдорларни топиш ва уларни жавобгарликка тортиш учун мавжуд бўлган барча далилларни синчковлик билан ўрганишга келишиб олдилар", - дейилади баёнотда.

Россия ТИВнинг расмий вакили Мария Захарова аввалроқ Беларусда россияликларнинг ҳибсга олиниши атрофидаги вазиятни "спектакль" деб атаган эди. Унинг сўзларига кўра, бу одамлар ўз ватанларига қайтарилиши керак, чунки уларнинг айби исботланмаган.

“Комсомольская правда” жума куни, Беларусь хавфсизлик идоралари томонидан ҳибсга олинган РФ фуқаролари Украина махсус хизматлари уюштирган фитна қурбонлари бўлганини маълум қилди.

167
Социальная сеть TikTok

Трамп TikTok’га қарши уруш бошлади

101
(Янгиланган 15:55 07.08.2020)
АҚШ президенти Дональд Трамп TikTok ва WeChat иловаларининг “таҳдиди”га қарши кураш бўйича фармонни имзолади.

ТОШКЕНТ, 7 авг — Sputnik. АҚШ президенти Дональд Трамп “TikTok ва WeChat иловалари таҳдиди”га қарши кураш тўғрисида фармонни имзолади.

Янги ҳужжат 45 кундан сўнг кучга киради. Улар ByteDance ва Tencent илова ишлаб чиқарувчи компаниялар билан ҳар қандай шартномаларни тузишга чеклов киритади.

Ҳужжатда TikTok ва WeChat АҚШ миллий хавфсизлиги, иқтисодиёти ва сиёсатига таҳдид сифатида кўрсатилган. Таъкидланишича, бу иловалар фойдаланувчи, шу жумладан у жойлашган жойи ва қидирган нарсалар ҳақидаги маълумотларни йиғади.

"Бу Хитойга федерал хизматчи ва шартнома ишчилари ишлайдиган жойларни кузатиб бориш, шантаж қилиш учун шахсий маълумотлар асосида ҳужжатлар тўпламини йиғиш ва саноат жосусликларини амалга оширишга имконини беради", - дейилган ҳужжатда.

Илгарироқ, АҚШ президенти Microsoft ёки Американинг бошқа компанияси 15 сентябргача TikTok’ни сотиб олиши зарурлиги, акс ҳолда, илова мамлакат ҳудудида тақиқланиши ҳақида айтганди.

Microsoft иловани сотиб олиш бўйича музокаралар давом эттиришини тасдиқлаганди. Ҳозирча шартнома нархи аниқланмади, аммо ОАВлар тахминига кўра, 10-30 миллиард долларни ташкил қилиши мумкин.

TikTok – Хитойнинг ByteDance компания томонидан қисқа видеоларни яратиш ва кўриш учун мўлжалланган илова.

101
Сотрудник лаборатории

Ўзбекистонда коронавирус: 7 август асосий хабарлари

106
(Янгиланган 20:08 07.08.2020)
Бир сутка давомида 522 кишида коронавирус аниқланди, Ўзбекистонда коронавирус инфекцияси қайд этилганлар сони 29 057 нафарни ташкил қилмоқда.

ТОШКЕНТ, 7 авг — Sputnik. Sputnik Ўзбекистон республикадаги эпидемиологик вазият тўғрисида асосий хабарларни тўплади.

Бир сутка давомида 522 кишида коронавирус аниқланди, Ўзбекистонда коронавирус инфекцияси қайд этилганлар сони 29 057 нафарни ташкил қилмоқда.

Янги касалланиш ҳолатларининг 197 нафари Тошкент шаҳрида, 23 нафари Тошкент вилоятида, 15 нафари Хоразм вилоятида ҳамда 13 нафари Андижон вилоятида коронавирусга чалинган беморлар билан мулоқотда бўлганлиги сабабли намуна олинган фуқаролар орасида аниқланган.

Даволаниш кўрсаткичи

Бугуннинг ўзида 472 нафар бемор тузалиб, ўз уйларига кузатилди. Республика бўйлаб жами соғайганлар сони 20 059 нафарга етди.

Айни пайтда 8 817 нафар беморга белгиланган стандартлар бўйича даво чоралари кўрилмоқда. Улардан 728 нафари оғир, 217 нафари эса ўта оғир аҳволда.

Ўлим ҳолатлари

Кун давомида коронавирусга чалинган 4 нафар бемор – Тошкент шаҳар  Олмазор туманида яшаган 39 ёшли Б.С. (эркак) ҳамда Учтепа туманида яшаган 68 ёшли Л.К. (аёл), Мирзо Улуғбек туманида яшаган 71 ёшли Н.И. (аёл), Қибрай туманида яшаган 69 ёшли С.Б. (эркак) вафот этди.

Ўзбекистонда жами 181 киши пандемия қурбони бўлди.

Фуқароларни олиб келиш

Россия-Қозоғистон чегарасида тўпланган 1850 нафар фуқаро қайтарилади.

6 август куни Оренбург вилоятининг “Бузулук” станциясидан 920 нафар фуқаро биринчи поезд Ўзбекистонга жўнаб кетди. Иккинчиси 7-август куни Самара вилоятининг “Кинел” станциясидан 930 нафар фуқаро билан жўнайди. Россия-Қозоғистон чегарасида тўпланган жами 1850 нафар Ўзбекистон фуқаролари қайтарилади.

7 август ҳолатига кўра Оренбург ва Самара вилоятларида Россия-Қозоғистон давлатлараро чегараси яқинида Ўзбекистон фуқароларининг тўпланиши кузатилмаяпти.

Кенияга саёҳат

Кения ҳукумати 5 августдан бошлаб ўзбекистонлик туристларга ўз ҳудудига мажбурий карантинсиз киришга рухсат берди. Найроби аэропорти сайтида карантин бекор қилинаётган 126та давлатдан иборат рўйхат эълон қилинган. Ўзбекистон рўйхатда 124 ўринда жойлашган.

Кенияга борадиган туристлар коронавирус йўқлиги қайд этилган инглиз тилидаги маълумотномага эга бўлишлари лозим. Бундай маълумотнома парвоздан 96 соат олдин олиниши лозим.

Тест синовлари

ОТМларга кириш имтиҳонлари 2 сентябрдан бошлаб, 2 ҳафта давомида ўтказилади. Тест синовлари очиқ стадионларда, кунига 2 сменада ташкил этилади. Натижаларни эълон қилишда ўзгариш бўлмайди. Худди ҳар йилгидек тест синовлари ўтказилган кунининг эртасига абитуриентнинг шахсий саҳифасида эълон қилинади.

Тест синовлари учун 155 стадиондан 40 га яқин стадион жалб этилиши режалаштирилган. Стадионнинг соялик даражалари ва бошқа шароитларга эътибор қаратилган. Соябонлар қўйилиши маласига ҳам эътибор қаратилади. Ота-оналар учун кутиш жойлари, шифокорларга шароит яратиш каби ташкилий масалалар ҳал қилинмоқда.

Дунё саломатлиги

Дунё бўйлаб инфекцияни юқтириб олган кишиларнинг сони 19,1 миллиондан ошди, 715 минг киши вафот этди, 11,6 киши тузалди. Энг кўп ҳолатлар АҚШда (4,9 млн), Бразилияда (2,9 млн), Ҳиндистонда (2,0 млн).

 

106
Мавзу:
COVID-19 умумжаҳон пандемияси