Здание правительства Кыргызстана в Бишкеке

Коронавирус Марказий Осиёда: Қирғизистонда вирус президент девонигача кириб борди

380
Қозоғистонда бир ҳафта ичида 55 киши вирус қурбонига айланди, Ўзбекистонда касалланиш ва тузалиш рекорди янгиланмоқда, Тожикистонда 75,7 фоиз бемор тузалди, Қирғизистонда вирус президент девонигача кириб борди.

ТОШКЕНТ, 28 июн — Sputnik. Сўнгги тақдим этилган маълумотларга кўра, Марказий Осиё давлатларида жами 39 052 та коронавирус билан боғлиқ ҳолат қайд этилган.

Қозоғистонда вазият оғирлигича қолмоқда. Мамлакат минтақада ҳолат ва ўлим бўйича етакчилик қилмоқда. Қозоғистонда ўтган кун давомида 461 та янги ҳолат тасдиқланган ва бирданига 16 киши вафот этган. Касалланганларнинг умумий сони 20 780 нафарга етган. Шулардан 12 824 нафари тузалиб кетган. Жами 173 та ўлим ҳолати кузатилган. Ҳафта давомида 55 киши вирус қурбонига айланган. Бундан ташқари, Қозоғистонда касаллик аломатларисиз ўтаётган беморлар сони 15 573 нафарга етган. Бу ҳам ўтган ҳафтага қараганда деярли бир бараварга кўпроқ. Улар алоҳида қайд этилади ва асосий статистикага киритилмайди.

Ўзбекистонда ўтган кун давомида 255 та янги ҳолат аниқланди. Шундан 169 таси карантин муассасаларида, 54 таси аҳоли орасида (39 та Тошкент шаҳрида, 6 та Тошкент вилоятида, 4 та Сирдарё вилоятида, яна 4 та Сурхондарё вилоятида, 1 та Бухоро вилоятида), қолган 32 таси эса халқаро юк ташувчи автомашина ҳайдовчилари орасида аниқланган. Қолаверса, кунлик тузалиш рекорди янгиланган: бир кунда 202 бемор тузалди ва уйларига кузатилди.

Аҳоли орасида коронавирусга чалиниш ҳолати бироз ошган. Масалан, “Ўзбекистон темир йўллари” АЖ ходими, шаҳар  ички ишлар тизими ходими, пойтахтдаги автосарой кондукторида коронавирус аниқланган. Шунингдек, Бухоро давлат университети магистрида (Афғонистон фуқароси), Хоразм вилояти Хонқа туманида яшовчи фуқаро ва унинг 7 нафар оила аъзосида ҳам коронавирус тасдиқланган.

2020 йил 28 июнь соат 10:00 ҳолатига кўра, Ўзбекистонда коронавирус инфекцияси қайд этилганлар сони 7725 (+43) нафарни ташкил этмоқда.

Республика бўйлаб 5240 нафар (67 фоиз) бемор бутунлай даволаниб чиққан. Мамлакатда эпидемия бошлангандан буён 20 та ўлим ҳолати кузатилган.

Тожикистонда минтақада энг охирида (30 апрель куни) коронавирус аниқланган эди. Сўнгги маълумотларга кўра, аниқланаётган кунлик ҳолатлар 70 тага етмайди. Қайд этиш жоизки, бу минтақадаги бошқа давлатларга қараганда бир неча бараварга камроқ.

Ўтган кун давомида 52 кишида коронавирус аниқланган бўлса, 60 киши дарддан фориғ бўлган. Коронавирус билан касалланганларнинг умумий сони 5799 нафарга етган. Шулардан 4391 нафари (75,7 фоизи) тузалиб кетишга муваффақ бўлган. Қурбонлар сони эса 52 кишини ташкил этмоқда.

Қирғизистонда ўтган сутка давомида 309 та янги ҳолат аниқланган. Касалланганларнинг умумий сони 4748 нафарни ташкил этмоқда. Шулардан 2242 нафари (47,2 фоизи) COVID-19ни енгган. 77 та ўлим ҳолати кузатилган. Бу ўтган ҳафтага қараганда 10 тага кўпроқ.

Қирғизистонда коронавирус президент девонигача кириб борган. Жами 26 нафар ходим, жумладан, девон раҳбарида ҳам коронавирус аниқланган.

Туркманистонда эса ҳозирга қадар коронавирус расман қайд этилмаган ва у минтақадаги инфекциядан холи мамлакат бўлиб турибди.

Бутун дунё бўйлаб 10 миллионга яқин киши коронавирус юқтириб олган. 5,4 миллиондан ортиқ киши шифо топган. Қурбонлар сони 500 мингдан ошган.

380
Теглар:
коронавирус, Туркманистон, Қирғизистон, Қозоғистон, Тожикистон, Ўзбекистон
Мавзу:
COVID-19 умумжаҳон пандемияси (1294)
Пожилая женщина на лавочке

Биолог: бошдан кечирилган коронавирус эрта қаришни тезлаштириши мумкин

95
Маълум қилинишича, коронавирус беморларининг 70 фоизида айрим ички органларининг патологияси аниқланган.

