Канье Уэст и Ким Кардашьян на Met Gala

Машҳур рэпер АҚШ президенти лавозими учун курашмоқчи

595
(Янгиланган 17:34 05.07.2020)
АҚШда президент сайловлари ноябрь ойида бўлиб ўтиши кутилмоқда. Президент курсиси учун Дональд Трамп ва собиқ вице-президент Жо Байден асосий даъвогар саналади.

ТОШКЕНТ, 5 июл — Sputnik. Рэп йўналишида ижод қилувчи америкалик қўшиқчи Канье Уэст АҚШ президенти пойгасида иштирок этиш ниятида эканини маълум қилди.

“Энди биз Худога ишониб, қарашларимизни бирлаштириб ва келажагимизни барпо этиб Америка умидини рўёбга чиқаришимиз лозим. Мен Қўшма Штатлар президенти лавозимига ўз номзодимни қўяман”, - дея ёзган Канье Уэст твиттердаги саҳифасида.

У айнан қайси йили давлат раҳбари лавозими учун курашмоқчи эканига аниқлик киритмаган. Аммо хабарига #2020VISION хэштегини илова қилган.

Таъкидлаш жоизки, бу рэпернинг шунга ўхшаш биринчи баёноти эмас. Аввалроқ у 2024 йилда президент курсиси учун курашмоқчи экани ҳақида гапирганди.

Уэст илгари Трампнинг фаол тарафдори эканлигини билан маълум эди ва бир неча марта шахсан президент билан учрашган.

Канье Уэст – америкалик рэпер, продюсер, бастакор ва дизайнер.  

Ноябрда режалаштирилган сайловларда президент лавозими учун амалдаги президент Дональд Трамп ва собиқ вице-президент Жо Байден даъвогарлик қилмоқда.

595
Теглар:
сайловлар, Америка

30 миллиондан ошиб кетди. COVID бўйича жаҳон статистикаси янгиланди

30
(Янгиланган 12:43 18.09.2020)
Портал маълумотларига кўра, дунёда ҳозирга қадар коронавирус инфекциясини юқтирган инсонлар сони 30 181 110 нафарга етган. Улардан ярмидан кўпи, коронавирусни юқтирганлар сони энг кўп бўлган учта давлат ҳиссасига тўғри келади.

ТОШКЕНТ, 18 сен - Sputnik. Дунёда пандемия бошланганидан буён аниқланган коронавирус ҳолатлари 30 миллиондан ошиб кетди. Жонса Хопкинс томонидан эълон қилинган маълумотлар шундан далолат бермоқда.

Портал маълумотларига кўра, дунёда ҳозирга қадар коронавирус инфекциясини юқтирган инсонлар сони 30 181 110 нафарга етган. Улардан ярмидан кўпи, коронавирусни юқтирганлар сони энг кўп бўлган учта давлат ҳиссасига тўғри келади.

17 сентябр куни бир суткада дунё бўйича 314 минг киши инфекцияни юқтирган.

Коронавирусга чалиниш ҳолати энг кўп АҚШда аниқланган – 6,6 миллион ҳолат, Ҳиндистонда – 5,2 миллион ва Бразилияда – 4,4 миллион. Россия 17 сентябр ҳолатига кўра 1,08 миллион кўрсаткич билан тўртинчи ўринда келмоқда.

Инфекция оқибатида 945 минг киши вафот этган (қурбонлар сони АҚШ, Бразилия ва Ҳиндистонда энг кўп).

Соғлиқни сақлаш вазирлиги маълумотига кўра, 17 сентябр соат 10.00 ҳолатига кўра Ўзбекистонда коронавирусга чалиниш кўрсаткичи 50 мингга яқинлашган.

30
Утки

Минглаб ўрдаклар далаларни ҳашоротлардан тозаламоқда - видео

75
(Янгиланган 11:11 18.09.2020)
Таиландда минглаб ўрдаклар ҳашоротларга қарши курашиш учун шоли майдонларига олиб чиқилди. Натижада - майдонлар ҳам тоза ўрдаклар ҳам тўқ.

ТОШКЕНТ, 18 сен - Sputnik. Таиландда 10 мингга яқин ўрдаклар шоли далаларини ҳашоротлардан тозлашда ёрдам бермоқда. Ушбу ҳақидаги видео интернетда тарқалди, деб хабар қилмоқда РИА Новости. 

Маълум бўлишича, Накхон вилояти фермерлари ўзаро келишувга кўра шоли далаларини ҳашоротлардан тозалаш мақсадида ўрдаклар армиясидан самарали фойдаланишмоқда. Ўрдаклар 5 ой давомида деҳқонларга далаларни қумусқалардан тозалашда ёрдам беради ва шундан сўнг ўз фермаларига қайтади. 

Фермер Апиват Чалермклин айтишига қараганда ушбу амалиёт иккала томонга ҳам фойда келтирмоқда: деҳқонлар ҳашоротларга қарши турли кимёвий моддалардан фойдаланмайди, паррандачилар эса - қушларни овқатида эконом қилади. 

75