ТОШКЕНТ, 2 дек — Sputnik. Коронавирусни бошдан кечиргандан кейинги асоратлардан бири эрта эрта қариш бўлиши мумкин. Бу ҳақда бу ҳақда Жорж Мэйсон университетининг тизимли биология мактаби профессори Анча Баранова РИА Новости билан суҳбатда маълум қилди.

Мутахассис коронавируснинг енгил ва ўрта даражасини бошдан кечирган одамлар соғлиғини кузатган бир гуруҳ шифокорларнинг тадқиқот натижаларига таяниб шундай фикрни билдирган.

Аниқланишича, беморларнинг 70 фоизида айрим ички органларининг патологияси аниқланган. Энг кўп учраган ҳолат ёғли гепатоз (жигар яллиғланиши) ва ошқозоности бези тўқималарининг ёғли дегенерацияси бўлган.

“Одатда бундай ташхислар 60 ёшда қўйилади, коронавирусдан тузалгандан гуруҳида бу 40 ёшдаёқ кузатилган”, - деди Баранова.

У коронавирус инфекцияси “ресурсларни олиб, қариликни яқинлаштириши” ҳақидаги фикри билан ўртоқлашди. Шу билан бирга у касаллик асоратлари янада батафсил ўрганишни талаб этишини таъкидлади

95
Теглар:
эрта қариш, коронавирус пандемияси, коронавирус
Мавзу:
COVID-19 умумжаҳон пандемияси (1294)
Мавзу бўйича
Коронавирусга чалинган беморларда эшитиш қобилияти ёмонлашади - олимлар
Олимлар COVID-19 "қариндошлари"ни топишди – бу Хитойда эмас
Олимлар коронавируснинг заиф жойини аниқлади
Олимлар коронавируснинг энг аниқ 3D-моделини яратишди – видео
Британиялик олимлар узоқ умр кўриш сирини очиб беришди
Коронавируснинг янги аломати айтилди
Макдональдс

“Макдоналдс” 50 йилда илк бор Бигмак рецептини ўзгартирди

70
(Янгиланган 18:04 02.12.2020)
Макдоналдс ўз мухлислари талабларига мувофиқ Бигмак рецептини ўзгартиришга қарор қилди: энди котлеталар орасидаги нон бўлмайди...

ТОШКЕНТ, 2 дек - Sputnik. "Макдоналдс" охирги 50 йилда илк бор ўзининг энг машҳур гамбургери "Бигмак" рецептини ўзгартиришга қарор қилди, Bloomberg хабарига асосан.

Бундан буён фастфуд тармоғи хўрандаларга Бигмакнинг икки хилини таклиф қилади. Уларнинг бирида қийма гўштли котлеталар орасига қўйиладиган нон бўлаги бўлмайди. Иккинчи хил гамбургер эса янада каттароқ бўлади ва унинг калорияси 860 ккалгача ошади.

Хабарда айтилишига кўра, дунёга машҳур фастфуд тармоғи ўз мухлислари талабларига тўлиқ жавоб бериш учун ана шундай қарор қабул қилган. 

70
Национальная валюта Узбекистана — сум

Пенсия таъминотига доир қонун лойиҳаси тайёрланди

472
Молия вазирлиги “Фуқароларнинг давлат пенсия таъминоти тўғрисида”ги Ўзбекистон Республикаси Қонунига ўзгартишлар киритишга доир ҳужжат тайёрлади.

ТОШКЕНТ, 2 дек — Sputnik. Молия вазирлиги “Фуқароларнинг давлат пенсия таъминоти тўғрисида”ги Ўзбекистон Республикаси Қонунига ўзгартишлар киритиш ҳақида Ўзбекистон Республикаси Қонуни лойиҳасини тайёрлаб, умумий муҳокамага қўйди.

Лойиҳанинг асосий мақсади - “Ногиронлиги бўлган шахсларнинг ҳуқуқлари тўғрисида” 2020 йил 15 октябрдаги қонунига асосан, “Фуқароларнинг давлат пенсия таъминоти тўғрисида”ги қонунида белгиланган “ногирон” деган атамани “ногиронлиги бўлган шахс” атамасига алмаштириш.

- меҳнат қобилиятини йўқотган ногиронлиги бўлган шахсга меҳнат қобилияти тикланганлиги ёки узрсиз сабабларга кўра қайта кўрикдан ўтишга келмаганлиги оқибатида пенсияси тўхтатиб қўйилиб, беш йилдан муддатдан сўнг шахсни такроран ногиронлиги бўлган шахс деб эътироф этилганида, амалда бўлган қонунчилик талабларидан келиб чиқиб ногиронлик пенсиясини тайинлаш.

- пенсионернинг вафоти муносабати билан унинг вафот этган ойдаги пенсия пулини оила аъзоларига тўлиқ миқдорда тўлаш.

Таъкидланишича, қонун лойиҳасининг қабул қилиниши Давлат бюджетидан ҳамда Молия вазирлиги ҳузуридаги бюджетдан ташқари Пенсия жамғармасидан йилига 4,4 млрд сўм қўшимча маблағ талаб этилади.

472